第9部　守護霊（固有のダイモーン）をめぐる問題

Φέρε δὴ οὖν καὶ τὴν πολύτροπον ἀπορίαν τὴν περὶ τοῦ ἰδίου δαίμονος ποικίλαις τε ἀντιλήψεσι χρωμένην ἀπευθύνειν πειραθῶμεν τὸν δυνατὸν ἡμῖν τρόπον. Ὡς μὲν οὖν ἁπλῶς εἰπεῖν, διττῆς οὔσης περὶ τὸν ἴδιον δαίμονα πραγματείας, τῆς μὲν θεουργικῆς τῆς δὲ τεχνικῆς, καὶ τῆς μὲν ἀπὸ τῶν ἄνωθεν αἰτίων αὐτὸν ἐπικαλουμένης, τῆς δὲ ἀπὸ τῶν ἐν τῇ γενέσει φανερῶν περιόδων, καὶ τῆς μὲν οὐδὲν προσχρωμένης γενεθλιαλογίᾳ, τῆς δὲ ἐφαπτομένης καὶ τῶν τοιούτων μεθόδων, καὶ τῆς μὲν ὑπὲρ τὴν φύσιν καθολικώτερον, τῆς δὲ μεριστῶς κατὰ τὴν φύσιν αὐτὸν θεραπευούσης, ἀτόπως μοι σὺ δοκεῖς τὴν τελειοτέραν ἱερουργίαν ἐπὶ τὴν ἀνθρωπίνην ὑπενεχθῆναι, καὶ ἐπὶ ταύτης γυμνάσαι τὰς σαυτοῦ ἐρωτήσεις.

さて、固有のダイモーンについての多様な難問――それはさまざまな反論をも用いている――をも、私たちに可能な仕方で正そうと試みよう。簡単に言えば、固有のダイモーンをめぐる営みは二重である。一方は神働術的、他方は技術的であり、一方は上方の原因から彼を呼び出し、他方は生成のうちの目に見える周期から〔呼び出す〕。一方は出生占星術をまったく用いないが、他方はこのような方法にも手を出す。一方は自然を超えてより普遍的に、他方は自然に即して部分的に彼に仕える。そうである以上、あなたは、より完全な聖なる業を人間的なものへと不適切に引き下ろし、それをめぐって自らの問いを試みたように私には思われる。

Ἔπειτα καὶ ἐνταῦθά μοι φαίνῃ βραχύ τι μόριον τῆς περὶ αὐτὸν πραγματείας ἀποτεμέσθαι· εἰωθότων γὰρ τῶν περὶ τὴν φύσιν ἐργοτεχνιτῶν ἀπό τε τῶν δεκανῶν καὶ τῶν λειτουργῶν, ζῳδίων τε καὶ ἄστρων, ἡλίου τε καὶ σελήνης, καὶ ἀπὸ τῶν ἄρκτων, ἀφ' ὅλων τε τῶν στοιχείων καὶ ἀπὸ τοῦ κόσμου καλεῖν αὐτὸν τεταγμένως, οὐκ ὀρθῶς σὺ κατανειμάμενος ἕν τι βραχύτατον τὸ τοῦ οἰκοδεσπότου μόριον, περὶ αὐτὸ τὰς ζητήσεις ἐποιήσω. Καὶ ἐνταῦθα πάλιν ἀφέ‹με›νος τοῦ προκειμένου καὶ τοῦ διερευνήσασθαι πῶς μὲν ὁ οἰκοδεσπότης αὐτὸν δίδωσι, κατὰ τίνα δὲ ἀτοπίαν ἢ ἀπόρροιαν ἢ ζωὴν ἢ δύναμιν εἰς ἡμᾶς ἀπ' αὐτοῦ καθήκει, περὶ γενεθλιαλογίας ποιῇ τὸν λόγον, εἴτε ὑφέστηκεν εἴτε μή, καὶ περὶ εὑρέσεως τοῦ οἰκοδεσπότου, εἴτε ἀδύνατός ἐστιν εἴτε δυνατή· ταῦτα δὴ τίνα ἔχει λόγον πρὸς τὴν περὶ τοῦ δαίμονος ἐπικράτειαν; δῆλον γὰρ ὡς οὐδὲν διαφέρει πρὸς τὴν οὐσίαν αὐτοῦ τὰ τοιαῦτα τὸ ἡμᾶς εἰδέναι πῶς ὑφέστηκεν. Καὶ γὰρ ἐπὶ τῶν ἐν τῇ φύσει γιγνομένων, κἂν μὴ τυγχάνωμεν ἐπιστάμενοι ‹πῶς› γίγνεται, τὰ ἐν τῷ παντὶ ὅμως ἔχει τὴν οἰκείαν ἕκαστα βεβαιότητα τῆς ἑαυτῶν οὐσίας. Κοινῶς μὲν οὖν οὕτω πρὸς τὰς ἀπορίας ἀπηντήσαμεν· κατ' ἰδίαν δὲ θέντες ὅσα ἐπιζητεῖς, πειρασόμεθα περὶ αὐτῶν ἀποδοῦναί σοι τὰς διαλύσεις.

