第3部　死刑判決後の言葉

οὐ πολλοῦ γʼ ἕνεκα χρόνου, ὦ ἄνδρες Ἀθηναῖοι, ὄνομα ἕξετε καὶ αἰτίαν ὑπὸ τῶν βουλομένων τὴν πόλιν λοιδορεῖν ὡς Σωκράτη ἀπεκτόνατε, ἄνδρα σοφόν—φήσουσι γὰρ δὴ σοφὸν εἶναι, εἰ καὶ μή εἰμι, οἱ βουλόμενοι ὑμῖν ὀνειδίζειν— εἰ γοῦν περιεμείνατε ὀλίγον χρόνον, ἀπὸ τοῦ αὐτομάτου ἂν ὑμῖν τοῦτο ἐγένετο· ὁρᾶτε γὰρ δὴ τὴν ἡλικίαν ὅτι πόρρω ἤδη ἐστὶ τοῦ βίου θανάτου δὲ ἐγγύς. λέγω δὲ τοῦτο οὐ πρὸς πάντας ὑμᾶς, ἀλλὰ πρὸς τοὺς ἐμοῦ καταψηφισαμένους θάνατον. λέγω δὲ καὶ τόδε πρὸς τοὺς αὐτοὺς τούτους. ἴσως με οἴεσθε, ὦ ἄνδρες Ἀθηναῖοι, ἀπορίᾳ λόγων ἑαλωκέναι τοιούτων οἷς ἂν ὑμᾶς ἔπεισα, εἰ ᾤμην δεῖν ἅπαντα ποιεῖν καὶ λέγειν ὥστε ἀποφυγεῖν τὴν δίκην. πολλοῦ γε δεῖ. ἀλλʼ ἀπορίᾳ μὲν ἑάλωκα, οὐ μέντοι λόγων, ἀλλὰ τόλμης καὶ ἀναισχυντίας καὶ τοῦ μὴ ἐθέλειν λέγειν πρὸς ὑμᾶς τοιαῦτα οἷʼ ἂν ὑμῖν μὲν ἥδιστα ἦν ἀκούειν— θρηνοῦντός τέ μου καὶ ὀδυρομένου καὶ ἄλλα ποιοῦντος καὶ λέγοντος πολλὰ καὶ ἀνάξια ἐμοῦ, ὡς ἐγώ φημι, οἷα δὴ καὶ εἴθισθε ὑμεῖς τῶν ἄλλων ἀκούειν. ἀλλʼ οὔτε τότε ᾠήθην δεῖν ἕνεκα τοῦ κινδύνου πρᾶξαι οὐδὲν ἀνελεύθερον, οὔτε νῦν μοι μεταμέλει οὕτως ἀπολογησαμένῳ, ἀλλὰ πολὺ μᾶλλον αἱροῦμαι ὧδε ἀπολογησάμενος τεθνάναι ἢ ἐκείνως ζῆν.

わずかな時間のために、アテナイ人諸君、君たちは、この国をそしりたいと思う人々から、知恵ある人ソクラテスを殺したという汚名と非難を受けることになるだろう――というのも、君たちを咎めたいと思う人々は、たとえ私がそうでなくても、私を知恵ある者だと言うだろうから――。少なくとも、もし君たちがもう少しの時間待っていたなら、そのことはおのずから君たちに起こっただろう。というのも、君たちも見てのとおり、私の年齢はもう生からは遠く、死に近いのだから。私はこのことを、君たち全員に向かってではなく、私に死刑の票を投じた人々に向かって言っている。そして、同じこの人々に向かって、次のことも言おう。アテナイ人諸君、おそらく君たちは、私が言葉に窮して有罪とされたのだと思っているだろう――もし私が、罰を逃れるためには何でもし、何でも言わなければならないと考えていたなら、それによって君たちを説得できたであろうような言葉に。とんでもない。私は窮したために有罪とされたのではあるが、それは言葉に窮したのではなく、大胆さと恥知らずさに欠け、また、君たちが聞いて最も快かったであろうようなことを君たちに向かって言おうとしなかったためなのだ――私が嘆き悲しみ、泣きわめき、ほかにも、私の言うところでは私にふさわしくない多くのことをしたり言ったりすること、まさに君たちがほかの人々から聞き慣れているようなことを。しかし私は、あのときにも、危険のために何か自由人にふさわしくないことをすべきだとは考えなかったし、今もこのように弁明したことを後悔していない。むしろ、あのようにして生きるよりは、このように弁明して死ぬことをはるかに選ぶ。

