第3書 第26章　天上のものを引き降ろす方法

Quomodo per inferiora superioribus exposita deducantur superiora: Et per mundanas materias mundana potissimum dona. Cap. XXVI.

天上のものにさらされた地上のものによって、どのように天上のものが引き降ろされるか。また世界の素材によって、とりわけ世界の賜物が〔引き降ろされる〕こと。第26章。

Sed ne longius digrediamur ab eo, quod interpretantes Plotinum instituimus ab initio, breviter ita collige. Mundus ab ipso bono (ut Plato una cum Timaeo Pythagorico docet) quam optimus effici poterat, est effectus. Est igitur non solum corporeus, sed vitae insuper et intelligentiae particeps. Quamobrem praeter corpus hoc mundi sensibus familiariter manifestum, latet in eo spiritus corpus quoddam, excedens caduci sensus capacitatem. In spiritu viget anima, in anima fulget intelligentia. Atque sicut sub Luna nec miscetur aer cum terra, nisi per aquam, nec ignis cum aqua, nisi per aerem, sic in universo esca quaedam, sive fomes ad animam corpori copulandam est ille ipse quem spiritum appellamus. Anima quoque fomes quidam est in spiritu corporeque mundi, ad intelligentiam divinitus consequendam: quemadmodum summa quaedam in ligno siccitas, ad penetraturum oleum est parata. Oleum huic imbibitum pabulum est ad ignem, ad calorem dico proxime. Calor ipse luminis est vehiculum, ac si lignum hoc eiusmodi sit, ut igne praesente fulgeat, non uratur, qualia quandoque vidimus. Iam hoc exemplo videbimus, utrum vel homo, vel aliud quiddam sub Luna certis quibusdam praeparamentis, partim quidem naturalibus, partim arte quaesitis, vitalia atque etiam forte intellectualia quaedam bona opportune quodammodo desuper accipere possit.

しかし、プロティノスを解釈しながら私たちがはじめに企てたことから、これ以上遠く逸れないように、手短に次のようにまとめよ。世界は善そのものによって――プラトンがピタゴラス派のティマイオスとともに教えるように――作られうるかぎり最善のものとして作られた。それゆえ世界は物体的であるだけでなく、さらに生命と知性にもあずかっている。それゆえ、感覚に親しく明らかなこの世界の身体のほかに、そのうちには、霊という、滅びゆく感覚の容量を超えたある種の身体が隠れている。霊のうちに魂が力をもち、魂のうちに知性が輝く。そして、月の下では、空気は水を介してでなければ土と混じらず、火は空気を介してでなければ水と混じらないように、そのように宇宙においても、魂を身体に結びつけるためのある種の餌、あるいは火口が、私たちが霊と呼ぶまさにそのものである。魂もまた、神的に知性を得るための、世界の霊と身体とのうちにある一種の火口である。ちょうど木のうちにある極度の乾燥が、しみ込もうとする油に対して準備されているように。それにしみ込んだ油は火の、すなわち直接には熱の糧である。熱そのものは光の乗り物である。そしてこの木が、火が臨在すると輝くが燃えないようなものであるかのように――私たちはときにそのようなものを見たことがある。さて、この例によって私たちは、人間であれ、月の下の何か他のものであれ、ある種の準備――一部は自然的な、一部は技術によって求められた準備――によって、生命的な、そしておそらくは知性的なある種の善きものを、時宜を得て、何らかの仕方で上から受け取りうるかどうかを見るであろう。

