第4部　ソクラテス／ディオティマの愛の教え

καὶ σὲ μέν γε ἤδη ἐάσω· τὸν δὲ λόγον τὸν περὶ τοῦ Ἔρωτος, ὅν ποτʼ ἤκουσα γυναικὸς Μαντινικῆς Διοτίμας, ἣ ταῦτά τε σοφὴ ἦν καὶ ἄλλα πολλά—καὶ Ἀθηναίοις ποτὲ θυσαμένοις πρὸ τοῦ λοιμοῦ δέκα ἔτη ἀναβολὴν ἐποίησε τῆς νόσου, ἣ δὴ καὶ ἐμὲ τὰ ἐρωτικὰ ἐδίδαξεν—ὃν οὖν ἐκείνη ἔλεγε λόγον, πειράσομαι ὑμῖν διελθεῖν ἐκ τῶν ὡμολογημένων ἐμοὶ καὶ Ἀγάθωνι, αὐτὸς ἐπʼ ἐμαυτοῦ, ὅπως ἂν δύνωμαι. δεῖ δή, ὦ Ἀγάθων, ὥσπερ σὺ διηγήσω, διελθεῖν αὐτὸν πρῶτον, τίς ἐστιν ὁ Ἔρως καὶ ποῖός τις, ἔπειτα τὰ ἔργα αὐτοῦ. δοκεῖ οὖν μοι ῥᾷστον εἶναι οὕτω διελθεῖν, ὥς ποτέ με ἡ ξένη ἀνακρίνουσα διῄει. σχεδὸν γάρ τι καὶ ἐγὼ πρὸς αὐτὴν ἕτερα τοιαῦτα ἔλεγον οἷάπερ νῦν πρὸς ἐμὲ Ἀγάθων, ὡς εἴη ὁ Ἔρως μέγας θεός, εἴη δὲ τῶν καλῶν· ἤλεγχε δή με τούτοις τοῖς λόγοις οἷσπερ ἐγὼ τοῦτον, ὡς οὔτε καλὸς εἴη κατὰ τὸν ἐμὸν λόγον οὔτε ἀγαθός. καὶ ἐγώ, πῶς λέγεις, ἔφην, ὦ Διοτίμα; αἰσχρὸς ἄρα ὁ Ἔρως ἐστὶ καὶ κακός; καὶ ἥ, οὐκ εὐφημήσεις; ἔφη· ἢ οἴει, ὅτι ἂν μὴ καλὸν ᾖ, ἀναγκαῖον αὐτὸ εἶναι αἰσχρόν; μάλιστά γε. ἦ καὶ ἂν μὴ σοφόν, ἀμαθές; ἢ οὐκ ᾔσθησαι ὅτι ἔστιν τι μεταξὺ σοφίας καὶ ἀμαθίας; τί τοῦτο; τὸ ὀρθὰ δοξάζειν καὶ ἄνευ τοῦ ἔχειν λόγον δοῦναι οὐκ οἶσθʼ, ἔφη, ὅτι οὔτε ἐπίστασθαί ἐστιν—ἄλογον γὰρ πρᾶγμα πῶς ἂν εἴη ἐπιστήμη; —οὔτε ἀμαθία—τὸ γὰρ τοῦ ὄντος τυγχάνον πῶς ἂν εἴη ἀμαθία; —ἔστι δὲ δήπου τοιοῦτον ἡ ὀρθὴ δόξα, μεταξὺ φρονήσεως καὶ ἀμαθίας. ἀληθῆ, ἦν δʼ ἐγώ, λέγεις. μὴ τοίνυν ἀνάγκαζε ὃ μὴ καλόν ἐστιν αἰσχρὸν εἶναι, μηδὲ ὃ μὴ ἀγαθόν, κακόν. οὕτω δὲ καὶ τὸν ἔρωτα ἐπειδὴ αὐτὸς ὁμολογεῖς μὴ εἶναι ἀγαθὸν μηδὲ καλόν, μηδέν τι μᾶλλον οἴου δεῖν αὐτὸν αἰσχρὸν καὶ κακὸν εἶναι, ἀλλά τι μεταξύ, ἔφη, τούτοιν.

「そして君のことは、もう放っておこう。だが、エロースについての話、私がかつてマンティネイアの婦人ディオティマから聞いた話――この人は、これらのことにもほかの多くのことにも知恵ある人で、アテナイ人がかつて疫病の前に犠牲を捧げたとき、病気の到来を十年延ばさせた人であり、まさにこの人が私にも恋の事柄を教えてくれたのだ――、そこで、あの人が語った話を、私とアガトンとのあいだで同意されたことから出発して、私自身が自分ひとりで、できるかぎり、君たちに詳しく述べるよう試みよう。アガトン、君が説明したように、まずそれ自身について、エロースが誰であり、どのようなものであるかを詳しく述べ、次にその働きを述べなければならない。そこで、かつてあの異国の婦人が私に問いただしながら詳しく述べたように、そのように詳しく述べるのが最もたやすいように私には思われる。というのも、私もまた、ほぼ、今アガトンが私に向かって言ったのと同じような別のことを、あの人に向かって言っていたのだ。エロースは偉大な神であり、美しいものに属するものだ、とね。すると、あの人は、私がこの人を論駁したのと同じ言論によって私を論駁したのだ。私の言説によれば、エロースは美しくも善くもない、とね。そこで私は言った。『どういう意味ですか、ディオティマ。それでは、エロースは醜く、悪いのですか』。するとあの人は言った。『口を慎みなさい。それとも、美しくないものは何であれ、醜いのが必然だとあなたは思うのですか』。『まったくそう思います』。『では、知恵あるのでないものは、無知なのですか。それとも、知恵と無知とのあいだに何かがあることに、あなたは気づいていないのですか』。『それは何ですか』。『正しく思いなすこと、それも説明を与えることができずにそうすることは、知ることでもない――説明のない事柄が、どうして知識でありえましょう――し、無知でもない――あるものに行き当たっているものが、どうして無知でありえましょう――ことを、あなたは知らないのですか』と彼女は言った。『正しい思わくとは、まさにそのようなもの、つまり思慮と無知とのあいだにあるものなのです』。『おっしゃることは本当です』と私は言った。『それでは、美しくないものが醜いのだと、また善くないものが悪いのだと、無理に決めつけてはいけません。そのように、エロースについても、それが善くも美しくもないとあなた自身が同意しているからといって、それだけいっそう醜く悪いものでなければならないと思ってはいけません。そうではなく、何かこの二つのあいだにあるものなのです』と彼女は言った」。

καὶ μήν, ἦν δʼ ἐγώ, ὁμολογεῖταί γε παρὰ πάντων μέγας θεὸς εἶναι. τῶν μὴ εἰδότων, ἔφη, πάντων λέγεις, ἢ καὶ τῶν εἰδότων; συμπάντων μὲν οὖν. καὶ ἣ γελάσασα καὶ πῶς ἄν, ἔφη, ὦ Σώκρατες, ὁμολογοῖτο μέγας θεὸς εἶναι παρὰ τούτων, οἵ φασιν αὐτὸν οὐδὲ θεὸν εἶναι; τίνες οὗτοι; ἦν δʼ ἐγώ. εἷς μέν, ἔφη, σύ, μία δʼ ἐγώ. κἀγὼ εἶπον, πῶς τοῦτο, ἔφην, λέγεις; καὶ ἥ, ῥᾳδίως, ἔφη. λέγε γάρ μοι, οὐ πάντας θεοὺς φῂς εὐδαίμονας εἶναι καὶ καλούς; ἢ τολμήσαις ἄν τινα μὴ φάναι καλόν τε καὶ εὐδαίμονα θεῶν εἶναι; μὰ Δίʼ οὐκ ἔγωγʼ, ἔφην. εὐδαίμονας δὲ δὴ λέγεις οὐ τοὺς τἀγαθὰ καὶ τὰ καλὰ κεκτημένους; πάνυ γε. ἀλλὰ μὴν Ἔρωτά γε ὡμολόγηκας διʼ ἔνδειαν τῶν ἀγαθῶν καὶ καλῶν ἐπιθυμεῖν αὐτῶν τούτων ὧν ἐνδεής ἐστιν. ὡμολόγηκα γάρ. πῶς ἂν οὖν θεὸς εἴη ὅ γε τῶν καλῶν καὶ ἀγαθῶν ἄμοιρος; οὐδαμῶς, ὥς γʼ ἔοικεν. ὁρᾷς οὖν, ἔφη, ὅτι καὶ σὺ ἔρωτα οὐ θεὸν νομίζεις; τί οὖν ἄν, ἔφην, εἴη ὁ Ἔρως; θνητός; ἥκιστά γε. ἀλλὰ τί μήν; ὥσπερ τὰ πρότερα, ἔφη, μεταξὺ θνητοῦ καὶ ἀθανάτου. τί οὖν, ὦ Διοτίμα; δαίμων μέγας, ὦ Σώκρατες· καὶ γὰρ πᾶν τὸ δαιμόνιον μεταξύ ἐστι θεοῦ τε καὶ θνητοῦ. τίνα, ἦν δʼ ἐγώ, δύναμιν ἔχον; ἑρμηνεῦον καὶ διαπορθμεῦον θεοῖς τὰ παρʼ ἀνθρώπων καὶ ἀνθρώποις τὰ παρὰ θεῶν, τῶν μὲν τὰς δεήσεις καὶ θυσίας, τῶν δὲ τὰς ἐπιτάξεις τε καὶ ἀμοιβὰς τῶν θυσιῶν, ἐν μέσῳ δὲ ὂν ἀμφοτέρων συμπληροῖ, ὥστε τὸ πᾶν αὐτὸ αὑτῷ συνδεδέσθαι. διὰ τούτου καὶ ἡ μαντικὴ πᾶσα χωρεῖ καὶ ἡ τῶν ἱερέων τέχνη τῶν τε περὶ τὰς θυσίας καὶ τελετὰς καὶ τὰς ἐπῳδὰς καὶ τὴν μαντείαν πᾶσαν καὶ γοητείαν. θεὸς δὲ ἀνθρώπῳ οὐ μείγνυται, ἀλλὰ διὰ τούτου πᾶσά ἐστιν ἡ ὁμιλία καὶ ἡ διάλεκτος θεοῖς πρὸς ἀνθρώπους, καὶ ἐγρηγορόσι καὶ καθεύδουσι· καὶ ὁ μὲν περὶ τὰ τοιαῦτα σοφὸς δαιμόνιος ἀνήρ, ὁ δὲ ἄλλο τι σοφὸς ὢν ἢ περὶ τέχνας ἢ χειρουργίας τινὰς βάναυσος. οὗτοι δὴ οἱ δαίμονες πολλοὶ καὶ παντοδαποί εἰσιν, εἷς δὲ τούτων ἐστὶ καὶ ὁ Ἔρως.