οὔτε γὰρ ἐν δίκῃ οὔτʼ ἐν πολέμῳ οὔτʼ ἐμὲ οὔτʼ ἄλλον οὐδένα δεῖ τοῦτο μηχανᾶσθαι, ὅπως ἀποφεύξεται πᾶν ποιῶν θάνατον. καὶ γὰρ ἐν ταῖς μάχαις πολλάκις δῆλον γίγνεται ὅτι τό γε ἀποθανεῖν ἄν τις ἐκφύγοι καὶ ὅπλα ἀφεὶς καὶ ἐφʼ ἱκετείαν τραπόμενος τῶν διωκόντων· καὶ ἄλλαι μηχαναὶ πολλαί εἰσιν ἐν ἑκάστοις τοῖς κινδύνοις ὥστε διαφεύγειν θάνατον, ἐάν τις τολμᾷ πᾶν ποιεῖν καὶ λέγειν. ἀλλὰ μὴ οὐ τοῦτʼ ᾖ χαλεπόν, ὦ ἄνδρες, θάνατον ἐκφυγεῖν, ἀλλὰ πολὺ χαλεπώτερον πονηρίαν· θᾶττον γὰρ θανάτου θεῖ. καὶ νῦν ἐγὼ μὲν ἅτε βραδὺς ὢν καὶ πρεσβύτης ὑπὸ τοῦ βραδυτέρου ἑάλων, οἱ δʼ ἐμοὶ κατήγοροι ἅτε δεινοὶ καὶ ὀξεῖς ὄντες ὑπὸ τοῦ θάττονος, τῆς κακίας. καὶ νῦν ἐγὼ μὲν ἄπειμι ὑφʼ ὑμῶν θανάτου δίκην ὀφλών, οὗτοι δʼ ὑπὸ τῆς ἀληθείας ὠφληκότες μοχθηρίαν καὶ ἀδικίαν. καὶ ἐγώ τε τῷ τιμήματι ἐμμένω καὶ οὗτοι. ταῦτα μέν που ἴσως οὕτως καὶ ἔδει σχεῖν, καὶ οἶμαι αὐτὰ μετρίως ἔχειν. τὸ δὲ δὴ μετὰ τοῦτο ἐπιθυμῶ ὑμῖν χρησμῳδῆσαι, ὦ καταψηφισάμενοί μου· καὶ γάρ εἰμι ἤδη ἐνταῦθα ἐν ᾧ μάλιστα ἄνθρωποι χρησμῳδοῦσιν, ὅταν μέλλωσιν ἀποθανεῖσθαι. φημὶ γάρ, ὦ ἄνδρες οἳ ἐμὲ ἀπεκτόνατε, τιμωρίαν ὑμῖν ἥξειν εὐθὺς μετὰ τὸν ἐμὸν θάνατον πολὺ χαλεπωτέραν νὴ Δία ἢ οἵαν ἐμὲ ἀπεκτόνατε· νῦν γὰρ τοῦτο εἴργασθε οἰόμενοι μὲν ἀπαλλάξεσθαι τοῦ διδόναι ἔλεγχον τοῦ βίου, τὸ δὲ ὑμῖν πολὺ ἐναντίον ἀποβήσεται, ὡς ἐγώ φημι. πλείους ἔσονται ὑμᾶς οἱ ἐλέγχοντες, οὓς νῦν ἐγὼ κατεῖχον, ὑμεῖς δὲ οὐκ ᾐσθάνεσθε· καὶ χαλεπώτεροι ἔσονται ὅσῳ νεώτεροί εἰσιν, καὶ ὑμεῖς μᾶλλον ἀγανακτήσετε. εἰ γὰρ οἴεσθε ἀποκτείνοντες ἀνθρώπους ἐπισχήσειν τοῦ ὀνειδίζειν τινὰ ὑμῖν ὅτι οὐκ ὀρθῶς ζῆτε, οὐ καλῶς διανοεῖσθε· οὐ γάρ ἐσθʼ αὕτη ἡ ἀπαλλαγὴ οὔτε πάνυ δυνατὴ οὔτε καλή, ἀλλʼ ἐκείνη καὶ καλλίστη καὶ ῥᾴστη, μὴ τοὺς ἄλλους κολούειν ἀλλʼ ἑαυτὸν παρασκευάζειν ὅπως ἔσται ὡς βέλτιστος. ταῦτα μὲν οὖν ὑμῖν τοῖς καταψηφισαμένοις μαντευσάμενος ἀπαλλάττομαι.

