第5部　アルキビアデスの登場とソクラテス讃美

εἰπόντος δὲ ταῦτα τοῦ Σωκράτους τοὺς μὲν ἐπαινεῖν, τὸν δὲ Ἀριστοφάνη λέγειν τι ἐπιχειρεῖν, ὅτι ἐμνήσθη αὐτοῦ λέγων ὁ Σωκράτης περὶ τοῦ λόγου· καὶ ἐξαίφνης τὴν αὔλειον θύραν κρουομένην πολὺν ψόφον παρασχεῖν ὡς κωμαστῶν, καὶ αὐλητρίδος φωνὴν ἀκούειν. τὸν οὖν Ἀγάθωνα, παῖδες, φάναι, οὐ σκέψεσθε; καὶ ἐὰν μέν τις τῶν ἐπιτηδείων ᾖ, καλεῖτε· εἰ δὲ μή, λέγετε ὅτι οὐ πίνομεν ἀλλʼ ἀναπαυόμεθα ἤδη. καὶ οὐ πολὺ ὕστερον Ἀλκιβιάδου τὴν φωνὴν ἀκούειν ἐν τῇ αὐλῇ σφόδρα μεθύοντος καὶ μέγα βοῶντος, ἐρωτῶντος ὅπου Ἀγάθων καὶ κελεύοντος ἄγειν παρʼ Ἀγάθωνα. ἄγειν οὖν αὐτὸν παρὰ σφᾶς τήν τε αὐλητρίδα ὑπολαβοῦσαν καὶ ἄλλους τινὰς τῶν ἀκολούθων, καὶ ἐπιστῆναι ἐπὶ τὰς θύρας ἐστεφανωμένον αὐτὸν κιττοῦ τέ τινι στεφάνῳ δασεῖ καὶ ἴων, καὶ ταινίας ἔχοντα ἐπὶ τῆς κεφαλῆς πάνυ πολλάς, καὶ εἰπεῖν· ἄνδρες, χαίρετε· μεθύοντα ἄνδρα πάνυ σφόδρα δέξεσθε συμπότην, ἢ ἀπίωμεν ἀναδήσαντες μόνον Ἀγάθωνα, ἐφʼ ᾧπερ ἤλθομεν; ἐγὼ γάρ τοι, φάναι, χθὲς μὲν οὐχ οἷός τʼ ἐγενόμην ἀφικέσθαι, νῦν δὲ ἥκω ἐπὶ τῇ κεφαλῇ ἔχων τὰς ταινίας, ἵνα ἀπὸ τῆς ἐμῆς κεφαλῆς τὴν τοῦ σοφωτάτου καὶ καλλίστου κεφαλὴν ἐὰν εἴπω οὑτωσὶ ἀναδήσω. ἆρα καταγελάσεσθέ μου ὡς μεθύοντος; ἐγὼ δέ, κἂν ὑμεῖς γελᾶτε, ὅμως εὖ οἶδʼ ὅτι ἀληθῆ λέγω. ἀλλά μοι λέγετε αὐτόθεν, ἐπὶ ῥητοῖς εἰσίω ἢ μή; συμπίεσθε ἢ οὔ; πάντας οὖν ἀναθορυβῆσαι καὶ κελεύειν εἰσιέναι καὶ κατακλίνεσθαι, καὶ τὸν Ἀγάθωνα καλεῖν αὐτόν. καὶ τὸν ἰέναι ἀγόμενον ὑπὸ τῶν ἀνθρώπων, καὶ περιαιρούμενον ἅμα τὰς ταινίας ὡς ἀναδήσοντα, ἐπίπροσθε τῶν ὀφθαλμῶν ἔχοντα οὐ κατιδεῖν τὸν Σωκράτη, ἀλλὰ καθίζεσθαι παρὰ τὸν Ἀγάθωνα ἐν μέσῳ Σωκράτους τε καὶ ἐκείνου· παραχωρῆσαι γὰρ τὸν Σωκράτη ὡς ἐκεῖνον κατιδεῖν. παρακαθεζόμενον δὲ αὐτὸν ἀσπάζεσθαί τε τὸν Ἀγάθωνα καὶ ἀναδεῖν. εἰπεῖν οὖν τὸν Ἀγάθωνα Ὑπολύετε, παῖδες, Ἀλκιβιάδην, ἵνα ἐκ τρίτων κατακέηται. πάνυ γε, εἰπεῖν τὸν Ἀλκιβιάδην· ἀλλὰ τίς ἡμῖν ὅδε τρίτος συμπότης; καὶ ἅμα μεταστρεφόμενον αὐτὸν ὁρᾶν τὸν Σωκράτη, ἰδόντα δὲ ἀναπηδῆσαι καὶ εἰπεῖν ὦ Ἡράκλεις, τουτὶ τί ἦν; Σωκράτης οὗτος; ἐλλοχῶν αὖ με ἐνταῦθα κατέκεισο, ὥσπερ εἰώθεις ἐξαίφνης ἀναφαίνεσθαι ὅπου ἐγὼ ᾤμην ἥκιστά σε ἔσεσθαι. καὶ νῦν τί ἥκεις; καὶ τί αὖ ἐνταῦθα κατεκλίνης; ὡς οὐ παρὰ Ἀριστοφάνει οὐδὲ εἴ τις ἄλλος γελοῖος ἔστι τε καὶ βούλεται, ἀλλὰ διεμηχανήσω ὅπως παρὰ τῷ καλλίστῳ τῶν ἔνδον κατακείσῃ. καὶ τὸν Σωκράτη, Ἀγάθων, φάναι, ὅρα εἴ μοι ἐπαμύνεις· ὡς ἐμοὶ ὁ τούτου ἔρως τοῦ ἀνθρώπου οὐ φαῦλον πρᾶγμα γέγονεν. ἀπʼ ἐκείνου γὰρ τοῦ χρόνου, ἀφʼ οὗ τούτου ἠράσθην, οὐκέτι ἔξεστίν μοι οὔτε προσβλέψαι οὔτε διαλεχθῆναι καλῷ οὐδʼ ἑνί, ἢ οὑτοσὶ ζηλοτυπῶν με καὶ φθονῶν θαυμαστὰ ἐργάζεται καὶ λοιδορεῖταί τε καὶ τὼ χεῖρε μόγις ἀπέχεται. ὅρα οὖν μή τι καὶ νῦν ἐργάσηται, ἀλλὰ διάλλαξον ἡμᾶς, ἢ ἐὰν ἐπιχειρῇ βιάζεσθαι, ἐπάμυνε, ὡς ἐγὼ τὴν τούτου μανίαν τε καὶ φιλεραστίαν πάνυ ὀρρωδῶ. ἀλλʼ οὐκ ἔστι, φάναι τὸν Ἀλκιβιάδην, ἐμοὶ καὶ σοὶ διαλλαγή. ἀλλὰ τούτων μὲν εἰς αὖθίς σε τιμωρήσομαι· νῦν δέ μοι, Ἀγάθων, φάναι, μετάδος τῶν ταινιῶν, ἵνα ἀναδήσω καὶ τὴν τούτου ταυτηνὶ τὴν θαυμαστὴν κεφαλήν, καὶ μή μοι μέμφηται ὅτι σὲ μὲν ἀνέδησα, αὐτὸν δὲ νικῶντα ἐν λόγοις πάντας ἀνθρώπους, οὐ μόνον πρῴην ὥσπερ σύ, ἀλλʼ ἀεί, ἔπειτα οὐκ ἀνέδησα. καὶ ἅμʼ αὐτὸν λαβόντα τῶν ταινιῶν ἀναδεῖν τὸν Σωκράτη καὶ κατακλίνεσθαι.

ソクラテスがこう言うと、ほかの人たちは賞賛したが、アリストパネスは何か言おうとしていた、とアリストデモスは言った。ソクラテスが話の中で彼の言説に触れたからである。すると突然、中庭の戸がたたかれて、酒宴帰りのにぎやかな連中のような大きな物音がし、笛吹き女の声が聞こえた。そこでアガトンが言った。「おい、召使いたち、見に行かないのか。もし親しい者たちの誰かなら、呼び入れなさい。そうでなければ、もう飲んでいるのではなく、休んでいるところだと言いなさい」。そして、それから間もなく、アルキビアデスの声が中庭で聞こえた。ひどく酔っていて大声で叫び、アガトンはどこかと尋ね、アガトンのところへ連れて行けと命じていた。そこで笛吹き女と、ほかの何人かの従者たちが彼を抱えて、彼らのところへ連れて来た。そして彼は、蔦とすみれの何か豊かな冠をかぶり、頭にはたいへん多くのリボンをつけて戸口に立ち、言った。「諸君、ごきげんよう。ひどく酔っぱらった男を酒宴の仲間として迎えてくれるかね。それとも、アガトンに冠をかぶせるだけで帰ろうか。そのために来たのだから。というのも、私は」と彼は言った、「昨日は来ることができなかったのだが、今は、頭にリボンをつけてやって来たのだ。私の頭から、最も知恵があり最も美しい人の頭に、こう言ってよければ、冠をかぶせてやろうと思ってね。私が酔っているからといって、笑うだろうか。だが私は、たとえ君たちが笑っても、それでも本当のことを言っているのをよく知っているのだ。さあ、すぐに言ってくれたまえ。この条件で入ってよいかどうか。一緒に飲むかどうか」。そこで皆がどっと歓声をあげ、入って横になるよう促し、アガトンも彼を呼んだ。そこで彼は、人々に連れられて入って来た。そして同時に、冠をかぶせようとしてリボンを取りはずしていたので、それが目の前にかかっていて、ソクラテスに気づかず、アガトンのそばに、ソクラテスとアガトンのあいだに腰をおろした。ソクラテスが、彼が見えるように場所をあけたのである。そして、そばに腰をおろすと、アガトンを抱擁し、冠をかぶせた。そこでアガトンが言った。「召使いたち、アルキビアデスの履物を脱がせなさい。三人目として横になれるように」。「ぜひそうしてくれ」とアルキビアデスは言った。「だが、われわれの三人目の酒宴の仲間とは、この人は誰だね」。そして同時に、振り向いてソクラテスを見ると、見るなり跳び上がって言った。「ヘラクレスよ、これはいったい何だ。ソクラテスがここに。またしても、ここで私を待ち伏せして横になっていたのだね。あなたがいつも、私があなたがいるとはまったく思わないところに、突然現われるのが常だったようにね。それで今は、何をしに来たのかね。そしてまた、どうしてここに横になったのかね。アリストパネスのそばでも、ほかに誰かおどけた者であるか、そうありたいと思っている者のそばでもなく、中にいる者たちのうちで最も美しい者のそばに横になるよう、うまくたくらんだのだからね」。するとソクラテスは言った。「アガトン、私を守ってくれるかどうか見てくれたまえ。というのも、この人間への恋は、私にとってつまらないことではなくなってしまったのだ。私がこの人を恋したあの時以来、私はもう、美しい人のただ一人とも、目を向けることも話をすることもできないのだ。さもないと、この人は私を妬み、嫉妬して、とんでもないことをし、ののしり、手を出すのをやっとのことで控えているのだから。だから、今も何かしでかさないか見ていて、私たちを仲直りさせてくれたまえ。あるいは、もし彼が暴力をふるおうとしたら、守ってくれたまえ。私は、この人の狂気と、恋する者への執着を、ひどく恐れているのだから」。「いや」とアルキビアデスは言った、「私とあなたとのあいだに仲直りはない。だが、このことについては、また改めてあなたに仕返しをしよう。だが今は、アガトン」と彼は言った、「リボンを少し分けてくれたまえ。この人の、この驚くべき頭にも冠をかぶせるためにね。そして、私が君には冠をかぶせたのに、この人は言論において、すべての人間を、君のようにおとといだけでなく、いつも打ち負かしているのに、冠をかぶせなかったと言って、私を責めることがないように」。そして同時に、リボンを取ってソクラテスに冠をかぶせ、横になった。