「『しかしまた』と私は言った、『少なくとも、すべての人から、彼は偉大な神であると同意されています』。『知らない者たちすべてから、という意味ですか』と彼女は言った、『それとも、知っている者たちからもですか』。『まったくすべての人からです』。すると彼女は笑って言った。『ソクラテス、彼が神であることさえ否定している人たちから、どうして偉大な神であると同意されることがありえましょう』。『その人たちとは誰ですか』と私は言った。『一人はあなた』と彼女は言った、『一人は私です』。そこで私は言った。『どうしてそうおっしゃるのですか』。すると彼女は、『たやすいことです』と言った。『では私に言いなさい。あなたは、すべての神々は幸福で美しいと言わないのですか。それとも、神々のうちの誰かが美しくも幸福でもないと、あえて言うでしょうか』。『ゼウスにかけて、私は言いません』と私は言った。『ところで、幸福な者とは、善いものと美しいものとを所有している者のことを言うのではありませんか』。『まったくそうです』。『ところが、エロースについては、善いものと美しいものとの欠如のために、まさに自分が欠いているそれらのものを欲するのだと、あなたは同意しましたね』。『同意しましたから』。『では、美しいものと善いものとにあずかっていない者が、どうして神でありえましょう』。『決してありえません、どうやら』。『それでは、あなたもまた、エロースを神とは考えていないことがわかりますか』と彼女は言った。『では、エロースは何なのでしょう』と私は言った。『死すべきものなのですか』。『まったく違います』。『では、いったい何ですか』。『先ほどのものと同じように』と彼女は言った、『死すべきものと不死なるもののあいだにあるものです』。『では何なのですか、ディオティマ』。『偉大なダイモーンです、ソクラテス。じっさい、ダイモーン的なものはすべて、神と死すべきものとのあいだにあるのですから』。『どのような力をもっているのですか』と私は言った。『人間たちからのものを神々に、神々からのものを人間たちに、通訳し、運び渡すのです。一方からは祈願と犠牲を、他方からは命令と犠牲への返礼をね。そして、両者のあいだにあって、その間を満たし、そうして全体がそれ自身で自分自身と結び合わされるようにしているのです。これを通して、あらゆる予言術も、祭司たちの技術、すなわち犠牲や秘儀や呪文やあらゆる占いや魔術にかかわる者たちの技術も、進んでいくのです。神は人間と交わりはしませんが、これを通して、神々の人間たちとのあらゆる交わりと語らいがあるのです。目覚めている者たちに対しても、眠っている者たちに対しても。そして、そうした事柄について知恵ある者はダイモーン的な人であり、ほかの何か、技術とか何らかの手仕事とかについて知恵ある者は、職人風情なのです。これらのダイモーンは数多く、あらゆる種類のものがいますが、そのうちの一人がエロースなのです』」。

πατρὸς δέ, ἦν δʼ ἐγώ, τίνος ἐστὶ καὶ μητρός; μακρότερον μέν, ἔφη, διηγήσασθαι· ὅμως δέ σοι ἐρῶ. ὅτε γὰρ ἐγένετο ἡ Ἀφροδίτη, ἡστιῶντο οἱ θεοὶ οἵ τε ἄλλοι καὶ ὁ τῆς Μήτιδος ὑὸς Πόρος. ἐπειδὴ δὲ ἐδείπνησαν, προσαιτήσουσα οἷον δὴ εὐωχίας οὔσης ἀφίκετο ἡ Πενία, καὶ ἦν περὶ τὰς θύρας. ὁ οὖν Πόρος μεθυσθεὶς τοῦ νέκταρος— οἶνος γὰρ οὔπω ἦν—εἰς τὸν τοῦ Διὸς κῆπον εἰσελθὼν βεβαρημένος ηὗδεν. ἡ οὖν Πενία ἐπιβουλεύουσα διὰ τὴν αὑτῆς ἀπορίαν παιδίον ποιήσασθαι ἐκ τοῦ Πόρου, κατακλίνεταί τε παρʼ αὐτῷ καὶ ἐκύησε τὸν ἔρωτα. διὸ δὴ καὶ τῆς Ἀφροδίτης ἀκόλουθος καὶ θεράπων γέγονεν ὁ Ἔρως, γεννηθεὶς ἐν τοῖς ἐκείνης γενεθλίοις, καὶ ἅμα φύσει ἐραστὴς ὢν περὶ τὸ καλὸν καὶ τῆς Ἀφροδίτης καλῆς οὔσης. ἅτε οὖν Πόρου καὶ Πενίας ὑὸς ὢν ὁ Ἔρως ἐν τοιαύτῃ τύχῃ καθέστηκεν. πρῶτον μὲν πένης ἀεί ἐστι, καὶ πολλοῦ δεῖ ἁπαλός τε καὶ καλός, οἷον οἱ πολλοὶ οἴονται, ἀλλὰ σκληρὸς καὶ αὐχμηρὸς καὶ ἀνυπόδητος καὶ ἄοικος, χαμαιπετὴς ἀεὶ ὢν καὶ ἄστρωτος, ἐπὶ θύραις καὶ ἐν ὁδοῖς ὑπαίθριος κοιμώμενος, τὴν τῆς μητρὸς φύσιν ἔχων, ἀεὶ ἐνδείᾳ σύνοικος. κατὰ δὲ αὖ τὸν πατέρα ἐπίβουλός ἐστι τοῖς καλοῖς καὶ τοῖς ἀγαθοῖς, ἀνδρεῖος ὢν καὶ ἴτης καὶ σύντονος, θηρευτὴς δεινός, ἀεί τινας πλέκων μηχανάς, καὶ φρονήσεως ἐπιθυμητὴς καὶ πόριμος, φιλοσοφῶν διὰ παντὸς τοῦ βίου, δεινὸς γόης καὶ φαρμακεὺς καὶ σοφιστής· καὶ οὔτε ὡς ἀθάνατος πέφυκεν οὔτε ὡς θνητός, ἀλλὰ τοτὲ μὲν τῆς αὐτῆς ἡμέρας θάλλει τε καὶ ζῇ, ὅταν εὐπορήσῃ, τοτὲ δὲ ἀποθνῄσκει, πάλιν δὲ ἀναβιώσκεται διὰ τὴν τοῦ πατρὸς φύσιν, τὸ δὲ ποριζόμενον ἀεὶ ὑπεκρεῖ, ὥστε οὔτε ἀπορεῖ Ἔρως ποτὲ οὔτε πλουτεῖ, σοφίας τε αὖ καὶ ἀμαθίας ἐν μέσῳ ἐστίν. ἔχει γὰρ ὧδε. θεῶν οὐδεὶς φιλοσοφεῖ οὐδʼ ἐπιθυμεῖ σοφὸς γενέσθαι—ἔστι γάρ—οὐδʼ εἴ τις ἄλλος σοφός, οὐ φιλοσοφεῖ. οὐδʼ αὖ οἱ ἀμαθεῖς φιλοσοφοῦσιν οὐδʼ ἐπιθυμοῦσι σοφοὶ γενέσθαι· αὐτὸ γὰρ τοῦτό ἐστι χαλεπὸν ἀμαθία, τὸ μὴ ὄντα καλὸν κἀγαθὸν μηδὲ φρόνιμον δοκεῖν αὑτῷ εἶναι ἱκανόν. οὔκουν ἐπιθυμεῖ ὁ μὴ οἰόμενος ἐνδεὴς εἶναι οὗ ἂν μὴ οἴηται ἐπιδεῖσθαι. τίνες οὖν, ἔφην ἐγώ, ὦ Διοτίμα, οἱ φιλοσοφοῦντες, εἰ μήτε οἱ σοφοὶ μήτε οἱ ἀμαθεῖς; δῆλον δή, ἔφη, τοῦτό γε ἤδη καὶ παιδί, ὅτι οἱ μεταξὺ τούτων ἀμφοτέρων, ὧν ἂν εἴη καὶ ὁ Ἔρως. ἔστιν γὰρ δὴ τῶν καλλίστων ἡ σοφία, Ἔρως δʼ ἐστὶν ἔρως περὶ τὸ καλόν, ὥστε ἀναγκαῖον ἔρωτα φιλόσοφον εἶναι, φιλόσοφον δὲ ὄντα μεταξὺ εἶναι σοφοῦ καὶ ἀμαθοῦς. αἰτία δὲ αὐτῷ καὶ τούτων ἡ γένεσις· πατρὸς μὲν γὰρ σοφοῦ ἐστι καὶ εὐπόρου, μητρὸς δὲ οὐ σοφῆς καὶ ἀπόρου. ἡ μὲν οὖν φύσις τοῦ δαίμονος, ὦ φίλε Σώκρατες, αὕτη· ὃν δὲ σὺ ᾠήθης ἔρωτα εἶναι, θαυμαστὸν οὐδὲν ἔπαθες. ᾠήθης δέ, ὡς ἐμοὶ δοκεῖ τεκμαιρομένῃ ἐξ ὧν σὺ λέγεις, τὸ ἐρώμενον ἔρωτα εἶναι, οὐ τὸ ἐρῶν· διὰ ταῦτά σοι οἶμαι πάγκαλος ἐφαίνετο ὁ Ἔρως. καὶ γὰρ ἔστι τὸ ἐραστὸν τὸ τῷ ὄντι καλὸν καὶ ἁβρὸν καὶ τέλεον καὶ μακαριστόν· τὸ δέ γε ἐρῶν ἄλλην ἰδέαν τοιαύτην ἔχον, οἵαν ἐγὼ διῆλθον.

