第5エネアス 第1論考　三つの根源的な実在について

Τί ποτε ἄρα ἐστὶ τὸ πεποιηκὸς τὰς ψυχὰς πατρὸς θεοῦ ἐπιλαθέσθαι, καὶ μοίρας ἐκεῖθεν οὔσας καὶ ὅλως ἐκείνου ἀγνοῆσαι καὶ ἑαυτὰς καὶ ἐκεῖνον; Ἀρχὴ μὲν οὖν αὐταῖς τοῦ κακοῦ ἡ τόλμα καὶ ἡ γένεσις καὶ ἡ πρώτη ἑτερότης καὶ τὸ βουληθῆναι δὲ ἑαυτῶν εἶναι. Τῶι δὴ αὐτεξουσίωι ἐπειδήπερ ἐφάνησαν ἡσθεῖσαι, πολλῶι τῶι κινεῖσθαι παρ᾽ αὐτῶν κεχρημέναι, τὴν ἐναντίαν δραμοῦσαι καὶ πλείστην ἀπόστασιν πεποιημέναι, ἠγνόησαν καὶ ἑαυτὰς ἐκεῖθεν εἶναι· ὥσπερ παῖδες εὐθὺς ἀποσπασθέντες ἀπὸ πατέρων καὶ πολὺν χρόνον πόρρω τραφέντες ἀγνοοῦσι καὶ ἑαυτοὺς καὶ πατέρας. Οὔτ᾽ οὖν ἔτι ἐκεῖνον οὔτε ἑαυτὰς ὁρῶσαι, ἀτιμάσασαι ἑαυτὰς ἀγνοίαι τοῦ γένους, τιμήσασαι τἆλλα καὶ πάντα μᾶλλον ἢ ἑαυτὰς θαυμάσασαι καὶ πρὸς αὐτὰ ἐκπλαγεῖσαι καὶ ἀγασθεῖσαι καὶ ἐξηρτημέναι τούτων, ἀπέρρηξαν ὡς οἷόν τε ἑαυτὰς ὧν ἀπεστράφησαν ἀτιμάσασαι· ὥστε συμβαίνει τῆς παντελοῦς ἀγνοίας ἐκείνου ἡ τῶνδε τιμὴ καὶ ἡ ἑαυτῶν ἀτιμία εἶναι αἰτία. Ἅμα γὰρ διώκεται ἄλλο καὶ θαυμάζεται, καὶ τὸ θαυμάζον καὶ διῶκον ὁμολογεῖ χεῖρον εἶναι· χεῖρον δὲ αὐτὸ τιθέμενον γιγνομένων καὶ ἀπολλυμένων ἀτιμότατόν τε καὶ θνητότατον πάντων ὧν τιμᾶι ὑπολαμβάνον οὔτε θεοῦ φύσιν οὔτε δύναμιν ἄν ποτε ἐν θυμῶι βάλοιτο. Διὸ δεῖ διττὸν γίγνεσθαι τὸν λόγον πρὸς τοὺς οὕτω διακειμένους, εἴπερ τις ἐπιστρέψει αὐτοὺς εἰς τὰ ἐναντία καὶ τὰ πρῶτα καὶ ἀνάγοι μέχρι τοῦ ἀκροτάτου καὶ ἑνὸς καὶ πρώτου. Τίς οὖν ἑκάτερος; Ὁ μὲν δεικνὺς τὴν ἀτιμίαν τῶν νῦν ψυχῆι τιμωμένων, ὃν ἐν ἄλλοις δίιμεν ἐπιπλέον, ὁ δὲ διδάσκων καὶ ἀναμιμνήσκων τὴν ψυχὴν οἷον τοῦ γένους καὶ τῆς ἀξίας, ὃς πρότερός ἐστιν ἐκείνου καὶ σαφηνισθεὶς κἀκεῖνον δηλώσει. Περὶ οὗ νῦν λεκτέον· ἐγγὺς γὰρ οὗτος τοῦ ζητουμένου καὶ πρὸ ἔργου πρὸς ἐκεῖνον. Τὸ γὰρ ζητοῦν ἐστι ψυχή, καὶ τί ὂν ζητεῖ γνωστέον αὐτῆι, ἵνα αὑτὴν πρότερον μάθηι, εἰ δύναμιν ἔχει τοῦ τὰ τοιαῦτα ζητεῖν, καὶ εἰ ὄμμα τοιοῦτον ἔχει, οἷον ἰδεῖν, καὶ εἰ προσήκει ζητεῖν. Εἰ μὲν γὰρ ἀλλότρια, τί δεῖ; Εἰ δὲ συγγενῆ, καὶ προσήκει καὶ δύναται εὑρεῖν.

いったい何が、魂たちに父なる神を忘れさせ、かしこからの分け前であり、まったくかのものに属するものでありながら、自らをもかのものをも知らないようにさせたのか。さて、魂たちにとっての悪の始まりは、大胆さと生成と最初の他者性、そして自らのものであろうと望んだことである。そこで、自らの自由な権能に喜んでいることが明らかになったので、自らによって動くことを大いに用い、反対の方向へ走り、最も大きな隔たりを作って、自分たちがかしこからのものであることさえ知らなくなった。ちょうど子どもたちが、すぐに父親たちから引き離され、長い時間遠くで育てられて、自分自身をも父親たちをも知らないように。こうして、もはやかのものをも自らをも見ずに、種族を知らないことによって自らを軽んじ、他のものを尊び、自らよりもむしろあらゆるものに驚嘆し、それらに心を奪われ、感嘆し、それらにすがりついて、自らが背を向けたものから、それを軽んじて、できるかぎり自らを引き裂いてしまった。したがって、かのものについての全き無知の原因は、こちらのものを尊ぶことと自らを軽んじることであるということになる。なぜなら、他のものが追い求められ驚嘆されると同時に、驚嘆し追い求めるものは、自らがより劣っていることを認めるからである。そして、自らを生成し消滅するものよりも劣るものとして立て、自らが尊ぶすべてのもののうちで最も価値がなく最も死すべきものと見なすならば、神の本性も力も決して心に抱くことはないであろう。 それゆえ、このような状態にある者たちに対しては、言論は二重でなければならない――もし誰かが彼らを反対のもの、最初のものへと向け変え、最高の、一なる、最初のものにまで導き上げようとするのであれば。では、それぞれはどのようなものか。一つは、現在魂によって尊ばれているものの価値のなさを示すもので、これについては別のところでより詳しく論じる。もう一つは、魂に、いわばその種族と価値とを教え、思い出させるもので、これは前者より先のものであり、明らかにされれば前者をも明らかにするであろう。今語るべきはこれについてである。というのも、これは探求されているものに近く、かのものに向けて役立つものだからである。なぜなら、探求しているものは魂であり、魂は、自らが何であって探求しているのかを知らねばならない。まず自らを学んで、そのようなものを探求する力をもつかどうか、見るためのそのような目をもつかどうか、そして探求するのがふさわしいかどうかを〔知るために〕。もし〔それらが〕異質なものであるならば、何の必要があろうか。しかしもし同族のものであるならば、〔探求するのが〕ふさわしく、また見いだすこともできる。