ἐπειδὴ δὲ κατεκλίνη, εἰπεῖν· εἶεν δή, ἄνδρες· δοκεῖτε γάρ μοι νήφειν. οὐκ ἐπιτρεπτέον οὖν ὑμῖν, ἀλλὰ ποτέον· ὡμολόγηται γὰρ ταῦθʼ ἡμῖν. ἄρχοντα οὖν αἱροῦμαι τῆς πόσεως, ἕως ἂν ὑμεῖς ἱκανῶς πίητε, ἐμαυτόν. ἀλλὰ φερέτω, Ἀγάθων, εἴ τι ἔστιν ἔκπωμα μέγα. μᾶλλον δὲ οὐδὲν δεῖ, ἀλλὰ φέρε, παῖ, φάναι, τὸν ψυκτῆρα ἐκεῖνον, ἰδόντα αὐτὸν πλέον ἢ ὀκτὼ κοτύλας χωροῦντα. τοῦτον ἐμπλησάμενον πρῶτον μὲν αὐτὸν ἐκπιεῖν, ἔπειτα τῷ Σωκράτει κελεύειν ἐγχεῖν καὶ ἅμα εἰπεῖν· πρὸς μὲν Σωκράτη, ὦ ἄνδρες, τὸ σόφισμά μοι οὐδέν· ὁπόσον γὰρ ἂν κελεύῃ τις, τοσοῦτον ἐκπιὼν οὐδὲν μᾶλλον μή ποτε μεθυσθῇ. τὸν μὲν οὖν Σωκράτη ἐγχέαντος τοῦ παιδὸς πίνειν· τὸν δʼ Ἐρυξίμαχον πῶς οὖν, φάναι, ὦ Ἀλκιβιάδη, ποιοῦμεν; οὕτως οὔτε τι λέγομεν ἐπὶ τῇ κύλικι οὔτε τι ᾁδομεν, ἀλλʼ ἀτεχνῶς ὥσπερ οἱ διψῶντες πιόμεθα; τὸν οὖν Ἀλκιβιάδην εἰπεῖν ὦ Ἐρυξίμαχε, βέλτιστε βελτίστου πατρὸς καὶ σωφρονεστάτου, χαῖρε. καὶ γὰρ σύ, φάναι τὸν Ἐρυξίμαχον· ἀλλὰ τί ποιῶμεν; ὅτι ἂν σὺ κελεύῃς. δεῖ γάρ σοι πείθεσθαι· ἰητρὸς γὰρ ἀνὴρ πολλῶν ἀντάξιος ἄλλων· ἐπίταττε οὖν ὅτι βούλει. ἄκουσον δή, εἰπεῖν τὸν Ἐρυξίμαχον. ἡμῖν πρὶν σὲ εἰσελθεῖν ἔδοξε χρῆναι ἐπὶ δεξιὰ ἕκαστον ἐν μέρει λόγον περὶ Ἔρωτος εἰπεῖν ὡς δύναιτο κάλλιστον, καὶ ἐγκωμιάσαι. οἱ μὲν οὖν ἄλλοι πάντες ἡμεῖς εἰρήκαμεν· σὺ δʼ ἐπειδὴ οὐκ εἴρηκας καὶ ἐκπέπωκας, δίκαιος εἶ εἰπεῖν, εἰπὼν δὲ ἐπιτάξαι Σωκράτει ὅτι ἂν βούλῃ, καὶ τοῦτον τῷ ἐπὶ δεξιὰ καὶ οὕτω τοὺς ἄλλους. ἀλλά, φάναι, ὦ Ἐρυξίμαχε, τὸν Ἀλκιβιάδην, καλῶς μὲν λέγεις, μεθύοντα δὲ ἄνδρα παρὰ νηφόντων λόγους παραβάλλειν μὴ οὐκ ἐξ ἴσου ᾖ. καὶ ἅμα, ὦ μακάριε, πείθει τί σε Σωκράτης ὧν ἄρτι εἶπεν; ἢ οἶσθα ὅτι τοὐναντίον ἐστὶ πᾶν ἢ ὃ ἔλεγεν; οὗτος γάρ, ἐάν τινα ἐγὼ ἐπαινέσω τούτου παρόντος ἢ θεὸν ἢ ἄνθρωπον ἄλλον ἢ τοῦτον, οὐκ ἀφέξεταί μου τὼ χεῖρε. οὐκ εὐφημήσεις; φάναι τὸν Σωκράτη. μὰ τὸν Ποσειδῶ, εἰπεῖν τὸν Ἀλκιβιάδην, μηδὲν λέγε πρὸς ταῦτα, ὡς ἐγὼ οὐδʼ ἂν ἕνα ἄλλον ἐπαινέσαιμι σοῦ παρόντος. ἀλλʼ οὕτω ποίει, φάναι τὸν Ἐρυξίμαχον, εἰ βούλει· Σωκράτη ἐπαίνεσον. πῶς λέγεις; εἰπεῖν τὸν Ἀλκιβιάδην· δοκεῖ χρῆναι, ὦ Ἐρυξίμαχε; ἐπιθῶμαι τῷ ἀνδρὶ καὶ τιμωρήσωμαι ὑμῶν ἐναντίον; οὗτος, φάναι τὸν Σωκράτη, τί ἐν νῷ ἔχεις; ἐπὶ τὰ γελοιότερά με ἐπαινέσαι; ἢ τί ποιήσεις; τἀληθῆ ἐρῶ. ἀλλʼ ὅρα εἰ παρίης. ἀλλὰ μέντοι, φάναι, τά γε ἀληθῆ παρίημι καὶ κελεύω λέγειν. οὐκ ἂν φθάνοιμι, εἰπεῖν τὸν Ἀλκιβιάδην. καὶ μέντοι οὑτωσὶ ποίησον. ἐάν τι μὴ ἀληθὲς λέγω, μεταξὺ ἐπιλαβοῦ, ἂν βούλῃ, καὶ εἰπὲ ὅτι τοῦτο ψεύδομαι· ἑκὼν γὰρ εἶναι οὐδὲν ψεύσομαι. ἐὰν μέντοι ἀναμιμνῃσκόμενος ἄλλο ἄλλοθεν λέγω, μηδὲν θαυμάσῃς· οὐ γάρ τι ῥᾴδιον τὴν σὴν ἀτοπίαν ὧδʼ ἔχοντι εὐπόρως καὶ ἐφεξῆς καταριθμῆσαι.

横になると、彼は言った。「さて、諸君。君たちはしらふでいるように私には思われる。だから、君たちを放っておくわけにはいかない。飲まなければならないのだ。そう私たちのあいだで同意されたのだから。そこで、君たちがじゅうぶん飲むまで、飲む会の頭として、私は私自身を選ぶ。さあ、アガトン、もし何か大きな杯があるなら持って来させてくれたまえ。いや、むしろ、その必要はない。おい、召使い」と彼は言った、「あの冷やし壺を持って来てくれ」。それが八コテュレー以上入るのを見てとったのである。それを満たして、まず自分で飲み干し、それからソクラテスのために注ぐよう命じ、同時に言った。「ソクラテスに対しては、諸君、私の策略は何の役にも立たない。人がどれだけ飲めと命じても、それだけ飲み干して、それでも決して酔うことがないのだから」。そこで、召使いが注ぐと、ソクラテスは飲んだ。するとエリュクシマコスが言った。「アルキビアデス、それでは、私たちはどうするのかね。このように、杯を前にして何も語らず、何も歌わず、ただまるで喉の渇いた者たちのように飲むのかね」。そこでアルキビアデスは言った。「エリュクシマコス、最もすぐれた、最も節度ある父の最もすぐれた子よ、ごきげんよう」。「君もね」とエリュクシマコスは言った。「だが、私たちは何をしようか」。「君が命じることを何でも。君に従わなければならないのだから。『医者という者は、ほかの多くの者に値する』のだからね。だから、望むことを命じてくれたまえ」。「では聞いてくれたまえ」とエリュクシマコスは言った。「君が入って来る前に、私たちは、右回りに順番に、各人ができるかぎり最も美しいエロースについての話をし、讃えることに決めたのだ。ほかの私たちは皆、もう話した。君はまだ話しておらず、しかも飲み干したのだから、話すのが正当だ。そして話したら、ソクラテスに何でも望むことを命じ、この人がまた右隣の者に命じ、そうしてほかの人たちもそうするのだ」。「いや、エリュクシマコス」とアルキビアデスは言った、「よいことを言ってくれるが、酔った男の話をしらふの者たちの話と並べるのは、公平でないのではないか。それにまた、幸せな人よ、ソクラテスが今しがた言ったことのうち、何か君を説得したものがあるかね。それとも、まったく彼の言っていたことの反対であることを、君は知っているかね。というのも、この人は、この人がいるところで、私が神であれ人間であれ、この人以外の誰かを賞賛したら、私に手を出すのをやめないだろうから」。「口を慎まないかね」とソクラテスは言った。「ポセイドンにかけて」とアルキビアデスは言った、「それについては何も言わないでくれたまえ。あなたがいるところでは、私はほかの誰一人として賞賛しないだろうから」。「では、そうしたまえ」とエリュクシマコスは言った、「もし望むなら。ソクラテスを賞賛したまえ」。「どういうことかね」とアルキビアデスは言った。「そうしなければならないと思うのかね、エリュクシマコス。この人に襲いかかって、君たちの前で仕返しをしようか」。「おい、君」とソクラテスは言った、「何を考えているのかね。私をもっと笑いものにするように賞賛するつもりかね。それとも何をするつもりかね」。「本当のことを言いますよ。だが、許してくれるかどうか見てください」。「いや、もちろん」と彼は言った、「本当のことなら許すし、言うよう命じるよ」。「ではすぐにも始めましょう」とアルキビアデスは言った。「そして、こうしてください。もし私が何か本当でないことを言ったら、途中で、よければ、さえぎって、それは嘘だと言ってください。わざと嘘をつくことは何もないでしょうから。けれども、思い出しながら、あちらこちらのことを話しても、少しも驚かないでください。というのも、このような状態にある者にとって、あなたの奇妙さを、すらすらと順序だてて数え上げるのは、決してたやすいことではないのですから」。