「『では、彼は』と私は言った、『どのような父と母から生まれたのですか』。『話せば長くなります』と彼女は言った。『けれども、あなたに話しましょう。アプロディテが生まれたとき、神々が宴を催していました。ほかの神々も、またメティス（知略）の子ポロス（術策）もね。彼らが食事を終えると、ちょうど御馳走があったので、ペニア（貧窮）が物乞いをしにやって来て、戸口のあたりにいました。そこでポロスは、ネクタルに酔って――まだワインはなかったのですから――、ゼウスの庭に入り、酔いつぶれて眠っていました。そこでペニアは、自分の手だてのなさのために、ポロスから子どもをもうけようとたくらんで、彼のそばに横になり、エロースをみごもったのです。だからこそエロースは、アプロディテの誕生の祝いの日に生まれたので、アプロディテのお供となり、従者となったのです。そして同時に、生まれつき美しいものを恋する者であり、アプロディテが美しいからでもあります。さて、エロースはポロスとペニアの子なので、次のような運命に置かれています。まず第一に、彼はいつも貧しく、多くの人たちが思っているように柔らかで美しいどころではなく、硬く、ひからびていて、はだしで、家がなく、いつも地面に寝て、敷物もなく、戸口や道ばたで野天に眠るのです。母の性質をもっていて、いつも欠乏と同居しているのです。他方、父にならって、美しいものと善いものとをねらってたくらむ者であり、勇ましく、向こう見ずで、ひたむきであり、すご腕の狩人で、いつも何かの策略を編んでおり、思慮を欲し、手だてに富み、生涯を通じて知恵を愛し求め、すご腕の魔術師、毒の調合者、ソフィストなのです。そして、生まれつき不死なるもののようでも、死すべきもののようでもなく、同じ日のうちに、手だてがうまくいくときには、花開いて生きているかと思えば、死んでしまい、そしてまた父の性質のために生き返るのです。けれども、手に入れたものはいつも流れ出してしまうので、エロースは決して困窮することもなく、富むこともなく、また知恵と無知のあいだにあるのです。というのは、こういうことだからです。神々のうちの誰も、知恵を愛し求めることはなく、知恵ある者になろうと欲することもありません――すでにそうなのですから――。またほかの誰かが知恵ある者であるなら、その者も知恵を愛し求めはしません。他方、無知な者たちもまた、知恵を愛し求めず、知恵ある者になろうと欲しもしません。というのも、まさにこの点で無知はやっかいなのです。立派ですぐれた者でも思慮ある者でもないのに、自分では十分だと思っているという点でね。ですから、自分が欠いていると思わない者は、欠いていると思っていないものを欲しはしないのです』。『では、ディオティマ』と私は言った、『知恵ある者でも無知な者でもないとすれば、知恵を愛し求める者たちとは誰なのですか』。『それはもう、子どもにさえ明らかなことです』と彼女は言った。『この両者のあいだにある者たちで、エロースもまたその一人なのです。というのも、知恵は最も美しいものの一つであり、エロースは美しいものに向かう恋なのですから、エロースは知恵を愛し求める者であることが必然であり、知恵を愛し求める者であるからには、知恵ある者と無知な者のあいだにあることが必然なのです。そして、そうなっていることの原因も、彼の生まれにあります。父は知恵があり手だてに富んでいますが、母は知恵がなく手だてがないのですから。さて、ダイモーンの本性は、親しいソクラテスよ、このようなものです。他方、あなたがエロースだと思っていたものについては、あなたが陥ったのは少しも不思議なことではありません。あなたの言っていることから推し量ると、私の思うに、あなたは、愛されるものがエロースであって、愛するものがエロースではないと思っていたのです。そのために、思うに、エロースはまったく美しいものに見えていたのです。じっさい、恋い求められるものこそは、本当に美しく、優美で、完全で、至福なものなのですから。けれども、愛するもののほうは、私が詳しく述べたような、それとは別の姿をもっているのです』」。

καὶ ἐγὼ εἶπον, εἶεν δή, ὦ ξένη, καλῶς γὰρ λέγεις· τοιοῦτος ὢν ὁ Ἔρως τίνα χρείαν ἔχει τοῖς ἀνθρώποις; τοῦτο δὴ μετὰ ταῦτʼ, ἔφη, ὦ Σώκρατες, πειράσομαί σε διδάξαι. ἔστι μὲν γὰρ δὴ τοιοῦτος καὶ οὕτω γεγονὼς ὁ Ἔρως, ἔστι δὲ τῶν καλῶν, ὡς σὺ φῄς. εἰ δέ τις ἡμᾶς ἔροιτο· τί τῶν καλῶν ἐστιν ὁ Ἔρως, ὦ Σώκρατές τε καὶ Διοτίμα; ὧδε δὲ σαφέστερον· ἐρᾷ ὁ ἐρῶν τῶν καλῶν· τί ἐρᾷ; καὶ ἐγὼ εἶπον ὅτι γενέσθαι αὑτῷ. ἀλλʼ ἔτι ποθεῖ, ἔφη, ἡ ἀπόκρισις ἐρώτησιν τοιάνδε· τί ἔσται ἐκείνῳ ᾧ ἂν γένηται τὰ καλά; οὐ πάνυ ἔφην ἔτι ἔχειν ἐγὼ πρὸς ταύτην τὴν ἐρώτησιν προχείρως ἀποκρίνασθαι. ἀλλʼ, ἔφη, ὥσπερ ἂν εἴ τις μεταβαλὼν ἀντὶ τοῦ καλοῦ τῷ ἀγαθῷ χρώμενος πυνθάνοιτο· φέρε, ὦ Σώκρατες, ἐρᾷ ὁ ἐρῶν τῶν ἀγαθῶν· τί ἐρᾷ; γενέσθαι, ἦν δʼ ἐγώ, αὑτῷ. καὶ τί ἔσται ἐκείνῳ ᾧ ἂν γένηται τἀγαθά; τοῦτʼ εὐπορώτερον, ἦν δʼ ἐγώ, ἔχω ἀποκρίνασθαι, ὅτι εὐδαίμων ἔσται. κτήσει γάρ, ἔφη, ἀγαθῶν οἱ εὐδαίμονες εὐδαίμονες, καὶ οὐκέτι προσδεῖ ἐρέσθαι ἵνα τί δὲ βούλεται εὐδαίμων εἶναι ὁ βουλόμενος; ἀλλὰ τέλος δοκεῖ ἔχειν ἡ ἀπόκρισις. ἀληθῆ λέγεις, εἶπον ἐγώ. ταύτην δὴ τὴν βούλησιν καὶ τὸν ἔρωτα τοῦτον πότερα κοινὸν οἴει εἶναι πάντων ἀνθρώπων, καὶ πάντας τἀγαθὰ βούλεσθαι αὑτοῖς εἶναι ἀεί, ἢ πῶς λέγεις; οὕτως, ἦν δʼ ἐγώ· κοινὸν εἶναι πάντων. τί δὴ οὖν, ἔφη, ὦ Σώκρατες, οὐ πάντας ἐρᾶν φαμεν, εἴπερ γε πάντες τῶν αὐτῶν ἐρῶσι καὶ ἀεί, ἀλλά τινάς φαμεν ἐρᾶν, τοὺς δʼ οὔ; θαυμάζω, ἦν δʼ ἐγώ, καὶ αὐτός. ἀλλὰ μὴ θαύμαζʼ, ἔφη· ἀφελόντες γὰρ ἄρα τοῦ ἔρωτός τι εἶδος ὀνομάζομεν, τὸ τοῦ ὅλου ἐπιτιθέντες ὄνομα, ἔρωτα, τὰ δὲ ἄλλα ἄλλοις καταχρώμεθα ὀνόμασιν. ὥσπερ τί; ἦν δʼ ἐγώ. ὥσπερ τόδε. οἶσθʼ ὅτι ποίησίς ἐστί τι πολύ· ἡ γάρ τοι ἐκ τοῦ μὴ ὄντος εἰς τὸ ὂν ἰόντι ὁτῳοῦν αἰτία πᾶσά ἐστι ποίησις, ὥστε καὶ αἱ ὑπὸ πάσαις ταῖς τέχναις ἐργασίαι ποιήσεις εἰσὶ καὶ οἱ τούτων δημιουργοὶ πάντες ποιηταί. ἀληθῆ λέγεις. ἀλλʼ ὅμως, ἦ δʼ ἥ, οἶσθʼ ὅτι οὐ καλοῦνται ποιηταὶ ἀλλὰ ἄλλα ἔχουσιν ὀνόματα, ἀπὸ δὲ πάσης τῆς ποιήσεως ἓν μόριον ἀφορισθὲν τὸ περὶ τὴν μουσικὴν καὶ τὰ μέτρα τῷ τοῦ ὅλου ὀνόματι προσαγορεύεται. ποίησις γὰρ τοῦτο μόνον καλεῖται, καὶ οἱ ἔχοντες τοῦτο τὸ μόριον τῆς ποιήσεως ποιηταί. ἀληθῆ λέγεις, ἔφην. οὕτω τοίνυν καὶ περὶ τὸν ἔρωτα. τὸ μὲν κεφάλαιόν ἐστι πᾶσα ἡ τῶν ἀγαθῶν ἐπιθυμία καὶ τοῦ εὐδαιμονεῖν ὁ μέγιστός τε καὶ δολερὸς ἔρως παντί· ἀλλʼ οἱ μὲν ἄλλῃ τρεπόμενοι πολλαχῇ ἐπʼ αὐτόν, ἢ κατὰ χρηματισμὸν ἢ κατὰ φιλογυμναστίαν ἢ κατὰ φιλοσοφίαν, οὔτε ἐρᾶν καλοῦνται οὔτε ἐρασταί, οἱ δὲ κατὰ ἕν τι εἶδος ἰόντες τε καὶ ἐσπουδακότες τὸ τοῦ ὅλου ὄνομα ἴσχουσιν, ἔρωτά τε καὶ ἐρᾶν καὶ ἐρασταί. κινδυνεύεις ἀληθῆ, ἔφην ἐγώ, λέγειν. καὶ λέγεται μέν γέ τις, ἔφη, λόγος, ὡς οἳ ἂν τὸ ἥμισυ ἑαυτῶν ζητῶσιν, οὗτοι ἐρῶσιν· ὁ δʼ ἐμὸς λόγος οὔτε ἡμίσεός φησιν εἶναι τὸν ἔρωτα οὔτε ὅλου, ἐὰν μὴ τυγχάνῃ γέ που, ὦ ἑταῖρε, ἀγαθὸν ὄν, ἐπεὶ αὑτῶν γε καὶ πόδας καὶ χεῖρας ἐθέλουσιν ἀποτέμνεσθαι οἱ ἄνθρωποι, ἐὰν αὐτοῖς δοκῇ τὰ ἑαυτῶν πονηρὰ εἶναι. οὐ γὰρ τὸ ἑαυτῶν οἶμαι ἕκαστοι ἀσπάζονται, εἰ μὴ εἴ τις τὸ μὲν ἀγαθὸν οἰκεῖον καλεῖ καὶ ἑαυτοῦ, τὸ δὲ κακὸν ἀλλότριον· ὡς οὐδέν γε ἄλλο ἐστὶν οὗ ἐρῶσιν ἅνθρωποι ἢ τοῦ ἀγαθοῦ. ἢ σοὶ δοκοῦσιν; μὰ Δίʼ οὐκ ἔμοιγε, ἦν δʼ ἐγώ. ἆρʼ οὖν, ἦ δʼ ἥ, οὕτως ἁπλοῦν ἐστι λέγειν ὅτι οἱ ἄνθρωποι τἀγαθοῦ ἐρῶσιν; ναί, ἔφην. τί δέ; οὐ προσθετέον, ἔφη, ὅτι καὶ εἶναι τὸ ἀγαθὸν αὑτοῖς ἐρῶσιν; προσθετέον. ἆρʼ οὖν, ἔφη, καὶ οὐ μόνον εἶναι, ἀλλὰ καὶ ἀεὶ εἶναι; καὶ τοῦτο προσθετέον. ἔστιν ἄρα συλλήβδην, ἔφη, ὁ ἔρως τοῦ τὸ ἀγαθὸν αὑτῷ εἶναι ἀεί. ἀληθέστατα, ἔφην ἐγώ, λέγεις.