Ἐνθυμείσθω τοίνυν πρῶτον ἐκεῖνο πᾶσα ψυχή, ὡς αὐτὴ μὲν ζῶια ἐποίησε πάντα ἐμπνεύσασα αὐτοῖς ζωήν, ἅ τε γῆ τρέφει ἅ τε θάλασσα ἅ τε ἐν ἀέρι ἅ τε ἐν οὐρανῶι ἄστρα θεῖα, αὐτὴ δὲ ἥλιον, αὐτὴ δὲ τὸν μέγαν τοῦτον οὐρανόν, καὶ αὐτὴ ἐκόσμησεν, αὐτὴ δὲ ἐν τάξει περιάγει φύσις οὖσα ἑτέρα ὧν κοσμεῖ καὶ ὧν κινεῖ καὶ ἃ ζῆν ποιεῖ· καὶ τούτων ἀνάγκη εἶναι τιμιωτέραν, γιγνομένων τούτων καὶ φθειρομένων, ὅταν αὐτὰ ψυχὴ ἀπολείπηι ἢ χορηγῆι τὸ ζῆν, αὐτὴ δὲ οὖσα ἀεὶ τῶι μὴ ἀπολείπειν ἑαυτήν. Τίς δὴ τρόπος τῆς χορηγίας τοῦ ζῆν ἔν τε τῶι σύμπαντι ἔν τε τοῖς ἑκάστοις, ὧδε λογιζέσθω. Σκοπείσθω δὲ τὴν μεγάλην ψυχὴν ἄλλη ψυχὴ οὐ σμικρὰ ἀξία τοῦ σκοπεῖν γενομένη ἀπαλλαγεῖσα ἀπάτης καὶ τῶν γεγοητευκότων τὰς ἄλλας ἡσύχωι τῆι καταστάσει. Ἥσυχον δὲ αὐτῆι ἔστω μὴ μόνον τὸ περικείμενον σῶμα καὶ ὁ τοῦ σώματος κλύδων, ἀλλὰ καὶ πᾶν τὸ περιέχον· ἥσυχος μὲν γῆ, ἥσυχος δὲ θάλασσα καὶ ἀὴρ καὶ αὐτὸς οὐρανὸς ἀμείνων. Νοείτω δὲ πάντοθεν εἰς αὐτὸν ἑστῶτα ψυχὴν ἔξωθεν οἷον εἰσρέουσαν καὶ εἰσχυθεῖσαν καὶ πάντοθεν εἰσιοῦσαν καὶ εἰσλάμπουσαν· οἷον σκοτεινὸν νέφος ἡλίου βολαὶ φωτίσασαι λάμπειν ποιοῦσι χρυσοειδῆ ὄψιν διδοῦσαι, οὕτω τοι καὶ ψυχὴ ἐλθοῦσα εἰς σῶμα οὐρανοῦ ἔδωκε μὲν ζωήν, ἔδωκε δὲ ἀθανασίαν, ἤγειρε δὲ κείμενον. Ὁ δὲ κινηθεὶς κίνησιν ἀίδιον ὑπὸ ψυχῆς ἐμφρόνως ἀγούσης ζῶιον εὔδαιμον ἐγένετο, ἔσχε τε ἀξίαν οὐρανὸς ψυχῆς εἰσοικισθείσης ὢν πρὸ ψυχῆς σῶμα νεκρόν, γῆ καὶ ὕδωρ, μᾶλλον δὲ σκότος ὕλης καὶ μὴ ὂν καὶ ὃ στυγέουσιν οἱ θεοί, φησί τις. Γένοιτο δ᾽ ἂν φανερωτέρα αὐτῆς καὶ ἐναργεστέρα ἡ δύναμις καὶ ἡ φύσις, εἴ τις ἐνταῦθα διανοηθείη, ὅπως περιέχει καὶ ἄγει ταῖς αὐτῆς βουλήσεσι τὸν οὐρανόν. Παντὶ μὲν γὰρ τῶι μεγέθει τούτωι, ὅσος ἐστίν, ἔδωκεν ἑαυτὴν καὶ πᾶν διάστημα καὶ μέγα καὶ μικρὸν ἐψύχωται, ἄλλου μὲν ἄλληι κειμένου τοῦ σώματος, καὶ τοῦ μὲν ὡδί, τοῦ δὲ ὡδὶ ὄντος, καὶ τῶν μὲν ἐξ ἐναντίας, τῶν δὲ ἄλλην ἀπάρτησιν ἀπ᾽ ἀλλήλων ἐχόντων. Ἀλλ᾽ οὐχ ἡ ψυχὴ οὕτως, οὐδὲ μέρει αὐτῆς ἑκάστωι κατακερματισθεῖσα μορίωι ψυχῆς ζῆν ποιεῖ, ἀλλὰ τὰ πάντα ζῆι τῆι ὅληι, καὶ πάρεστι πᾶσα πανταχοῦ τῶι γεννήσαντι πατρὶ ὁμοιουμένη καὶ κατὰ τὸ ἓν καὶ κατὰ τὸ πάντη. Καὶ πολὺς ὢν ὁ οὐρανὸς καὶ ἄλλος ἄλληι ἕν ἐστι τῆι ταύτης δυνάμει καὶ θεός ἐστι διὰ ταύτην ὁ κόσμος ὅδε. Ἔστι δὲ καὶ ἥλιος θεός, ὅτι ἔμψυχος, καὶ τὰ ἄλλα ἄστρα, καὶ ἡμεῖς, εἴπερ τι, διὰ τοῦτο· νέκυες γὰρ κοπρίων ἐκβλητότεροι. Τὴν δὲ θεοῖς αἰτίαν τοῦ θεοῖς εἶναι ἀνάγκη πρεσβυτέραν θεὸν αὐτῶν εἶναι. Ὁμοειδὴς δὲ καὶ ἡ ἡμετέρα, καὶ ὅταν ἄνευ τῶν προσελθόντων σκοπῆις λαβὼν κεκαθαρμένην, εὑρήσεις τὸ αὐτὸ τίμιον, ὃ ἦν ψυχή, καὶ τιμιώτερον παντὸς τοῦ ὃ ἂν σωματικὸν ἦι. Γῆ γὰρ πάντα· κἂν πῦρ δὲ ἦι, τί ἂν εἴη τὸ καῖον αὐτοῦ; Καὶ ὅσα ἐκ τούτων σύνθετα, κἂν ὕδωρ αὐτοῖς προσθῆις κἂν ἀέρα. Εἰ δ᾽ ὅτι ἔμψυχον διωκτὸν ἔσται, τί παρείς τις ἑαυτὸν ἄλλον διώκει; Τὴν δὲ ἐν ἄλλωι ψυχὴν ἀγάμενος σεαυτὸν ἄγασαι.

それゆえ、あらゆる魂はまず次のことを心に留めよ。すなわち、魂自身が、生命を吹き込んで、あらゆる生き物を作ったのだということを――大地が養うものも、海が養うものも、空中にあるものも、天にある神的な星々も。魂自身が太陽を、魂自身がこの大いなる天を〔作り〕、魂自身が秩序づけ、魂自身が秩序のうちに回転させている。それは、自らが秩序づけ、動かし、生きさせるものとは異なる本性でありながら。そして魂は、これらよりも尊いものでなければならない。これらは、魂がそれらを去るか、生命を供給するかに応じて生成し消滅するが、魂自身は、自らを去ることがないがゆえにつねに存在するのだから。 では、生命の供給の仕方は、宇宙全体においても個々のものにおいても、どのようなものか、次のように考えよ。大いなる魂を観照するのは、欺きと、他の魂たちを惑わしたものから解放され、静かな状態において、観照に値するものとなった、小さくはない別の魂であるとせよ。その魂にとって、周りを取り巻く身体と身体の波立ちだけでなく、取り巻くものすべてが静かであるとせよ。大地も静か、海も空気も静か、天そのものもより善く〔静か〕であると。そして、静止している天へと、外から魂が、あらゆる方向から、いわば流れ込み、注ぎ込まれ、入り込み、照らし入るのを思い描け。ちょうど太陽の光線が暗い雲を照らして輝かせ、金色の姿を与えるように、まさにそのように魂もまた、天の身体に入ってきて、生命を与え、不死を与え、横たわっていたものを目覚めさせたのである。そして天は、思慮深く導く魂によって永遠の運動を動かされて、幸いなる生き物となり、魂が住み込んだことによって価値をもった。それは魂以前には死せる身体であり、土と水、むしろ質料の闇、非存在であり、ある人の言うように「神々が忌み嫌うもの」であった。 魂の力と本性は、もし人がここで、魂がどのようにして自らの意志によって天を包み、導いているかを考えるならば、いっそう明らかで、いっそう明瞭になるであろう。というのも、魂はこの大きさの全体に、それがどれほど大きくとも、自らを与え、あらゆる広がりが、大きなものも小さなものも魂を与えられているのである。身体はそれぞれ別のところに置かれ、あるものはここに、あるものはあそこにあり、あるものは反対側にあり、あるものは互いに別の仕方で隔たっているのだが。しかし魂はそのようではなく、自らが切り刻まれて、各部分を魂の小片によって生かすのではない。むしろ万物は魂の全体によって生き、魂は全体としてあらゆるところに臨在していて、生んだ父に似ている――一であるという点でも、あらゆるところにあるという点でも。そして天は多であり、別々の場所にあるのに、この〔魂〕の力によって一であり、この世界はこれを通じて神なのである。また太陽も神である――魂を与えられているがゆえに――、そして他の星々も〔神であり〕、私たちもまた、もし何者かであるならば、このゆえに〔そうなのである〕。なぜなら「屍は糞よりも投げ捨てられるべきもの」だからである。そして、神々にとって神々であることの原因であるものは、それらより年長の神でなければならない。 私たちの〔魂〕もまた同じ種のものであり、付け加わったものなしに、浄められたものとして取り上げて観察するならば、あなたは、それが同じ尊いもの、すなわち魂であったものであり、およそ身体的なものすべてよりも尊いものであることを見いだすであろう。なぜなら、〔身体的なものは〕すべて土だからである。またたとえ火であるとしても、そのうちで燃やしているものは何であろうか。そして、これらから合成されたものすべても〔同様である〕――たとえそれらに水を加えようと、空気を加えようと。もし魂をもつがゆえに追い求められるべきものとなるのであれば、なぜ人は自分自身をさしおいて他のものを追い求めるのか。他のもののうちにある魂に感嘆しているのなら、あなた自身に感嘆せよ。

Οὕτω δὴ τιμίου καὶ θείου ὄντος χρήματος τῆς ψυχῆς, πιστεύσας ἤδη τῶι τοιούτωι θεὸν μετιέναι μετὰ τοιαύτης αἰτίας ἀνάβαινε πρὸς ἐκεῖνον· πάντως που οὐ πόρρω βαλεῖς· οὐδὲ πολλὰ τὰ μεταξύ. Λάμβανε τοίνυν τὸ τοῦ θείου τούτου θειότερον τὸ ψυχῆς πρὸς τὸ ἄνω γειτόνημα, μεθ᾽ ὃ καὶ ἀφ᾽ οὗ ἡ ψυχή. Καίπερ γὰρ οὖσα χρῆμα οἷον ἔδειξεν ὁ λόγος, εἰκών τίς ἐστι νοῦ· οἷον λόγος ὁ ἐν προφορᾶι λόγου τοῦ ἐν ψυχῆι, οὕτω τοι καὶ αὐτὴ λόγος νοῦ καὶ ἡ πᾶσα ἐνέργεια καὶ ἣν προίεται ζωὴν εἰς ἄλλου ὑπόστασιν· οἷον πυρὸς τὸ μὲν ἡ συνοῦσα θερμότης, ἡ δὲ ἣν παρέχει. Δεῖ δὲ λαβεῖν ἐκεῖ οὐκ ἐκρέουσαν, ἀλλὰ μένουσαν μὲν τὴν ἐν αὐτῶι, τὴν δὲ ἄλλην ὑφισταμένην. Οὖσα οὖν ἀπὸ νοῦ νοερά ἐστι, καὶ ἐν λογισμοῖς ὁ νοῦς αὐτῆς καὶ ἡ τελείωσις ἀπ᾽ αὐτοῦ πάλιν οἷον πατρὸς ἐκθρέψαντος, ὃν οὐ τέλειον ὡς πρὸς αὐτὸν ἐγέννησεν. Ἥ τε οὖν ὑπόστασις αὐτῆι ἀπὸ νοῦ ὅ τε ἐνεργείαι λόγος νοῦ αὐτῆι ὁρωμένου. Ὅταν γὰρ ἐνίδηι εἰς νοῦν, ἔνδοθεν ἔχει καὶ οἰκεῖα ἃ νοεῖ καὶ ἐνεργεῖ. Καὶ ταύτας μόνας δεῖ λέγειν ἐνεργείας ψυχῆς, ὅσα νοερῶς καὶ ὅσα οἴκοθεν· τὰ δὲ χείρω ἄλλοθεν καὶ πάθη ψυχῆς τῆς τοιαύτης. Νοῦς οὖν ἐπὶ μᾶλλον θειοτέραν ποιεῖ καὶ τῶι πατὴρ εἶναι καὶ τῶι παρεῖναι· οὐδὲν γὰρ μεταξὺ ἢ τὸ ἑτέροις εἶναι, ὡς ἐφεξῆς μέντοι καὶ ὡς τὸ δεχόμενον, τὸ δὲ ὡς εἶδος· καλὴ δὲ καὶ ἡ νοῦ ὕλη νοοειδὴς οὖσα καὶ ἁπλῆ. Οἷον δὲ ὁ νοῦς, καὶ ταὐτῶι μὲν τούτωι δῆλον, ὅτι κρεῖττον ψυχῆς τοιᾶσδε οὔσης.