Σωκράτη δʼ ἐγὼ ἐπαινεῖν, ὦ ἄνδρες, οὕτως ἐπιχειρήσω, διʼ εἰκόνων. οὗτος μὲν οὖν ἴσως οἰήσεται ἐπὶ τὰ γελοιότερα, ἔσται δʼ ἡ εἰκὼν τοῦ ἀληθοῦς ἕνεκα, οὐ τοῦ γελοίου. φημὶ γὰρ δὴ ὁμοιότατον αὐτὸν εἶναι τοῖς σιληνοῖς τούτοις τοῖς ἐν τοῖς ἑρμογλυφείοις καθημένοις, οὕστινας ἐργάζονται οἱ δημιουργοὶ σύριγγας ἢ αὐλοὺς ἔχοντας, οἳ διχάδε διοιχθέντες φαίνονται ἔνδοθεν ἀγάλματα ἔχοντες θεῶν. καὶ φημὶ αὖ ἐοικέναι αὐτὸν τῷ σατύρῳ τῷ Μαρσύᾳ. ὅτι μὲν οὖν τό γε εἶδος ὅμοιος εἶ τούτοις, ὦ Σώκρατες, οὐδʼ αὐτὸς ἄν που ἀμφισβητήσαις· ὡς δὲ καὶ τἆλλα ἔοικας, μετὰ τοῦτο ἄκουε. ὑβριστὴς εἶ· ἢ οὔ; ἐὰν γὰρ μὴ ὁμολογῇς, μάρτυρας παρέξομαι. ἀλλʼ οὐκ αὐλητής; πολύ γε θαυμασιώτερος ἐκείνου. ὁ μέν γε διʼ ὀργάνων ἐκήλει τοὺς ἀνθρώπους τῇ ἀπὸ τοῦ στόματος δυνάμει, καὶ ἔτι νυνὶ ὃς ἂν τὰ ἐκείνου αὐλῇ—ἃ γὰρ Ὄλυμπος ηὔλει, Μαρσύου λέγω, τούτου διδάξαντος—τὰ οὖν ἐκείνου ἐάντε ἀγαθὸς αὐλητὴς αὐλῇ ἐάντε φαύλη αὐλητρίς, μόνα κατέχεσθαι ποιεῖ καὶ δηλοῖ τοὺς τῶν θεῶν τε καὶ τελετῶν δεομένους διὰ τὸ θεῖα εἶναι. σὺ δʼ ἐκείνου τοσοῦτον μόνον διαφέρεις, ὅτι ἄνευ ὀργάνων ψιλοῖς λόγοις ταὐτὸν τοῦτο ποιεῖς. ἡμεῖς γοῦν ὅταν μέν του ἄλλου ἀκούωμεν λέγοντος καὶ πάνυ ἀγαθοῦ ῥήτορος ἄλλους λόγους, οὐδὲν μέλει ὡς ἔπος εἰπεῖν οὐδενί· ἐπειδὰν δὲ σοῦ τις ἀκούῃ ἢ τῶν σῶν λόγων ἄλλου λέγοντος, κἂν πάνυ φαῦλος ᾖ ὁ λέγων, ἐάντε γυνὴ ἀκούῃ ἐάντε ἀνὴρ ἐάντε μειράκιον, ἐκπεπληγμένοι ἐσμὲν καὶ κατεχόμεθα. ἐγὼ γοῦν, ὦ ἄνδρες, εἰ μὴ ἔμελλον κομιδῇ δόξειν μεθύειν, εἶπον ὀμόσας ἂν ὑμῖν οἷα δὴ πέπονθα αὐτὸς ὑπὸ τῶν τούτου λόγων καὶ πάσχω ἔτι καὶ νυνί. ὅταν γὰρ ἀκούω, πολύ μοι μᾶλλον ἢ τῶν κορυβαντιώντων ἥ τε καρδία πηδᾷ καὶ δάκρυα ἐκχεῖται ὑπὸ τῶν λόγων τῶν τούτου, ὁρῶ δὲ καὶ ἄλλους παμπόλλους τὰ αὐτὰ πάσχοντας· Περικλέους δὲ ἀκούων καὶ ἄλλων ἀγαθῶν ῥητόρων εὖ μὲν ἡγούμην λέγειν, τοιοῦτον δʼ οὐδὲν ἔπασχον, οὐδʼ ἐτεθορύβητό μου ἡ ψυχὴ οὐδʼ ἠγανάκτει ὡς ἀνδραποδωδῶς διακειμένου, ἀλλʼ ὑπὸ τουτουῒ τοῦ Μαρσύου πολλάκις δὴ οὕτω διετέθην ὥστε μοι δόξαι μὴ βιωτὸν εἶναι ἔχοντι ὡς ἔχω. καὶ ταῦτα, ὦ Σώκρατες, οὐκ ἐρεῖς ὡς οὐκ ἀληθῆ. καὶ ἔτι γε νῦν σύνοιδʼ ἐμαυτῷ ὅτι εἰ ἐθέλοιμι παρέχειν τὰ ὦτα, οὐκ ἂν καρτερήσαιμι ἀλλὰ ταὐτὰ ἂν πάσχοιμι. ἀναγκάζει γάρ με ὁμολογεῖν ὅτι πολλοῦ ἐνδεὴς ὢν αὐτὸς ἔτι ἐμαυτοῦ μὲν ἀμελῶ, τὰ δʼ Ἀθηναίων πράττω. βίᾳ οὖν ὥσπερ ἀπὸ τῶν Σειρήνων ἐπισχόμενος τὰ ὦτα οἴχομαι φεύγων, ἵνα μὴ αὐτοῦ καθήμενος παρὰ τούτῳ καταγηράσω. πέπονθα δὲ πρὸς τοῦτον μόνον ἀνθρώπων, ὃ οὐκ ἄν τις οἴοιτο ἐν ἐμοὶ ἐνεῖναι, τὸ αἰσχύνεσθαι ὁντινοῦν· ἐγὼ δὲ τοῦτον μόνον αἰσχύνομαι. σύνοιδα γὰρ ἐμαυτῷ ἀντιλέγειν μὲν οὐ δυναμένῳ ὡς οὐ δεῖ ποιεῖν ἃ οὗτος κελεύει, ἐπειδὰν δὲ ἀπέλθω, ἡττημένῳ τῆς τιμῆς τῆς ὑπὸ τῶν πολλῶν. δραπετεύω οὖν αὐτὸν καὶ φεύγω, καὶ ὅταν ἴδω, αἰσχύνομαι τὰ ὡμολογημένα. καὶ πολλάκις μὲν ἡδέως ἂν ἴδοιμι αὐτὸν μὴ ὄντα ἐν ἀνθρώποις· εἰ δʼ αὖ τοῦτο γένοιτο, εὖ οἶδα ὅτι πολὺ μεῖζον ἂν ἀχθοίμην, ὥστε οὐκ ἔχω ὅτι χρήσωμαι τούτῳ τῷ ἀνθρώπῳ. καὶ ὑπὸ μὲν δὴ τῶν αὐλημάτων καὶ ἐγὼ καὶ ἄλλοι πολλοὶ τοιαῦτα πεπόνθασιν ὑπὸ τοῦδε τοῦ σατύρου· ἄλλα δὲ ἐμοῦ ἀκούσατε ὡς ὅμοιός τʼ ἐστὶν οἷς ἐγὼ ᾔκασα αὐτὸν καὶ τὴν δύναμιν ὡς θαυμασίαν ἔχει.

「さて、諸君、ソクラテスを私は、このようにして、すなわち似像を通して賞賛するよう試みよう。この人は、おそらく、もっと笑いものにするためだと思うだろうが、その似像は真実のためであって、笑いのためではないのだ。というのも、私は言うが、この人は、彫像屋の店先に置かれている、あのシレノスたちに最もよく似ているのだ。職人たちが、葦笛や笛をもった姿に作っているもので、二つに開けると、中に神々の像をもっているのが見えるのだ。さらにまた、この人はサテュロスのマルシュアスに似ていると私は言う。さて、少なくとも姿の点では、ソクラテス、あなたがこれらに似ていることは、あなた自身もきっと異論を唱えないだろう。だが、ほかの点でも似ていることを、この後で聞きたまえ。あなたは傲慢な人だ。そうではないか。もし同意しないなら、証人を出そう。だが、笛吹きではないというのか。いや、あの者よりはるかに驚くべき笛吹きだ。あの者は、楽器を通して、口から出る力によって人々を魅了していた。そして今でも、あの者の曲を笛で吹く者は――というのも、オリュンポスが吹いていた曲は、マルシュアスのものだと私は言うのだ。この者が教えたのだから――、そこで、あの者の曲は、すぐれた笛吹きが吹くにせよ、つまらない笛吹き女が吹くにせよ、それだけが人を憑かれた状態にさせ、それが神的なものであるがゆえに、神々と秘儀を必要としている者たちを明らかにするのだ。ところがあなたは、ただ次の点だけであの者と異なっている。楽器なしに、むき出しの言葉だけで、まさにこれと同じことをする、という点でね。少なくとも私たちは、ほかの誰かが、たとえまったくすぐれた弁論家であっても、ほかの話をするのを聞くときには、いわば誰も少しも気にかけない。ところが、誰かがあなたの言うことを聞いたり、あなたの言葉をほかの人が語るのを聞いたりすると、たとえ語る者がまったくつまらない者であっても、女が聞くにせよ、男が聞くにせよ、少年が聞くにせよ、私たちは心を打たれ、憑かれてしまうのだ。少なくとも私は、諸君、もしまったく酔っていると思われるのでなかったら、この人の言葉によって私自身がどのような目にあったか、そして今もなおあっているかを、誓いを立てて君たちに言っただろう。というのも、私が聞くときには、コリュバスの祭りで狂う者たちよりもはるかに、私の心臓は跳び上がり、この人の言葉のせいで涙が流れるのだ。そして、ほかにもきわめて多くの人たちが同じ目にあっているのを私は見ている。ペリクレスやほかのすぐれた弁論家たちの話を聞いたときには、よく話すとは思ったが、そのような目には少しもあわなかったし、私の魂がかき乱されることもなく、奴隷のような状態にあることに憤ることもなかった。ところが、このマルシュアスによっては、しばしばこのような状態に置かれたので、今のようなありさまでは生きるに値しないと私には思われたのだ。そして、ソクラテス、このことを本当ではないとは言わないでしょう。そして今もなお、もし耳を貸そうとすれば、私はこらえきれず、同じ目にあうだろうと、自分でわかっているのだ。というのも、この人は私に、自分自身がまだ多くのものに欠けているのに、自分自身のことはなおざりにして、アテナイ人のことをしている、と同意するよう強いるのだから。そこで私は、まるでセイレンたちから逃れるように、無理に耳をふさいで、逃げて行ってしまうのだ。ここでこの人のそばに座ったまま年老いてしまわないようにね。そして、人間たちのうちでこの人に対してだけ、私の中にあるとは誰も思わないであろうような目に、私はあっているのだ。誰かに対して恥じるということにね。私は、この人に対してだけ恥じるのだ。というのも、私は、この人が命じることをしてはならないと反論することはできないのに、離れてしまうと、多くの人たちからの名誉に負けてしまうことを、自分でわかっているのだから。そこで私は、この人から逃亡し、逃げるのだ。そして、この人を見ると、同意したことを恥じるのだ。そして、しばしば、この人が人間たちのあいだにいなくなるのを見たら喜ばしいと思うこともある。だが、もしまたそうなったとしたら、はるかに大きく苦しむだろうことを、私はよく知っている。だから、この人間をどう扱えばよいのか、私にはわからないのだ。さて、この笛の曲によって、私も、ほかの多くの人たちも、このサテュロスからこのような目にあってきた。だが、ほかのことについても、私から聞いてくれたまえ。この人が、私がたとえたものにどれほど似ているか、そしてどれほど驚くべき力をもっているかを」。