「そこで私は言った。『よろしい、異国の方、立派におっしゃいます。では、エロースがそのようなものであるとして、人間たちにとってどのような役に立つのですか』。『それこそ、この次に、ソクラテス、あなたに教えるよう試みましょう』と彼女は言った。『エロースは、まさにそのようなものであり、そのようにして生まれたのですが、あなたの言うように、美しいものにかかわるものです。ところで、もし誰かがわれわれにこう尋ねたとしましょう。〈ソクラテスとディオティマよ、エロースは、美しいもののどのような点にかかわるのか〉。もっとはっきり言えば、こうです。〈恋する者は美しいものを恋する。何を恋するのか〉』。そこで私は言った。『それが自分のものになることを、です』。『けれども、その答えは、さらに次のような問いを求めます』と彼女は言った。『〈美しいものが自分のものになった者には、何があることになるのか〉』。私は、この問いにはもうすぐには答えられない、と言った。『では』と彼女は言った、『ちょうど、誰かが取りかえて、美しいものの代わりに善いものを使って尋ねたとしましょう。〈さあ、ソクラテス、恋する者は善いものを恋する。何を恋するのか〉』。『それが自分のものになることを、です』と私は言った。『〈では、善いものが自分のものになった者には、何があることになるのか〉』。『それなら、もっとたやすく答えられます』と私は言った、『幸福になるでしょう』。『じっさい、幸福な人たちは、善いものの所有によって幸福なのです』と彼女は言った。『そしてもはや、〈幸福であることを望む者は、何のためにそれを望むのか〉と、さらに尋ねる必要はありません。答えは終わりに達しているように思われますから』。『本当のことをおっしゃいます』と私は言った。『では、この望みとこの恋とは、すべての人間に共通のものであり、すべての人が善いものがいつも自分のものであることを望んでいるとあなたは思いますか、それともどう言いますか』。『そう思います』と私は言った、『すべての人に共通のものだと』。『では、いったいなぜ、ソクラテス』と彼女は言った、『すべての人が恋しているとわれわれは言わないのでしょう。もしすべての人が同じものを、しかもいつも恋しているのなら。そうではなく、ある人たちは恋しているが、ある人たちはそうでない、とわれわれは言うのです』。『私自身も不思議に思います』と私は言った。『いや、不思議に思うことはありません』と彼女は言った。『というのも、われわれは、恋のある種を取り出して、それに全体の名前、すなわち恋という名前をかぶせて呼び、ほかのものにはほかの名前を用いているのですから』。『たとえばどのようなことですか』と私は言った。『たとえば、こういうことです。制作というのは何か多くのものだということを、あなたは知っていますね。というのも、何であれ、あらぬものからあるものへと進むものにとって、その原因はすべて制作なのですから。ですから、すべての技術によってなされる仕事も制作であり、その作り手たちはみな制作者なのです』。『本当のことをおっしゃいます』。『けれども』と彼女は言った、『あなたも知っているように、その人たちは制作者とは呼ばれず、ほかの名前をもっています。そして、制作全体から一つの部分、すなわち音楽と韻律にかかわる部分が切り離されて、全体の名前で呼ばれているのです。というのも、これだけが制作（詩作）と呼ばれ、制作のこの部分をもつ者たちが制作者（詩人）と呼ばれているのですから』。『本当のことをおっしゃいます』と私は言った。『そこで、恋についても同じなのです。要点を言えば、善いものと幸福であることへのあらゆる欲望が、すべての人にとって、最も大きく、しかも狡猾な恋なのです。けれども、ほかの方面で、金もうけによってであれ、体育好きによってであれ、知恵を愛し求めることによってであれ、多様な仕方でそれへと向かう者たちは、恋しているとも恋する者とも呼ばれません。他方、ある一つの種に沿って進み、熱中している者たちが、全体の名前、すなわち恋とか、恋するとか、恋する者とかいう名前を得ているのです』。『おそらく本当のことをおっしゃっています』と私は言った。『そしてまた、ある話が語られています』と彼女は言った、『自分自身の半身を探し求める者たちが恋しているのだ、とね。けれども私の話では、恋は半身に向かうものでも全体に向かうものでもありません。友よ、それがたまたまどこかで善いものでないかぎりは。というのも、人間は、自分自身の足や手でさえ、自分のものが悪いと思われるならば、切り取ってしまおうとするのですから。というのも、思うに、各人が慈しむのは自分のものではないのです。もし人が、善いものを身内のもの、自分自身のものと呼び、悪いものを他人のものと呼ぶのでないかぎりは。人間たちが恋するものは、善いもの以外の何ものでもないのですから。それとも、あなたにはそう思われますか』。『ゼウスにかけて、私には思われません』と私は言った。『それでは』と彼女は言った、『人間たちは善いものを恋する、とこのように単純に言ってよいのでしょうか』。『はい』と私は言った。『ではどうでしょう。善いものが自分のものであることをも恋するのだ、と付け加えなければならないのではありませんか』と彼女は言った。『付け加えなければなりません』。『それでは』と彼女は言った、『単にあるだけでなく、いつもあることをも』。『それも付け加えなければなりません』。『それでは、要するに』と彼女は言った、『恋とは、善いものがいつも自分のものであることに向かうものなのです』。『このうえなく本当のことをおっしゃいます』と私は言った」。

ὅτε δὴ τοῦτο ὁ ἔρως ἐστὶν ἀεί, ἦ δʼ ἥ, τῶν τίνα τρόπον διωκόντων αὐτὸ καὶ ἐν τίνι πράξει ἡ σπουδὴ καὶ ἡ σύντασις ἔρως ἂν καλοῖτο; τί τοῦτο τυγχάνει ὂν τὸ ἔργον; ἔχεις εἰπεῖν; οὐ μεντἂν σέ, ἔφην ἐγώ, ὦ Διοτίμα, ἐθαύμαζον ἐπὶ σοφίᾳ καὶ ἐφοίτων παρὰ σὲ αὐτὰ ταῦτα μαθησόμενος. ἀλλὰ ἐγώ σοι, ἔφη, ἐρῶ. ἔστι γὰρ τοῦτο τόκος ἐν καλῷ καὶ κατὰ τὸ σῶμα καὶ κατὰ τὴν ψυχήν. μαντείας, ἦν δʼ ἐγώ, δεῖται ὅτι ποτε λέγεις, καὶ οὐ μανθάνω. ἀλλʼ ἐγώ, ἦ δʼ ἥ, σαφέστερον ἐρῶ. κυοῦσιν γάρ, ἔφη, ὦ Σώκρατες, πάντες ἄνθρωποι καὶ κατὰ τὸ σῶμα καὶ κατὰ τὴν ψυχήν, καὶ ἐπειδὰν ἔν τινι ἡλικίᾳ γένωνται, τίκτειν ἐπιθυμεῖ ἡμῶν ἡ φύσις. τίκτειν δὲ ἐν μὲν αἰσχρῷ οὐ δύναται, ἐν δὲ τῷ καλῷ. ἡ γὰρ ἀνδρὸς καὶ γυναικὸς συνουσία τόκος ἐστίν. ἔστι δὲ τοῦτο θεῖον τὸ πρᾶγμα, καὶ τοῦτο ἐν θνητῷ ὄντι τῷ ζῴῳ ἀθάνατον ἔνεστιν, ἡ κύησις καὶ ἡ γέννησις. τὰ δὲ ἐν τῷ ἀναρμόστῳ ἀδύνατον γενέσθαι. ἀνάρμοστον δʼ ἐστὶ τὸ αἰσχρὸν παντὶ τῷ θείῳ, τὸ δὲ καλὸν ἁρμόττον. Μοῖρα οὖν καὶ Εἰλείθυια ἡ Καλλονή ἐστι τῇ γενέσει. διὰ ταῦτα ὅταν μὲν καλῷ προσπελάζῃ τὸ κυοῦν, ἵλεών τε γίγνεται καὶ εὐφραινόμενον διαχεῖται καὶ τίκτει τε καὶ γεννᾷ· ὅταν δὲ αἰσχρῷ, σκυθρωπόν τε καὶ λυπούμενον συσπειρᾶται καὶ ἀποτρέπεται καὶ ἀνείλλεται καὶ οὐ γεννᾷ, ἀλλὰ ἴσχον τὸ κύημα χαλεπῶς φέρει. ὅθεν δὴ τῷ κυοῦντί τε καὶ ἤδη σπαργῶντι πολλὴ ἡ πτοίησις γέγονε περὶ τὸ καλὸν διὰ τὸ μεγάλης ὠδῖνος ἀπολύειν τὸν ἔχοντα. ἔστιν γάρ, ὦ Σώκρατες, ἔφη, οὐ τοῦ καλοῦ ὁ ἔρως, ὡς σὺ οἴει. ἀλλὰ τί μήν; τῆς γεννήσεως καὶ τοῦ τόκου ἐν τῷ καλῷ. εἶεν, ἦν δʼ ἐγώ. πάνυ μὲν οὖν, ἔφη. τί δὴ οὖν τῆς γεννήσεως; ὅτι ἀειγενές ἐστι καὶ ἀθάνατον ὡς θνητῷ ἡ γέννησις. ἀθανασίας δὲ ἀναγκαῖον ἐπιθυμεῖν μετὰ ἀγαθοῦ ἐκ τῶν ὡμολογημένων, εἴπερ τοῦ ἀγαθοῦ ἑαυτῷ εἶναι ἀεὶ ἔρως ἐστίν. ἀναγκαῖον δὴ ἐκ τούτου τοῦ λόγου καὶ τῆς ἀθανασίας τὸν ἔρωτα εἶναι.