Verum quod hic ad religionem spectat discutiemus alibi, ubi Plotinus in medium haec adducet. Quod vero ad naturales spectat influxus, qualescunque sint desuper venientes, scito eos in nobis materiisque nostris ita demum per artem comparari posse, quando fomenta nobis nostrisque ad illos natura suggesserit, coelumque ad eosdem opportunius conspiraverit. Nonne in ipso foetu natura foetus ipsius artifex, quum certo quodam pacto corpusculum affecerit figuraveritque, hoc ipso statim praeparamento, velut esca quadam spiritum ab universo deducit? Perque hunc velut fomitem, vitam haurit atque animam? Ac denique per certam animae speciem dispositionemque corpus ita vivens dignum est praesentia mentis tandem donatae divinitus. Ubique igitur natura maga est, ut inquit Plotinus, atque Synesius, videlicet certa quaedam pabulis ubique certis inescans, non aliter quam centro terrae gravia trahens, Lunae concavo levia, calore folia, humore radices, caeteraque similiter. Quo quidem attractu se cum ipso devinciri mundum testantur sapientes Indi, dicentes mundum esse animal passim masculum simul atque foeminam, mutuoque membrorum suorum amore ubique coire secum, atque ita constare: vinculum vero membrorum inesse per insitam sibi mentem, quae tota infusa per artus agitat molem, et magno se corpore miscet. Hinc Orpheus naturam ipsam mundi Iovemque mundanum marem appellat et foeminam. Usqueadeo mutui partium suarum coniugii ubique mundus est avidus. Esse vero masculinum sexum foeminino ubique commistum, declarat illinc quidem ordo signorum, ubi praecedens, perpetuo deinceps ordine masculinum est, subsequens foemininum: hinc vero arbores atque herbae, quae etiam sicut animalia utrunque sexum habent. Mitto quod ignis ad aerem, aqua ad terram masculi vicem tenet ad foeminam, ut non mirum sit membra inter se mundana et omnes eius articulos mutuum coniugium concupiscere. Quod et Planetae conciliant, partim quidem mares, partim vero foeminae, praecipue vero Mercurius masculus atque foemina, Hermaphroditi pater.

しかし、ここで宗教に関わることについては、プロティノスがこれらのことを持ち出すところで、別の箇所で論じるであろう。他方、自然的な流入については、それが上から来るどのようなものであれ、次のことを知れ。すなわち、それらは、自然が私たちと私たちのものとにそれらへの火口を与え、天がそれらに向けてより時宜を得て協和するときにこそ、技術によって私たちと私たちの素材のうちに得られうるのである。胎児そのもののうちで、胎児の製作者である自然は、ある特定の仕方で小さな身体を作用させ形づくると、まさにこの準備によって、いわば餌によってのように、ただちに宇宙から霊を引き降ろすではないか。そしてこれを、いわば火口として、生命と魂とを汲み取るではないか。そしてついには、魂の特定の形と配置とによって、こうして生きている身体は、神的に与えられた精神の臨在にふさわしいものとなる。それゆえ、プロティノスとシュネシオスが言うように、自然はいたるところで魔術師である。すなわち、いたるところで特定の餌によって特定のものを誘い込むのである。ちょうど重いものを大地の中心へ、軽いものを月の天球の凹面へ、葉を熱によって、根を湿気によって引き寄せるように。その他も同様である。インドの賢者たちは、この引き寄せによって世界が自らと結ばれていることを証言し、世界はいたるところで男性であると同時に女性である生き物であり、自らの肢体の相互の愛によっていたるところで自らと交わり、こうして成り立っていると言う。そして肢体の結び目は、世界に植えつけられた精神によってそのうちにあり、それは「肢体全体に注ぎ込まれて塊を動かし、大いなる身体と混じり合う」のである。それゆえオルペウスは、世界の自然そのものと世界のユピテルとを、男性にして女性と呼ぶ。世界はそれほどまでに、いたるところで自らの部分どうしの相互の結婚を渇望しているのである。そして男性の性がいたるところで女性の性と混じり合っていることは、一方では宮の順序が示している。そこでは先立つものが、永続的に続く順序において男性であり、後に続くものが女性である。他方では木々と草が〔示している〕。それらもまた動物のように両方の性をもっている。火が空気に対して、水が土に対して、男性が女性に対するような役割をもつことは言わずにおこう。したがって、世界の肢体が互いに、またそのすべての関節が相互の結婚を欲するとしても驚くには当たらない。このことを惑星も取り結ぶ。それらは一部は男性、一部は女性であり、とりわけメルクリウスは男性にして女性であり、ヘルマプロディトスの父である。