このように魂は尊く神的なものであるから、すでにこのようなもの〔魂〕によって神を追い求めることができると確信して、このような原因をもって、かのものへと昇れ。いずれにせよ、あなたは遠くへ投げることにはならないであろう。また、間にあるものも多くない。そこで、この神的なものよりもいっそう神的なもの――魂の、上方に隣り合うもの――をつかめ。魂はそれの後にあり、それから出ているのである。というのも、魂は、言論が示したようなものでありながら、知性のある種の像だからである。ちょうど発話された言葉が魂の内にある言葉の〔像である〕ように、まさにそのように魂もまた知性のロゴスであり、〔知性の〕活動の全体であり、他のものの存立へ向けて〔知性が〕送り出す生命である。ちょうど火の、一方は〔火と〕ともにある熱であり、他方は〔火が〕与える熱であるように。しかしかしこでは、〔活動が〕流れ出るのではなく、一方はそれ自身のうちにとどまり、他方が〔別のものとして〕存立すると理解しなければならない。 こうして、魂は知性から出たものであるから知性的であり、その知性は推論のうちにあり、その完成はふたたびそれ〔知性〕から来る。ちょうど、自らに比べて完全ではないものとして生んだ子を育て上げる父からのように。こうして、魂にとって存立は知性から来るのであり、活動としてのロゴスは、知性が見られることによって〔魂に生じる〕。なぜなら、知性の中を見るとき、魂は、自らが知性認識し活動するものを、内から、固有のものとしてもつからである。そして、魂の活動と言うべきは、知性的に、また自らのうちから〔生じる〕ものだけである。より劣ったものは他所から〔来る〕のであり、そのような魂の受動である。 こうして知性は、〔魂を〕いっそう神的なものにする――父であることによっても、臨在することによっても。というのも、〔両者の〕間には、互いに別であることのほかには何もないからである。ただし、〔魂は〕次に続くものとして、また受け取るものとして、他方〔知性〕は形相として〔ある〕。そして知性の質料もまた、知性的な形をもち、単純なものであるから美しい。知性がいかなるものであるかは、まさにこのことによって明らかである――それが、このようなものである魂よりも優れているということによって。

Ἴδοι δ᾽ ἄν τις καὶ ἐκ τῶνδε· κόσμον αἰσθητὸν τόνδε εἴ τις θαυμάζει εἴς τε τὸ μέγεθος καὶ τὸ κάλλος καὶ τὴν τάξιν τῆς φορᾶς τῆς ἀιδίου ἀποβλέπων καὶ θεοὺς τοὺς ἐν αὐτῶι, τοὺς μὲν ὁρωμένους, τοὺς δὲ καὶ ἀφανεῖς ὄντας, καὶ δαίμονας καὶ ζῶια φυτά τε πάντα, ἐπὶ τὸ ἀρχέτυπον αὐτοῦ καὶ τὸ ἀληθινώτερον ἀναβὰς κἀκεῖ πάντα ἰδέτω νοητὰ καὶ παρ᾽ αὐτῶι ἀίδια ἐν οἰκείαι συνέσει καὶ ζωῆι, καὶ τούτων τὸν ἀκήρατον νοῦν προστάτην, καὶ σοφίαν ἀμήχανον, καὶ τὸν ὡς ἀληθῶς ἐπὶ Κρόνου βίον θεοῦ κόρου καὶ νοῦ ὄντος. Πάντα γὰρ ἐν αὐτῶι τὰ ἀθάνατα περιέχει, νοῦν πάντα, θεὸν πάντα, ψυχὴν πᾶσαν, ἑστῶτα ἀεί. Τί γὰρ ζητεῖ μεταβάλλειν εὖ ἔχων; Ποῦ δὲ μετελθεῖν πάντα παρ᾽ αὑτῶι ἔχων; Ἀλλ᾽ οὐδὲ αὔξειν ζητεῖ τελειότατος ὤν. Διὸ καὶ τὰ παρ᾽ αὐτῶι πάντα τέλεια, ἵνα πάντη ἦι τέλειος οὐδὲν ἔχων ὅ τι μὴ τοιοῦτον, οὐδὲν ἔχων ἐν αὑτῶι ὃ μὴ νοεῖ· νοεῖ δὲ οὐ ζητῶν, ἀλλ᾽ ἔχων. Καὶ τὸ μακάριον αὐτῶι οὐκ ἐπίκτητον, ἀλλ᾽ ἐν αἰῶνι πάντα, καὶ ὁ ὄντως αἰών, ὃν μιμεῖται χρόνος περιθέων ψυχὴν τὰ μὲν παριείς, τοῖς δὲ ἐπιβάλλων. Καὶ γὰρ ἄλλα καὶ ἄλλα αὖ περὶ ψυχήν· ποτὲ γὰρ Σωκράτης, ποτὲ δὲ ἵππος, ἕν τι ἀεὶ τῶν ὄντων· ὁ δὲ νοῦς πάντα. Ἔχει οὖν [ἐν τῶι αὐτῶι] πάντα ἑστῶτα ἐν τῶι αὐτῶι, καὶ ἔστι μόνον, καὶ τὸ ἔστιν ἀεί, καὶ οὐδαμοῦ τὸ μέλλον – ἔστι γὰρ καὶ τότε – οὐδὲ τὸ παρεληλυθός – οὐ γάρ τι ἐκεῖ παρελήλυθεν – ἀλλ᾽ ἐνέστηκεν ἀεὶ ἅτε τὰ αὐτὰ ὄντα οἷον ἀγαπῶντα ἑαυτὰ οὕτως ἔχοντα. Ἕκαστον δὲ αὐτῶν νοῦς καὶ ὄν ἐστι καὶ τὸ σύμπαν πᾶς νοῦς καὶ πᾶν ὄν, ὁ μὲν νοῦς κατὰ τὸ νοεῖν ὑφιστὰς τὸ ὄν, τὸ δὲ ὂν τῶι νοεῖσθαι τῶι νῶι διδὸν τὸ νοεῖν καὶ τὸ εἶναι. Τοῦ δὲ νοεῖν αἴτιον ἄλλο, ὃ καὶ τῶι ὄντι· ἀμφοτέρων οὖν ἅμα αἴτιον ἄλλο. Ἅμα μὲν γὰρ ἐκεῖνα καὶ συνυπάρχει καὶ οὐκ ἀπολείπει ἄλληλα, ἀλλὰ δύο ὄντα τοῦτο τὸ ἓν ὁμοῦ νοῦς καὶ ὂν καὶ νοοῦν καὶ νοούμενον, ὁ μὲν νοῦς κατὰ τὸ νοεῖν, τὸ δὲ ὂν κατὰ τὸ νοούμενον. Οὐ γὰρ ἂν γένοιτο τὸ νοεῖν ἑτερότητος μὴ οὔσης καὶ ταυτότητος δέ. Γίνεται οὖν τὰ πρῶτα νοῦς, ὄν, ἑτερότης, ταυτότης· δεῖ δὲ καὶ κίνησιν λαβεῖν καὶ στάσιν. Καὶ κίνησιν μέν, εἰ νοεῖ, στάσιν δέ, ἵνα τὸ αὐτό. Τὴν δὲ ἑτερότητα, ἵν᾽ ἦι νοοῦν καὶ νοούμενον. Ἢ ἐὰν ἀφέληις τὴν ἑτερότητα, ἓν γενόμενον σιωπήσεται· δεῖ δὲ καὶ τοῖς νοηθεῖσιν ἑτέροις πρὸς ἄλληλα εἶναι. Ταὐτὸν δέ, ἐπεὶ ἓν ἑαυτῶι, καὶ κοινὸν δέ τι ἓν πᾶσι· καὶ ἡ διαφορὰ ἑτερότης. Ταῦτα δὲ πλείω γενόμενα ἀριθμὸν καὶ τὸ ποσὸν ποιεῖ· καὶ τὸ ποιὸν δὲ ἡ ἑκάστου τούτων ἰδιότης, ἐξ ὧν ὡς ἀρχῶν τἆλλα.