「『では、恋がいつもこれであるとするなら』と彼女は言った、『それをどのような仕方で追い求める者たちの、どのような行ないにおける熱心さと張りつめた努力が、恋と呼ばれるのでしょうか。その働きとは、いったい何であるのか。あなたは言うことができますか』。『もし言えるなら、ディオティマ』と私は言った、『私はあなたの知恵に感嘆して、まさにこのことを学ぼうとあなたのもとに通ったりはしなかったでしょう』。『では、あなたに言いましょう』と彼女は言った。『それは、身体においても魂においても、美しいもののうちで子を生むことなのです』。『おっしゃっていることが何なのかは、予言の術が必要です』と私は言った、『私にはわかりません』。『では、もっとはっきり言いましょう』と彼女は言った。『というのも、ソクラテス、すべての人間は、身体においても魂においても、みごもっているのです。そして、ある年齢に達すると、われわれの本性は子を生むことを欲します。けれども、醜いもののうちで生むことはできず、美しいもののうちでなら生むことができるのです。というのも、男と女との交わりは出産なのですから。そして、これは神的な事柄であり、死すべきものである生き物のうちに、不死なるものとして宿っているのです。すなわち、みごもることと生み出すこととがね。けれども、それらは調和しないもののうちで生じることは不可能です。そして、醜いものはすべての神的なものと調和せず、美しいものは調和するのです。ですから、美しさは、生成にとって、運命の女神であり、出産の女神エイレイテュイアなのです。そのために、みごもっているものが美しいものに近づくと、穏やかになり、喜んでほどけ、生み、生み出すのです。けれども、醜いものに近づくと、陰気になり、苦しんで縮こまり、そむき、しりごみして、生み出さず、胎の子を抱えたまま苦しむのです。そこから、みごもってすでにはち切れそうになっている者には、美しいものをめぐって大きな興奮が生じるのです。美しいものは、それをもつ者を大きな産みの苦しみから解き放つのですから。というのも、ソクラテス』と彼女は言った、『恋は、あなたが思っているように、美しいものに向かうものではないのです』。『では、何に向かうのですか』。『美しいもののうちで生み出し、子を生むことに向かうのです』。『そういうことにしておきましょう』と私は言った。『まったくそうなのです』と彼女は言った。『では、なぜ生み出すことに向かうのですか』。『生み出すことは、死すべきものにとって、永遠に生まれ続けるものであり、不死なるものだからです。そして、同意されたことからして、善いものとともに不死をも欲するのが必然です。もし恋が、善いものがいつも自分のものであることに向かうものであるなら。この論からして、恋は不死にも向かうものであることが必然なのです』」。

ταῦτά τε οὖν πάντα ἐδίδασκέ με, ὁπότε περὶ τῶν ἐρωτικῶν λόγους ποιοῖτο, καί ποτε ἤρετο τί οἴει, ὦ Σώκρατες, αἴτιον εἶναι τούτου τοῦ ἔρωτος καὶ τῆς ἐπιθυμίας; ἢ οὐκ αἰσθάνῃ ὡς δεινῶς διατίθεται πάντα τὰ θηρία ἐπειδὰν γεννᾶν ἐπιθυμήσῃ, καὶ τὰ πεζὰ καὶ τὰ πτηνά, νοσοῦντά τε πάντα καὶ ἐρωτικῶς διατιθέμενα, πρῶτον μὲν περὶ τὸ συμμιγῆναι ἀλλήλοις, ἔπειτα περὶ τὴν τροφὴν τοῦ γενομένου, καὶ ἕτοιμά ἐστιν ὑπὲρ τούτων καὶ διαμάχεσθαι τὰ ἀσθενέστατα τοῖς ἰσχυροτάτοις καὶ ὑπεραποθνῄσκειν, καὶ αὐτὰ τῷ λιμῷ παρατεινόμενα ὥστʼ ἐκεῖνα ἐκτρέφειν, καὶ ἄλλο πᾶν ποιοῦντα. τοὺς μὲν γὰρ ἀνθρώπους, ἔφη, οἴοιτʼ ἄν τις ἐκ λογισμοῦ ταῦτα ποιεῖν· τὰ δὲ θηρία τίς αἰτία οὕτως ἐρωτικῶς διατίθεσθαι; ἔχεις λέγειν; καὶ ἐγὼ αὖ ἔλεγον ὅτι οὐκ εἰδείην· ἣ δʼ εἶπεν, Διανοῇ οὖν δεινός ποτε γενήσεσθαι τὰ ἐρωτικά, ἐὰν ταῦτα μὴ ἐννοῇς; ἀλλὰ διὰ ταῦτά τοι, ὦ Διοτίμα, ὅπερ νυνδὴ εἶπον, παρὰ σὲ ἥκω, γνοὺς ὅτι διδασκάλων δέομαι. ἀλλά μοι λέγε καὶ τούτων τὴν αἰτίαν καὶ τῶν ἄλλων τῶν περὶ τὰ ἐρωτικά. εἰ τοίνυν, ἔφη, πιστεύεις ἐκείνου εἶναι φύσει τὸν ἔρωτα, οὗ πολλάκις ὡμολογήκαμεν, μὴ θαύμαζε. ἐνταῦθα γὰρ τὸν αὐτὸν ἐκείνῳ λόγον ἡ θνητὴ φύσις ζητεῖ κατὰ τὸ δυνατὸν ἀεί τε εἶναι καὶ ἀθάνατος. δύναται δὲ ταύτῃ μόνον, τῇ γενέσει, ὅτι ἀεὶ καταλείπει ἕτερον νέον ἀντὶ τοῦ παλαιοῦ, ἐπεὶ καὶ ἐν ᾧ ἓν ἕκαστον τῶν ζῴων ζῆν καλεῖται καὶ εἶναι τὸ αὐτό—οἷον ἐκ παιδαρίου ὁ αὐτὸς λέγεται ἕως ἂν πρεσβύτης γένηται· οὗτος μέντοι οὐδέποτε τὰ αὐτὰ ἔχων ἐν αὑτῷ ὅμως ὁ αὐτὸς καλεῖται, ἀλλὰ νέος ἀεὶ γιγνόμενος, τὰ δὲ ἀπολλύς, καὶ κατὰ τὰς τρίχας καὶ σάρκα καὶ ὀστᾶ καὶ αἷμα καὶ σύμπαν τὸ σῶμα. καὶ μὴ ὅτι κατὰ τὸ σῶμα, ἀλλὰ καὶ κατὰ τὴν ψυχὴν οἱ τρόποι, τὰ ἤθη, δόξαι, ἐπιθυμίαι, ἡδοναί, λῦπαι, φόβοι, τούτων ἕκαστα οὐδέποτε τὰ αὐτὰ πάρεστιν ἑκάστῳ, ἀλλὰ τὰ μὲν γίγνεται, τὰ δὲ ἀπόλλυται. πολὺ δὲ τούτων ἀτοπώτερον ἔτι, ὅτι καὶ αἱ ἐπιστῆμαι μὴ ὅτι αἱ μὲν γίγνονται, αἱ δὲ ἀπόλλυνται ἡμῖν, καὶ οὐδέποτε οἱ αὐτοί ἐσμεν οὐδὲ κατὰ τὰς ἐπιστήμας, ἀλλὰ καὶ μία ἑκάστη τῶν ἐπιστημῶν ταὐτὸν πάσχει. ὃ γὰρ καλεῖται μελετᾶν, ὡς ἐξιούσης ἐστὶ τῆς ἐπιστήμης· λήθη γὰρ ἐπιστήμης ἔξοδος, μελέτη δὲ πάλιν καινὴν ἐμποιοῦσα ἀντὶ τῆς ἀπιούσης μνήμην σῴζει τὴν ἐπιστήμην, ὥστε τὴν αὐτὴν δοκεῖν εἶναι. τούτῳ γὰρ τῷ τρόπῳ πᾶν τὸ θνητὸν σῴζεται, οὐ τῷ παντάπασιν τὸ αὐτὸ ἀεὶ εἶναι ὥσπερ τὸ θεῖον, ἀλλὰ τῷ τὸ ἀπιὸν καὶ παλαιούμενον ἕτερον νέον ἐγκαταλείπειν οἷον αὐτὸ ἦν. ταύτῃ τῇ μηχανῇ, ὦ Σώκρατες, ἔφη, θνητὸν ἀθανασίας μετέχει, καὶ σῶμα καὶ τἆλλα πάντα· ἀθάνατον δὲ ἄλλῃ. μὴ οὖν θαύμαζε εἰ τὸ αὑτοῦ ἀποβλάστημα φύσει πᾶν τιμᾷ· ἀθανασίας γὰρ χάριν παντὶ αὕτη ἡ σπουδὴ καὶ ὁ ἔρως ἕπεται.

「これらすべてのことを、あの人は、恋の事柄について話をするたびに私に教えてくれたが、あるときこう尋ねた。『ソクラテス、この恋と欲望の原因は何だと思いますか。それとも、あなたは気づいていないのですか。すべての獣が、生み出すことを欲するときには、歩くものも翼あるものも、どれほど恐ろしい状態になるかを。すべてが病んでいて、恋の状態に置かれているのです。まず互いに交わることをめぐって、次に生まれたものの養育をめぐってね。そして、それらのために、最も弱いものが最も強いものと戦い抜き、そのために死ぬことさえ厭わず、自分は飢えに苦しみながらも、あれらを育て上げ、ほかにもあらゆることをするのです。というのも、人間についてなら』と彼女は言った、『推論からそうしたことをしていると人は思うかもしれません。けれども獣については、そのように恋の状態に置かれる原因は何なのでしょう。あなたは言うことができますか』。そこで私はまた、わかりません、と言った。すると彼女は言った。『それでは、あなたは、これに思い至らないで、いつか恋の事柄に通じた者になれると考えているのですか』。『いや、ディオティマ、まさにそのためにこそ、今しがた言ったように、私はあなたのもとに来ているのです。教師が必要だとわかっているのですから。ですから、どうかこれらのことの原因も、恋の事柄にかかわるほかのことの原因も、私に言ってください』。『それでは』と彼女は言った、『もし恋が、私たちが何度も同意したもの、そのものに向かうのが本性であると信じるなら、不思議に思うことはありません。というのも、ここでも、あれと同じ論にしたがって、死すべき本性は、できるかぎり、いつもあり、不死であることを求めているのですから。けれども、それができるのは、ただこの仕方、すなわち生成によってだけなのです。いつも古いものの代わりに別の新しいものを後に残すことによってね。というのも、生き物のそれぞれが、生きていると言われ、同じものであると言われるあいだでさえ――たとえば、人は子どもの時から老人になるまで、同じ人だと言われますね。けれども、この人は、決して同じものを自分のうちにもっていないのに、それでも同じ人だと呼ばれるのです。そうではなく、いつも新しくなりつつ、あるものは失いながら、髪においても、肉においても、骨においても、血においても、身体全体においても――。そして身体においてだけでなく、魂においても、性格、習慣、思わく、欲望、快楽、苦痛、恐れ、これらのそれぞれは、決して各人のうちに同じものとしてあるのではなく、あるものは生じ、あるものは滅びていくのです。それらよりもさらにずっと奇妙なのは、知識もまた、あるものはわれわれのうちに生じ、あるものは滅びて、われわれは知識においても決して同じではない、というだけでなく、知識の一つ一つもまた同じ目にあっているということです。というのも、復習すると呼ばれていることは、知識が出て行くことがあるからなのです。忘却とは知識の出て行くことであり、復習は、去って行くものの代わりに新しい記憶をふたたび植えつけることによって、知識を保ち、同じものであるように見えさせるのです。というのも、この仕方によって、死すべきものはすべて保たれているのですから。神的なもののように、まったく同じものとしていつもあることによってではなく、去って行き古びていくものが、自分がそうであったような別の新しいものを後に残すことによってね。この工夫によって、ソクラテス』と彼女は言った、『死すべきものは、身体もほかのすべても、不死にあずかるのです。不死なるものは、別の仕方でですが。ですから、あらゆるものが自分自身の芽生えを生まれつき尊ぶことを、不思議に思ってはいけません。というのも、すべてのものにとって、この熱心さと恋とがついてまわるのは、不死のためなのですから』」。

