ἀλλὰ μὴν καὶ τόδε γε ἀναγκαῖον, καὶ οὐκ ἄλλως ἄν ποτε γένοιτο οὐδʼ ἂν ἕν. — τὸ ποῖον; — ὧι μὴ μείξομεν ἀλήθειαν, οὐκ ἄν ποτε τοῦτο ἀληθῶς γίγνοιτο οὐδʼ ἂν γενόμενον εἴη. — πῶς γὰρ ἄν; — οὐδαμῶς. ἀλλʼ εἴ τινος ἔτι προσδεῖ τῇ συγκράσει ταύτῃ, λέγετε σὺ καὶ Φίληβος. ἐμοὶ μὲν γὰρ καθαπερεὶ κόσμος τις ἀσώματος ἄρξων καλῶς ἐμψύχου σώματος ὁ νῦν λόγος ἀπειργάσθαι φαίνεται. — καὶ ἐμοὶ τοίνυν, ὦ Σώκρατες, οὕτω λέγε δεδόχθαι. — ἆρʼ οὖν ἐπὶ μὲν τοῖς τοῦ ἀγαθοῦ νῦν ἤδη προθύροις καὶ τῆς οἰκήσεως ἐφεστάναι τῆς τοῦ τοιούτου λέγοντες ἴσως ὀρθῶς ἄν τινα τρόπον φαῖμεν; — ἐμοὶ γοῦν δοκεῖ. — τί δῆτα ἐν τῇ συμμείξει τιμιώτατον ἅμα καὶ μάλιστʼ αἴτιον εἶναι δόξειεν ἂν ἡμῖν τοῦ πᾶσιν γεγονέναι προσφιλῆ τὴν τοιαύτην διάθεσιν; τοῦτο γὰρ ἰδόντες μετὰ τοῦτʼ ἐπισκεψόμεθα εἴθʼ ἡδονῇ εἴτε τῷ νῷ προσφυέστερον καὶ οἰκειότερον ἐν τῷ παντὶ συνέστηκεν. — ὀρθῶς· τοῦτο γὰρ εἰς τὴν κρίσιν ἡμῖν ἐστι συμφορώτατον. — καὶ μὴν καὶ συμπάσης γε μείξεως οὐ χαλεπὸν ἰδεῖν τὴν αἰτίαν, διʼ ἣν ἢ παντὸς ἀξία γίγνεται ἡτισοῦν ἢ τὸ παράπαν οὐδενός. — πῶς λέγεις; — οὐδείς που τοῦτο ἀνθρώπων ἀγνοεῖ. — τὸ ποῖον; — ὅτι μέτρου καὶ τῆς συμμέτρου φύσεως μὴ τυχοῦσα ἡτισοῦν καὶ ὁπωσοῦν σύγκρασις πᾶσα ἐξ ἀνάγκης ἀπόλλυσι τά τε κεραννύμενα καὶ πρώτην αὑτήν· οὐδὲ γὰρ κρᾶσις ἀλλά τις ἄκρατος συμπεφορημένη ἀληθῶς ἡ τοιαύτη γίγνεται ἑκάστοτε ὄντως τοῖς κεκτημένοις συμφορά. — ἀληθέστατα. — νῦν δὴ καταπέφευγεν ἡμῖν ἡ τοῦ ἀγαθοῦ δύναμις εἰς τὴν τοῦ καλοῦ φύσιν· μετριότης γὰρ καὶ συμμετρία κάλλος δήπου καὶ ἀρετὴ πανταχοῦ συμβαίνει γίγνεσθαι. — πάνυ μὲν οὖν. — καὶ μὴν ἀλήθειάν γε ἔφαμεν αὐτοῖς ἐν τῇ κράσει μεμεῖχθαι. — πάνυ γε. — οὐκοῦν εἰ μὴ μιᾷ δυνάμεθα ἰδέᾳ τὸ ἀγαθὸν θηρεῦσαι, σὺν τρισὶ λαβόντες, κάλλει καὶ συμμετρίᾳ καὶ ἀληθείᾳ, λέγωμεν ὡς τοῦτο οἷον ἓν ὀρθότατʼ ἂν αἰτιασαίμεθʼ ἂν τῶν ἐν τῇ συμμείξει, καὶ διὰ τοῦτο ὡς ἀγαθὸν ὂν τοιαύτην αὐτὴν γεγονέναι. — ὀρθότατα μὲν οὖν.
だがさらに、これもまた必然であり、ほかの仕方では決して、ただ一つのものさえも生じないだろう。
どういうことですか。
真実を混ぜ合わせないもの、それは決して真に生じることもないし、生じたとしても〔真に〕あることもないだろう。
どうしてそうなりえましょう。
決して〔なりえない〕。だが、もしこの混合にまだ何かが必要なら、君とピレボスが言ってくれたまえ。というのも、私には、今の言論は、魂をもつ身体を立派に支配することになる、いわば一種の非物体的な秩序(コスモス)として仕上げられたように見えるのだ。
では私にも、ソクラテス、そのように思われていると言ってください。
それでは、私たちは今やもう善の前庭に、そしてそのようなものの住まいの前に立っていると言えば、おそらくある仕方では正しく言っていることになるだろうか。
少なくとも私にはそう思われます。
では、混合のうちで、最も尊く、同時に、このような状態がすべての人にとって好ましいものとなったことの最も大きな原因であると私たちに思われるのは、何だろうか。というのも、それを見たうえで、その後で、それが万有のうちで快楽と知性のどちらに、より密接に、より親しく結びついているかを考察することにしよう。
正しいです。それこそ、私たちの判定にとって最も役立つことですから。
そしてまた、あらゆる混合について、それによってどんな混合でもすべての価値をもつものとなるか、あるいはまったく何の価値もないものとなるか、その原因を見て取るのは難しくない。
どういう意味ですか。
人間のうち誰ひとり、きっとこのことを知らない者はいない。
どういうことですか。
尺度と、均衡のとれた本性とを得ていない混合は、どんなものであれ、どのような仕方のものであれ、すべて必然的に、混ぜ合わされるものを、そしてまず第一に自分自身を滅ぼすということだ。というのも、そのようなものは混合ではなく、真に、混ぜ合わされない寄せ集めのようなものとなり、そのつど、それを所有する者たちにとって、実に災いとなるのだから。
まったくそのとおりです。
そこで今、善の力は、私たちのもとから美の本性のうちへと逃げ込んでしまった。というのも、節度と均衡は、きっと至るところで美と徳になるのだから。
まったくそうです。
そしてまた、真実もそれらとともに混合のうちに混ぜ合わされていると、私たちは言ったのだった。
そうですとも。
それでは、もし私たちが善を一つのすがたで狩り捕らえることができないのなら、三つのもの、すなわち美と均衡と真実とで捉えて、こう言おう。これを、いわば一つのものとして、混合のうちにあるものの原因とするのが最も正しいだろう、そしてこれが善であるがゆえに、混合はそのようなものになったのだ、と。
まったく最も正しいです。


コメント
まだコメントはありません。
コメントを読み込んでいます…