εὖ γὰρ ἴστε ὅτι οὐδεὶς ὑμῶν τοῦτον γιγνώσκει· ἀλλὰ ἐγὼ δηλώσω, ἐπείπερ ἠρξάμην. ὁρᾶτε γὰρ ὅτι Σωκράτης ἐρωτικῶς διάκειται τῶν καλῶν καὶ ἀεὶ περὶ τούτους ἐστὶ καὶ ἐκπέπληκται, καὶ αὖ ἀγνοεῖ πάντα καὶ οὐδὲν οἶδεν. ὡς τὸ σχῆμα αὐτοῦ τοῦτο οὐ σιληνῶδες; σφόδρα γε. τοῦτο γὰρ οὗτος ἔξωθεν περιβέβληται, ὥσπερ ὁ γεγλυμμένος σιληνός· ἔνδοθεν δὲ ἀνοιχθεὶς πόσης οἴεσθε γέμει, ὦ ἄνδρες συμπόται, σωφροσύνης; ἴστε ὅτι οὔτε εἴ τις καλός ἐστι μέλει αὐτῷ οὐδέν, ἀλλὰ καταφρονεῖ τοσοῦτον ὅσον οὐδʼ ἂν εἷς οἰηθείη, οὔτʼ εἴ τις πλούσιος, οὔτʼ εἰ ἄλλην τινὰ τιμὴν ἔχων τῶν ὑπὸ πλήθους μακαριζομένων· ἡγεῖται δὲ πάντα ταῦτα τὰ κτήματα οὐδενὸς ἄξια καὶ ἡμᾶς οὐδὲν εἶναι—λέγω ὑμῖν—εἰρωνευόμενος δὲ καὶ παίζων πάντα τὸν βίον πρὸς τοὺς ἀνθρώπους διατελεῖ. σπουδάσαντος δὲ αὐτοῦ καὶ ἀνοιχθέντος οὐκ οἶδα εἴ τις ἑώρακεν τὰ ἐντὸς ἀγάλματα· ἀλλʼ ἐγὼ ἤδη ποτʼ εἶδον, καί μοι ἔδοξεν οὕτω θεῖα καὶ χρυσᾶ εἶναι καὶ πάγκαλα καὶ θαυμαστά, ὥστε ποιητέον εἶναι ἔμβραχυ ὅτι κελεύοι Σωκράτης. ἡγούμενος δὲ αὐτὸν ἐσπουδακέναι ἐπὶ τῇ ἐμῇ ὥρᾳ ἕρμαιον ἡγησάμην εἶναι καὶ εὐτύχημα ἐμὸν θαυμαστόν, ὡς ὑπάρχον μοι χαρισαμένῳ Σωκράτει πάντʼ ἀκοῦσαι ὅσαπερ οὗτος ᾔδει· ἐφρόνουν γὰρ δὴ ἐπὶ τῇ ὥρᾳ θαυμάσιον ὅσον. ταῦτα οὖν διανοηθείς, πρὸ τοῦ οὐκ εἰωθὼς ἄνευ ἀκολούθου μόνος μετʼ αὐτοῦ γίγνεσθαι, τότε ἀποπέμπων τὸν ἀκόλουθον μόνος συνεγιγνόμην—δεῖ γὰρ πρὸς ὑμᾶς πάντα τἀληθῆ εἰπεῖν· ἀλλὰ προσέχετε τὸν νοῦν, καὶ εἰ ψεύδομαι, Σώκρατες, ἐξέλεγχε—συνεγιγνόμην γάρ, ὦ ἄνδρες, μόνος μόνῳ, καὶ ᾤμην αὐτίκα διαλέξεσθαι αὐτόν μοι ἅπερ ἂν ἐραστὴς παιδικοῖς ἐν ἐρημίᾳ διαλεχθείη, καὶ ἔχαιρον. τούτων δʼ οὐ μάλα ἐγίγνετο οὐδέν, ἀλλʼ ὥσπερ εἰώθει διαλεχθεὶς ἄν μοι καὶ συνημερεύσας ᾤχετο ἀπιών. μετὰ ταῦτα συγγυμνάζεσθαι προυκαλούμην αὐτὸν καὶ συνεγυμναζόμην, ὥς τι ἐνταῦθα περανῶν. συνεγυμνάζετο οὖν μοι καὶ προσεπάλαιεν πολλάκις οὐδενὸς παρόντος· καὶ τί δεῖ λέγειν; οὐδὲν γάρ μοι πλέον ἦν. ἐπειδὴ δὲ οὐδαμῇ ταύτῃ ἥνυτον, ἔδοξέ μοι ἐπιθετέον εἶναι τῷ ἀνδρὶ κατὰ τὸ καρτερὸν καὶ οὐκ ἀνετέον, ἐπειδήπερ ἐνεκεχειρήκη, ἀλλὰ ἰστέον ἤδη τί ἐστι τὸ πρᾶγμα. προκαλοῦμαι δὴ αὐτὸν πρὸς τὸ συνδειπνεῖν, ἀτεχνῶς ὥσπερ ἐραστὴς παιδικοῖς ἐπιβουλεύων. καί μοι οὐδὲ τοῦτο ταχὺ ὑπήκουσεν, ὅμως δʼ οὖν χρόνῳ ἐπείσθη. ἐπειδὴ δὲ ἀφίκετο τὸ πρῶτον, δειπνήσας ἀπιέναι ἐβούλετο. καὶ τότε μὲν αἰσχυνόμενος ἀφῆκα αὐτόν· αὖθις δʼ ἐπιβουλεύσας, ἐπειδὴ ἐδεδειπνήκεμεν διελεγόμην ἀεὶ πόρρω τῶν νυκτῶν, καὶ ἐπειδὴ ἐβούλετο ἀπιέναι, σκηπτόμενος ὅτι ὀψὲ εἴη, προσηνάγκασα αὐτὸν μένειν. ἀνεπαύετο οὖν ἐν τῇ ἐχομένῃ ἐμοῦ κλίνῃ, ἐν ᾗπερ ἐδείπνει, καὶ οὐδεὶς ἐν τῷ οἰκήματι ἄλλος καθηῦδεν ἢ ἡμεῖς. μέχρι μὲν οὖν δὴ δεῦρο τοῦ λόγου καλῶς ἂν ἔχοι καὶ πρὸς ὁντινοῦν λέγειν· τὸ δʼ ἐντεῦθεν οὐκ ἄν μου ἠκούσατε λέγοντος, εἰ μὴ πρῶτον μέν, τὸ λεγόμενον, οἶνος ἄνευ τε παίδων καὶ μετὰ παίδων ἦν ἀληθής, ἔπειτα ἀφανίσαι Σωκράτους ἔργον ὑπερήφανον εἰς ἔπαινον ἐλθόντα ἄδικόν μοι φαίνεται. ἔτι δὲ τὸ τοῦ δηχθέντος ὑπὸ τοῦ ἔχεως πάθος κἄμʼ ἔχει. φασὶ γάρ πού τινα τοῦτο παθόντα οὐκ ἐθέλειν λέγειν οἷον ἦν πλὴν τοῖς δεδηγμένοις, ὡς μόνοις γνωσομένοις τε καὶ συγγνωσομένοις εἰ πᾶν ἐτόλμα δρᾶν τε καὶ λέγειν ὑπὸ τῆς ὀδύνης. ἐγὼ οὖν δεδηγμένος τε ὑπὸ ἀλγεινοτέρου καὶ τὸ ἀλγεινότατον ὧν ἄν τις δηχθείη—τὴν καρδίαν γὰρ ἢ ψυχὴν ἢ ὅτι δεῖ αὐτὸ ὀνομάσαι πληγείς τε καὶ δηχθεὶς ὑπὸ τῶν ἐν φιλοσοφίᾳ λόγων, οἳ ἔχονται ἐχίδνης ἀγριώτερον, νέου ψυχῆς μὴ ἀφυοῦς ὅταν λάβωνται, καὶ ποιοῦσι δρᾶν τε καὶ λέγειν ὁτιοῦν—καὶ ὁρῶν αὖ Φαίδρους, Ἀγάθωνας, Ἐρυξιμάχους, Παυσανίας, Ἀριστοδήμους τε καὶ Ἀριστοφάνας· Σωκράτη δὲ αὐτὸν τί δεῖ λέγειν, καὶ ὅσοι ἄλλοι; πάντες γὰρ κεκοινωνήκατε τῆς φιλοσόφου μανίας τε καὶ βακχείας—διὸ πάντες ἀκούσεσθε· συγγνώσεσθε γὰρ τοῖς τε τότε πραχθεῖσι καὶ τοῖς νῦν λεγομένοις. οἱ δὲ οἰκέται, καὶ εἴ τις ἄλλος ἐστὶν βέβηλός τε καὶ ἄγροικος, πύλας πάνυ μεγάλας τοῖς ὠσὶν ἐπίθεσθε.

「というのも、よく知っておきたまえ。君たちのうちの誰もこの人を知らないのだ。だが、私が明らかにしよう。始めたのだからね。というのも、君たちは、ソクラテスが美しい人たちに恋の状態にあり、いつも彼らのまわりにいて心を奪われ、またあらゆることを知らず、何も知らないのを見ているだろう。この見かけは、シレノス風ではないか。まったくそうだ。というのも、この人はこれを、ちょうど彫られたシレノスのように、外側にまとっているのだから。だが、中が開かれたら、酒宴の仲間の諸君、どれほどの節制に満ちていると思うかね。知ってのとおり、誰かが美しいかどうかは、彼には少しも気にならず、誰ひとりとして思いもしないほどに見下しているし、誰かが富裕であるかどうかも、あるいは多くの人たちに幸いだとされるほかの何らかの名誉をもっているかどうかもそうだ。そして、これらの所有物はすべて何の価値もないものと考え、私たちも何ものでもないと考えているのだ――君たちに言っておくがね――。そして、とぼけて冗談を言いながら、人々に対して生涯を過ごしているのだ。だが、彼がまじめになって開かれたときに、中の像を誰か見たことがあるかどうか、私は知らない。けれども私は、いつか見たことがあるのだ。そしてそれは、あまりに神的で、黄金で、まったく美しく、驚くべきものに私には思われたので、要するに、ソクラテスが命じることは何でもしなければならないと思われたのだ。そこで私は、彼が私の若さの盛りにまじめに心を寄せていると思って、それを思いがけない授かり物であり、私の驚くべき幸運だと考えた。ソクラテスの気に入るようにすれば、この人が知っていることをすべて聞くことができるだろうと思ってね。というのも、私は若さの盛りについて、驚くほど誇りをもっていたのだから。そこで、こう考えて、それまでは従者なしにこの人とひとりで一緒にいることには慣れていなかったのに、そのときには従者を去らせて、ひとりで一緒にいたのだ――というのも、君たちには本当のことをすべて言わなければならない。だが、注意していてくれたまえ。そして、ソクラテス、もし私が嘘をついていたら、論駁してください――。というのも、諸君、私は一対一で一緒にいたのだ。そして、すぐにも、恋する者が愛する少年と人のいないところで話すようなことを、この人が私に話すだろうと思って、喜んでいた。ところが、そうしたことは少しも起こらなかった。いつものように、私と話し、一緒に一日を過ごすと、去って行ってしまったのだ。その後、私はこの人を一緒に体育をするよう誘い、一緒に体育をした。そこで何かを成し遂げられるかと思ってね。そこでこの人は私と一緒に体育をし、誰もいないところでしばしば組み合った。そして、何を言う必要があろう。私には少しも得るところがなかったのだ。だが、この道ではどうしてもうまくいかないので、この人には力ずくで襲いかからなければならず、手をつけたからにはやめてはならず、もう事柄がどうなっているのかを知らなければならないと思われた。そこで私は、この人を夕食に誘った。まったく、恋する者が愛する少年をたくらむようにね。そして、この人はこれにもすぐには応じなかったが、それでも、しばらくして説得された。最初に来たとき、夕食をすませると帰ろうとした。そしてそのときは、私は恥ずかしくて、この人を帰らせた。だが、もう一度たくらんで、夕食をすませた後、夜遅くまでずっと話しつづけ、この人が帰ろうとすると、遅いからと口実をつけて、無理に泊まらせた。そこで、この人は私の隣の寝椅子、夕食のときに使っていた寝椅子で休み、その部屋にはほかに誰も、私たちのほかには眠っていなかった。さて、話のここまでは、誰に向かって話しても差し支えないだろう。だが、ここから先は、君たちは私が話すのを聞かなかっただろう。もし、第一に、言われているように、『酒は、子どもたちがいようといまいと、真実を語る』のでなかったなら、そして次に、賞賛にとりかかっていながら、ソクラテスの傲然とした所業を隠してしまうのは、正しくないことに私には思われるのでなかったならね。さらにまた、まむしに咬まれた者の目に、私もあっているのだ。というのも、そうした目にあった者は、咬まれた者たち以外には、それがどのようなものであったかを話そうとしない、と言われているのだから。痛みのためにどんなことでもあえてしたり言ったりしたとしても、その人たちだけが理解し、許してくれるだろうと思ってね。そこで私は、もっと痛いものに咬まれ、しかも人が咬まれうるもののうちで最も痛いところを――心臓と言うべきか、魂と言うべきか、何と名づけるべきかはともかく――、知恵を愛し求めることのうちにある言葉に打たれ咬まれたのだ。その言葉は、生まれつき悪くない若者の魂をとらえると、まむしよりも獰猛に食らいつき、どんなことでもさせたり言わせたりするのだ。そしてまた、パイドロスたちや、アガトンたちや、エリュクシマコスたちや、パウサニアスたちや、アリストデモスたちや、アリストパネスたちを見ているのだから――ソクラテス自身については何を言う必要があろう、またほかにいるかぎりの者たちについても――。というのも、君たちは皆、知恵を愛し求める者の狂気とバッコスの狂乱とを分けもってきたのだから。だからこそ、君たちは皆、聞くことになるのだ。君たちは、あのときなされたことも、今言われていることも、許してくれるだろうから。だが、召使いたちと、ほかに誰か秘儀にあずからない粗野な者がいれば、耳にまったく大きな扉を立てたまえ」。