καὶ ἐγὼ ἀκούσας τὸν λόγον ἐθαύμασά τε καὶ εἶπον εἶεν, ἦν δʼ ἐγώ, ὦ σοφωτάτη Διοτίμα, ταῦτα ὡς ἀληθῶς οὕτως ἔχει; καὶ ἥ, ὥσπερ οἱ τέλεοι σοφισταί, εὖ ἴσθι, ἔφη, ὦ Σώκρατες· ἐπεί γε καὶ τῶν ἀνθρώπων εἰ ἐθέλεις εἰς τὴν φιλοτιμίαν βλέψαι, θαυμάζοις ἂν τῆς ἀλογίας περὶ ἃ ἐγὼ εἴρηκα εἰ μὴ ἐννοεῖς, ἐνθυμηθεὶς ὡς δεινῶς διάκεινται ἔρωτι τοῦ ὀνομαστοὶ γενέσθαι καὶ κλέος ἐς τὸν ἀεὶ χρόνον ἀθάνατον καταθέσθαι, καὶ ὑπὲρ τούτου κινδύνους τε κινδυνεύειν ἕτοιμοί εἰσι πάντας ἔτι μᾶλλον ἢ ὑπὲρ τῶν παίδων, καὶ χρήματα ἀναλίσκειν καὶ πόνους πονεῖν οὑστινασοῦν καὶ ὑπεραποθνῄσκειν. ἐπεὶ οἴει σύ, ἔφη, Ἄλκηστιν ὑπὲρ Ἀδμήτου ἀποθανεῖν ἄν, ἢ Ἀχιλλέα Πατρόκλῳ ἐπαποθανεῖν, ἢ προαποθανεῖν τὸν ὑμέτερον Κόδρον ὑπὲρ τῆς βασιλείας τῶν παίδων, μὴ οἰομένους ἀθάνατον μνήμην ἀρετῆς πέρι ἑαυτῶν ἔσεσθαι, ἣν νῦν ἡμεῖς ἔχομεν; πολλοῦ γε δεῖ, ἔφη, ἀλλʼ οἶμαι ὑπὲρ ἀρετῆς ἀθανάτου καὶ τοιαύτης δόξης εὐκλεοῦς πάντες πάντα ποιοῦσιν, ὅσῳ ἂν ἀμείνους ὦσι, τοσούτῳ μᾶλλον· τοῦ γὰρ ἀθανάτου ἐρῶσιν. οἱ μὲν οὖν ἐγκύμονες, ἔφη, κατὰ τὰ σώματα ὄντες πρὸς τὰς γυναῖκας μᾶλλον τρέπονται καὶ ταύτῃ ἐρωτικοί εἰσιν, διὰ παιδογονίας ἀθανασίαν καὶ μνήμην καὶ εὐδαιμονίαν, ὡς οἴονται, αὑτοῖς εἰς τὸν ἔπειτα χρόνον πάντα ποριζόμενοι· οἱ δὲ κατὰ τὴν ψυχήν—εἰσὶ γὰρ οὖν, ἔφη, οἳ ἐν ταῖς ψυχαῖς κυοῦσιν ἔτι μᾶλλον ἢ ἐν τοῖς σώμασιν, ἃ ψυχῇ προσήκει καὶ κυῆσαι καὶ τεκεῖν· τί οὖν προσήκει; φρόνησίν τε καὶ τὴν ἄλλην ἀρετήν—ὧν δή εἰσι καὶ οἱ ποιηταὶ πάντες γεννήτορες καὶ τῶν δημιουργῶν ὅσοι λέγονται εὑρετικοὶ εἶναι· πολὺ δὲ μεγίστη, ἔφη, καὶ καλλίστη τῆς φρονήσεως ἡ περὶ τὰ τῶν πόλεών τε καὶ οἰκήσεων διακόσμησις, ᾗ δὴ ὄνομά ἐστι σωφροσύνη τε καὶ δικαιοσύνη—τούτων δʼ αὖ ὅταν τις ἐκ νέου ἐγκύμων ᾖ τὴν ψυχήν, ᾔθεος ὢν καὶ ἡκούσης τῆς ἡλικίας, τίκτειν τε καὶ γεννᾶν ἤδη ἐπιθυμῇ, ζητεῖ δὴ οἶμαι καὶ οὗτος περιιὼν τὸ καλὸν ἐν ᾧ ἂν γεννήσειεν· ἐν τῷ γὰρ αἰσχρῷ οὐδέποτε γεννήσει. τά τε οὖν σώματα τὰ καλὰ μᾶλλον ἢ τὰ αἰσχρὰ ἀσπάζεται ἅτε κυῶν, καὶ ἂν ἐντύχῃ ψυχῇ καλῇ καὶ γενναίᾳ καὶ εὐφυεῖ, πάνυ δὴ ἀσπάζεται τὸ συναμφότερον, καὶ πρὸς τοῦτον τὸν ἄνθρωπον εὐθὺς εὐπορεῖ λόγων περὶ ἀρετῆς καὶ περὶ οἷον χρὴ εἶναι τὸν ἄνδρα τὸν ἀγαθὸν καὶ ἃ ἐπιτηδεύειν, καὶ ἐπιχειρεῖ παιδεύειν. ἁπτόμενος γὰρ οἶμαι τοῦ καλοῦ καὶ ὁμιλῶν αὐτῷ, ἃ πάλαι ἐκύει τίκτει καὶ γεννᾷ, καὶ παρὼν καὶ ἀπὼν μεμνημένος, καὶ τὸ γεννηθὲν συνεκτρέφει κοινῇ μετʼ ἐκείνου, ὥστε πολὺ μείζω κοινωνίαν τῆς τῶν παίδων πρὸς ἀλλήλους οἱ τοιοῦτοι ἴσχουσι καὶ φιλίαν βεβαιοτέραν, ἅτε καλλιόνων καὶ ἀθανατωτέρων παίδων κεκοινωνηκότες. καὶ πᾶς ἂν δέξαιτο ἑαυτῷ τοιούτους παῖδας μᾶλλον γεγονέναι ἢ τοὺς ἀνθρωπίνους, καὶ εἰς Ὅμηρον ἀποβλέψας καὶ Ἡσίοδον καὶ τοὺς ἄλλους ποιητὰς τοὺς ἀγαθοὺς ζηλῶν, οἷα ἔκγονα ἑαυτῶν καταλείπουσιν, ἃ ἐκείνοις ἀθάνατον κλέος καὶ μνήμην παρέχεται αὐτὰ τοιαῦτα ὄντα· εἰ δὲ βούλει, ἔφη, οἵους Λυκοῦργος παῖδας κατελίπετο ἐν Λακεδαίμονι σωτῆρας τῆς Λακεδαίμονος καὶ ὡς ἔπος εἰπεῖν τῆς Ἑλλάδος. τίμιος δὲ παρʼ ὑμῖν καὶ Σόλων διὰ τὴν τῶν νόμων γέννησιν, καὶ ἄλλοι ἄλλοθι πολλαχοῦ ἄνδρες, καὶ ἐν Ἕλλησι καὶ ἐν βαρβάροις, πολλὰ καὶ καλὰ ἀποφηνάμενοι ἔργα, γεννήσαντες παντοίαν ἀρετήν· ὧν καὶ ἱερὰ πολλὰ ἤδη γέγονε διὰ τοὺς τοιούτους παῖδας, διὰ δὲ τοὺς ἀνθρωπίνους οὐδενός πω.