次に、ここでもまた、あなたは彼をめぐる営みのうちのある小さな部分を切り取ったように私には思われる。というのも、自然をめぐる技術者たちは、デカンからも、奉仕者（レイトゥルゴイ）たちからも、十二宮と星々からも、太陽と月からも、熊座からも、元素の全体からも、宇宙からも、秩序立てて彼を呼び出すのが常であるのに、あなたは〔出生図の〕家の主という、ある一つのきわめて小さな部分を割り当てて、それをめぐって問いを立てたのだから。そしてここでもまたあなたは、目の前の課題、すなわち家の主がどのようにして彼を与えるのか、どのような〔……〕、あるいは流出、あるいは生命、あるいは力によって彼が家の主から私たちへと降ってくるのかを探究することをやめて、出生占星術が成り立つか否か、また家の主の発見が不可能か可能かについて論じている。しかしこれらのことは、ダイモーンの支配に対してどのような関係をもつのか。というのも、彼がどのように存立しているかを私たちが知っていることは、彼の本質に何の違いももたらさないことは明らかだからである。実際、自然のうちに生じるものについても、たとえ私たちがそれが〈どのように〉生じるかを知らないとしても、宇宙のうちのものはそれぞれ、自らの本質の固有の確かさをもっている。それゆえ、私たちは難問に対してこのように共通の仕方で答えた。しかし、あなたが問い求めることを個別に取り上げて、それらについての解決をあなたに与えるよう試みよう。

Φῂς γὰρ δὴ ὡς οὗτος ἦν ἄρα εὐδαίμων ὅστις μαθὼν τὸ σχῆμα τῆς αὑτοῦ γενέσεως τὰ εἱμαρμένα ἐκθύσαιτο γνοὺς τὸν ἑαυτοῦ δαίμονα· ἐμοὶ δὲ δοκεῖς ταῦτα οὐ πάνυ σύμφωνα λέγειν οὔτε αὐτὰ πρὸς ἑαυτὰ οὔτε πρὸς τὴν ἀλήθειαν· εἰ μὲν γὰρ ἀπὸ τοῦ σχήματος τῆς γενέσεως ἀπονενέμηται ἡμῖν ὁ δαίμων, κἀκεῖθεν αὐτὸν ἀνευρίσκομεν, πῶς ἂν ἀπολυσαίμεθα τὰ εἱμαρμένα διὰ τῆς γνώσεως τοῦ καθ' εἱμαρμένην ἡμῖν δοθέντος δαίμονος; εἰ δὲ ἐκθυόμεθα ὄντως τὰ ἀναγκαῖα, ὥσπερ δὴ σὺ λέγεις, διὰ τοῦ δαίμονος, πῶς ἔτι καθ' εἱμαρμένην ἡμῖν συγκεκλήρωται; Μάχεται μὲν οὖν οὑτωσὶ τὰ νῦν εἰρημένα πρὸς ἑαυτά, πρὸς δὲ τὴν ἀλήθειαν διαφωνεῖ· ἐπειδὴ οὐ πάντως ἀπὸ τοῦ σχήματος τῆς ἰδίας γενέσεως ὁ οἰκεῖος ἑκάστῳ δαίμων ἐφήκει, ἀλλ' ἦν τις αὐτοῦ καὶ πρεσβυτέρα ἀρχὴ ταύτης, ἣν εἰσαῦθις μέτιμεν· καὶ διότι εἰ μόνως ἐντεῦθεν ἐθεωρεῖτο κατιὼν ὁ δαίμων, οὐκ ἦν ἄρα εὐδαίμων ὁ τῆς τοῦ γενεσιουργοῦ δαίμονος εὐτυχήσας γνώσεως. Τίς δ' ἂν καὶ ὁδηγὸν αὐτὸν λάβοι πρὸς τὴν τῶν εἱμαρμένων ἔκθυσιν, εἰ ἐπὶ τούτῳ δέδοται, ὥστε ἀποπληρῶσαι τὰ ἀπὸ τῆς εἱμαρμένης ἀπονεμόμενα; Ἔτι δ' ἔμοιγε δοκεῖ μέρος τι τῆς τοῦ δαίμονος θεωρίας καὶ τοῦτο ἔσχατον εἶναι τὸ τοιοῦτον, τὸ δ' ὅλον αὐτοῦ τῆς οὐσίας παραλείπεσθαι κατὰ τὴν τοιαύτην μέθοδον. Ἀλλὰ ταῦτα μέν, εἰ καὶ ψευδῶς εἴρηται, ὅμως οὐκ ἔχει γέ τινα ἀλλοτριότητα, τὰ δ' ἐφεξῆς περὶ τῆς τῶν κανόνων διαριθμήσεως καὶ περὶ τῆς ἐπιστήμης τῆς γενεθλιαλογικῆς ἀπορηθέντα, ὥς εἰσιν ἀκατάληπτοι, οὐδεμίαν ἔχουσι πρὸς τὸ προκείμενον ἀμφισβήτησιν· εἴτε γὰρ γνώριμοι εἴτε ἀκατάληπτοί εἰσιν αἵδε αἱ τέχναι, ὅμως ἡ ἀπὸ τῶν ἄστρων ἀπόρροια ἀπονέμει τὸν δαίμονα, ἄν τε ἡμεῖς γιγνώσκωμεν ἄν τε μή· δύναται δὲ ἡ θεία μαντικὴ διδάσκειν ἡμᾶς περὶ τῶν ἄστρων κατ' αὐτὸ τὸ ἀληθέστατον, καὶ οὐ πάντως δεόμεθα τῆς τῶν κανόνων διαριθμήσεως ἢ τῆς μαντικῆς τέχνης.