ἐπειδὴ γὰρ οὖν, ὦ ἄνδρες, ὅ τε λύχνος ἀπεσβήκει καὶ οἱ παῖδες ἔξω ἦσαν, ἔδοξέ μοι χρῆναι μηδὲν ποικίλλειν πρὸς αὐτόν, ἀλλʼ ἐλευθέρως εἰπεῖν ἅ μοι ἐδόκει· καὶ εἶπον κινήσας αὐτόν, Σώκρατες, καθεύδεις; οὐ δῆτα, ἦ δʼ ὅς. οἶσθα οὖν ἅ μοι δέδοκται; τί μάλιστα, ἔφη. σὺ ἐμοὶ δοκεῖς, ἦν δʼ ἐγώ, ἐμοῦ ἐραστὴς ἄξιος γεγονέναι μόνος, καί μοι φαίνῃ ὀκνεῖν μνησθῆναι πρός με. ἐγὼ δὲ οὑτωσὶ ἔχω· πάνυ ἀνόητον ἡγοῦμαι εἶναι σοὶ μὴ οὐ καὶ τοῦτο χαρίζεσθαι καὶ εἴ τι ἄλλο ἢ τῆς οὐσίας τῆς ἐμῆς δέοιο ἢ τῶν φίλων τῶν ἐμῶν. ἐμοὶ μὲν γὰρ οὐδέν ἐστι πρεσβύτερον τοῦ ὡς ὅτι βέλτιστον ἐμὲ γενέσθαι, τούτου δὲ οἶμαί μοι συλλήπτορα οὐδένα κυριώτερον εἶναι σοῦ. ἐγὼ δὴ τοιούτῳ ἀνδρὶ πολὺ μᾶλλον ἂν μὴ χαριζόμενος αἰσχυνοίμην τοὺς φρονίμους, ἢ χαριζόμενος τούς τε πολλοὺς καὶ ἄφρονας. καὶ οὗτος ἀκούσας μάλα εἰρωνικῶς καὶ σφόδρα ἑαυτοῦ τε καὶ εἰωθότως ἔλεξεν ὦ φίλε Ἀλκιβιάδη, κινδυνεύεις τῷ ὄντι οὐ φαῦλος εἶναι, εἴπερ ἀληθῆ τυγχάνει ὄντα ἃ λέγεις περὶ ἐμοῦ, καί τις ἔστʼ ἐν ἐμοὶ δύναμις διʼ ἧς ἂν σὺ γένοιο ἀμείνων· ἀμήχανόν τοι κάλλος ὁρῴης ἂν ἐν ἐμοὶ καὶ τῆς παρὰ σοὶ εὐμορφίας πάμπολυ διαφέρον. εἰ δὴ καθορῶν αὐτὸ κοινώσασθαί τέ μοι ἐπιχειρεῖς καὶ ἀλλάξασθαι κάλλος ἀντὶ κάλλους, οὐκ ὀλίγῳ μου πλεονεκτεῖν διανοῇ, ἀλλʼ ἀντὶ δόξης ἀλήθειαν καλῶν κτᾶσθαι ἐπιχειρεῖς καὶ τῷ ὄντι χρύσεα χαλκείων διαμείβεσθαι νοεῖς. ἀλλʼ, ὦ μακάριε, ἄμεινον σκόπει, μή σε λανθάνω οὐδὲν ὤν. ἥ τοι τῆς διανοίας ὄψις ἄρχεται ὀξὺ βλέπειν ὅταν ἡ τῶν ὀμμάτων τῆς ἀκμῆς λήγειν ἐπιχειρῇ· σὺ δὲ τούτων ἔτι πόρρω. κἀγὼ ἀκούσας, τὰ μὲν παρʼ ἐμοῦ, ἔφην, ταῦτά ἐστιν, ὧν οὐδὲν ἄλλως εἴρηται ἢ ὡς διανοοῦμαι· σὺ δὲ αὐτὸς οὕτω βουλεύου ὅτι σοί τε ἄριστον καὶ ἐμοὶ ἡγῇ. ἀλλʼ, ἔφη, τοῦτό γʼ εὖ λέγεις· ἐν γὰρ τῷ ἐπιόντι χρόνῳ βουλευόμενοι πράξομεν ὃ ἂν φαίνηται νῷν περί τε τούτων καὶ περὶ τῶν ἄλλων ἄριστον. ἐγὼ μὲν δὴ ταῦτα ἀκούσας τε καὶ εἰπών, καὶ ἀφεὶς ὥσπερ βέλη, τετρῶσθαι αὐτὸν ᾤμην· καὶ ἀναστάς γε, οὐδʼ ἐπιτρέψας τούτῳ εἰπεῖν οὐδὲν ἔτι, ἀμφιέσας τὸ ἱμάτιον τὸ ἐμαυτοῦ τοῦτον—καὶ γὰρ ἦν χειμών—ὑπὸ τὸν τρίβωνα κατακλινεὶς τὸν τουτουί, περιβαλὼν τὼ χεῖρε τούτῳ τῷ δαιμονίῳ ὡς ἀληθῶς καὶ θαυμαστῷ, κατεκείμην τὴν νύκτα ὅλην. καὶ οὐδὲ ταῦτα αὖ, ὦ Σώκρατες, ἐρεῖς ὅτι ψεύδομαι. ποιήσαντος δὲ δὴ ταῦτα ἐμοῦ οὗτος τοσοῦτον περιεγένετό τε καὶ κατεφρόνησεν καὶ κατεγέλασεν τῆς ἐμῆς ὥρας καὶ ὕβρισεν—καὶ περὶ ἐκεῖνό γε ᾤμην τὶ εἶναι, ὦ ἄνδρες δικασταί· δικασταὶ γάρ ἐστε τῆς Σωκράτους ὑπερηφανίας—εὖ γὰρ ἴστε μὰ θεούς, μὰ θεάς, οὐδὲν περιττότερον καταδεδαρθηκὼς ἀνέστην μετὰ Σωκράτους, ἢ εἰ μετὰ πατρὸς καθηῦδον ἢ ἀδελφοῦ πρεσβυτέρου. τὸ δὴ μετὰ τοῦτο τίνα οἴεσθέ με διάνοιαν ἔχειν, ἡγούμενον μὲν ἠτιμάσθαι, ἀγάμενον δὲ τὴν τούτου φύσιν τε καὶ σωφροσύνην καὶ ἀνδρείαν, ἐντετυχηκότα ἀνθρώπῳ τοιούτῳ οἵῳ ἐγὼ οὐκ ἂν ᾤμην ποτʼ ἐντυχεῖν εἰς φρόνησιν καὶ εἰς καρτερίαν; ὥστε οὔθʼ ὅπως οὖν ὀργιζοίμην εἶχον καὶ ἀποστερηθείην τῆς τούτου συνουσίας, οὔτε ὅπῃ προσαγαγοίμην αὐτὸν ηὐπόρουν. εὖ γὰρ ᾔδη ὅτι χρήμασί γε πολὺ μᾶλλον ἄτρωτος ἦν πανταχῇ ἢ σιδήρῳ ὁ Αἴας, ᾧ τε ᾤμην αὐτὸν μόνῳ ἁλώσεσθαι, διεπεφεύγει με. ἠπόρουν δή, καταδεδουλωμένος τε ὑπὸ τοῦ ἀνθρώπου ὡς οὐδεὶς ὑπʼ οὐδενὸς ἄλλου περιῇα.