また、次のことからも人は見ることができるであろう。もし人がこの感覚的な世界に驚嘆し、その大きさと美しさと永遠の運行の秩序とに目を向け、またその中にいる神々――あるものは見えるが、あるものは見えないもの――と、ダイモーンたちと、あらゆる動物と植物とに〔驚嘆する〕ならば、その原型であり、より真なるものへと昇って、かしこにあらゆるものを見よ――知性的であり、それ〔知性〕のもとで永遠であり、固有の知解と生命のうちにあるものとして。そしてそれらの長として混じりけのない知性を、また計り知れない知恵を、そして、飽満であり知性である神の、まことにクロノスの治世の生を〔見よ〕。というのも、それは自らのうちに不死なるものすべてを包含しているからである。あらゆる知性、あらゆる神、あらゆる魂を、つねに静止したものとして。善い状態にあるのに、なぜ変化を求めようか。すべてを自らのもとにもっているのに、どこへ移ろうか。また、最も完全であるのだから、増大することも求めない。それゆえ、そのもとにあるものもすべて完全である。それがあらゆる点で完全であり、そのようでないものを何ももたず、自らのうちに、知性認識しないものを何ももたないために。しかもそれは、探し求めることによってではなく、もつことによって知性認識する。そして、それにとって至福は獲得されたものではなく、万物が永遠のうちにある。そして真の永遠〔がある〕。それを模倣するのが時間であり、時間は魂のまわりを走りめぐり、あるものを過ぎ去らせ、あるものに取りかかる。というのも、魂のまわりでは、次々と別のものがあるからである。あるときはソクラテス、あるときは馬、つねに存在するもののうちの何か一つが。しかし知性はすべてである。 こうしてそれは、万物を同じもののうちに静止したものとしてもち、ただ「ある」のであり、その「ある」はつねにあり、どこにも未来はなく――そのときにもあるのだから――、過去もない――かしこでは何も過ぎ去ってはいないのだから――、むしろつねに現在している。それらはつねに同じものであり、いわば、そのようにあることにおいて自らに満足しているからである。そしてそれらの各々は知性であり存在であり、全体はあらゆる知性、あらゆる存在である。知性は知性認識することによって存在を存立させ、存在は知性認識されることによって、知性に知性認識することと存在することとを与える。しかし、知性認識することの原因は他のものであり、それは存在にとっての〔原因〕でもある。したがって、両者の原因は同時に他のものである。なぜなら、それら〔知性と存在〕は同時にあり、ともに存在し、互いを離れないが、二つでありながら、この一つのものは同時に知性と存在であり、知性認識するものと知性認識されるものである――知性は知性認識することによって、存在は知性認識されるものであることによって。というのも、他者性がなければ、また同一性がなければ、知性認識することは生じないであろうからである。 こうして最初のものは、知性、存在、他者性、同一性となる。しかし運動と静止も取り入れなければならない。運動は、それが知性認識するならば〔必要であり〕、静止は、それが同じものであるために〔必要である〕。そして他者性は、知性認識するものと知性認識されるものとがあるために〔必要である〕。あるいは、もし他者性を取り去るならば、それは一つとなって沈黙するであろう。また知性認識されるものも、互いに対して他のものでなければならない。そして同一性は、それが自らと一つであるから、またすべてに共通する何か一つのものであるから〔ある〕。そして差異は他者性である。これらがより多くなると、数と量とを作る。そして質は、これらの各々の固有性であり、これらを始原として他のものが〔出てくる〕。

Πολὺς οὖν οὗτος ὁ θεὸς ἐπὶ τῆι ψυχῆι· τῆι δὲ ὑπάρχει ἐν τούτοις εἶναι συναφθείσηι, εἰ μὴ ἀποστατεῖν ἐθέλοι. Πελάσασα οὖν αὐτῶι καὶ οἷον ἓν γενομένη ζῆι ἀεί. Τίς οὖν ὁ τοῦτον γεννήσας; Ὁ ἁπλοῦς καὶ ὁ πρὸ τοιούτου πλήθους, ὁ αἴτιος τοῦ καὶ εἶναι καὶ πολὺν εἶναι τοῦτον, ὁ τὸν ἀριθμὸν ποιῶν. Ὁ γὰρ ἀριθμὸς οὐ πρῶτος· καὶ γὰρ πρὸ δυάδος τὸ ἕν, δεύτερον δὲ δυὰς καὶ παρὰ τοῦ ἑνὸς γεγενημένη ἐκεῖνο ὁριστὴν ἔχει, αὕτη δὲ ἀόριστον παρ᾽ αὐτῆς· ὅταν δὲ ὁρισθῆι, ἀριθμὸς ἤδη· ἀριθμὸς δὲ ὡς οὐσία· ἀριθμὸς δὲ καὶ ἡ ψυχή. Οὐ γὰρ ὄγκοι τὰ πρῶτα οὐδὲ μεγέθη· τὰ γὰρ παχέα ταῦτα ὕστερα, ἃ ὄντα ἡ αἴσθησις οἴεται. Οὐδὲ ἐν σπέρμασι δὲ τὸ ὑγρὸν τὸ τίμιον, ἀλλὰ τὸ μὴ ὁρώμενον· τοῦτο δὲ ἀριθμὸς καὶ λόγος. Ὁ οὖν ἐκεῖ λεγόμενος ἀριθμὸς καὶ ἡ δυὰς λόγοι καὶ νοῦς· ἀλλὰ ἀόριστος μὲν ἡ δυὰς τῶι οἷον ὑποκειμένωι λαμβανομένη, ὁ δὲ ἀριθμὸς ὁ ἐξ αὐτῆς καὶ τοῦ ἑνὸς εἶδος ἕκαστος, οἷον μορφωθέντος τοῖς γενομένοις εἴδεσιν ἐν αὐτῶι· μορφοῦται δὲ ἄλλον μὲν τρόπον παρὰ τοῦ ἑνός, ἄλλον δὲ παρ᾽ αὐτοῦ, οἷον ὄψις ἡ κατ᾽ ἐνέργειαν· ἔστι γὰρ ἡ νόησις ὅρασις ὁρῶσα ἄμφω τε ἕν.

こうしてこの神は、魂の上にあって多である。しかし魂には、もし離れ去ることを望まないならば、これらのうちに結び合わされてあることが属している。こうして、それに近づき、いわば一つとなって、つねに生きる。では、これ〔知性〕を生んだのは何者か。単純なもの、このような多の前にあるもの、これが存在し多であることの原因、数を作るものである。なぜなら数は最初のものではないからである。実際、二の前に一がある。そして二は二番目のものであって、一から生まれたものとして、かのものを限定するものとしてもち、それ自身はそれ自身によっては無限定である。しかし限定されるとき、すでに数である。そして数は実体としての〔数〕である。魂もまた数である。なぜなら、最初のものは嵩でも大きさでもないからである。これらの粗大なものは後のものであり、感覚はそれらを存在するものと思い込んでいる。また種子においても、尊いのは湿ったものではなく、見えないものである。そしてこれは数でありロゴスである。 こうして、かしこで数と言われるものと二とは、ロゴスであり知性である。しかし二は、いわば基体として取られるときには無限定であり、他方、それと一とから〔生じる〕数は、その各々が形相である。いわば、それ〔知性〕が、自らのうちに生じた形相によって形づくられたかのように。そしてそれは、一方では一から、他方では自らによって、別々の仕方で形づくられる。ちょうど活動態にある視覚のように。なぜなら知性認識とは、見ている視覚であり、両者は一つだからである。