というのも、裁判においても戦争においても、私であれほかの誰であれ、何でもして死を免れようと、このことをたくらむべきではないのだから。実際、戦いにおいてもしばしば明らかになるのは、武器を捨てて、追ってくる者たちに嘆願するほうへ向かえば、死ぬことだけは免れられるだろう、ということだ。ほかにも、それぞれの危険のなかで、何でもし、何でも言う厚かましささえあれば、死を逃れるための多くの手立てがある。しかし、諸君、難しいのは死を免れることではなく、はるかに難しいのは邪悪さを免れることなのだ。邪悪さは死よりも速く走るのだから。そして今、私は、鈍くて年老いているので、より遅いものに捕らえられ、私の告発者たちは、有能で鋭いので、より速いもの、すなわち悪徳に捕らえられた。そして今、私は君たちによって死罪を宣告されて立ち去るが、彼らは真理によって、邪悪と不正の罪を宣告されている。そして私も自分の刑にとどまり、彼らもそうする。これらのことは、おそらくこうなるべきだったのであり、私はそれが程よいことだと思っている。さて、これに続くことを、私に有罪の票を投じた諸君、私は君たちに予言したい。というのも、私はもう、人間が死のうとするときに最もよく予言するそのときにいるのだから。私は言う、私を殺した諸君、私の死のすぐ後に、ゼウスにかけて、君たちが私を殺したような罰よりもはるかに厳しい罰が、君たちに下るだろう。というのも、今君たちがこのことをしたのは、自分の生き方について吟味を受けることから解放されるだろうと思ってのことだが、私の言うところでは、それは君たちにとってまったく反対の結果になるだろう。君たちを吟味する者はより多くなるだろう。今まで私が抑えていたが、君たちが気づいていなかった者たちだ。そして彼らは若いだけに、いっそう手厳しくなり、君たちはいっそう腹を立てることになるだろう。というのも、もし君たちが、人々を殺すことによって、君たちが正しく生きていないと誰かが咎めるのをやめさせられると思っているなら、それは立派な考えではない。この解放の仕方は、まったく可能でもなければ立派でもなく、あの仕方こそ最も立派で最も容易なのだ。すなわち、ほかの人々を抑えつけるのではなく、自分自身ができるかぎり善い者になるよう備えることだ。では、私に有罪の票を投じた君たちには、このことを予言して、私は去ることにする。

τοῖς δὲ ἀποψηφισαμένοις ἡδέως ἂν διαλεχθείην ὑπὲρ τοῦ γεγονότος τουτουῒ πράγματος, ἐν ᾧ οἱ ἄρχοντες ἀσχολίαν ἄγουσι καὶ οὔπω ἔρχομαι οἷ ἐλθόντα με δεῖ τεθνάναι. ἀλλά μοι, ὦ ἄνδρες, παραμείνατε τοσοῦτον χρόνον· οὐδὲν γὰρ κωλύει διαμυθολογῆσαι πρὸς ἀλλήλους ἕως ἔξεστιν.

他方、無罪の票を投じた人々とは、この起こった出来事について、喜んで語り合いたい。役人たちが忙しくしていて、私がまだ、行けば死ななければならない場所へ行かないでいるあいだに。さあ、諸君、それだけの時間、私のもとにとどまってくれ。許されているあいだは、互いに語り合うのを妨げるものは何もないのだから。