「さて、諸君、灯火が消え、召使いたちが外に出たとき、この人に対して何も飾り立てず、私に思われることを率直に言わなければならないと私には思われた。そこで、この人を揺り動かして言った。『ソクラテス、眠っていますか』。『いや、まったく』とこの人は言った。『では、私が何を決心したか知っていますか』。『いったい何だね』と彼は言った。『あなたこそ』と私は言った、『私を恋する者としてふさわしいただ一人の人になったと私には思われます。そして、あなたは私に言い出すのをためらっているように見えます。私はこう思っているのです。このことにおいても、またほかに何か、私の財産や私の友人たちのものをあなたが必要とするなら、そのことにおいても、あなたの気に入るようにしないのは、まったく愚かなことだと考えているのです。というのも、私にとっては、できるかぎりすぐれた者になること以上に大事なことは何もなく、そのためには、あなたより頼りになる協力者は誰もいないと思うのですから。そこで私は、そのような人物の気に入るようにしないことで思慮ある人たちに恥じるほうが、気に入るようにして多くの無思慮な人たちに恥じるよりも、はるかに恥ずかしいのです』。するとこの人は、これを聞いて、まったくとぼけた調子で、いかにもこの人らしく、いつものように言った。『親しいアルキビアデス、もし君が私について言っていることが本当であり、私のうちに、君がそれによってよりすぐれた者になれるような何らかの力があるのなら、君は本当につまらない者ではないようだね。君は、私のうちに、途方もない美しさ、君のところにある姿の美しさとはまったく異なる美しさを見ているのだろう。そこで、もし君がそれを見てとって、私と分かち合い、美しさと美しさとを交換しようと試みるのなら、君は私から少なからず多くを得ようと考えているのだ。そうではなく、思わくの美しさの代わりに真実の美しさを手に入れようと試みていて、本当に、青銅の代わりに黄金を交換しようと考えているのだ。だが、幸せな人よ、もっとよく考えてごらん。私が何ものでもないことに、君が気づかずにいるのではないかとね。じっさい、思考の目は、目の視力が盛りを過ぎようとするときに、鋭く見え始めるものだ。だが、君はまだそれから遠い』。そこで私は、これを聞いて言った。『私からのことは、これで全部です。そのどれも、私が考えているのとは違うようには言われていません。あなたご自身は、あなたにとっても私にとっても最善だと考えることを、そのように思案してください』。『いや』と彼は言った、『そのことはよく言ってくれた。これから先の時に、私たち二人は思案しながら、これらのことについても、ほかのことについても、私たちに最善と見えることをしよう』。さて私は、これを聞きもし言いもして、まるで矢を放ったかのように、この人が傷を負ったと思った。そして、立ち上がって、この人にもう何も言わせずに、私の上着をこの人に掛けて――冬だったのだ――、この人のこの粗末な上着の下に横になり、この真にダイモーン的で驚くべき人に両腕をまわして、一晩中横になっていた。そして、ソクラテス、このこともまた、私が嘘をついているとは言わないでしょう。ところが、私がこうしたことをしたのに、この人は、これほどまでに打ち勝ち、私の若さの盛りを見下し、あざ笑い、辱めたのだ――しかも、その点で私は自分が何者かであると思っていたのだが、裁判官の諸君。というのも、君たちはソクラテスの傲慢の裁判官なのだから――。というのも、よく知っておきたまえ。神々にかけて、女神たちにかけて、私はソクラテスと一緒に眠って起きたが、父や兄と一緒に寝た場合と比べて、何ら変わったことはなかったのだ。その後、私がどんな気持ちでいたと思うかね。一方では辱められたと思いながら、他方ではこの人の生まれつきと節制と勇気とに感嘆していたのだ。思慮においても忍耐においても、私が決して出会うとは思わなかったような人間に出会ったのだからね。だから、私は、どうにかして腹を立てて、この人との交わりを奪われることもできず、どうやってこの人を引き寄せたらよいのかもわからなかった。というのも、この人は、アイアスが鉄に対して傷つけられないよりもはるかに、金銭に対してはあらゆる点で傷つけられないことを、私はよく知っていたのだし、それだけでとらえられるだろうと私が思っていたものからも、この人は私から逃れてしまったのだから。そこで私は途方に暮れ、この人間に、誰もほかの誰によっても奴隷にされたことのないほど奴隷にされて、歩きまわっていたのだ」。

ταῦτά τε γάρ μοι ἅπαντα προυγεγόνει, καὶ μετὰ ταῦτα στρατεία ἡμῖν εἰς Ποτείδαιαν ἐγένετο κοινὴ καὶ συνεσιτοῦμεν ἐκεῖ. πρῶτον μὲν οὖν τοῖς πόνοις οὐ μόνον ἐμοῦ περιῆν, ἀλλὰ καὶ τῶν ἄλλων ἁπάντων—ὁπότʼ ἀναγκασθεῖμεν ἀποληφθέντες που, οἷα δὴ ἐπὶ στρατείας, ἀσιτεῖν, οὐδὲν ἦσαν οἱ ἄλλοι πρὸς τὸ καρτερεῖν—ἔν τʼ αὖ ταῖς εὐωχίαις μόνος ἀπολαύειν οἷός τʼ ἦν τά τʼ ἄλλα καὶ πίνειν οὐκ ἐθέλων, ὁπότε ἀναγκασθείη, πάντας ἐκράτει, καὶ ὃ πάντων θαυμαστότατον, Σωκράτη μεθύοντα οὐδεὶς πώποτε ἑώρακεν ἀνθρώπων. τούτου μὲν οὖν μοι δοκεῖ καὶ αὐτίκα ὁ ἔλεγχος ἔσεσθαι. πρὸς δὲ αὖ τὰς τοῦ χειμῶνος καρτερήσεις —δεινοὶ γὰρ αὐτόθι χειμῶνες—θαυμάσια ἠργάζετο τά τε ἄλλα, καί ποτε ὄντος πάγου οἵου δεινοτάτου, καὶ πάντων ἢ οὐκ ἐξιόντων ἔνδοθεν, ἢ εἴ τις ἐξίοι, ἠμφιεσμένων τε θαυμαστὰ δὴ ὅσα καὶ ὑποδεδεμένων καὶ ἐνειλιγμένων τοὺς πόδας εἰς πίλους καὶ ἀρνακίδας, οὗτος δʼ ἐν τούτοις ἐξῄει ἔχων ἱμάτιον μὲν τοιοῦτον οἷόνπερ καὶ πρότερον εἰώθει φορεῖν, ἀνυπόδητος δὲ διὰ τοῦ κρυστάλλου ῥᾷον ἐπορεύετο ἢ οἱ ἄλλοι ὑποδεδεμένοι, οἱ δὲ στρατιῶται ὑπέβλεπον αὐτὸν ὡς καταφρονοῦντα σφῶν. καὶ ταῦτα μὲν δὴ ταῦτα· οἷον δʼ αὖ τόδʼ ἔρεξε καὶ ἔτλη καρτερὸς ἀνὴρ ἐκεῖ ποτε ἐπὶ στρατιᾶς, ἄξιον ἀκοῦσαι. συννοήσας γὰρ αὐτόθι ἕωθέν τι εἱστήκει σκοπῶν, καὶ ἐπειδὴ οὐ προυχώρει αὐτῷ, οὐκ ἀνίει ἀλλὰ εἱστήκει ζητῶν. καὶ ἤδη ἦν μεσημβρία, καὶ ἅνθρωποι ᾐσθάνοντο, καὶ θαυμάζοντες ἄλλος ἄλλῳ ἔλεγεν ὅτι Σωκράτης ἐξ ἑωθινοῦ φροντίζων τι ἕστηκε. τελευτῶντες δέ τινες τῶν Ἰώνων, ἐπειδὴ ἑσπέρα ἦν, δειπνήσαντες—καὶ γὰρ θέρος τότε γʼ ἦν—χαμεύνια ἐξενεγκάμενοι ἅμα μὲν ἐν τῷ ψύχει καθηῦδον, ἅμα δʼ ἐφύλαττον αὐτὸν εἰ καὶ τὴν νύκτα ἑστήξοι. ὁ δὲ εἱστήκει μέχρι ἕως ἐγένετο καὶ ἥλιος ἀνέσχεν· ἔπειτα ᾤχετʼ ἀπιὼν προσευξάμενος τῷ ἡλίῳ. εἰ δὲ βούλεσθε ἐν ταῖς μάχαις—τοῦτο γὰρ δὴ δίκαιόν γε αὐτῷ ἀποδοῦναι—ὅτε γὰρ ἡ μάχη ἦν ἐξ ἧς ἐμοὶ καὶ τἀριστεῖα ἔδοσαν οἱ στρατηγοί, οὐδεὶς ἄλλος ἐμὲ ἔσωσεν ἀνθρώπων ἢ οὗτος, τετρωμένον οὐκ ἐθέλων ἀπολιπεῖν, ἀλλὰ συνδιέσωσε καὶ τὰ ὅπλα καὶ αὐτὸν ἐμέ. καὶ ἐγὼ μέν, ὦ Σώκρατες, καὶ τότε ἐκέλευον σοὶ διδόναι τἀριστεῖα τοὺς στρατηγούς, καὶ τοῦτό γέ μοι οὔτε μέμψῃ οὔτε ἐρεῖς ὅτι ψεύδομαι· ἀλλὰ γὰρ τῶν στρατηγῶν πρὸς τὸ ἐμὸν ἀξίωμα ἀποβλεπόντων καὶ βουλομένων ἐμοὶ διδόναι τἀριστεῖα, αὐτὸς προθυμότερος ἐγένου τῶν στρατηγῶν ἐμὲ λαβεῖν ἢ σαυτόν. ἔτι τοίνυν, ὦ ἄνδρες, ἄξιον ἦν θεάσασθαι Σωκράτη, ὅτε ἀπὸ Δηλίου φυγῇ ἀνεχώρει τὸ στρατόπεδον· ἔτυχον γὰρ παραγενόμενος ἵππον ἔχων, οὗτος δὲ ὅπλα. ἀνεχώρει οὖν ἐσκεδασμένων ἤδη τῶν ἀνθρώπων οὗτός τε ἅμα καὶ Λάχης· καὶ ἐγὼ περιτυγχάνω, καὶ ἰδὼν εὐθὺς παρακελεύομαί τε αὐτοῖν θαρρεῖν, καὶ ἔλεγον ὅτι οὐκ ἀπολείψω αὐτώ. ἐνταῦθα δὴ καὶ κάλλιον ἐθεασάμην Σωκράτη ἢ ἐν Ποτειδαίᾳ—αὐτὸς γὰρ ἧττον ἐν φόβῳ ἦ διὰ τὸ ἐφʼ ἵππου εἶναι—πρῶτον μὲν ὅσον περιῆν Λάχητος τῷ ἔμφρων εἶναι· ἔπειτα ἔμοιγʼ ἐδόκει, ὦ Ἀριστόφανες, τὸ σὸν δὴ τοῦτο, καὶ ἐκεῖ διαπορεύεσθαι ὥσπερ καὶ ἐνθάδε, βρενθυόμενος καὶ τὠφθαλμὼ παραβάλλων ἠρέμα παρασκοπῶν καὶ τοὺς φιλίους καὶ τοὺς πολεμίους, δῆλος ὢν παντὶ καὶ πάνυ πόρρωθεν ὅτι εἴ τις ἅψεται τούτου τοῦ ἀνδρός, μάλα ἐρρωμένως ἀμυνεῖται. διὸ καὶ ἀσφαλῶς ἀπῄει καὶ οὗτος καὶ ὁ ἑταῖρος· σχεδὸν γάρ τι τῶν οὕτω διακειμένων ἐν τῷ πολέμῳ οὐδὲ ἅπτονται, ἀλλὰ τοὺς προτροπάδην φεύγοντας διώκουσιν.