Quod sane animadvertes agricultura praeparat agrum seminaque ad coelestia dona, et insitionibus quibusdam vitam plantae propagat, et ad speciem alteram melioremque perducit. Similia quaedam efficit et medicus, physicus, et chirurgicus in corpore nostro, tum ad nostram fovendam, tum ad universi naturam uberius comparandam. Idem quoque Philosophus naturalium rerum astrorumque peritus, quem proprie Magum appellare solemus, certis quibusdam illecebris coelestia terrenis opportune quidem, nec aliter inserens quam insitionis studiosus agricola, veteri recentem stipiti surculum. Quod et Ptolemaeus valde probat, affirmans eiusmodi sapientem sic astrorum opus adiuvare posse, quemadmodum agricola terrae virtutem. Subiicit Magus terrena coelestibus, immo inferiora passim superioribus, ut proprias ubique foeminas suis maribus foecundandas, ut ferrum Magneti trahendum, ut camphoram aeri ferventi sugendam, ut crystallum Soli illuminandum, ut sulphur et sublimem liquorem accendendum flammae, ut ovi testam vacuam et impletam rore Soli elevandam, immo ut ovum ipsum gallinae fovendum. Praeterea sicut nonnulli foventes ova, etiam sine animalibus vitam illis ex universo conciliant, et saepe materias quasdam opportune parantes, absque ovis manifestisque seminibus animalia procreant, ut ex ocymo scorpionem, apes ex bove, ex salvia avem merulae similem, vitam videlicet a mundo materiis certis opportunisque temporibus adhibentes: sic et ille sapiens ubi cognovit quae materiae, sive quales partim inchoatae natura, partim arte perfectae, et si sparsae fuerint congregatae, qualem coelitus influxum suscipere possint, has eo regnante potissimum colligit, praeparat, adhibet, sibique per eas coelestia vindicat. Ubicunque enim materia quaedam sic superis exposita est, sicut speculare vitrum vultui tuo, pariesque oppositus voci, subito superne patitur ab agente videlicet potentissimo, a potestate vitaque mirabili ubique praesente, virtutemque passione reportat, non aliter quam et speculum imaginem repraesentat ex vultu, et ex voce paries echo.

このことにはっきり気づくであろう――農業は畑と種子とを天の賜物のために準備し、ある種の接ぎ木によって植物の生命を増やし、別の、より良い種へと導く。医者、自然学者、外科医もまた、私たちの身体において、私たち〔の自然〕を養うためにも、宇宙の自然をより豊かに得るためにも、同様のことを成し遂げる。自然物と天体とに通じた哲学者――私たちが本来マグス（魔術師）と呼び慣わしている者――もまた同じことをする。彼は、ある種の誘いによって、天上のものを地上のものに、時宜を得て接ぎ込む。それは、接ぎ木に熱心な農夫が古い幹に新しい若枝を接ぐのとほかならぬ仕方においてである。このことをプトレマイオスも大いに是認し、このような賢者は、農夫が大地の力を助けるように、星々の働きを助けることができると断言している。マグスは地上のものを天上のものに、いやむしろいたるところで下位のものを上位のものに従わせる。ちょうど、いたるところで固有の雌を、それを孕ませる自らの雄に〔従わせる〕ように、鉄を磁石に引き寄せられるように、樟脳を熱い空気に吸い込まれるように、水晶を太陽に照らされるように、硫黄と揮発しやすい液体とを炎に点火されるように、空の卵の殻を露で満たして太陽に持ち上げられるように、いや卵そのものを雌鳥に温められるように〔従わせる〕。さらに、ある人々が卵を温め、動物なしにも宇宙からそれらに生命をもたらし、またしばしばある種の素材を時宜を得て準備して、卵や明らかな種子なしに動物を生み出すように――たとえばバジルから蠍を、牛から蜜蜂を、セージから黒歌鳥に似た鳥を〔生み出す〕ように――、すなわち、特定の素材に時宜を得た時期に世界から生命を与えるように、そのように、かの賢者も、どのような素材が、あるいは一部は自然によって始められ、一部は技術によって完成されたどのような素材が、そしてもし散らばっていたなら集められたどのような素材が、天からどのような流入を受け取りうるかを知ったとき、それらを、とりわけその星が支配しているときに集め、準備し、用い、それらを通じて天上のものを自らのものとするのである。というのも、ある素材が、ちょうど鏡のガラスがあなたの顔に、向かいの壁が声にさらされているように、上位のものにさらされているところではどこでも、それはただちに上から、すなわち最も強力な作用者から、いたるところに臨在する驚くべき力と生命とから作用を受け、その受動によって力を得るからである。ちょうど鏡が顔から像を映し出し、壁が声からこだまを返すのと同じように。