ὑμῖν γὰρ ὡς φίλοις οὖσιν ἐπιδεῖξαι ἐθέλω τὸ νυνί μοι συμβεβηκὸς τί ποτε νοεῖ. ἐμοὶ γάρ, ὦ ἄνδρες δικασταί—ὑμᾶς γὰρ δικαστὰς καλῶν ὀρθῶς ἂν καλοίην—θαυμάσιόν τι γέγονεν. ἡ γὰρ εἰωθυῖά μοι μαντικὴ ἡ τοῦ δαιμονίου ἐν μὲν τῷ πρόσθεν χρόνῳ παντὶ πάνυ πυκνὴ ἀεὶ ἦν καὶ πάνυ ἐπὶ σμικροῖς ἐναντιουμένη, εἴ τι μέλλοιμι μὴ ὀρθῶς πράξειν. νυνὶ δὲ συμβέβηκέ μοι ἅπερ ὁρᾶτε καὶ αὐτοί, ταυτὶ ἅ γε δὴ οἰηθείη ἄν τις καὶ νομίζεται ἔσχατα κακῶν εἶναι· ἐμοὶ δὲ οὔτε ἐξιόντι ἕωθεν οἴκοθεν ἠναντιώθη τὸ τοῦ θεοῦ σημεῖον, οὔτε ἡνίκα ἀνέβαινον ἐνταυθοῖ ἐπὶ τὸ δικαστήριον, οὔτε ἐν τῷ λόγῳ οὐδαμοῦ μέλλοντί τι ἐρεῖν. καίτοι ἐν ἄλλοις λόγοις πολλαχοῦ δή με ἐπέσχε λέγοντα μεταξύ· νῦν δὲ οὐδαμοῦ περὶ ταύτην τὴν πρᾶξιν οὔτʼ ἐν ἔργῳ οὐδενὶ οὔτʼ ἐν λόγῳ ἠναντίωταί μοι. τί οὖν αἴτιον εἶναι ὑπολαμβάνω; ἐγὼ ὑμῖν ἐρῶ· κινδυνεύει γάρ μοι τὸ συμβεβηκὸς τοῦτο ἀγαθὸν γεγονέναι, καὶ οὐκ ἔσθʼ ὅπως ἡμεῖς ὀρθῶς ὑπολαμβάνομεν, ὅσοι οἰόμεθα κακὸν εἶναι τὸ τεθνάναι. μέγα μοι τεκμήριον τούτου γέγονεν· οὐ γὰρ ἔσθʼ ὅπως οὐκ ἠναντιώθη ἄν μοι τὸ εἰωθὸς σημεῖον, εἰ μή τι ἔμελλον ἐγὼ ἀγαθὸν πράξειν.

というのも、君たちを友として、今私に起こったことが一体何を意味するのかを示したいのだ。裁判官諸君――君たちを裁判官と呼べば、正しく呼ぶことになるだろうから――、私に何か驚くべきことが起こった。というのも、私のいつもの予言、すなわちダイモニオンのそれは、これまでのあらゆる時には、いつもとても頻繁で、私が何かを正しくないやり方でしようとしていると、ごく小さな事柄についてさえ反対したのだ。ところが今、君たち自身も見ているとおりのことが私に起こった。これは、人が悪のうちで最悪のものだと思うかもしれず、またそう見なされていることだ。しかし私には、朝、家を出るときにも、神のしるしは反対しなかったし、ここへ、法廷へと上ってきたときにも、弁論の中で何かを言おうとしたどこにおいても、反対しなかった。ところが、ほかの話のときには、話している最中にも、じつに多くのところで私を引き止めたのだ。だが今は、この件に関しては、どんな行いにおいても、どんな言葉においても、どこにおいても私に反対しなかった。では、その原因は何だと私は考えるか。君たちに言おう。この私に起こったことは、どうやら善いことだったようだ。そして、死んでいることを悪だと思っている私たちは、どうしても正しく考えてはいないのだ。そのことについて、大きな証拠が私に生じた。もし私が何か善いことをしようとしていたのでなかったなら、いつものしるしが私に反対しないということは、決してありえなかっただろうから。