Πῶς οὖν ὁρᾶι καὶ τίνα, καὶ πῶς ὅλως ὑπέστη καὶ ἐξ ἐκείνου γέγονεν, ἵνα καὶ ὁρᾶι; Νῦν μὲν γὰρ τὴν ἀνάγκην τοῦ εἶναι ταῦτα ἡ ψυχὴ ἔχει, ἐπιποθεῖ δὲ τὸ θρυλλούμενον δὴ τοῦτο καὶ παρὰ τοῖς πάλαι σοφοῖς, πῶς ἐξ ἑνὸς τοιούτου ὄντος, οἷον λέγομεν τὸ ἓν εἶναι, ὑπόστασιν ἔσχεν ὁτιοῦν εἴτε πλῆθος εἴτε δυὰς εἴτε ἀριθμός, ἀλλ᾽ οὐκ ἔμεινεν ἐκεῖνο ἐφ᾽ ἑαυτοῦ, τοσοῦτον δὲ πλῆθος ἐξερρύη, ὃ ὁρᾶται μὲν ἐν τοῖς οὖσιν, ἀνάγειν δὲ αὐτὸ πρὸς ἐκεῖνο ἀξιοῦμεν. Ὧδε οὖν λεγέσθω θεὸν αὐτὸν ἐπικαλεσαμένοις οὐ λόγωι γεγωνῶι, ἀλλὰ τῆι ψυχῆι ἐκτείνασιν ἑαυτοὺς εἰς εὐχὴν πρὸς ἐκεῖνον, εὔχεσθαι τοῦτον τὸν τρόπον δυναμένους μόνους πρὸς μόνον. Δεῖ τοίνυν θεατήν, ἐκείνου ἐν τῶι εἴσω οἷον νεῶι ἐφ᾽ ἑαυτοῦ ὄντος, μένοντος ἡσύχου ἐπέκεινα ἁπάντων, τὰ οἷον πρὸς τὰ ἔξω ἤδη ἀγάλματα ἑστῶτα, μᾶλλον δὲ ἄγαλμα τὸ πρῶτον ἐκφανὲν θεᾶσθαι πεφηνὸς τοῦτον τὸν τρόπον· παντὶ τῶι κινουμένωι δεῖ τι εἶναι, πρὸς ὃ κινεῖται· μὴ ὄντος δὲ ἐκείνωι μηδενὸς μὴ τιθώμεθα αὐτὸ κινεῖσθαι, ἀλλ᾽ εἴ τι μετ᾽ αὐτὸ γίνεται, ἐπιστραφέντος ἀεὶ ἐκείνου πρὸς αὐτὸ ἀναγκαῖόν ἐστι γεγονέναι. Ἐκποδὼν δὲ ἡμῖν ἔστω γένεσις ἡ ἐν χρόνωι τὸν λόγον περὶ τῶν ἀεὶ ὄντων ποιουμένοις· τῶι δὲ λόγωι τὴν γένεσιν προσάπτοντας αὐτοῖς αἰτίας καὶ τάξεως αὐτοῖς ἀποδώσειν. Τὸ οὖν γινόμενον ἐκεῖθεν οὐ κινηθέντος φατέον γίγνεσθαι· εἰ γὰρ κινηθέντος αὐτοῦ τι γίγνοιτο, τρίτον ἀπ᾽ ἐκείνου τὸ γιγνόμενον μετὰ τὴν κίνησιν ἂν γίγνοιτο καὶ οὐ δεύτερον. Δεῖ οὖν ἀκινήτου ὄντος, εἴ τι δεύτερον μετ᾽ αὐτό, οὐ προσνεύσαντος οὐδὲ βουληθέντος οὐδὲ ὅλως κινηθέντος ὑποστῆναι αὐτό. Πῶς οὖν καὶ τί δεῖ νοῆσαι περὶ ἐκεῖνο μένον; Περίλαμψιν ἐξ αὐτοῦ μέν, ἐξ αὐτοῦ δὲ μένοντος, οἷον ἡλίου τὸ περὶ αὐτὸ λαμπρὸν ὥσπερ περιθέον, ἐξ αὐτοῦ ἀεὶ γεννώμενον μένοντος. Καὶ πάντα τὰ ὄντα, ἕως μένει, ἐκ τῆς αὐτῶν οὐσίας ἀναγκαίαν τὴν περὶ αὐτὰ πρὸς τὸ ἔξω αὐτῶν ἐκ τῆς παρούσης δυνάμεως δίδωσιν αὐτῶν ἐξηρτημένην ὑπόστασιν, εἰκόνα οὖσαν οἷον ἀρχετύπων ὧν ἐξέφυ· πῦρ μὲν τὴν παρ᾽ αὐτοῦ θερμότητα· καὶ χιὼν οὐκ εἴσω μόνον τὸ ψυχρὸν κατέχει· μάλιστα δὲ ὅσα εὐώδη μαρτυρεῖ τοῦτο· ἕως γάρ ἐστι, πρόεισί τι ἐξ αὐτῶν περὶ αὐτά, ὧν ἀπολαύει ὑποστάντων ὁ πλησίον. Καὶ πάντα δὲ ὅσα ἤδη τέλεια γεννᾶι· τὸ δὲ ἀεὶ τέλειον ἀεὶ καὶ ἀίδιον γεννᾶι· καὶ ἔλαττον δὲ ἑαυτοῦ γεννᾶι. Τί οὖν χρὴ περὶ τοῦ τελειοτάτου λέγειν; Μηδὲν ἀπ᾽ αὐτοῦ ἢ τὰ μέγιστα μετ᾽ αὐτόν. Μέγιστον δὲ μετ᾽ αὐτὸν νοῦς καὶ δεύτερον· καὶ γὰρ ὁρᾶι ὁ νοῦς ἐκεῖνον καὶ δεῖται αὐτοῦ μόνου· ἐκεῖνος δὲ τούτου οὐδέν· καὶ τὸ γεννώμενον ἀπὸ κρείττονος νοῦ νοῦν εἶναι, καὶ κρείττων ἁπάντων νοῦς, ὅτι τἆλλα μετ᾽ αὐτόν· οἷον καὶ ἡ ψυχὴ λόγος νοῦ καὶ ἐνέργειά τις, ὥσπερ αὐτὸς ἐκείνου. Ἀλλὰ ψυχῆς μὲν ἀμυδρὸς ὁ λόγος – ὡς γὰρ εἴδωλον νοῦ – ταύτηι καὶ εἰς νοῦν βλέπειν δεῖ· νοῦς δὲ ὡσαύτως πρὸς ἐκεῖνον, ἵνα ἦι νοῦς. Ὁρᾶι δὲ αὐτὸν οὐ χωρισθείς, ἀλλ᾽ ὅτι μετ᾽ αὐτὸν καὶ μεταξὺ οὐδέν, ὡς οὐδὲ ψυχῆς καὶ νοῦ. Ποθεῖ δὲ πᾶν τὸ γεννῆσαν καὶ τοῦτο ἀγαπᾶι, καὶ μάλιστα ὅταν ὦσι μόνοι τὸ γεννῆσαν καὶ τὸ γεγεννημένον· ὅταν δὲ καὶ τὸ ἄριστον ἦι τὸ γεννῆσαν, ἐξ ἀνάγκης σύνεστιν αὐτῶι, ὡς τῆι ἑτερότητι μόνον κεχωρίσθαι.

では、それはどのようにして見るのか、また何を〔見るのか〕。そしてそもそもどのようにして存立し、かのものから生じて、見るようになったのか。というのも、今や魂は、これらがあることの必然性を〔理解して〕もっているが、古の賢者たちのもとでも盛んに論じられてきたまさにこのことを切望しているからである――私たちが一はこのようなものであると言うような、そのような一から、どのようにして何かが存立をもったのか、多であれ、二であれ、数であれ。そしてかのものは自らのもとにとどまらず、これほど多くのものが流れ出たのか。それは存在するもののうちに見られるが、私たちはそれをかのものへと連れ戻すことが正しいと考えている。 では、次のように語られるとせよ。まず神ご自身に呼びかけて――声に出した言葉によってではなく、魂によって、かのものへの祈りへと自らを差し伸べて。この仕方で祈ることができるのは、ただ独りで、ただ独りのものへ〔祈る〕者たちだけである。さて、観照する者は、かのものが、いわば神殿の内奥に自らのもとにあり、あらゆるものの彼方に静かにとどまっているのに対して、いわばすでに外に向かって立っている神像を、いやむしろ最初に現れ出た神像を観照しなければならない。それはこのような仕方で現れたのである。すなわち、動くものすべてには、それへ向かって動く何かがなければならない。しかしかのものには何もないのであるから、それが動くと考えてはならない。むしろ、もしその後に何かが生じるのであれば、かのものはつねに自らへと向いたままで、〔それが〕生じたのでなければならない。 私たちにとって、時間のうちでの生成は、つねに存在するものについて論じるさいには、取り除かれているとせよ。私たちは言論のうえでそれらに生成を結びつけて、それらに原因と秩序とを帰そうとしているのである。そこで、かしこから生じるものは、かのものが動くことなしに生じると言わねばならない。なぜなら、もしかのものが動いて何かが生じるならば、生じるものは、運動の後に、かのものから三番目のものとして生じるのであって、二番目ではないであろうから。したがって、もしそれの後に何か二番目のものがあるならば、それは、かのものが不動であり、傾くこともなく、望むこともなく、総じて動くこともなしに、存立したのでなければならない。 では、どのようにして、また何を、とどまっているかのもののまわりに考えるべきか。それから、しかしとどまっているそれから〔出る〕周囲の輝きを。ちょうど太陽のまわりの明るさが、いわばそのまわりを走りめぐり、とどまっている太陽からつねに生み出されているように。そして存在するものはすべて、とどまっているかぎり、自らの実体から、自らのうちにある力によって、自らのまわりに、自らの外へ向かって、自らに依存する必然的な存立を与える。それは、そこから生え出た原型の、いわば像である。火は自らから出る熱を〔与える〕。また雪も、冷たさを内にだけ保っているのではない。とりわけ、香りのよいものすべてがこのことを証言している。それらが存在するかぎり、何かがそれらから出て、それらのまわりに進み出、それが存立するのを、近くにいる者が享受するのである。そして、すでに完全なものはすべて生む。つねに完全なものは、つねに、また永遠なるものを生む。そして自らより劣ったものを生む。では、最も完全なものについては何と言うべきか。それから出るものは何もないか、あるいはそれの後で最も大きなものか〔のいずれか〕である。そして、それの後で最も大きなものは知性であり、二番目のものである。実際、知性はかのものを見、かのもののみを必要とする。しかしかのものはこれを何も必要としない。そして、知性より優れたものから生まれたものは知性であり、知性はあらゆるものより優れている。他のものはそれの後にあるからである。ちょうど魂も知性のロゴスであり、ある活動であるように、知性自身もかのものの〔ロゴスであり活動である〕。 しかし魂のロゴスはおぼろげである――知性の影像としてあるのだから――。それゆえ、魂は知性へと目を向けなければならない。そして知性も同じように、知性であるために、かのものへと〔目を向けなければならない〕。知性は、切り離されてではなく、それの後にあって、間に何もないがゆえに、それを見るのである。魂と知性との間にも何もないのと同じように。すべてのものは生んだものを慕い求め、これを愛する。とりわけ、生んだものと生まれたものとがただ独りずつであるときには。そして生んだものが最善のものであるときには、〔生まれたものは〕必然的にそれとともにあり、ただ他者性によってのみ隔てられているのである。