「というのも、これらすべてのことが、私には前に起こっていたのだが、その後で、私たちにはポテイダイアへの出征が共に起こり、そこで私たちは食事を共にしていた。まず第一に、労苦にかけては、この人は私にまさっていただけでなく、ほかのすべての者にもまさっていた――どこかで孤立して、出征ではありがちなことだが、食べずにいることを強いられたときには、ほかの者たちは、耐えることにかけてはこの人に比べて何ものでもなかった――。他方、また、御馳走のときには、この人だけがほかのことにおいても楽しむことができたし、飲むことも、望まなかったが、強いられたときには、すべての者を打ち負かした。そして、何よりも驚くべきことには、人間の誰も、これまでに酔ったソクラテスを見たことがないのだ。このことについては、すぐにも証拠が示されるだろうと私には思われる。また、冬の寒さに耐えることにかけても――その地の冬はすさまじいのだ――、ほかにも驚くべきことをしたが、あるとき、何よりすさまじい霜がおりて、皆が中から出ないか、あるいは誰かが出るとしても、驚くほどたくさん着こみ、履物をはき、足をフェルトや羊の毛皮で包んでいたのに、この人は、そうしたなかを、以前にも着慣れていたのと同じような上着をまとって出て行き、はだしで、履物をはいたほかの者たちよりもたやすく氷の上を進んだ。そこで兵士たちは、自分たちを見下しているのだと思って、この人を横目で見ていたのだ。そして、そのことはそれくらいにしておこう。『だが、この剛毅な男が、なおまたこのようなことをなし、耐えた』こと、そこで、あるとき出征中にあったことは、聞くに値する。というのも、そこで、夜明けから何かを考えこんで、考察しながら立っていたのだ。そしてうまくいかないので、やめずに、探求しながら立っていた。そして、もう真昼になり、人々は気づき、驚いて、互いに、ソクラテスが夜明けから何かを考えながら立っている、と言い合った。ついに、夕方になったとき、イオニア人たちの何人かが、夕食をすませてから――そのときは夏だったのだ――、寝床を外へ運び出し、涼しいところで眠ると同時に、この人が夜通しも立っているかどうか見張っていた。するとこの人は、夜明けになって太陽が昇るまで立っていた。それから、太陽に祈りをささげて立ち去ったのだ。また、もし戦いにおけるこの人のことを聞きたいなら――というのも、少なくともこのことは、この人に報いるのが正しいのだから――、将軍たちが私に武勲の賞まで与えたあの戦いがあったとき、人間のうちでこの人以外の誰も私を救わなかったのだ。傷を負った私を見捨てようとせず、武具も私自身も一緒に救い出してくれたのだ。そして私は、ソクラテス、そのときにも、将軍たちにあなたに武勲の賞を与えるよう求めたのです。このことについては、あなたは私を責めることも、嘘をついていると言うこともないでしょう。けれども、将軍たちが私の身分に目を向けて、私に武勲の賞を与えようとしたとき、あなた自身が将軍たちよりも熱心に、あなた自身ではなく私が受けるようにと望んだのです。さらにまた、諸君、軍隊がデリオンから敗走して退却したときのソクラテスは、見るに値するものだった。というのも、私はたまたま馬に乗って居合わせ、この人は重装歩兵の武具をつけていたのだ。そこで、人々がもう散り散りになっているなかを、この人はラケスと一緒に退却していた。そして私が出くわして、見るとすぐに、二人に勇気を出すよう励まし、二人を見捨てはしないと言った。そこで私は、ポテイダイアにおいてよりも、いっそう立派にソクラテスを見ることができた――私自身は馬の上にいたので、それほど恐怖のうちにはなかったから――。まず、思慮があるという点で、この人がどれほどラケスにまさっていたか。次に、アリストパネス、まさに君のあの言葉どおりに、この人はあそこでも、ここでと同じように、『胸をそらし、目を左右に配りながら』進んでいるように私には思われた。味方も敵も静かに見わたしながら、もし誰かがこの人に手を出せば、まったく力強く身を守るだろうことを、誰にでも、それもずっと遠くからでも明らかにしながらね。だから、この人も、その仲間も、無事に立ち去ったのだ。というのも、戦争においてこのような状態にある者には、ほとんど手を出さず、まっしぐらに逃げる者たちを追いかけるものなのだから」。

πολλὰ μὲν οὖν ἄν τις καὶ ἄλλα ἔχοι Σωκράτη ἐπαινέσαι καὶ θαυμάσια· ἀλλὰ τῶν μὲν ἄλλων ἐπιτηδευμάτων τάχʼ ἄν τις καὶ περὶ ἄλλου τοιαῦτα εἴποι, τὸ δὲ μηδενὶ ἀνθρώπων ὅμοιον εἶναι, μήτε τῶν παλαιῶν μήτε τῶν νῦν ὄντων, τοῦτο ἄξιον παντὸς θαύματος. οἷος γὰρ Ἀχιλλεὺς ἐγένετο, ἀπεικάσειεν ἄν τις καὶ Βρασίδαν καὶ ἄλλους, καὶ οἷος αὖ Περικλῆς, καὶ Νέστορα καὶ Ἀντήνορα—εἰσὶ δὲ καὶ ἕτεροι— καὶ τοὺς ἄλλους κατὰ ταὔτʼ ἄν τις ἀπεικάζοι· οἷος δὲ οὑτοσὶ γέγονε τὴν ἀτοπίαν ἅνθρωπος, καὶ αὐτὸς καὶ οἱ λόγοι αὐτοῦ, οὐδʼ ἐγγὺς ἂν εὕροι τις ζητῶν, οὔτε τῶν νῦν οὔτε τῶν παλαιῶν, εἰ μὴ ἄρα εἰ οἷς ἐγὼ λέγω ἀπεικάζοι τις αὐτόν, ἀνθρώπων μὲν μηδενί, τοῖς δὲ σιληνοῖς καὶ σατύροις, αὐτὸν καὶ τοὺς λόγους. καὶ γὰρ οὖν καὶ τοῦτο ἐν τοῖς πρώτοις παρέλιπον, ὅτι καὶ οἱ λόγοι αὐτοῦ ὁμοιότατοί εἰσι τοῖς σιληνοῖς τοῖς διοιγομένοις. εἰ γὰρ ἐθέλοι τις τῶν Σωκράτους ἀκούειν λόγων, φανεῖεν ἂν πάνυ γελοῖοι τὸ πρῶτον· τοιαῦτα καὶ ὀνόματα καὶ ῥήματα ἔξωθεν περιαμπέχονται, σατύρου δή τινα ὑβριστοῦ δοράν. ὄνους γὰρ κανθηλίους λέγει καὶ χαλκέας τινὰς καὶ σκυτοτόμους καὶ βυρσοδέψας, καὶ ἀεὶ διὰ τῶν αὐτῶν τὰ αὐτὰ φαίνεται λέγειν, ὥστε ἄπειρος καὶ ἀνόητος ἄνθρωπος πᾶς ἂν τῶν λόγων καταγελάσειεν. διοιγομένους δὲ ἰδὼν ἄν τις καὶ ἐντὸς αὐτῶν γιγνόμενος πρῶτον μὲν νοῦν ἔχοντας ἔνδον μόνους εὑρήσει τῶν λόγων, ἔπειτα θειοτάτους καὶ πλεῖστα ἀγάλματʼ ἀρετῆς ἐν αὑτοῖς ἔχοντας καὶ ἐπὶ πλεῖστον τείνοντας, μᾶλλον δὲ ἐπὶ πᾶν ὅσον προσήκει σκοπεῖν τῷ μέλλοντι καλῷ κἀγαθῷ ἔσεσθαι. ταῦτʼ ἐστίν, ὦ ἄνδρες, ἃ ἐγὼ Σωκράτη ἐπαινῶ· καὶ αὖ ἃ μέμφομαι συμμείξας ὑμῖν εἶπον ἅ με ὕβρισεν. καὶ μέντοι οὐκ ἐμὲ μόνον ταῦτα πεποίηκεν, ἀλλὰ καὶ Χαρμίδην τὸν Γλαύκωνος καὶ Εὐθύδημον τὸν Διοκλέους καὶ ἄλλους πάνυ πολλούς, οὓς οὗτος ἐξαπατῶν ὡς ἐραστὴς παιδικὰ μᾶλλον αὐτὸς καθίσταται ἀντʼ ἐραστοῦ. ἃ δὴ καὶ σοὶ λέγω, ὦ Ἀγάθων, μὴ ἐξαπατᾶσθαι ὑπὸ τούτου, ἀλλʼ ἀπὸ τῶν ἡμετέρων παθημάτων γνόντα εὐλαβηθῆναι, καὶ μὴ κατὰ τὴν παροιμίαν ὥσπερ νήπιον παθόντα γνῶναι.

「さて、ほかにも、ソクラテスを賞賛すべき多くの驚くべきことを、人は挙げることができるだろう。だが、ほかの営みについては、おそらく、ほかの人についても同じようなことを言う人がいるかもしれない。けれども、昔の人たちのうちでも今いる人たちのうちでも、人間の誰にも似ていないということ、このことこそ、あらゆる驚嘆に値するのだ。というのも、アキレウスがどのような人であったかについては、ブラシダスやほかの人たちを引き比べることができるだろうし、またペリクレスがどのような人であったかについては、ネストルやアンテノルを――ほかにもいるのだが――引き比べることができるだろうし、ほかの人たちについても同じようにして引き比べることができるだろう。ところが、この人間が、その奇妙さにおいてどのようであるか、この人自身もその言葉も、探しても、今の人たちのうちにも昔の人たちのうちにも、近いものさえ見いだせないだろう。もし私が言うものにこの人を引き比べるのでないかぎりはね。すなわち、人間の誰にでもなく、シレノスたちとサテュロスたちに、この人自身とその言葉とを引き比べるのでないかぎりは。じっさい、このことも、はじめのうちは言い落としていたのだ。この人の言葉もまた、開かれるシレノスたちに最もよく似ている、ということをね。というのも、もし誰かがソクラテスの言葉を聞こうとすれば、はじめはまったく滑稽に見えるだろうから。そのような名前や言い回しを、外側にまとっているのだ。まるで、ある傲慢なサテュロスの皮のようにね。というのも、彼は荷を運ぶロバとか、何人かの鍛冶屋とか、靴作りとか、皮なめしとかのことを話し、いつも同じものを通して同じことを言っているように見えるので、経験のない無分別な人間なら誰でも、その言葉をあざ笑うだろう。ところが、それが開かれるのを見て、その中に入るなら、人はまず、言葉のうちでそれだけが中に知性をもっていることを見いだし、次に、それが最も神的で、自らのうちに最も多くの徳の像をもち、最も広い範囲に及ぶこと、いや、立派ですぐれた者になろうとする者が考察するのにふさわしいことのすべてに及ぶことを見いだすだろう。これが、諸君、私がソクラテスを賞賛することだ。そしてまた、私が責めることも、混ぜ合わせて、この人が私を辱めたことを、君たちに言った。しかも、この人がこうしたことをしたのは、私に対してだけでなく、グラウコンの子カルミデスにも、ディオクレスの子エウテュデモスにも、ほかのまったく多くの人たちに対してもなのだ。この人は、恋する者として彼らを欺いて、むしろ自分自身が、恋する者の代わりに愛される少年になってしまうのだ。そこで、アガトン、君にも言っておくが、この人に欺かれないでくれたまえ。そうではなく、私たちの受けた苦しみから知って用心してくれたまえ。ことわざにあるように、愚か者のように、ひどい目にあってから知るのではなくね」。