ἐννοήσωμεν δὲ καὶ τῇδε ὡς πολλὴ ἐλπίς ἐστιν ἀγαθὸν αὐτὸ εἶναι. δυοῖν γὰρ θάτερόν ἐστιν τὸ τεθνάναι· ἢ γὰρ οἷον μηδὲν εἶναι μηδὲ αἴσθησιν μηδεμίαν μηδενὸς ἔχειν τὸν τεθνεῶτα, ἢ κατὰ τὰ λεγόμενα μεταβολή τις τυγχάνει οὖσα καὶ μετοίκησις τῇ ψυχῇ τοῦ τόπου τοῦ ἐνθένδε εἰς ἄλλον τόπον. καὶ εἴτε δὴ μηδεμία αἴσθησίς ἐστιν ἀλλʼ οἷον ὕπνος ἐπειδάν τις καθεύδων μηδʼ ὄναρ μηδὲν ὁρᾷ, θαυμάσιον κέρδος ἂν εἴη ὁ θάνατος—ἐγὼ γὰρ ἂν οἶμαι, εἴ τινα ἐκλεξάμενον δέοι ταύτην τὴν νύκτα ἐν ᾗ οὕτω κατέδαρθεν ὥστε μηδὲ ὄναρ ἰδεῖν, καὶ τὰς ἄλλας νύκτας τε καὶ ἡμέρας τὰς τοῦ βίου τοῦ ἑαυτοῦ ἀντιπαραθέντα ταύτῃ τῇ νυκτὶ δέοι σκεψάμενον εἰπεῖν πόσας ἄμεινον καὶ ἥδιον ἡμέρας καὶ νύκτας ταύτης τῆς νυκτὸς βεβίωκεν ἐν τῷ ἑαυτοῦ βίῳ, οἶμαι ἂν μὴ ὅτι ἰδιώτην τινά, ἀλλὰ τὸν μέγαν βασιλέα εὐαριθμήτους ἂν εὑρεῖν αὐτὸν ταύτας πρὸς τὰς ἄλλας ἡμέρας καὶ νύκτας—εἰ οὖν τοιοῦτον ὁ θάνατός ἐστιν, κέρδος ἔγωγε λέγω· καὶ γὰρ οὐδὲν πλείων ὁ πᾶς χρόνος φαίνεται οὕτω δὴ εἶναι ἢ μία νύξ. εἰ δʼ αὖ οἷον ἀποδημῆσαί ἐστιν ὁ θάνατος ἐνθένδε εἰς ἄλλον τόπον, καὶ ἀληθῆ ἐστιν τὰ λεγόμενα, ὡς ἄρα ἐκεῖ εἰσι πάντες οἱ τεθνεῶτες, τί μεῖζον ἀγαθὸν τούτου εἴη ἄν, ὦ ἄνδρες δικασταί;

また次のようにも考えてみよう。それが善いことであるという大きな希望があるということを。というのも、死んでいるということは、二つのうちのどちらかなのだから。すなわち、死んだ者は無のようなものであって、何ものについても何の感覚ももたないか、あるいは、言われているところによれば、魂にとって、ここからほかの場所への一種の変化であり、移住であるか、そのどちらかだ。そして、もし何の感覚もなく、眠っている人が夢さえ何も見ないときの眠りのようなものであるなら、死は驚くべき得であるだろう――というのも私の思うに、もし誰かが、夢さえ見ないほどぐっすり眠ったそういう夜を選び出し、自分の生涯のほかの夜や昼をこの夜と並べて比べ、よく考えたうえで、自分の生涯のうちで、この夜よりもよく、より快く生きた昼と夜がいくつあるかを言わなければならないとしたら、私の思うに、どこかの私人はもちろん、大王でさえ、それらがほかの昼と夜に比べて、たやすく数えられるほどしかないことを見出すだろう――。そこで、もし死がそのようなものであるなら、私はそれを得だと言う。というのも、そのようにして、全時間はたった一夜以上の何ものでもないように見えるのだから。他方、もし死が、ここからほかの場所への旅立ちのようなものであり、言われていること、つまり死んだ者はみなそこにいるということが真実であるなら、裁判官諸君、これより大きな善がありえようか。