Εἰκόνα δὲ ἐκείνου λέγομεν εἶναι τὸν νοῦν· δεῖ γὰρ σαφέστερον λέγειν· πρῶτον μέν, ὅτι δεῖ πως εἶναι ἐκεῖνο τὸ γενόμενον καὶ ἀποσώιζειν πολλὰ αὐτοῦ καὶ εἶναι ὁμοιότητα πρὸς αὐτό, ὥσπερ καὶ τὸ φῶς τοῦ ἡλίου. Ἀλλ᾽ οὐ νοῦς ἐκεῖνο. Πῶς οὖν νοῦν γεννᾶι; Ἢ ὅτι τῆι ἐπιστροφῆι πρὸς αὐτὸ ἑώρα· ἡ δὲ ὅρασις αὕτη νοῦς. Τὸ γὰρ καταλαμβάνον ἄλλο ἢ αἴσθησις ἢ νοῦς· αἴσθησιν γραμμὴν καὶ τὰ ἄλλα· ἀλλ᾽ ὁ κύκλος τοιοῦτος οἷος μερίζεσθαι· τοῦτο δὲ οὐχ οὕτως. Ἢ καὶ ἐνταῦθα ἓν μέν, ἀλλὰ τὸ ἓν δύναμις πάντων. Ὧν οὖν ἐστι δύναμις, ταῦτα ἀπὸ τῆς δυνάμεως οἷον σχιζομένη ἡ νόησις καθορᾶι· ἢ οὐκ ἂν ἦν νοῦς. Ἐπεὶ καὶ παρ᾽ αὐτοῦ ἔχει ἤδη οἷον συναίσθησιν τῆς δυνάμεως, ὅτι δύναται οὐσίαν. Αὐτὸς γοῦν δι᾽ αὐτὸν καὶ ὁρίζει τὸ εἶναι αὐτῶι τῆι παρ᾽ ἐκείνου δυνάμει καὶ ὅτι οἷον μέρος ἕν τι τῶν ἐκείνου καὶ ἐξ ἐκείνου ἡ οὐσία, καὶ ῥώννυται παρ᾽ ἐκείνου καὶ τελειοῦται εἰς οὐσίαν παρ᾽ ἐκείνου καὶ ἐξ ἐκείνου. Ὁρᾶι δὲ αὐτῶι ἐκεῖθεν, οἷον μεριστῶι ἐξ ἀμερίστου, καὶ τὸ ζῆν καὶ τὸ νοεῖν καὶ πάντα, ὅτι ἐκεῖνος μηδὲν τῶν πάντων· ταύτηι γὰρ πάντα ἐξ ἐκείνου, ὅτι μή τινι μορφῆι κατείχετο ἐκεῖνος· μόνον γὰρ ἓν ἐκεῖνο· καὶ ὁ μὲν πάντα ἐν τοῖς οὖσιν ἂν ἦν. Διὰ τοῦτο ἐκεῖνο οὐδὲν μὲν τῶν ἐν τῶι νῶι, ἐξ αὐτοῦ δὲ πάντα [ἐν τοῖς οὖσιν ἂν ἦν]. Διὸ καὶ οὐσίαι ταῦτα· ὥρισται γὰρ ἤδη καὶ οἷον μορφὴν ἕκαστον ἔχει. Τὸ δὲ ὂν δεῖ οὐκ ἐν ἀορίστωι οἷον αἰωρεῖσθαι, ἀλλ᾽ ὅρωι πεπῆχθαι καὶ στάσει· στάσις δὲ τοῖς νοητοῖς ὁρισμὸς καὶ μορφή, οἷς καὶ τὴν ὑπόστασιν λαμβάνει. Ταύτης τοι γενεᾶς ὁ νοῦς οὗτος ἀξίας νοῦ τοῦ καθαρωτάτου μὴ ἄλλοθεν ἢ ἐκ τῆς πρώτης ἀρχῆς φῦναι, γενόμενον δὲ ἤδη τὰ ὄντα πάντα σὺν αὐτῶι γεννῆσαι, πᾶν μὲν τὸ τῶν ἰδεῶν κάλλος, πάντας δὲ θεοὺς νοητούς· πλήρη δὲ ὄντα ὧν ἐγέννησε καὶ ὥσπερ καταπιόντα πάλιν τῶι ἐν αὐτῶι ἔχειν μηδὲ ἐκπεσεῖν εἰς ὕλην μηδὲ τραφῆναι παρὰ τῆι Ῥέαι, ὡς τὰ μυστήρια καὶ οἱ μῦθοι οἱ περὶ θεῶν αἰνίττονται Κρόνον μὲν θεὸν σοφώτατον πρὸ τοῦ Δία γενέσθαι ἃ γεννᾶι πάλιν ἐν ἑαυτῶι ἔχειν, ἧι καὶ πλήρης καὶ νοῦς ἐν κόρωι· μετὰ δὲ ταῦτά φασι Δία γεννᾶν κόρον ἤδη ὄντα· ψυχὴν γὰρ γεννᾶι νοῦς, νοῦς ὢν τέλειος. Καὶ γὰρ τέλειον ὄντα γεννᾶν ἔδει, καὶ μὴ δύναμιν οὖσαν τοσαύτην ἄγονον εἶναι. Κρεῖττον δὲ οὐχ οἷόν τε ἦν εἶναι οὐδ᾽ ἐνταῦθα τὸ γεννώμενον, ἀλλ᾽ ἔλαττον ὂν εἴδωλον εἶναι αὐτοῦ, ἀόριστον μὲν ὡσαύτως, ὁριζόμενον δὲ ὑπὸ τοῦ γεννήσαντος καὶ οἷον εἰδοποιούμενον. Νοῦ δὲ γέννημα λόγος τις καὶ ὑπόστασις, τὸ διανοούμενον· τοῦτο δ᾽ ἐστὶ τὸ περὶ νοῦν κινούμενον καὶ νοῦ φῶς καὶ ἴχνος ἐξηρτημένον ἐκείνου, κατὰ θάτερα μὲν συνηγμένον ἐκείνωι καὶ ταύτηι ἀποπιμπλάμενον καὶ ἀπολαῦον καὶ μεταλαμβάνον αὐτοῦ καὶ νοοῦν, κατὰ θάτερα δὲ ἐφαπτόμενον τῶν μετ᾽ αὐτό, μᾶλλον δὲ γεννῶν καὶ αὐτό, ἃ ψυχῆς ἀνάγκη εἶναι χείρονα· περὶ ὧν ὕστερον λεκτέον. Καὶ μέχρι τούτων τὰ θεῖα.

私たちは、知性はかのものの像であると言う。より明瞭に語らねばならない。第一に、生じたものは何らかの仕方でかのものであり、その多くを保持し、それに対する類似性をもたねばならないからである。太陽の光もそうであるように。しかし、かのものは知性ではない。では、どのようにして知性を生むのか。それは、〔生じたものが〕自らへの立ち返りによって、かのものを見ていたからである。そしてこの見ることが知性なのである。というのも、他のものを把握するものは、感覚か知性かであるから。感覚を線に、〔知性を〕他のものに〔たとえよう〕。しかし円は分割されうるようなものである。だがこれはそのようではない。 あるいは、ここでも一であるが、しかしその一は万物の力である。そこで、それがその力であるところのものを、知性認識が、いわばその力から分裂しながら見下ろすのである。さもなければ、それは知性ではなかったであろう。というのも、それは自らのもとに、すでに、実体を生み出すことができるという、その力のいわば共感覚をもっているからである。少なくとも、それ自身が自らによって、かのものから来る力によって自らの存在を限定するのであり、実体はかのものに属するもののいわばある一部分であり、かのものから出ている。そしてかのものから強められ、かのものによって、かのものから実体へと完成される。それはかしこから、いわば分割されないものから分割されたものとして、生きることも、知性認識することも、すべてのものも自らのものとして見るのである。かのものは万物のうちの何ものでもないからである。というのも、このゆえに万物はかのものから出ているのである――かのものはいかなる形にもとらえられていなかったから。なぜなら、かのものはただ一だからである。そして〔もしそれが万物であったならば〕、それは存在するもののうちに入っていたであろう。このゆえに、かのものは知性のうちにあるものの何ものでもないが、万物はそれから出ている。それゆえ、これらは実体でもある。なぜなら、それらはすでに限定され、各々がいわば形をもっているからである。存在は、無限定のうちでいわば宙に漂っているのではなく、限定と静止とによって固定されていなければならない。そして知性的なものにとっての静止とは、限定と形であり、それらによってそれは存立をも受け取るのである。 この知性は、まさにこの系譜に属し、最も純粋な知性にふさわしく、第一の始原以外のどこからも生えなかった。そして生じると、すでに存在するものすべてを自らとともに生んだ――イデアのあらゆる美と、あらゆる知性的な神々とを。そして自らが生んだものに満ち、それらをいわばふたたび飲み込んで、自らのうちにもつことによって、それらが質料へと落ちることも、レアのもとで養われることもないようにした。ちょうど秘儀や神々についての神話が謎めかして語るように。すなわち、最も賢い神クロノスは、ゼウスが生まれる前に、自らが生むものをふたたび自らのうちにもっていた。その点で彼は満ちており、飽満のうちにある知性なのである。その後に、すでに飽満であるものがゼウスを生むと言われる。なぜなら、知性は、完全な知性であるから、魂を生むからである。実際、完全なものであるならば生まねばならず、それほど大きな力でありながら不毛であってはならなかった。 しかし、ここでも、生まれるものがより優れたものであることは不可能であり、より劣ったものとして、それの影像でなければならなかった。同じように無限定であるが、生んだものによって限定され、いわば形相を与えられるのである。知性の子は、あるロゴスであり存立であって、推論的に思考するものである。そしてこれは、知性のまわりを動くものであり、知性の光であり、かのものに依存する痕跡である。一方の側では、かのものと結び合わされ、この点で満たされ、それを享受し、それにあずかり、知性認識するが、他方の側では、自らの後のものに触れている。いやむしろ、それ自身もまた〔それらを〕生んでいる。それらは魂より劣ったものでなければならない。これらについては後で語るべきである。そして神的なものはこれらにまで至るのである。