というのも、あなたは言う、自らの出生の図形を学び、自らのダイモーンを知って、運命の定めを〔供犠によって〕贖い払う者こそ幸いであった、と。しかし私には、あなたはこれらのことを、それら自身とも真理とも、まったく一致しない仕方で言っているように思われる。というのも、もしダイモーンが出生の図形から私たちに割り当てられ、そこから私たちが彼を見いだすのであれば、運命にしたがって私たちに与えられたダイモーンを知ることによって、どうして私たちが運命の定めから解き放たれえようか。しかしもし、あなたが言うように、私たちがダイモーンを通じて必然を本当に贖い払うのであれば、どうして彼はなお運命にしたがって私たちに割り当てられているのか。 こうして、いま言われたことは、このように自らと争い、真理とも食い違っている。というのも、各人に固有のダイモーンは、まったく固有の出生の図形から来るのではなく、それよりも古い彼の始原があるからであり、それについてはのちに論じるであろう。また、もしダイモーンが下降するのがそこからのみ観照されるのであれば、生成を司るダイモーンの知識を得る幸運に恵まれた者は幸いではないことになるからである。もし彼が、運命から割り当てられたものを満たすためにこそ与えられたのであれば、誰が彼を、運命の定めを贖い払うための導き手として受け取るであろうか。 さらに私には、このようなものは、ダイモーンの観照のうちのある部分、それも最後の部分にすぎず、このような方法によっては彼の本質の全体が見落とされているように思われる。しかし、これらのことは、偽って言われているとしても、それでもまったく無縁というわけではない。しかし続いて、規則の数え上げと出生占星術の学問とについて、それらが把握できないものであるとして提起された難問は、目の前の課題に対して何の争点ももたない。というのも、これらの技術が知られうるものであれ把握できないものであれ、それでも星々からの流出は、私たちが知っていようといまいと、ダイモーンを割り当てるからである。そして神的な占いは、星々について最も真なるものにしたがって私たちに教えることができ、私たちは規則の数え上げや占いの技術をまったく必要としないのである。

Εἰ δὲ δεῖ καὶ τούτων ἀπαλλαγέντας ἐκεῖνο εἰπεῖν, οὐ καλῶς μοι δοκεῖς τὸ ἀδύνατον εἰς γνῶσιν τῆς μαθηματικῆς ἐπιστήμης συλλογίζεσθαι, διότι πολλὴ διαφωνία περὶ αὐτὴν γέγονεν, ἢ ὅτι ὁ Χαιρήμων ἢ ἄλλος τις πρὸς αὐτὴν ἀντείρηκεν. Ἐπεὶ τούτῳ γε τῷ λόγῳ πάντα ἔσται ἀκατάληπτα. Μυρίους γὰρ ἐσχήκασιν αἱ ὅλαι ἐπιστῆμαι τοὺς ἀμφισβητοῦντας, καὶ τὰ ἐν αὐταῖς ἀπορήματα ἀναρίθμητα γέγονεν. Ὥσπερ οὖν πρὸς τοὺς ἐριστικοὺς εἰώθαμεν ἀντιλέγειν, ὅτι δὴ καὶ τοῖς ἀληθέσι τἀναντία πέφυκε διαστασιάζειν καὶ οὐ μόνα τὰ ψευδῆ πρὸς ἄλληλα μάχεται, οὕτω καὶ περὶ τῆς μαθηματικῆς ἀντεροῦμεν, ὡς ὑπάρχει μὲν ἀληθής, οἱ δὲ πλανώμενοι περὶ αὐτῆς οὐδὲν εἰδότες τῶν ἀληθῶν ἀντιλέγουσιν. Συμβέβηκε δὲ τοῦτο οὐ περὶ ταύτην μόνην, ἀλλὰ καὶ περὶ πάσας ἐκ θεῶν παραδοθείσας ἀνθρώποις ἐπιστήμας· προϊόντος γὰρ ἀεὶ τοῦ χρόνου, πολλῷ τῷ θνητῷ καὶ πολλάκις ἀνακεραννύμεναι, ἐξίτηλον τὸ θεῖον ἦθος τῆς γνώσεως ἀπεργάζονται. Ἔνεστι μέντοι καὶ εἰ βραχὺ τοῦτο, ἔστιν ὅμως ἐναργές τι τεκμήριον τῆς ἀληθείας διασώζειν. Ἐπεὶ καὶ τῆς τῶν θείων περιόδων ἀναμετρήσεως ἐν ὀφθαλμοῖς ἐστι κατάδηλα τὰ σημεῖα, ὁπόταν ἐκλείψεις ἡλίου καὶ σελήνης καὶ παραβολὰς πρὸς τοὺς ἀπλανεῖς ἀστέρας τῆς σελήνης προμηνύῃ, καὶ συνομολογουμένη φαίνεται τῇ προσημασίᾳ τῆς ὄψεως ἡ πεῖρα. Οὐ μὴν ἀλλὰ καὶ αἱ διὰ παντὸς τοῦ αἰῶνος σωζόμεναι τῶν οὐρανίων τηρήσεις παρά τε Χαλδαίοις καὶ παρ' ἡμῖν συμμαρτυροῦσι πρὸς τὴν ἀλήθειαν τῆς ἐπιστήμης ταύτης. Ἔχοι δ' ἄν τις καὶ γνωριμώτερα τούτων ἐπιδεικνύναι τεκμήρια, εἰ περὶ τούτων προηγουμένως ὁ λόγος γίγνοιτο· ἀλλ' ἐπεὶ περιττά ἐστι καὶ οὐδὲν προσήκοντα πρὸς τὴν περὶ τοῦ δαίμονος ἐπίγνωσιν, ἀφίημι αὐτὰ εἰκότως. Ἐπὶ δὲ τὰ οἰκειότερα τούτων μέτειμι.