His ferme exemplis ipse Plotinus utitur, ubi Mercurium imitatus ait veteres sacerdotes sive Magos in statuis sacrificiisque sensibilibus divinum aliquid et mirandum suscipere solitos. Vult autem una cum Trismegisto per materialia haec non proprie suscipi numina penitus a materia segregata, sed mundana tantum, ut ab initio dixi, et Synesius approbat. Mundana inquam, id est vitam quandam, vel vitale aliquid ex anima mundi et sphaerarum animis atque stellarum, vel etiam motum quendam et vitalem quasi praesentiam ex daemonibus, immo interdum ipsos daemonas eiusmodi adesse materiis. Mercurius ipse, quem Plotinus sequitur, inquit, daemonas aerios non coelestes, nedum sublimiores: statuasque Mercurius ipse componit ex herbis, arboribus, lapidibus, aromatis, naturalem vim divinitatis (ut ipse ait) in se habentibus: adiungit cantus coelestibus similes, quibus ait eos delectari, statuisque sic adesse diutius, et prodesse hominibus vel obesse. Addit sapientes quondam Aegyptios, qui et sacerdotes erant, quum non possent rationibus persuadere populo esse deos, id est spiritus aliquos super homines, excogitasse magicum hoc illicitum, quo daemonas allicientes in statuas esse numina declararent. Sed Iamblichus damnat Aegyptios, quod daemonas non solum ut gradus quosdam ad superiores deos investigandos acceperint, sed plurimum adoraverint. Chaldaeos vero daemonibus non occupatos Aegyptiis anteponit. Chaldaeos inquam religionis antistites: nam Astrologos tam Chaldaeorum quam Aegyptiorum quodammodo tentavisse daemonas per harmoniam coelestem in statuas fictiles trahere suspicemur. Quod significare videtur astrologus Samuel Hebraeus, autoritate Davidis Bilastrologi fretus, antiquos videlicet fictores imaginum fecisse statuas futura pronuntiantes. Harmoniam vero coelestium his accommodatam esse tradit. Metallum fundere ad hominis pulchri formam, die Mercurii hora tertia scilicet Saturni, quando Mercurius Saturnum in Aquario subit, in nona coeli plaga vaticinium designante, ascenditque Geminorum sydus significans prophetas ut aiunt, Mars a Sole comburitur, nec Mercurium intuetur, Sol tamen aspicit coniunctionis illius locum, Venus interea aliquem obtinet angulum, occidentalis est et potens, Luna ex trigono gradum aspicit ascendentem, similiterque Saturnus. Haec ille.