εἰπόντος δὴ ταῦτα τοῦ Ἀλκιβιάδου γέλωτα γενέσθαι ἐπὶ τῇ παρρησίᾳ αὐτοῦ, ὅτι ἐδόκει ἔτι ἐρωτικῶς ἔχειν τοῦ Σωκράτους. τὸν οὖν Σωκράτη, Νήφειν μοι δοκεῖς, φάναι, ὦ Ἀλκιβιάδη. οὐ γὰρ ἄν ποτε οὕτω κομψῶς κύκλῳ περιβαλλόμενος ἀφανίσαι ἐνεχείρεις οὗ ἕνεκα ταῦτα πάντα εἴρηκας, καὶ ὡς ἐν παρέργῳ δὴ λέγων ἐπὶ τελευτῆς αὐτὸ ἔθηκας, ὡς οὐ πάντα τούτου ἕνεκα εἰρηκώς, τοῦ ἐμὲ καὶ Ἀγάθωνα διαβάλλειν, οἰόμενος δεῖν ἐμὲ μὲν σοῦ ἐρᾶν καὶ μηδενὸς ἄλλου, Ἀγάθωνα δὲ ὑπὸ σοῦ ἐρᾶσθαι καὶ μηδʼ ὑφʼ ἑνὸς ἄλλου. ἀλλʼ οὐκ ἔλαθες, ἀλλὰ τὸ σατυρικόν σου δρᾶμα τοῦτο καὶ σιληνικὸν κατάδηλον ἐγένετο. ἀλλʼ, ὦ φίλε Ἀγάθων, μηδὲν πλέον αὐτῷ γένηται, ἀλλὰ παρασκευάζου ὅπως ἐμὲ καὶ σὲ μηδεὶς διαβαλεῖ. τὸν οὖν Ἀγάθωνα εἰπεῖν, καὶ μήν, ὦ Σώκρατες, κινδυνεύεις ἀληθῆ λέγειν. τεκμαίρομαι δὲ καὶ ὡς κατεκλίνη ἐν μέσῳ ἐμοῦ τε καὶ σοῦ, ἵνα χωρὶς ἡμᾶς διαλάβῃ. οὐδὲν οὖν πλέον αὐτῷ ἔσται, ἀλλʼ ἐγὼ παρὰ σὲ ἐλθὼν κατακλινήσομαι. πάνυ γε, φάναι τὸν Σωκράτη, δεῦρο ὑποκάτω ἐμοῦ κατακλίνου. ὦ Ζεῦ, εἰπεῖν τὸν Ἀλκιβιάδην, οἷα αὖ πάσχω ὑπὸ τοῦ ἀνθρώπου. οἴεταί μου δεῖν πανταχῇ περιεῖναι. ἀλλʼ εἰ μή τι ἄλλο, ὦ θαυμάσιε, ἐν μέσῳ ἡμῶν ἔα Ἀγάθωνα κατακεῖσθαι. ἀλλʼ ἀδύνατον, φάναι τὸν Σωκράτη. σὺ μὲν γὰρ ἐμὲ ἐπῄνεσας, δεῖ δὲ ἐμὲ αὖ τὸν ἐπὶ δεξίʼ ἐπαινεῖν. ἐὰν οὖν ὑπὸ σοὶ κατακλινῇ Ἀγάθων, οὐ δήπου ἐμὲ πάλιν ἐπαινέσεται, πρὶν ὑπʼ ἐμοῦ μᾶλλον ἐπαινεθῆναι; ἀλλʼ ἔασον, ὦ δαιμόνιε, καὶ μὴ φθονήσῃς τῷ μειρακίῳ ὑπʼ ἐμοῦ ἐπαινεθῆναι· καὶ γὰρ πάνυ ἐπιθυμῶ αὐτὸν ἐγκωμιάσαι. ἰοῦ ἰοῦ, φάναι τὸν Ἀγάθωνα, Ἀλκιβιάδη, οὐκ ἔσθʼ ὅπως ἂν ἐνθάδε μείναιμι, ἀλλὰ παντὸς μᾶλλον μεταναστήσομαι, ἵνα ὑπὸ Σωκράτους ἐπαινεθῶ. ταῦτα ἐκεῖνα, φάναι τὸν Ἀλκιβιάδην, τὰ εἰωθότα· Σωκράτους παρόντος τῶν καλῶν μεταλαβεῖν ἀδύνατον ἄλλῳ. καὶ νῦν ὡς εὐπόρως καὶ πιθανὸν λόγον ηὗρεν, ὥστε παρʼ ἑαυτῷ τουτονὶ κατακεῖσθαι. τὸν μὲν οὖν Ἀγάθωνα ὡς κατακεισόμενον παρὰ τῷ Σωκράτει ἀνίστασθαι· ἐξαίφνης δὲ κωμαστὰς ἥκειν παμπόλλους ἐπὶ τὰς θύρας, καὶ ἐπιτυχόντας ἀνεῳγμέναις ἐξιόντος τινὸς εἰς τὸ ἄντικρυς πορεύεσθαι παρὰ σφᾶς καὶ κατακλίνεσθαι, καὶ θορύβου μεστὰ πάντα εἶναι, καὶ οὐκέτι ἐν κόσμῳ οὐδενὶ ἀναγκάζεσθαι πίνειν πάμπολυν οἶνον. τὸν μὲν οὖν Ἐρυξίμαχον καὶ τὸν Φαῖδρον καὶ ἄλλους τινὰς ἔφη ὁ Ἀριστόδημος οἴχεσθαι ἀπιόντας, ἓ δὲ ὕπνον λαβεῖν, καὶ καταδαρθεῖν πάνυ πολύ, ἅτε μακρῶν τῶν νυκτῶν οὐσῶν, ἐξεγρέσθαι δὲ πρὸς ἡμέραν ἤδη ἀλεκτρυόνων ᾀδόντων, ἐξεγρόμενος δὲ ἰδεῖν τοὺς μὲν ἄλλους καθεύδοντας καὶ οἰχομένους, Ἀγάθωνα δὲ καὶ Ἀριστοφάνη καὶ Σωκράτη ἔτι μόνους ἐγρηγορέναι καὶ πίνειν ἐκ φιάλης μεγάλης ἐπὶ δεξιά. τὸν οὖν Σωκράτη αὐτοῖς διαλέγεσθαι· καὶ τὰ μὲν ἄλλα ὁ Ἀριστόδημος οὐκ ἔφη μεμνῆσθαι τῶν λόγων—οὔτε γὰρ ἐξ ἀρχῆς παραγενέσθαι ὑπονυστάζειν τε—τὸ μέντοι κεφάλαιον, ἔφη, προσαναγκάζειν τὸν Σωκράτη ὁμολογεῖν αὐτοὺς τοῦ αὐτοῦ ἀνδρὸς εἶναι κωμῳδίαν καὶ τραγῳδίαν ἐπίστασθαι ποιεῖν, καὶ τὸν τέχνῃ τραγῳδοποιὸν ὄντα καὶ κωμῳδοποιὸν εἶναι. ταῦτα δὴ ἀναγκαζομένους αὐτοὺς καὶ οὐ σφόδρα ἑπομένους νυστάζειν, καὶ πρότερον μὲν καταδαρθεῖν τὸν Ἀριστοφάνη, ἤδη δὲ ἡμέρας γιγνομένης τὸν Ἀγάθωνα. τὸν οὖν Σωκράτη, κατακοιμίσαντʼ ἐκείνους, ἀναστάντα ἀπιέναι, καὶ ἓ ὥσπερ εἰώθει ἕπεσθαι, καὶ ἐλθόντα εἰς Λύκειον, ἀπονιψάμενον, ὥσπερ ἄλλοτε τὴν ἄλλην ἡμέραν διατρίβειν, καὶ οὕτω διατρίψαντα εἰς ἑσπέραν οἴκοι ἀναπαύεσθαι.

アルキビアデスがこう言うと、その率直さに笑いが起こった、と彼は言った。彼がまだソクラテスに恋していると思われたからである。そこでソクラテスは言った。「君はしらふでいるように私には思われる、アルキビアデス。そうでなければ、君は決して、こんなにも巧みにぐるりと包みこんで、これらすべてを言った目的を隠そうとはしなかっただろうし、まるでついでに言うかのように、それを最後に置いたりはしなかっただろう。まるで、すべてをそのために言ったのではないかのようにね。すなわち、私とアガトンとを仲たがいさせるためにね。私は君を恋し、ほかの誰も恋してはならず、アガトンは君に恋され、ほかの誰にも恋されてはならない、と考えてね。だが、君は気づかれずにはいなかった。そうではなく、君のこのサテュロス劇とシレノス劇とは、はっきり見えてしまったのだ。だが、親しいアガトン、彼に何も得させないようにしよう。そうではなく、誰も私と君とを仲たがいさせることがないように、用意してくれたまえ」。そこでアガトンは言った。「いや、ソクラテス、おそらく本当のことをおっしゃっています。彼が、私たちを別々に引き離そうとして、私とあなたとのあいだに横になったことからも、私はそう推し量ります。ですから、彼には何も得させません。私があなたのそばへ行って横になりましょう」。「ぜひそうしてくれたまえ」とソクラテスは言った、「ここに、私の下手に横になってくれたまえ」。「ゼウスよ」とアルキビアデスは言った、「またしても、この人間からなんという目にあうことか。どこでも私にまさらなければならないと思っているのだ。だが、ほかのことはともかく、驚くべき人よ、アガトンを私たちのあいだに横にならせてください」。「いや、それはできない」とソクラテスは言った。「君は私を賞賛したのだから、今度は私が右隣の者を賞賛しなければならない。そこで、もしアガトンが君の下手に横になったら、きっと、私にもっと賞賛される前に、また私を賞賛することになるだろう。だが、すばらしい人よ、放っておいて、この若者が私に賞賛されるのを妬まないでくれたまえ。私は彼を讃えたいとたいへん望んでいるのだから」。「おやおや」とアガトンは言った、「アルキビアデス、私がここにとどまっていることは、どうしてもできない。何をおいても場所を移ろう。ソクラテスに賞賛されるようにね」。「これが、あのいつものことだ」とアルキビアデスは言った。「ソクラテスがいると、ほかの誰も美しい人たちにあずかることはできない。そして今も、この人を自分のそばに横にならせるための、なんとすらすらと説得力のある理屈を見つけたことか」。そこでアガトンは、ソクラテスのそばに横になろうとして立ち上がった。ところが突然、酒宴帰りの連中がまったく大勢、戸口にやって来て、誰かが出て行くところで戸が開いていたのに出くわし、まっすぐに彼らのところへ進んで来て、横になった。そして、何もかもが騒ぎに満ち、もはや何の秩序もなく、まったく大量のワインを飲むよう強いられることになった。そこで、エリュクシマコスとパイドロスとほかの何人かは帰って行ったが、自分は眠りにとらえられ、夜が長かったので、たいへん長く眠りこみ、もう明け方近く、鶏が鳴いているころに目を覚ました、とアリストデモスは言った。そして、目を覚ますと、ほかの人たちは眠っているか帰ってしまっていたが、アガトンとアリストパネスとソクラテスだけがまだ起きていて、大きな杯から右回りに飲んでいるのが見えた。そしてソクラテスが彼らと問答していた。ほかのことについては、アリストデモスは、その話を覚えていないと言った――はじめから居合わせたわけではなく、うとうとしていたので――。だが、その要点は、ソクラテスが彼らに、喜劇と悲劇を作ることを心得ているのは同じ人物のすることであり、技術によって悲劇作者である者は喜劇作者でもある、ということを同意するよう強いていたことだ、と彼は言った。彼らはそれに同意を強いられながら、あまりよくついていけずに、うとうとしていた。そして、まずアリストパネスが眠りこみ、もう夜が明けかかるころにアガトンが眠りこんだ。そこでソクラテスは、彼らを寝かしつけると、立ち上がって立ち去り、自分はいつものようにその後について行った。そしてソクラテスはリュケイオンに行って、身体を洗い、ほかのときと同じように、その日の残りを過ごし、そのようにして過ごしたうえで、夕方には家に帰って休んだのだ、と彼は言った。