εἰ γάρ τις ἀφικόμενος εἰς Ἅιδου, ἀπαλλαγεὶς τουτωνὶ τῶν φασκόντων δικαστῶν εἶναι, εὑρήσει τοὺς ὡς ἀληθῶς δικαστάς, οἵπερ καὶ λέγονται ἐκεῖ δικάζειν, Μίνως τε καὶ Ῥαδάμανθυς καὶ Αἰακὸς καὶ Τριπτόλεμος καὶ ἄλλοι ὅσοι τῶν ἡμιθέων δίκαιοι ἐγένοντο ἐν τῷ ἑαυτῶν βίῳ, ἆρα φαύλη ἂν εἴη ἡ ἀποδημία; ἢ αὖ Ὀρφεῖ συγγενέσθαι καὶ Μουσαίῳ καὶ Ἡσιόδῳ καὶ Ὁμήρῳ ἐπὶ πόσῳ ἄν τις δέξαιτʼ ἂν ὑμῶν; ἐγὼ μὲν γὰρ πολλάκις ἐθέλω τεθνάναι εἰ ταῦτʼ ἔστιν ἀληθῆ. ἐπεὶ ἔμοιγε καὶ αὐτῷ θαυμαστὴ ἂν εἴη ἡ διατριβὴ αὐτόθι, ὁπότε ἐντύχοιμι Παλαμήδει καὶ Αἴαντι τῷ Τελαμῶνος καὶ εἴ τις ἄλλος τῶν παλαιῶν διὰ κρίσιν ἄδικον τέθνηκεν, ἀντιπαραβάλλοντι τὰ ἐμαυτοῦ πάθη πρὸς τὰ ἐκείνων—ὡς ἐγὼ οἶμαι, οὐκ ἂν ἀηδὲς εἴη—καὶ δὴ τὸ μέγιστον, τοὺς ἐκεῖ ἐξετάζοντα καὶ ἐρευνῶντα ὥσπερ τοὺς ἐνταῦθα διάγειν, τίς αὐτῶν σοφός ἐστιν καὶ τίς οἴεται μέν, ἔστιν δʼ οὔ. ἐπὶ πόσῳ δʼ ἄν τις, ὦ ἄνδρες δικασταί, δέξαιτο ἐξετάσαι τὸν ἐπὶ Τροίαν ἀγαγόντα τὴν πολλὴν στρατιὰν ἢ Ὀδυσσέα ἢ Σίσυφον ἢ ἄλλους μυρίους ἄν τις εἴποι καὶ ἄνδρας καὶ γυναῖκας, οἷς ἐκεῖ διαλέγεσθαι καὶ συνεῖναι καὶ ἐξετάζειν ἀμήχανον ἂν εἴη εὐδαιμονίας; πάντως οὐ δήπου τούτου γε ἕνεκα οἱ ἐκεῖ ἀποκτείνουσι· τά τε γὰρ ἄλλα εὐδαιμονέστεροί εἰσιν οἱ ἐκεῖ τῶν ἐνθάδε, καὶ ἤδη τὸν λοιπὸν χρόνον ἀθάνατοί εἰσιν, εἴπερ γε τὰ λεγόμενα ἀληθῆ.

というのも、もし人がハデスの国にたどり着いて、ここにいる、裁判官だと自称する者たちから解放され、真の意味での裁判官たち――まさにそこで裁きを行うと言われている、ミノスやラダマンテュスやアイアコスやトリプトレモス、そのほか自分の生涯において正しかった半神たち――を見出すとしたら、その旅立ちはつまらないものだろうか。あるいはまた、オルペウスやムサイオスやヘシオドスやホメロスと一緒になるためなら、君たちのうち誰が、いったいどれほどの代価を払ってもよいと思うだろうか。私のほうは、もしそれが真実であるなら、何度でも死にたいと思う。というのも、私自身にとっても、そこでの過ごし方は驚くべきものだろうから。パラメデスや、テラモンの子アイアスや、そのほか不正な判決によって死んだ昔の人々の誰かに出会い、自分の受けた目を彼らのそれと比べてみるとき――私の思うに、それは不快なことではないだろう――。そして何よりも大きなことに、ここの人々に対してと同じように、あちらの人々を吟味し、調べて、彼らのうち誰が知恵ある者で、誰が知恵あると思ってはいるがそうではないかを探りながら過ごすことだ。裁判官諸君、トロイアへ大軍を率いていった者や、オデュッセウスやシシュポスや、そのほか人が挙げうる無数の男たち女たちを吟味するためなら、人はどれほどの代価を払ってもよいと思うだろうか。あちらで彼らと対話し、共に過ごし、吟味することは、途方もない幸福であろう。いずれにせよ、少なくともそのことのために、あちらの人々が人を死刑にすることはないだろう。というのも、あちらの人々は、ほかの点でもこちらの人々より幸福であるし、また、言われていることが真実であるなら、これからの時間はもう不死なのだから。