しかし、これらのことからも離れて次のことを言わねばならないとすれば、数理的学問について多くの不一致が生じたから、あるいはカイレモンや他の誰かがそれに反論したからという理由で、それを知ることは不可能であるとあなたが推論するのは、正しくないように私には思われる。というのも、この理屈によれば、すべてが把握できないものとなるであろうから。実際、学問全体は無数の反論者をもち、その中の難問は数えきれないほどになった。それゆえ、論争好きな人々に対して、真なるものにも反対のものが対立するのが本性であり、偽りのものだけが互いに争うのではない、と私たちが反論するのを常としているように、同じように数理的学問についても、それはたしかに真であるが、それについて迷っている人々は真なるものを何一つ知らずに反論しているのだ、と私たちは言い返そう。このことはこの学問についてだけでなく、神々から人間に伝えられたあらゆる学問についても起こった。というのも、時がつねに進むにつれて、それらは多くの死すべきものと何度も混ぜ合わされて、知識の神的な性格を消えゆくものにしてしまうからである。 しかし、たとえわずかではあっても、真理の何か明らかな証拠を保つことはできる。というのも、神的な周期の測定については、〔この学問が〕太陽と月の食や、月の恒星への接近を予告し、その経験が予告されたものと一致することが目に見えるときには、そのしるしは目の前に明らかだからである。それだけでなく、カルデア人のもとでも私たちのもとでも、全永劫を通じて保存されてきた天体の観測が、この学問の真理を証言している。もし議論がこれらについて主題的になされているのであれば、これらよりよく知られた証拠を示すこともできるであろう。しかし、それらは余計であり、ダイモーンの認識には何の関わりもないので、当然ながら省く。そして、これらよりふさわしいことへと移ろう。

Φῂς γὰρ δὴ κατὰ τὸ σὸν γράμμα τῆς ἐπιστολῆς ὡς ἡ τοῦ οἰκοδεσπότου τῆς γενέσεως λῆψις, ἢ τῶν οἰκοδεσποτούντων εἰ πλείους εἶεν ἑνός, σχεδὸν καὶ παρ' αὐτοῖς ὁμολογεῖται εἶναι ἀκατάληπτος, ἀφ' οὗ δή φασιν ἐνεῖναι τὸν οἰκεῖον καταμαθεῖν δαίμονα. Καὶ πῶς ὁμολογεῖται εἶναι παρ' αὐτοῖς ἡ τοῦ οἰκοδεσπότου γνῶσις ἀκατάληπτος, ὁπότε μεθόδους παραδεδώκασι περὶ τῆς εὑρέσεως αὐτοῦ σαφεῖς, ἐπί τε τῶν ἀμφισβητουμένων στοιχεῖα πρὸς τὴν διάκρισιν ἀναδιδάσκουσιν οἱ μὲν πέντε οἱ δὲ καὶ πλείονα τούτων οἱ δὲ ἐλάττονα; πλὴν ἵνα τοῦτο παρῶμεν, ὡς μεῖζον ἔργον ἐπ' ἀμφότερα τὰ συμβαίνοντα σκεψώμεθα· εἴτε γὰρ δυνατὸν εὑρεῖν τὸν οἰκοδεσπότην τῆς γενέσεως, ἔστι δήπου καὶ ὁ ἀπ' αὐτοῦ διδόμενος δαίμων γνώριμος· εἴτε ἀκατάληπτός ἐστιν, ἡμεῖς μὲν αὐτὸν ἀγνοοῦμεν κατά γε τὴν ὑπόθεσιν ταύτην, οὐδὲν δὲ ἧττον ὅ τε οἰκοδεσπότης ἐστὶ καὶ ὁ ἀπ' αὐτοῦ διδόμενος δαίμων. Τί οὖν κωλύει διὰ γενεθλιαλογίας μὲν δύσκολον αὐτὸν εἶναι εἰς εὕρεσιν, διὰ τῆς ἱερᾶς δὲ μαντείας ἢ θεουργίας εὐπορίαν εἶναι πολλὴν εἰς ἐπιστήμην; ὅλως δὲ οὐδὲ ἀπὸ τοῦ οἰκοδεσπότου μόνου ἐνδίδοται, ἀλλὰ πολλαί εἰσιν ἀρχαὶ αὐτοῦ καθολικώτεραι ἢ κατὰ τὸν οἰκοδεσπότην. Ἔτι δὲ ἡ τοιαύτη μέθοδος τεχνικήν τινα εἰσάγει καὶ ἀνθρωπίνην τὴν περὶ τὸν ἴδιον δαίμονα πραγματείαν· οὐδὲν ἄρα ὑγιὲς ἐν τούτοις διαπορεῖς.