Καὶ διὰ τοῦτο καὶ τὰ Πλάτωνος τριττὰ τὰ πάντα περὶ τὸν πάντων βασιλέα – φησὶ γὰρ πρῶτα – καὶ δεύτερον περὶ τὰ δεύτερα καὶ περὶ τὰ τρίτα τρίτον. Λέγει δὲ καὶ τοῦ αἰτίου εἶναι πατέρα αἴτιον μὲν τὸν νοῦν λέγων· δημιουργὸς γὰρ ὁ νοῦς αὐτῶι· τοῦτον δέ φησι τὴν ψυχὴν ποιεῖν ἐν τῶι κρατῆρι ἐκείνωι. Τοῦ αἰτίου δὲ νοῦ ὄντος πατέρα φησὶ τἀγαθὸν καὶ τὸ ἐπέκεινα νοῦ καὶ ἐπέκεινα οὐσίας. Πολλαχοῦ δὲ τὸ ὂν καὶ τὸν νοῦν τὴν ἰδέαν λέγει· ὥστε Πλάτωνα εἰδέναι ἐκ μὲν τἀγαθοῦ τὸν νοῦν, ἐκ δὲ τοῦ νοῦ τὴν ψυχήν. Καὶ εἶναι τοὺς λόγους τούσδε μὴ καινοὺς μηδὲ νῦν, ἀλλὰ πάλαι μὲν εἰρῆσθαι μὴ ἀναπεπταμένως, τοὺς δὲ νῦν λόγους ἐξηγητὰς ἐκείνων γεγονέναι μαρτυρίοις πιστωσαμένους τὰς δόξας ταύτας παλαιὰς εἶναι τοῖς αὐτοῦ τοῦ Πλάτωνος γράμμασιν. Ἥπτετο μὲν οὖν καὶ Παρμενίδης πρότερον τῆς τοιαύτης δόξης καθόσον εἰς ταὐτὸ συνῆγεν ὂν καὶ νοῦν, καὶ τὸ ὂν οὐκ ἐν τοῖς αἰσθητοῖς ἐτίθετο τὸ γὰρ αὐτὸ νοεῖν ἐστί τε καὶ εἶναι λέγων. Καὶ ἀκίνητον δὲ λέγει τοῦτο – καίτοι προστιθεὶς τὸ νοεῖν – σωματικὴν πᾶσαν κίνησιν ἐξαίρων ἀπ᾽ αὐτοῦ, ἵνα μένηι ὡσαύτως, καὶ ὄγκωι σφαίρας ἀπεικάζων, ὅτι πάντα ἔχει περιειλημμένα καὶ ὅτι τὸ νοεῖν οὐκ ἔξω, ἀλλ᾽ ἐν ἑαυτῶι. Ἓν δὲ λέγων ἐν τοῖς ἑαυτοῦ συγγράμμασιν αἰτίαν εἶχεν ὡς τοῦ ἑνὸς τούτου πολλὰ εὑρισκομένου. Ὁ δὲ παρὰ Πλάτωνι Παρμενίδης ἀκριβέστερον λέγων διαιρεῖ ἀπ᾽ ἀλλήλων τὸ πρῶτον ἕν, ὃ κυριώτερον ἕν, καὶ δεύτερον ἓν πολλὰ λέγων, καὶ τρίτον ἓν καὶ πολλά. Καὶ σύμφωνος οὕτως καὶ αὐτός ἐστι ταῖς φύσεσι ταῖς τρισίν.

そしてこのゆえに、プラトンの〔言う〕三重のものもある。「万物は万物の王のまわりにある」――彼は第一のものと言っている――「そして第二のものは第二のもののまわりに、第三のものは第三のもののまわりに」。また彼は「原因の父」があると言い、原因を知性と言っている。というのも、彼にとって製作者は知性だからである。そしてこれが「かの混酒器のうちで」魂を作ると彼は言う。そして原因である知性の父を、彼は善と言い、知性の彼方、「実体の彼方」のものと言う。また彼は多くの箇所で、存在と知性をイデアと言っている。したがって、プラトンは、善から知性が、知性から魂が〔出てくる〕ことを知っていたのである。そして、これらの言説は新しいものでも今のものでもなく、昔から、ただし開け広げにではなく語られてきたのであり、今の言説はそれらの解釈者となったのであって、これらの見解が古いものであることを、プラトン自身の書き物を証拠として保証しているのである。 さて、パルメニデスも以前に、存在と知性とを同じものへと結び合わせ、存在を感覚的なもののうちに置かなかったかぎりにおいて、このような見解に触れていた。「というのも、知性認識することと存在することは同じだから」と言って。そして彼はこれを不動であると言う――知性認識することを付け加えながらも――。あらゆる身体的な運動をそれから取り除き、同じようにとどまるようにし、また球の塊にたとえている。それは万物を包み込んでおり、知性認識することは外にではなく、自らのうちにあるからである。しかし、彼は自らの著作において〔それを〕一と言ったので、この一が多であることが見いだされるとして非難を受けた。しかし、プラトンのもとのパルメニデスは、より厳密に語って、互いを区別する。第一の一、すなわちより本来的な一と、第二の、「一なる多」と彼が言うものと、第三の「一と多」とを。こうして彼自身もまた、三つの本性と調和しているのである。

Ἀναξαγόρας δὲ νοῦν καθαρὸν καὶ ἀμιγῆ λέγων ἁπλοῦν καὶ αὐτὸς τίθεται τὸ πρῶτον καὶ χωριστὸν τὸ ἕν, τὸ δ᾽ ἀκριβὲς δι᾽ ἀρχαιότητα παρῆκε. Καὶ Ἡράκλειτος δὲ τὸ ἓν οἶδεν ἀίδιον καὶ νοητόν· τὰ γὰρ σώματα γίγνεται ἀεὶ καὶ ῥέοντα. Τῶι δὲ Ἐμπεδοκλεῖ τὸ νεῖκος μὲν διαιρεῖ, ἡ δὲ φιλία τὸ ἕν – ἀσώματον δὲ καὶ αὐτὸς τοῦτο – τὰ δὲ στοιχεῖα ὡς ὕλη. Ἀριστοτέλης δὲ ὕστερον χωριστὸν μὲν τὸ πρῶτον καὶ νοητόν, νοεῖν δὲ αὐτὸ ἑαυτὸ λέγων πάλιν αὖ οὐ τὸ πρῶτον ποιεῖ· πολλὰ δὲ καὶ ἄλλα νοητὰ ποιῶν καὶ τοσαῦτα, ὁπόσαι ἐν οὐρανῶι σφαῖραι, ἵν᾽ ἕκαστον ἑκάστην κινῆι, ἄλλον τρόπον λέγει τὰ ἐν τοῖς νοητοῖς ἢ Πλάτων, τὸ εὔλογον οὐκ ἔχον ἀνάγκην τιθέμενος. Ἐπιστήσειε δ᾽ ἄν τις, εἰ καὶ εὐλόγως· εὐλογώτερον γὰρ πάσας πρὸς μίαν σύνταξιν συντελούσας πρὸς ἓν καὶ τὸ πρῶτον βλέπειν. Ζητήσειε δ᾽ ἄν τις τὰ πολλὰ νοητὰ εἰ ἐξ ἑνός ἐστιν αὐτῶι τοῦ πρώτου, ἢ πολλαὶ αἱ ἐν τοῖς νοητοῖς ἀρχαί· καὶ εἰ μὲν ἐξ ἑνός, ἀνάλογον δηλονότι ἕξει ὡς ἐν τοῖς αἰσθητοῖς αἱ σφαῖραι ἄλλης ἄλλην περιεχούσης, μιᾶς δὲ τῆς ἔξω κρατούσης· ὥστε περιέχοι ἂν κἀκεῖ τὸ πρῶτον καὶ κόσμος νοητὸς ἔσται· καὶ ὥσπερ ἐνταῦθα αἱ σφαῖραι οὐ κεναί, ἀλλὰ μεστὴ ἄστρων ἡ πρώτη, αἱ δὲ ἔχουσιν ἄστρα, οὕτω κἀκεῖ τὰ κινοῦντα πολλὰ ἐν αὐτοῖς ἕξει καὶ τὰ ἀληθέστερα ἐκεῖ. Εἰ δὲ ἕκαστον ἀρχή, κατὰ συντυχίαν αἱ ἀρχαὶ ἔσονται· καὶ διὰ τί συνέσονται καὶ πρὸς ἓν ἔργον τὴν τοῦ παντὸς οὐρανοῦ συμφωνίαν ὁμονοήσει; Πῶς δὲ ἴσα πρὸς τὰ νοητὰ καὶ κινοῦντα τὰ ἐν οὐρανῶι αἰσθητά; Πῶς δὲ καὶ πολλὰ οὕτως ἀσώματα ὄντα ὕλης οὐ χωριζούσης; Ὥστε τῶν ἀρχαίων οἱ μάλιστα συντασσόμενοι αὖ τοῖς Πυθαγόρου καὶ τῶν μετ᾽ αὐτὸν καὶ Φερεκύδους δὲ περὶ ταύτην μὲν ἔσχον τὴν φύσιν· ἀλλ᾽ οἱ μὲν ἐξειργάσαντο ἐν αὐτοῖς αὐτῶν λόγοις, οἱ δὲ οὐκ ἐν λόγοις, ἀλλ᾽ ἐν ἀγράφοις ἐδείκνυον συνουσίαις ἢ ὅλως ἀφεῖσαν.