プロティノス自身もほぼこれらの例を用いている。そこで彼はメルクリウス〔ヘルメス〕にならって、古の祭司あるいはマギたちは、彫像と感覚的な供犠とのうちに、何か神的で驚くべきものを受け取るのを常としていたと言う。しかし彼は、トリスメギストスとともに、これらの質料的なものを通じて本来受け取られるのは、質料からまったく切り離された神霊ではなく、ただ世界的なものだけであると考えている――私がはじめに述べたとおりであり、シュネシオスも是認している。世界的なもの、と私は言う。すなわち、世界の魂や天球と星々の魂から来るある種の生命、あるいは何か生命的なもの、あるいはまた、ダイモーンたちから来るある種の運動と、いわば生命的な臨在、いや、ときにはダイモーンたち自身がこのような素材に臨在することである。プロティノスが従っているメルクリウス自身は、天上のダイモーンではなく、ましてやより高いダイモーンではなく、空気のダイモーンについて語っている。そしてメルクリウス自身は、〔彼自身の言うように〕神性の自然的な力を自らのうちにもつ草、木、石、香料から彫像を組み立てる。そして天上のものに似た歌を加え、ダイモーンたちはそれを喜び、こうして彫像により長くとどまり、人間に益をなし、あるいは害をなすと言う。彼はさらに、かつてのエジプトの賢者たちは祭司でもあったが、神々が、すなわち人間を超えたある種の霊が存在することを理論によって民衆に説得できなかったので、この許されない魔術を考え出したのであり、それによってダイモーンたちを彫像に誘い込んで、それが神霊であると宣言したのだと付け加えている。しかしイアンブリコスはエジプト人を非難する。彼らがダイモーンたちを、より上位の神々を探し求めるためのある種の段階として受け入れただけでなく、大いに崇めたからである。他方、ダイモーンに心を奪われなかったカルデア人を、彼はエジプト人より上に置く。カルデア人、と私は言う、すなわち宗教の祭司たちを。というのも、カルデア人の占星術師もエジプト人の占星術師も、天の調和によってダイモーンたちを土の彫像に引き入れようと何らかの仕方で試みたと、私たちは推測してよいからである。このことを、ダビデ・ビラストロログスの権威に拠ったヘブライ人の占星術師サムエルが示しているように思われる。すなわち、古の像の作り手たちは、未来を告げる彫像を作ったのだと。そして彼は、これらに天上のものの調和が適合させられていたと伝えている。〔すなわち、〕美しい人間の形に金属を鋳込むこと、水曜日の第三の時刻、すなわち土星の時刻に、水星が水瓶座で土星に近づき、天の第九の区画にあって予言を表示し、言われるところでは予言者を意味する双子座の星座が昇り、火星は太陽によって焼かれて水星を見ず、しかし太陽はその合の場所を見ており、その間に金星はいずれかの角を占め、西にあって強力であり、月は三分から上昇点の度を見ており、土星も同様であるときに。以上が彼の言うところである。

Ego autem primo quidem ex beati Thomae sententia puto, si modo statuas loquentes effecerint, non simplicem ipsum stellarum influxum ibi formavisse verba, sed daemonas. Deinde si forte contigerit eos in eiusmodi statuas ingredi, non arbitror hos ibi per coelestem influxum fuisse devinctos, sed sponte potius suis cultoribus obsequutos, denique decepturos. Nam et natura superior ab inferiore conciliatur quidem aliquando, sed cohiberi nequit. Et dispositio illa syderum paulo ante descripta, concurrere forte non potest. Quamvis autem daemones astronomica ratione statuis non includantur, tamen ubi per cultum eis exhibitum praesentes extiterint, Porphyrius ait eos regulis astronomicis oracula reddidisse, atque ideo frequenter ambigua, et merito, quoniam Iamblichus probat prophetiam veram atque certam, nec malis daemonibus convenire, nec humanis artibus vel natura, sed spiratione divina purgatis mentibus provenire.