というのも、あなたは書簡の文面で、出生の家の主――あるいはもし一つより多ければ家の主たち――をとらえることは、彼ら〔占星術師〕自身のあいだでもほとんど把握できないものと認められているが、彼らはそこから固有のダイモーンを学び知ることができると言っている、と言うからである。しかし、彼らが家の主の発見について明確な方法を伝え、争いのある場合には判別のための要素を、ある者は五つ、ある者はそれより多く、ある者はより少なく教えているのに、どうして家の主の知識が彼らのあいだで把握できないものと認められていようか。しかし、これは措いて、より大きな仕事として、両方の場合に起こることを考察しよう。もし出生の家の主を見いだすことが可能であれば、その主から与えられるダイモーンもまた当然知られうる。しかしもし把握できないのであれば、この仮定にしたがえば私たちは彼を知らないが、それでも家の主は存在し、その主から与えられるダイモーンも存在する。それでは、出生占星術によっては彼を見いだすことが困難であっても、聖なる占い、あるいは神働術によっては、知識への豊かな道があることを、何が妨げようか。総じて、彼は家の主からのみ与えられるのでもなく、家の主によるよりも普遍的な、彼の多くの始原がある。さらに、このような方法は、固有のダイモーンをめぐる営みを、ある技術的で人間的なものとして持ち込む。それゆえ、あなたがこれらのことについて問うことのうちには、何一つ健全なものはない。

Εἰ δὲ δεῖ σοι τὸν ἀληθῆ περὶ τοῦ οἰκείου δαίμονος λόγον ἀποκαλύψαι, οὐκ ἀφ' ἑνὸς μέρους τῶν ἐν τῷ οὐρανῷ οὐδ' ἀπό τινος στοιχείου τῶν ὁρωμένων ἀπονέμεται ἡμῖν οὗτος, ἀφ' ὅλου δὲ τοῦ κόσμου καὶ τῆς παντοδαπῆς ἐν αὐτῷ ζωῆς καὶ τοῦ παντοδαποῦ σώματος, δι' ὧν ἡ ψυχὴ κάτεισιν ἐπὶ τὴν γένεσιν, ἀπομερίζεταί τις ἡμῖν μοῖρα ἰδία πρὸς ἕκαστον τῶν ἐν ἡμῖν ἀπομεριζομένη κατ' ἰδίαν ἐπιστασίαν. Οὗτος δὴ οὖν ὁ δαίμων ἕστηκεν ἐν παραδείγματι πρὸ τοῦ καὶ τὰς ψυχὰς κατιέναι εἰς γένεσιν· ὃν ἐπειδὰν ἕληται ἡ ψυχὴ ἡγεμόνα, εὐθὺς ἐφέστηκεν ὁ δαίμων ἀποπληρωτὴς τῶν βίων τῆς ψυχῆς, εἰς τὸ σῶμά τε κατιοῦσαν αὐτὴν συνδεῖ πρὸς τὸ σῶμα, καὶ τὸ κοινὸν ζῷον αὐτῆς ἐπιτροπεύει, ζωήν τε τὴν ἰδίαν τῆς ψυχῆς αὐτὸς κατευθύνει, καὶ ὅσα λογιζόμεθα, αὐτοῦ τὰς ἀρχὰς ἡμῖν ἐνδιδόντος διανοούμεθα, πράττομέν τε τοιαῦτα οἷα ἂν αὐτὸς ἡμῖν ἐπὶ νοῦν ἄγῃ, καὶ μέχρι τοσούτου κυβερνᾷ τοὺς ἀνθρώπους, ἕως ἂν διὰ τῆς ἱερατικῆς θεουργίας θεὸν ἔφορον ἐπιστήσωμεν καὶ ἡγεμόνα τῆς ψυχῆς· τότε γὰρ ἢ ὑποχωρεῖ τῷ κρείττονι, ἢ παραδίδωσι τὴν ἐπιστασίαν, ἢ ὑποτάττεται ὡς συντελεῖν εἰς αὐτόν, ἢ ἄλλον τινὰ τρόπον ὑπηρετεῖ αὐτῷ ὡς ἐπάρχοντι.