「そこで私は、この話を聞いて驚き、言った。『よろしい、このうえなく知恵あるディオティマよ、これらのことは本当にそのとおりなのですか』。すると彼女は、完璧なソフィストたちのように言った。『よく知っておきなさい、ソクラテス。というのも、人間たちについても、もしあなたがその名誉愛に目を向けようとするなら、私が言ったことについて、あなたがそれに思い至らないとしたら、その不合理さに驚くことでしょう。彼らが、名の知られた者となり、永遠の時へと不死の名声を蓄えようとする恋のために、どれほど恐ろしい状態に置かれているかを心にとめるならね。そして、そのためには、子どものためにする以上に、あらゆる危険をも冒す用意があり、金銭を費やし、どんな労苦でも苦しみ、そのために死ぬことさえ厭わないのです。というのも』と彼女は言った、『あなたは思いますか、アルケスティスがアドメトスのために死んだだろうと、あるいはアキレウスがパトロクロスの後を追って死んだだろうと、あるいはあなたがたのコドロスが子どもたちの王位のために先立って死んだだろうと。自分たちの徳について、今われわれがもっているような不死の記憶が残るだろうと思わなかったとしたらね』。『とんでもない』と彼女は言った、『そうではなく、思うに、不死の徳とそのような栄えある評判のために、すべての人があらゆることをするのです。すぐれた者であればあるほど、それだけいっそうね。というのも、彼らは不死なるものを恋しているのですから。さて、身体においてみごもっている者たちは』と彼女は言った、『むしろ女たちのほうへ向かい、その仕方で恋する者となるのです。子をもうけることによって、不死と記憶と幸福とを、自分たちのために、彼らの思うところでは、これから先のすべての時へと手に入れようとしてね。他方、魂においてみごもっている者たちは――じっさい』と彼女は言った、『身体においてよりもさらにいっそう、魂においてみごもる者たちがいるのです。魂がみごもり生むのにふさわしいものをね。では、何がふさわしいのか。思慮とそのほかの徳です――そうしたものの生みの親が、詩人たちのすべてであり、職人たちのうち発明の才があると言われるかぎりの者たちなのです。けれども、思慮のうちではるかに最も大きく最も美しいのは』と彼女は言った、『国々と家々にかかわる秩序づけであり、それには節制と正義という名前がついています――。さて、これらを、若いころから魂にみごもっている人が、未婚の若者であって、年頃が来て、もう生み、生み出したいと欲するときには、この人もまた、思うに、歩きまわって、生み出すことのできる美しいものを探し求めるのです。というのも、醜いもののうちでは決して生み出さないでしょうから。そこで、みごもっているので、醜い身体よりも美しい身体のほうを慈しみ、そして、美しく、高貴で、生まれのよい魂に出会えば、その両方がそろったものをことのほか慈しみ、この人に向かっては、すぐに徳について、また善い人はどのようでなければならず、何に励まなければならないかについて、言葉が豊かにわいてきて、教育しようと試みるのです。というのも、思うに、美しいものに触れ、それと交わることによって、ずっと前からみごもっていたものを生み、生み出すのですから。そばにいるときも、離れているときも心にとめて、生み出されたものを、あの人と共に育てるのです。ですから、こうした人たちは、子どもたちを通じての交わりよりもはるかに大きな交わりと、より確かな友愛とを互いにもつことになるのです。より美しく、より不死なる子どもたちを共有しているのですから。そして、誰でも、人間の子どもよりも、そのような子どもが自分に生まれることのほうを受け入れるでしょう。ホメロスやヘシオドスや、ほかのすぐれた詩人たちに目を向けて、彼らがどのような子孫を自分の後に残しているかを羨みながらね。その子孫は、それ自身がそのようなものであるので、彼らに不死の名声と記憶とをもたらしているのです。あるいは、もしよければ』と彼女は言った、『リュクルゴスがラケダイモンに後に残した子どもたち、ラケダイモンの、いわばギリシアの救い手であるような子どもたちを見てごらんなさい。あなたがたのところでは、ソロンも、法を生み出したことによって尊ばれています。またほかの場所のあちこちで、ギリシア人のあいだでも異邦人のあいだでも、多くの立派な仕事を示して、あらゆる種類の徳を生み出したほかの人たちもそうです。そうした人たちには、そのような子どもたちのゆえに、すでに多くの神殿さえ建てられていますが、人間の子どもたちのゆえには、まだ誰のためにも建てられたことはありません』」。

ταῦτα μὲν οὖν τὰ ἐρωτικὰ ἴσως, ὦ Σώκρατες, κἂν σὺ μυηθείης· τὰ δὲ τέλεα καὶ ἐποπτικά, ὧν ἕνεκα καὶ ταῦτα ἔστιν, ἐάν τις ὀρθῶς μετίῃ, οὐκ οἶδʼ εἰ οἷός τʼ ἂν εἴης. ἐρῶ μὲν οὖν, ἔφη, ἐγὼ καὶ προθυμίας οὐδὲν ἀπολείψω· πειρῶ δὲ ἕπεσθαι, ἂν οἷός τε ᾖς. δεῖ γάρ, ἔφη, τὸν ὀρθῶς ἰόντα ἐπὶ τοῦτο τὸ πρᾶγμα ἄρχεσθαι μὲν νέον ὄντα ἰέναι ἐπὶ τὰ καλὰ σώματα, καὶ πρῶτον μέν, ἐὰν ὀρθῶς ἡγῆται ὁ ἡγούμενος, ἑνὸς αὐτὸν σώματος ἐρᾶν καὶ ἐνταῦθα γεννᾶν λόγους καλούς, ἔπειτα δὲ αὐτὸν κατανοῆσαι ὅτι τὸ κάλλος τὸ ἐπὶ ὁτῳοῦν σώματι τῷ ἐπὶ ἑτέρῳ σώματι ἀδελφόν ἐστι, καὶ εἰ δεῖ διώκειν τὸ ἐπʼ εἴδει καλόν, πολλὴ ἄνοια μὴ οὐχ ἕν τε καὶ ταὐτὸν ἡγεῖσθαι τὸ ἐπὶ πᾶσιν τοῖς σώμασι κάλλος· τοῦτο δʼ ἐννοήσαντα καταστῆναι πάντων τῶν καλῶν σωμάτων ἐραστήν, ἑνὸς δὲ τὸ σφόδρα τοῦτο χαλάσαι καταφρονήσαντα καὶ σμικρὸν ἡγησάμενον· μετὰ δὲ ταῦτα τὸ ἐν ταῖς ψυχαῖς κάλλος τιμιώτερον ἡγήσασθαι τοῦ ἐν τῷ σώματι, ὥστε καὶ ἐὰν ἐπιεικὴς ὢν τὴν ψυχήν τις κἂν σμικρὸν ἄνθος ἔχῃ, ἐξαρκεῖν αὐτῷ καὶ ἐρᾶν καὶ κήδεσθαι καὶ τίκτειν λόγους τοιούτους καὶ ζητεῖν, οἵτινες ποιήσουσι βελτίους τοὺς νέους, ἵνα ἀναγκασθῇ αὖ θεάσασθαι τὸ ἐν τοῖς ἐπιτηδεύμασι καὶ τοῖς νόμοις καλὸν καὶ τοῦτʼ ἰδεῖν ὅτι πᾶν αὐτὸ αὑτῷ συγγενές ἐστιν, ἵνα τὸ περὶ τὸ σῶμα καλὸν σμικρόν τι ἡγήσηται εἶναι· μετὰ δὲ τὰ ἐπιτηδεύματα ἐπὶ τὰς ἐπιστήμας ἀγαγεῖν, ἵνα ἴδῃ αὖ ἐπιστημῶν κάλλος, καὶ βλέπων πρὸς πολὺ ἤδη τὸ καλὸν μηκέτι τὸ παρʼ ἑνί, ὥσπερ οἰκέτης, ἀγαπῶν παιδαρίου κάλλος ἢ ἀνθρώπου τινὸς ἢ ἐπιτηδεύματος ἑνός, δουλεύων φαῦλος ᾖ καὶ σμικρολόγος, ἀλλʼ ἐπὶ τὸ πολὺ πέλαγος τετραμμένος τοῦ καλοῦ καὶ θεωρῶν πολλοὺς καὶ καλοὺς λόγους καὶ μεγαλοπρεπεῖς τίκτῃ καὶ διανοήματα ἐν φιλοσοφίᾳ ἀφθόνῳ, ἕως ἂν ἐνταῦθα ῥωσθεὶς καὶ αὐξηθεὶς κατίδῃ τινὰ ἐπιστήμην μίαν τοιαύτην, ἥ ἐστι καλοῦ τοιοῦδε. πειρῶ δέ μοι, ἔφη, τὸν νοῦν προσέχειν ὡς οἷόν τε μάλιστα.

「『さて、こうした恋の事柄になら、ソクラテス、おそらくあなたも秘儀を授けられることができるでしょう。けれども、正しくたどるならこれらもそのためにある、完成された、奥義の観照にかかわる事柄については、あなたがそれにたえうるかどうか、私にはわかりません。それでも私は言いましょう』と彼女は言った、『熱意は少しも惜しみません。あなたは、もしできるなら、ついて来るよう努めなさい。というのも』と彼女は言った、『この事柄へと正しく進む者は、若いうちに美しい身体へと向かうことから始めなければなりません。そしてまず、導き手が正しく導くならば、一つの身体を恋し、そこで美しい言葉を生み出さなければなりません。次に、どんな身体の上にある美しさも、ほかの身体の上にある美しさと兄弟であることを、自分で悟らなければなりません。そして、もし姿形における美しいものを追い求めなければならないのなら、すべての身体の上にある美しさが一つの同じものであると考えないのは、大きな無分別です。そして、これを悟ったならば、すべての美しい身体を恋する者となり、一つの身体へのあの激しさは、見下して小さなものと考えてゆるめなければなりません。その後には、魂のうちにある美しさを、身体のうちにある美しさよりも尊いものと考えなければなりません。そこで、もし誰かが、魂においては穏当な者であれば、たとえ花の盛りがわずかであっても、その人で十分であり、その人を恋し、気づかい、若者たちをよりすぐれた者にするような言葉を生み、探し求めるのです。それは、今度は、営みや法のうちにある美しいものを観ることを余儀なくされ、それがすべて互いに同族であることを見て、身体にかかわる美しさを何か小さなものと考えるようになるためなのです。そして、営みの後には、知識へと導かなければなりません。今度は知識の美しさを見るためにね。そして、もはや多くの美しさへと目を向けながら、召使いのように、一人の少年の美しさや、ある人間の美しさや、一つの営みの美しさを慈しんで、それに隷属し、つまらぬ、けちくさい者であることがないように。そうではなく、美しいものの広大な海へと向かい、それを観照しながら、物惜しみしない知恵の愛求のうちで、多くの美しく壮大な言葉と思考とを生み出すように。そこで力を得て成長し、このような一つの知識、すなわち次のような美しいものについての知識を見てとるに至るまで。どうか』と彼女は言った、『できるかぎり注意を向けるよう努めてください』」。