ἀλλὰ καὶ ὑμᾶς χρή, ὦ ἄνδρες δικασταί, εὐέλπιδας εἶναι πρὸς τὸν θάνατον, καὶ ἕν τι τοῦτο διανοεῖσθαι ἀληθές, ὅτι οὐκ ἔστιν ἀνδρὶ ἀγαθῷ κακὸν οὐδὲν οὔτε ζῶντι οὔτε τελευτήσαντι, οὐδὲ ἀμελεῖται ὑπὸ θεῶν τὰ τούτου πράγματα· οὐδὲ τὰ ἐμὰ νῦν ἀπὸ τοῦ αὐτομάτου γέγονεν, ἀλλά μοι δῆλόν ἐστι τοῦτο, ὅτι ἤδη τεθνάναι καὶ ἀπηλλάχθαι πραγμάτων βέλτιον ἦν μοι. διὰ τοῦτο καὶ ἐμὲ οὐδαμοῦ ἀπέτρεψεν τὸ σημεῖον, καὶ ἔγωγε τοῖς καταψηφισαμένοις μου καὶ τοῖς κατηγόροις οὐ πάνυ χαλεπαίνω. καίτοι οὐ ταύτῃ τῇ διανοίᾳ κατεψηφίζοντό μου καὶ κατηγόρουν, ἀλλʼ οἰόμενοι βλάπτειν· τοῦτο αὐτοῖς ἄξιον μέμφεσθαι. τοσόνδε μέντοι αὐτῶν δέομαι· τοὺς ὑεῖς μου, ἐπειδὰν ἡβήσωσι, τιμωρήσασθε, ὦ ἄνδρες, ταὐτὰ ταῦτα λυποῦντες ἅπερ ἐγὼ ὑμᾶς ἐλύπουν, ἐὰν ὑμῖν δοκῶσιν ἢ χρημάτων ἢ ἄλλου του πρότερον ἐπιμελεῖσθαι ἢ ἀρετῆς, καὶ ἐὰν δοκῶσί τι εἶναι μηδὲν ὄντες, ὀνειδίζετε αὐτοῖς ὥσπερ ἐγὼ ὑμῖν, ὅτι οὐκ ἐπιμελοῦνται ὧν δεῖ, καὶ οἴονταί τι εἶναι ὄντες οὐδενὸς ἄξιοι. καὶ ἐὰν ταῦτα ποιῆτε, δίκαια πεπονθὼς ἐγὼ ἔσομαι ὑφʼ ὑμῶν αὐτός τε καὶ οἱ ὑεῖς. ἀλλὰ γὰρ ἤδη ὥρα ἀπιέναι, ἐμοὶ μὲν ἀποθανουμένῳ, ὑμῖν δὲ βιωσομένοις· ὁπότεροι δὲ ἡμῶν ἔρχονται ἐπὶ ἄμεινον πρᾶγμα, ἄδηλον παντὶ πλὴν ἢ τῷ θεῷ.

しかし、裁判官諸君、君たちもまた、死に対してよい希望をもち、次の一つのことを真実だと考えなければならない。善い人には、生きているときにも死んでからも、悪いことは何一つなく、その人の事柄は神々によってなおざりにされることはない、ということを。私の今の事柄も、おのずから起こったのではなく、もう死んで、厄介事から解放されるほうが私にとってよかったのだということが、私には明らかなのだ。それゆえにこそ、しるしも私をどこにおいても引き止めなかったのであり、私も、私に有罪の票を投じた人々や告発者たちに、少しも腹を立ててはいない。とはいえ、彼らがこの考えで私に有罪の票を投じ、告発したのではなく、私を害するつもりでそうしたのだということ、この点は彼らを非難するに値する。だが、彼らに次のことだけはお願いしたい。私の息子たちが成人したら、諸君、私が君たちを悩ませたのとまったく同じことで彼らを悩ませて、罰してほしい。もし彼らが、徳よりも先に金銭やほかの何かに心を配っていると君たちに思われたなら、そして、何者でもないのに何者かであるように思っているなら、私が君たちにしたように、彼らを咎めてほしい。心を配るべきことに心を配らず、何の価値もないのに何者かであると思っていると。そして、もし君たちがそうしてくれるなら、私自身も息子たちも、君たちから正当な扱いを受けたことになるだろう。だが、もう立ち去る時だ。私は死ぬために、君たちは生きるために。私たちのどちらがよりよいことに向かっているのかは、神のほかには誰にも明らかではない。