しかし、もし固有のダイモーンについての真の言葉をあなたに明らかにしなければならないとすれば、彼は天の中のある一つの部分からも、見える元素のどれか一つからも私たちに割り当てられるのではない。そうではなく、宇宙全体から、またその中のありとあらゆる生命と、ありとあらゆる身体から――それらを通って魂は生成へと降りてゆくのであるが――、ある固有の分け前が、私たちのうちの各々のものに、固有の監督にしたがって配分されて、私たちに割り当てられるのである。それゆえこのダイモーンは、魂が生成へと降りる前にすでに範型のうちに立っている。そして魂が彼を導き手として選ぶと、ただちにダイモーンは魂の生を満たし果たす者として〔魂の〕かたわらに立ち、身体へと降りてゆく魂を身体に結びつけ、魂の共通の生き物を後見し、魂の固有の生を自ら導く。そして私たちが推論するかぎりのことは、彼が私たちにその始原を与えることによって思考するのであり、私たちは彼が私たちの心に導き入れるようなことを行うのである。そして彼は、私たちが祭司的な神働術によって、魂の監督者にして導き手として神を立てるまで、人間を操舵しつづける。というのも、そのとき彼は、よりすぐれた者に退くか、監督を引き渡すか、それに寄与するように従属するか、あるいは何か別の仕方で、支配者に対するように仕えるからである。

Ἀπὸ δὴ τούτων ῥᾳδίως ἀποκρινοῦμαί σοι καὶ πρὸς τὸ ἐφεξῆς ἐρώτημα. Οὐ γάρ τινος τῶν ἐν ἡμῖν μέρους, πάντων δ' ἅπαξ ἁπλῶς ἡγεῖται, διήκει τε ἐπὶ πᾶσαν τὴν ἐφ' ἡμῖν ἀρχήν, ὥσπερ ἀφ' ὅλων τῶν ἐν τῷ παντὶ διατάξεων ἀπονενέμηται. Καὶ γὰρ ὅπερ σὺ παρατίθεσαι τεκμήριον τὸ περὶ τῶν κατὰ μέρη τοῦ σώματος ἐφεστηκότων δαιμόνων ὑγείας καὶ τοῦ εἴδους καὶ τῆς ἕξεως τῆς ἐν αὐτοῖς ὄντων συνοχέων καὶ ἑνὸς τοῦ ἐπὶ πᾶσι κοινῶς ἐπιβεβηκότος προστάτου, τοῦτο ποιοῦ δεῖγμα τῆς εἰς ἕνα δαίμονα πάντων τῶν ἐν ἡμῖν ἀνηκούσης προστασίας· μὴ τοίνυν διαίρει τὸν μὲν σώματος τὸν δὲ ψυχῆς τὸν δὲ νοῦ δαίμονα. Καὶ γὰρ ἄτοπον εἰ τὸ μὲν ζῷον ἕν ἐστιν, ὁ δὲ ἐφεστηκὼς αὐτῷ δαίμων πολυειδής· καίτοι πανταχοῦ τὰ ἄρχοντα τῶν ἀρχομένων ἐστὶν ἁπλούστερα· ἀτοπώτερον δ' ἔτι τούτου εἰ μηδὲ συμφυῆ διῃρημένα δ' ἔσται χωρὶς ἀπ' ἀλλήλων τὰ ἐπάρχοντα μόρια τῶν πολλῶν δαιμόνων. Ποιεῖς δὲ καὶ ἐν αὐτοῖς ἐναντίωσιν τῶν μὲν ὡς ἀγαθῶν τῶν δὲ ὡς φαύλων, οὐδαμοῦ τῶν κακῶν ἡγεμονικὴν ἐχόντων λῆξιν οὐδὲ ἰσαξίως ἀντιδιαιρουμένων τοῖς ἀγαθοῖς.

それゆえ、これらのことから、次の問いにもたやすくあなたに答えよう。というのも、彼は私たちのうちのある部分を統べるのではなく、全体を一挙に単純に統べ、私たちのうちのあらゆる始原に行きわたるからである。ちょうど宇宙のうちの全体的な配置から割り当てられたように。実際、あなたが証拠として持ち出すこと、すなわち身体の部分ごとに監督するダイモーンたち――健康の、形の、またそれらのうちにある状態の保持者たち――と、そのすべての上に共通に立つ一人の庇護者とがいる、ということ、これを、私たちのうちのすべてのものの庇護が一人のダイモーンに帰着することのしるしとせよ。それゆえ、身体のダイモーン、魂のダイモーン、知性のダイモーンと分けてはならない。というのも、生き物は一つであるのに、それを監督するダイモーンが多様であるのは不合理だからである。まことに、どこにおいても支配するものは支配されるものより単純である。さらに不合理なのは、多くのダイモーンが統べる部分が、生まれを同じくしておらず、互いに別々に分割されているとすることである。そしてあなたは、それらのうちに、あるものは善く、あるものは劣ったものとして、対立をも作り出している。しかし悪いものは、どこにおいても統べる割り当てをもたず、善いものと同等の価値をもって対立的に分けられているのでもない。