しかし私は、まず第一に、聖トマスの見解に従って、もし彼らが本当にものを言う彫像を作ったのだとすれば、そこで言葉を形づくったのは星々の単なる流入そのものではなく、ダイモーンたちであったと考える。次に、もし彼らがこのような彫像に入り込むことがたまたま起こったとしても、彼らがそこに天の流入によって縛りつけられていたとは私は考えない。むしろ自発的に自らの崇拝者たちに従ったのであり、結局は欺くためであったと考える。というのも、より上位の本性は、ときとして下位のものによって引き寄せられはするが、閉じ込められることはできないからである。そして、少し前に記述されたあの星々の配置は、おそらく同時に生じることはありえない。しかし、ダイモーンたちは天文学的な方法によって彫像に閉じ込められはしないとしても、彼らに捧げられた崇拝によって臨在するようになったときには、ポルピュリオスが言うには、彼らは天文学の規則に従って神託を与えたのであり、それゆえしばしば曖昧な〔神託を与えた〕。それも当然である。というのもイアンブリコスは、真の確かな予言は、悪しきダイモーンにも人間の技術や自然にもふさわしくなく、神的な霊感によって浄められた精神に生じるものであることを証明しているからである。

Sed ad Mercurium, immo ad Plotinum iam revertamur. Mercurius sacerdotes ait accepisse virtutem a mundi natura convenientem, eamque miscuisse. Sequutus hunc Plotinus, putat totum id anima mundi conciliante facile confici posse, quatenus illa naturalium rerum formas per seminales quasdam rationes sibi divinitus insitas generat atque movet. Quas quidem rationes appellat etiam Deos, quoniam ab ideis supremae mentis nunquam destituuntur. Itaque per rationes eiusmodi animam mundi facile se applicare materiis, quas formavit ab initio per easdem, quando magus vel sacerdos opportunis temporibus adhibuerit formas rerum rite collectas, quae rationem hanc aut illam proprie spectant, sicut Magnes ferrum, Reubarbarum choleram, Crocus cor, Eupatorium Spodiumque iecur, Spica Muscusque cerebrum. Fieri vero posse quandoque ut rationibus ad formas sic adhibitis, sublimiora quoque dona descendant, quatenus rationes in anima mundi coniunctae sunt intellectualibus eiusdem animae formis, atque per illas divinae mentis ideis. Quod et Iamblichus approbat, ubi de sacrificiis agit. Qua de re alibi nos opportunius disputabimus. Ubi etiam apparebit, quam impura superstitio populi gentilis extiterit, contra vero quam pura pietas evangelica fuerit, quod magna ex parte in libro de religione Christiana iam fecimus. FINIS.

しかし、今やメルクリウスに、いやむしろプロティノスに戻ろう。メルクリウスは、祭司たちは世界の自然からふさわしい力を受け取り、それを混ぜ合わせたと言う。彼に従ってプロティノスは、そのすべては世界の魂が取り結ぶことによってたやすく成し遂げられうると考える。世界の魂が、神的に自らに植えつけられたある種の種子的理性（ラティオネス）によって、自然物の形を生み出し動かすかぎりにおいてである。彼はこれらの理性を神々とも呼ぶ。至高の精神のイデアから決して見捨てられることがないからである。それゆえ、このような理性によって、世界の魂は、はじめにそれらによって形づくった素材に、たやすく自らを適用する――マグスあるいは祭司が、時宜を得た時期に、この理性あるいはあの理性に固有に対応する、正しく集められた事物の形を用いるときに。ちょうど磁石が鉄に、大黄が胆汁に、サフランが心臓に、アグリモニーと骨灰が肝臓に、甘松と麝香が脳に〔対応する〕ように。そして、このように理性が形に適用されるとき、ときにはより崇高な賜物も降ってくることがありうる。世界の魂のうちの理性は、同じ魂の知性的な形と結ばれており、それらを通じて神的な精神のイデアと結ばれているかぎりにおいてである。このことはイアンブリコスも、供犠について論じるところで是認している。このことについては、別の箇所で、よりふさわしく論じるであろう。そこではまた、異教の民の迷信がいかに不純なものであったか、それに反して福音の敬虔がいかに純粋なものであったかが明らかになるであろう。そのことは『キリスト教について』の書物において、私たちがすでに大部分行ったことである。 終わり。