ὃς γὰρ ἂν μέχρι ἐνταῦθα πρὸς τὰ ἐρωτικὰ παιδαγωγηθῇ, θεώμενος ἐφεξῆς τε καὶ ὀρθῶς τὰ καλά, πρὸς τέλος ἤδη ἰὼν τῶν ἐρωτικῶν ἐξαίφνης κατόψεταί τι θαυμαστὸν τὴν φύσιν καλόν, τοῦτο ἐκεῖνο, ὦ Σώκρατες, οὗ δὴ ἕνεκεν καὶ οἱ ἔμπροσθεν πάντες πόνοι ἦσαν, πρῶτον μὲν ἀεὶ ὂν καὶ οὔτε γιγνόμενον οὔτε ἀπολλύμενον, οὔτε αὐξανόμενον οὔτε φθίνον, ἔπειτα οὐ τῇ μὲν καλόν, τῇ δʼ αἰσχρόν, οὐδὲ τοτὲ μέν, τοτὲ δὲ οὔ, οὐδὲ πρὸς μὲν τὸ καλόν, πρὸς δὲ τὸ αἰσχρόν, οὐδʼ ἔνθα μὲν καλόν, ἔνθα δὲ αἰσχρόν, ὡς τισὶ μὲν ὂν καλόν, τισὶ δὲ αἰσχρόν· οὐδʼ αὖ φαντασθήσεται αὐτῷ τὸ καλὸν οἷον πρόσωπόν τι οὐδὲ χεῖρες οὐδὲ ἄλλο οὐδὲν ὧν σῶμα μετέχει, οὐδέ τις λόγος οὐδέ τις ἐπιστήμη, οὐδέ που ὂν ἐν ἑτέρῳ τινι, οἷον ἐν ζῴῳ ἢ ἐν γῇ ἢ ἐν οὐρανῷ ἢ ἔν τῳ ἄλλῳ, ἀλλʼ αὐτὸ καθʼ αὑτὸ μεθʼ αὑτοῦ μονοειδὲς ἀεὶ ὄν, τὰ δὲ ἄλλα πάντα καλὰ ἐκείνου μετέχοντα τρόπον τινὰ τοιοῦτον, οἷον γιγνομένων τε τῶν ἄλλων καὶ ἀπολλυμένων μηδὲν ἐκεῖνο μήτε τι πλέον μήτε ἔλαττον γίγνεσθαι μηδὲ πάσχειν μηδέν. ὅταν δή τις ἀπὸ τῶνδε διὰ τὸ ὀρθῶς παιδεραστεῖν ἐπανιὼν ἐκεῖνο τὸ καλὸν ἄρχηται καθορᾶν, σχεδὸν ἄν τι ἅπτοιτο τοῦ τέλους. τοῦτο γὰρ δή ἐστι τὸ ὀρθῶς ἐπὶ τὰ ἐρωτικὰ ἰέναι ἢ ὑπʼ ἄλλου ἄγεσθαι, ἀρχόμενον ἀπὸ τῶνδε τῶν καλῶν ἐκείνου ἕνεκα τοῦ καλοῦ ἀεὶ ἐπανιέναι, ὥσπερ ἐπαναβασμοῖς χρώμενον, ἀπὸ ἑνὸς ἐπὶ δύο καὶ ἀπὸ δυοῖν ἐπὶ πάντα τὰ καλὰ σώματα, καὶ ἀπὸ τῶν καλῶν σωμάτων ἐπὶ τὰ καλὰ ἐπιτηδεύματα, καὶ ἀπὸ τῶν ἐπιτηδευμάτων ἐπὶ τὰ καλὰ μαθήματα, καὶ ἀπὸ τῶν μαθημάτων ἐπʼ ἐκεῖνο τὸ μάθημα τελευτῆσαι, ὅ ἐστιν οὐκ ἄλλου ἢ αὐτοῦ ἐκείνου τοῦ καλοῦ μάθημα, καὶ γνῷ αὐτὸ τελευτῶν ὃ ἔστι καλόν. ἐνταῦθα τοῦ βίου, ὦ φίλε Σώκρατες, ἔφη ἡ Μαντινικὴ ξένη, εἴπερ που ἄλλοθι, βιωτὸν ἀνθρώπῳ, θεωμένῳ αὐτὸ τὸ καλόν. ὃ ἐάν ποτε ἴδῃς, οὐ κατὰ χρυσίον τε καὶ ἐσθῆτα καὶ τοὺς καλοὺς παῖδάς τε καὶ νεανίσκους δόξει σοι εἶναι, οὓς νῦν ὁρῶν ἐκπέπληξαι καὶ ἕτοιμος εἶ καὶ σὺ καὶ ἄλλοι πολλοί, ὁρῶντες τὰ παιδικὰ καὶ συνόντες ἀεὶ αὐτοῖς, εἴ πως οἷόν τʼ ἦν, μήτʼ ἐσθίειν μήτε πίνειν, ἀλλὰ θεᾶσθαι μόνον καὶ συνεῖναι. τί δῆτα, ἔφη, οἰόμεθα, εἴ τῳ γένοιτο αὐτὸ τὸ καλὸν ἰδεῖν εἰλικρινές, καθαρόν, ἄμεικτον, ἀλλὰ μὴ ἀνάπλεων σαρκῶν τε ἀνθρωπίνων καὶ χρωμάτων καὶ ἄλλης πολλῆς φλυαρίας θνητῆς, ἀλλʼ αὐτὸ τὸ θεῖον καλὸν δύναιτο μονοειδὲς κατιδεῖν; ἆρʼ οἴει, ἔφη, φαῦλον βίον γίγνεσθαι ἐκεῖσε βλέποντος ἀνθρώπου καὶ ἐκεῖνο ᾧ δεῖ θεωμένου καὶ συνόντος αὐτῷ; ἢ οὐκ ἐνθυμῇ, ἔφη, ὅτι ἐνταῦθα αὐτῷ μοναχοῦ γενήσεται, ὁρῶντι ᾧ ὁρατὸν τὸ καλόν, τίκτειν οὐκ εἴδωλα ἀρετῆς, ἅτε οὐκ εἰδώλου ἐφαπτομένῳ, ἀλλὰ ἀληθῆ, ἅτε τοῦ ἀληθοῦς ἐφαπτομένῳ· τεκόντι δὲ ἀρετὴν ἀληθῆ καὶ θρεψαμένῳ ὑπάρχει θεοφιλεῖ γενέσθαι, καὶ εἴπέρ τῳ ἄλλῳ ἀνθρώπων ἀθανάτῳ καὶ ἐκείνῳ; ταῦτα δή, ὦ Φαῖδρέ τε καὶ οἱ ἄλλοι, ἔφη μὲν Διοτίμα, πέπεισμαι δʼ ἐγώ· πεπεισμένος δὲ πειρῶμαι καὶ τοὺς ἄλλους πείθειν ὅτι τούτου τοῦ κτήματος τῇ ἀνθρωπείᾳ φύσει συνεργὸν ἀμείνω Ἔρωτος οὐκ ἄν τις ῥᾳδίως λάβοι. διὸ δὴ ἔγωγέ φημι χρῆναι πάντα ἄνδρα τὸν ἔρωτα τιμᾶν, καὶ αὐτὸς τιμῶ τὰ ἐρωτικὰ καὶ διαφερόντως ἀσκῶ, καὶ τοῖς ἄλλοις παρακελεύομαι, καὶ νῦν τε καὶ ἀεὶ ἐγκωμιάζω τὴν δύναμιν καὶ ἀνδρείαν τοῦ Ἔρωτος καθʼ ὅσον οἷός τʼ εἰμί. τοῦτον οὖν τὸν λόγον, ὦ Φαῖδρε, εἰ μὲν βούλει, ὡς ἐγκώμιον εἰς ἔρωτα νόμισον εἰρῆσθαι, εἰ δέ, ὅτι καὶ ὅπῃ χαίρεις ὀνομάζων, τοῦτο ὀνόμαζε.

「『というのも、ここまで恋の事柄へと導かれてきて、美しいものを順序正しく正しく観照してきた者は、もう恋の事柄の終わりへと進んで、突然、本性において驚くべき何か美しいものを見てとるでしょう。それこそが、ソクラテス、それまでのすべての労苦がそのためにあったところのものなのです。それはまず、いつもあり、生じることも滅びることもなく、増えることも減ることもありません。次に、ある点では美しく、ある点では醜いというのでもなく、あるときには美しく、あるときにはそうでないというのでもなく、あるものに対しては美しく、あるものに対しては醜いというのでもなく、ここでは美しく、あそこでは醜いというのでもありません。ある人たちにとっては美しく、ある人たちにとっては醜いというようにね。またさらに、その美しいものは、何か顔のようなものとしても、手としても、身体があずかっているほかの何ものとしても、彼の目に映ることはないでしょう。何かある言葉としても、何かある知識としても、どこかほかの何かのうちに、たとえば生き物のうちにとか、大地のうちにとか、天のうちにとか、何かほかのもののうちにあるものとしても映ることはありません。そうではなく、それ自体がそれ自体として、それ自体とともに、ただ一つの姿でいつもあるものとして映るのです。そして、ほかのすべての美しいものは、何かそのような仕方でそれにあずかっているのです。すなわち、ほかのものが生じたり滅びたりしても、それは少しも多くなることも少なくなることもなく、何もこうむることがないような仕方でね。そこで、人が正しく少年を恋することを通して、これらのものから上昇して、あの美しいものを見てとり始めるとき、ほとんど終わりに触れていると言えるでしょう。というのも、まさにこれが、恋の事柄へと正しく進むこと、あるいはほかの人に導かれることなのですから。すなわち、ここにある美しいものから始めて、あの美しいもののために、いつも上昇していくのです。ちょうど階段を用いるように、一つから二つへ、二つからすべての美しい身体へ、そして美しい身体から美しい営みへ、営みから美しい学びへ、そして学びから、ほかでもないあの美しいものそれ自体についての学びであるあの学びへと行き着き、そうしてついに、美しいものであるそれ自体を知るのです。ここにおいてこそ、親しいソクラテスよ』とマンティネイアの異国の婦人は言った、『人生は、もしどこかほかにあるとしても、人間にとって生きるに値するものとなるのです。美しいものそれ自体を観照しているときにね。それを、もしあなたがいつか見るなら、黄金や衣装や、美しい少年や若者たちとは比べものにならないものだと、あなたには思われるでしょう。今あなたは、彼らを見て心を奪われ、あなたも、またほかの多くの人たちも、愛する者を見て、いつもその人たちと一緒にいながら、もしどうにかしてできるものなら、食べもせず飲みもせず、ただ眺めて一緒にいることだけをしようとしているのですが。それでは、いったいどうでしょう』と彼女は言った、『もし誰かに、美しいものそれ自体を、純粋で、清らかで、混じりけのないものとして見ることが起こったとしたら。人間の肉や色や、そのほか多くの死すべきたわごとに満ちたものではなく、神的な美しいものそれ自体を、ただ一つの姿のものとして見てとることができたとしたら。あなたは思いますか』と彼女は言った、『そちらへ目を向け、それをふさわしい仕方で観照し、それと共にある人間の生がつまらないものになるなどと。それとも、思い至りませんか』と彼女は言った、『そこにおいてのみ、美しいものを見るべきものによって見ている彼には、徳の幻影ではなく、真の徳を生むことが起こるだろう、ということに。幻影に触れているのではなく、真なるものに触れているのですから。そして、真の徳を生み、育てた者には、神に愛される者となることが備わり、人間の誰かに不死なる者となることがあるとすれば、その人こそがそうなるのだ、ということに』。パイドロスよ、そしてほかの方々よ、ディオティマはこのように言い、私は説得されたのだ。そして説得されたので、ほかの人たちをも説得しようと試みている。この所有物を得るために、人間の本性にとって、エロースよりすぐれた協力者を、人はたやすくは得られないだろう、とね。だからこそ私は、すべての人がエロースを尊ばなければならないと言い、私自身も恋の事柄を尊び、特別に修練し、ほかの人たちにも勧め、今もいつも、できるかぎり、エロースの力と勇気とを讃えているのだ。そこで、パイドロス、この話を、もし君が望むなら、エロースへの讃辞として語られたものとみなしてくれたまえ。もしそうでなければ、君が名づけて喜ぶものが何であれ、どのようにであれ、それと名づけてくれたまえ」。