Ἔπειτα τούτων ἀποστὰς ἐπὶ μὲν τὴν φιλόσοφον ἀπολισθάνεις δόξαν, ἀνατρέπεις δὲ τὴν ὅλην περὶ τοῦ ἰδίου δαίμονος ὑπόθεσιν. Εἰ γὰρ μέρος ἐστὶ τῆς ψυχῆς, οἷον τὸ νοερόν, καὶ οὗτός ἐστιν εὐδαίμων ὁ τὸν νοῦν ἔχων ἔμφρονα, οὐκέτι ἐστὶν ἑτέρα τάξις οὐδεμία κρείττων ἢ δαιμόνιος, ἐπιβεβηκυῖα τῆς ἀνθρωπίνης ὡς ὑπερέχουσα. Μέρη δέ τινα τῆς ψυχῆς ἢ δύναμις διῃρημένως κυριωτέρα ἔσται τῶν πλειόνων εἰδῶν τῆς ἐν ἡμῖν ζωῆς, καὶ ταῦτα συμφυῶς ἀλλ' οὐχ ὡς ἐξῃρημένα κατὰ φύσιν ἡμῶν τῆς ὅλης συστάσεως ἐπάρχοντα.

次に、あなたはこれらのことから離れて、哲学的な見解へと滑り落ち、固有のダイモーンについての仮定の全体を覆してしまう。というのも、もし〔ダイモーンが〕魂の部分、たとえば知性的部分であり、思慮ある知性をもつ者が幸いである〔という意味〕ならば、人間的なものの上に立ってそれを超越する、よりすぐれた、あるいはダイモーン的な別の秩序は、もはや何もないことになるからである。そして魂のある部分、あるいはある能力が、分割された仕方で、私たちのうちの生の多くの形相を支配することになり、しかもそれらを、生まれを同じくする仕方で支配するのであって、私たちの構成全体から本性上超越したものとして統べるのではないことになろう。

Μνημονεύεις τοίνυν μετὰ τοῦτο καὶ ἄλλης πραγματείας περὶ τὸν ἴδιον δαίμονα, τῆς μὲν ὡς πρὸς δύο τῆς δὲ ὡς πρὸς τρεῖς ποιουμένης τὴν θεραπείαν. Αὕτη δ' ἐστὶ πᾶσα διημαρτημένη. Τὸ γὰρ διαιρεῖν ἀλλὰ μὴ εἰς ἓν ἀνάγειν τὰ ἐφεστηκότα ἡμῖν αἴτια ψεῦδός ἐστι, καὶ διαμαρτάνει τῆς ἐν πᾶσιν ἐπικρατούσης ἑνώσεως. Καὶ ἡ μερίζουσα δ' αὐτὸν εἰς τὸ σῶμα δόξα καὶ τὴν τοῦ σώματος προστασίαν, εἰς μέρος τι τὸ βραχύτατον αὐτοῦ καθέλκει τὴν ἡγεμονίαν. Ὥστε τί δεῖ τὰς ἐχομένας τῆς τοιαύτης δόξης ἱερουργίας ἐπισκοπεῖν, αὐτῆς τῆς πρώτης αὐτῶν ἀρχῆς σαθρᾶς οὔσης; εἷς μὲν οὖν ἐστι καθ' ἕκαστον ἡμῶν ὁ οἰκεῖος προστάτης δαίμων, κοινὸν δὲ ἢ τὸν αὐτὸν πάντων ἀνθρώπων οὐ δεῖ αὐτὸν ὑπολαμβάνειν, οὐδ' αὖ κοινὸν μὲν ἰδίως δὲ ἑκάστῳ συνόντα· ἡ γὰρ κατ' εἶδος ἕκαστον διαίρεσις καὶ ἡ τῆς ὕλης ἑτερότης οὐκ ἐπιδέχεται τὴν τῶν καθ' αὑτὰ ἀσωμάτων κοινότητά τε καὶ ταὐτότητα. Διὰ τί οὖν κοινῇ κλήσει καλεῖται ὑπὸ πάντων; ὅτι καθ' ἕνα τὸν κύριον θεὸν τῶν δαιμόνων ἡ κλῆσις αὐτῶν γίγνεται, ὃς ἐξ ἀρχῆς τε ἀφώρισε τοὺς ἰδίους δαίμονας ἑκάστοις, καὶ δὴ καὶ ἐν ταῖς ἱερουργίαις ἀναφαίνει κατὰ τὴν ἰδίαν βούλησιν τοὺς ἰδίους ἑκάστοις. Ἀεὶ γὰρ ἐν τῇ θεουργικῇ τάξει διὰ τῶν ὑπερεχόντων τὰ δεύτερα καλεῖται· καὶ ἐπὶ τῶν δαιμόνων τοίνυν εἷς κοινὸς ἡγεμὼν τῶν περὶ τὴν γένεσιν κοσμοκρατόρων καταπέμπει τοὺς ἰδίους δαίμονας ἑκάστοις. Ἐπειδὰν μέντοι παραγίγνηται ὁ οἰκεῖος ἑκάστῳ, τότε καὶ τὴν ἰδίαν θεραπείαν ἑαυτοῦ καὶ τὸ σφέτερον ὄνομα ἐκφαίνει, τρόπον δὲ τῆς ἰδίας κλήσεως τὸν ἴδιον παραδίδωσιν.

さて、この後であなたは、固有のダイモーンをめぐる別の営みにも言及している。それは、一方は二人に対する、他方は三人に対するものとして崇拝を行うものである。しかし、これはまったく誤っている。というのも、私たちを監督する原因を分割して一つへと帰さないのは偽りであり、万物のうちに支配する一性を捉えそこなっているからである。また彼を身体へと、また身体の庇護へと割り振る見解も、彼の統率を、あるきわめて小さな部分へと引き下ろしてしまう。それゆえ、このような見解に付随する聖なる業を考察する必要がどこにあろうか。その第一の始原そのものが腐っているのだから。それゆえ、私たちの各々に、固有の庇護者たるダイモーンは一人である。しかし彼を、すべての人間に共通の、あるいは同一のものと考えてはならず、また共通でありながら各人に固有にともにあるものと考えてもならない。というのも、各々の形相にしたがう分割と、質料の他者性とは、それ自体において非物体的なものの共通性と同一性とを受け入れないからである。 それでは、なぜ彼はすべての人によって共通の呼び出しによって呼ばれるのか。それは、彼らの呼び出しが、ダイモーンたちの主である一なる神にしたがって行われるからである。その神ははじめから各人に固有のダイモーンを定め、また聖なる業においても、自らの固有の意志にしたがって各人に固有のダイモーンを顕すのである。というのも、神働術の秩序においてはつねに、上位のものを通じて第二のものが呼ばれるからである。そしてダイモーンたちについても、生成をめぐる宇宙支配者たち（コスモクラトール）の一人の共通の導き手が、各人に固有のダイモーンを送り下すのである。しかし、各人に固有のダイモーンがその人のもとに来るとき、そのとき彼は、自らに固有の崇拝と、自らの名とを明らかにし、自らを固有に呼び出す仕方を伝えるのである。

Καὶ αὕτη τάξις ἐστὶν ἡ πρόσφορος τῶν δαιμόνων· ἡ μὲν συγγενὴς οὖσα τοῖς καλουμένοις, ἡ δ' ἀπὸ τῶν πρεσβυτέρων αἰτίων καθήκουσα, τρίτη δὲ κοινὴν ποιουμένη τὴν ἀπ' ἀμφοτέρων τούτων συντέλειαν. Μὴ τοίνυν ἀφομοίου τὰς θείας κλήσεις ταῖς ἀνθρωπίναις μηδὲ τὰς ἀρρήτους ταῖς ῥηταῖς, μηδὲ τὰς πρὸ παντὸς ὅρου καὶ παντὸς ἀορίστου τρόπου ταῖς παρ' ἀνθρώποις παράβαλλε ὡρισμέναις ἢ ἀορίστοις προστάξεσιν. Οὐδὲν γὰρ ἔχει κοινὸν τὰ παρ' ἡμῖν τῷ ὅλῳ γένει καὶ καθ' ὅλην τὴν τάξιν ὑπερέχουσιν ἡμῶν καὶ τοῖς ὅλης τῆς οὐσίας ἡμῶν καὶ φύσεως ἐπάρχουσιν· ἀλλ' ἐνταῦθα καὶ μάλιστα σφάλματα συμβαίνει τοῖς ἀνθρώποις τὰ μέγιστα, ἡνίκα ἂν ἀπὸ τῆς ἀνθρωπίνης ἀσθενείας συλλογίζωνταί τι περὶ τῶν δαιμονίων ἐπιστασιῶν, καὶ τοῖς μικροῖς καὶ οὐδενὸς ἀξίοις καὶ διῃρημένοις τὰ μεγάλα καὶ ἀξιόλογα καὶ τέλεια τεκμαίρονται. Τοσαῦτα καὶ περὶ τοῦ ἰδίου δαίμονος πρὸς σὲ ἀποκρινόμεθα πρὸς τοῖς ἔμπροσθεν εἰρημένοις.

そしてこれが、ダイモーンたちにふさわしい秩序である。一つは呼び出される者たちと同族であり、一つはより古い原因から降ってくるものであり、第三は、これら両者から共通の完成を作り出すものである。それゆえ、神的な呼び出しを人間的なものになぞらえてはならず、言い表しえないものを言い表しうるものに、またあらゆる限定とあらゆる無限定な仕方とに先立つものを、人間のもとで限定された、あるいは無限定な命令に比べてはならない。というのも、私たちのもとにあるものは、類全体として、また秩序全体にわたって私たちを超越し、私たちの本質と本性の全体を統べるものたちと、何も共通するものをもたないからである。しかしここでこそ、人間にとって最大の誤りがとりわけ生じる。人間の弱さから、ダイモーン的な監督について何かを推論し、小さく何の価値もない分割されたものによって、偉大で注目すべき完全なものを推し量るときに。固有のダイモーンについても、先に言われたことに加えて、これだけのことをあなたに答えておこう。