アナクサゴラスも、知性は純粋で混じりけのないものであると言って、自らも最初のものを単純なものとして、また一を切り離されたものとして立てているが、古さのゆえに厳密さはなおざりにした。ヘラクレイトスもまた、一が永遠で知性的なものであることを知っている。身体はつねに生成し流れているものだからである。エンペドクレスにとっては、争いが分割し、愛が一であり――彼自身もこれを非身体的なものとしている――、元素は質料としてある。のちにアリストテレスは、最初のものを切り離されたもの、知性的なものとしながら、それが自らを知性認識すると言って、ふたたびそれを最初のものでなくしてしまう。そして、他にも多くの知性的なものを、天にある天球と同じ数だけ作り、各々が各々を動かすようにして、知性的なもののうちにあるものを、プラトンとは別の仕方で語り、蓋然的なものを、必然性をもたないままに立てている。しかし、それが蓋然的でさえあるかどうか、人は疑問に思うであろう。なぜなら、すべて〔の天球〕が一つの秩序へと寄与しつつ、一なるもの、最初のものに目を向けるほうが、より蓋然的だからである。 また、人は次のことを問うであろう。彼にとって多くの知性的なものは、一つの最初のものから出ているのか、それとも知性的なもののうちに始原が多くあるのか、と。もし一つのものから出ているのであれば、明らかに、感覚的なもののうちで天球が、一つが他のものを包み、外側の一つが支配しているのと類比的なあり方をするであろう。したがって、かしこでも最初のものが包含し、知性界があることになろう。そして、ここで天球が空虚ではなく、第一の天球は星々に満ち、他の天球も星々をもっているように、かしこでも、動かすものたちは自らのうちに多くのものをもつであろうし、かしこのものはより真なるものであろう。しかしもし各々が始原であるならば、始原は偶然によってあることになろう。そして、なぜそれらはともにあり、一つの仕事、すなわち天全体の調和に向けて心を合わせるのか。またどのようにして、天における感覚的なものが、知性的なもの、動かすものと同じ数なのか。またどのようにして、非身体的なものがこのように多くあるのか――質料が〔それらを〕分け隔てていないのに。したがって、古人のうちで、ピタゴラスと彼の後の人々、そしてペレキュデスの〔見解に〕最もよく並び立つ人々は、この本性をめぐって〔見解を〕もっていた。しかし、ある者たちはそれを自らの言論のうちで仕上げたが、他の者たちは言論においてではなく、書かれない交わりのうちで示したか、あるいはまったく放置したのである。

Ὅτι δὲ οὕτω χρὴ νομίζειν ἔχειν, ὡς ἔστι μὲν τὸ ἐπέκεινα ὄντος τὸ ἕν, οἷον ἤθελεν ὁ λόγος δεικνύναι ὡς οἷόν τε ἦν περὶ τούτων ἐνδείκνυσθαι, ἔστι δὲ ἐφεξῆς τὸ ὂν καὶ νοῦς, τρίτη δὲ ἡ τῆς ψυχῆς φύσις, ἤδη δέδεικται. Ὥσπερ δὲ ἐν τῆι φύσει τριττὰ ταῦτά ἐστι τὰ εἰρημένα, οὕτω χρὴ νομίζειν καὶ παρ᾽ ἡμῖν ταῦτα εἶναι. Λέγω δὲ οὐκ ἐν τοῖς αἰσθητοῖς – χωριστὰ γὰρ ταῦτα – ἀλλ᾽ ἐπὶ τοῖς αἰσθητῶν ἔξω, καὶ τὸν αὐτὸν τρόπον τὸ ἔξω ὥσπερ κἀκεῖνα τοῦ παντὸς οὐρανοῦ ἔξω· οὕτω καὶ τὰ τοῦ ἀνθρώπου, οἷον λέγει Πλάτων τὸν εἴσω ἄνθρωπον. Ἔστι τοίνυν καὶ ἡ ἡμετέρα ψυχὴ θεῖόν τι καὶ φύσεως ἄλλης, ὁποία πᾶσα ἡ ψυχῆς φύσις· τελεία δὲ ἡ νοῦν ἔχουσα· νοῦς δὲ ὁ μὲν λογιζόμενος, ὁ δὲ λογίζεσθαι παρέχων. Τὸ δὴ λογιζόμενον τοῦτο τῆς ψυχῆς οὐδενὸς πρὸς τὸ λογίζεσθαι δεόμενον σωματικοῦ ὀργάνου, τὴν δὲ ἐνέργειαν ἑαυτοῦ ἐν καθαρῶι ἔχον, ἵνα καὶ λογίζεσθαι καθαρῶς οἷόν τε ἦι, χωριστὸν καὶ οὐ κεκραμένον σώματι ἐν τῶι πρώτωι νοητῶι τις τιθέμενος οὐκ ἂν σφάλλοιτο. Οὐ γὰρ τόπον ζητητέον οὗ ἱδρύσομεν, ἀλλ᾽ ἔξω τόπου παντὸς ποιητέον. Οὕτω γὰρ τὸ καθ᾽ αὑτὸ καὶ τὸ ἔξω καὶ τὸ ἄυλον, ὅταν μόνον ἦι οὐδὲν ἔχον παρὰ τῆς σώματος φύσεως. Διὰ τοῦτο καὶ ἔτι ἔξωθέν φησιν ἐπὶ τοῦ παντὸς τὴν ψυχὴν περιέβαλεν ἐνδεικνύμενος τῆς ψυχῆς τὸ ἐν τῶι νοητῶι μένον· ἐπὶ δὲ ἡμῶν ἐπικρύπτων ἐπ᾽ ἄκραι εἴρηκε τῆι κεφαλῆι. Καὶ ἡ παρακέλευσις δὲ τοῦ χωρίζειν οὐ τόπωι λέγεται – τοῦτο γὰρ φύσει κεχωρισμένον ἐστίν – ἀλλὰ τῆι μὴ νεύσει καὶ ταῖς φαντασίαις καὶ τῆι ἀλλοτριότητι τῆι πρὸς τὸ σῶμα, εἴ πως καὶ τὸ λοιπὸν ψυχῆς εἶδος ἀναγάγοι τις καὶ συνενέγκαι πρὸς τὸ ἄνω καὶ τὸ ἐνταῦθα αὐτῆς ἱδρυμένον, ὃ μόνον ἐστὶ σώματος δημιουργὸν καὶ πλαστικὸν καὶ τὴν πραγματείαν περὶ τοῦτο ἔχον.

さて、このように考えねばならないこと、すなわち、存在の彼方に一があり――それは、言論がこれらのことについて示しうるかぎりにおいて示そうとしたとおりのものである――、次に存在と知性があり、第三に魂の本性があることは、すでに示された。そして、自然のうちにこれらの述べられた三重のものがあるように、私たちのもとにもこれらがあると考えねばならない。私が言うのは、感覚的なもののうちに、ではなく――それらは切り離されているから――、感覚的なものの外にあるものについて、である。そして、かのものが天全体の外にあるように、同じ仕方で〔私たちのものも〕外にある。人間のものもそのようなのであり、プラトンが「内なる人間」と言うようなものである。 こうして、私たちの魂もまた何か神的なものであり、別の本性のものである。あらゆる魂の本性がそうであるように。そして知性をもつ魂は完全である。知性には、推論するものと、推論することを与えるものとがある。さて、魂のこの推論する部分は、推論するために身体的な器官を何も必要とせず、自らの活動を純粋なもののうちにもっており、それによって純粋に推論することができるのであるから、それを切り離されたもの、身体と混ざり合っていないものとして、第一の知性的なもののうちに置く人がいても、誤ってはいないであろう。なぜなら、それを据える場所を探すべきではなく、あらゆる場所の外に置くべきだからである。というのも、そのようにして、それ自体においてあること、外にあること、非質料的であることが〔成り立つ〕のだから――身体の本性から何ももたずに、ただ独りであるときに。このゆえに、彼は宇宙について、さらに「外側から魂を包みかけた」と言って、魂のうちで知性界にとどまる部分を示し、私たちについては、それを隠して「頭の頂に」と言ったのである。また、「切り離せ」という勧告も、場所において言われているのではなく――これは本性において切り離されているのだから――、傾かないこと、表象をもたないこと、身体に対して疎遠であることにおいて〔言われているのである〕。もしかして、魂の残りの形相をも導き上げ、ここに据えられた魂の部分――それだけが身体の製作者であり形成者であり、それに関わる仕事をもっている――をも、上へとともに運ぶことができるならば〔という意味で〕。

Οὔσης οὖν ψυχῆς τῆς λογιζομένης περὶ δικαίων καὶ καλῶν καὶ λογισμοῦ ζητοῦντος εἰ τοῦτο δίκαιον καὶ εἰ τοῦτο καλόν, ἀνάγκη εἶναι καὶ ἑστώς τι δίκαιον, ἀφ᾽ οὗ καὶ ὁ λογισμὸς περὶ ψυχὴν γίγνεται. Ἢ πῶς ἂν λογίσαιτο; Καὶ εἰ ὁτὲ μὲν λογίζεται περὶ τούτων ψυχή, ὁτὲ δὲ μή, δεῖ τὸν [μὴ] λογιζόμενον, ἀλλ᾽ ἀεὶ ἔχοντα τὸ δίκαιον νοῦν ἐν ἡμῖν εἶναι, εἶναι δὲ καὶ τὴν νοῦ ἀρχὴν καὶ αἰτίαν καὶ θεόν – οὐ μεριστοῦ ἐκείνου ὄντος, ἀλλὰ μένοντος ἐκείνου, καὶ οὐκ ἐν τόπωι μένοντος – ἐν πολλοῖς αὖ θεωρεῖσθαι καθ᾽ ἕκαστον τῶν δυναμένων δέχεσθαι οἷον ἄλλον αὐτόν, ὥσπερ καὶ τὸ κέντρον ἐφ᾽ ἑαυτοῦ ἐστιν, ἔχει δὲ καὶ ἕκαστον τῶν ἐν τῶι κύκλωι σημεῖον ἐν αὐτῶι, καὶ αἱ γραμμαὶ τὸ ἴδιον προσφέρουσι πρὸς τοῦτο. Τῶι γὰρ τοιούτωι τῶν ἐν ἡμῖν καὶ ἡμεῖς ἐφαπτόμεθα καὶ σύνεσμεν καὶ ἀνηρτήμεθα· ἐνιδρύμεθα δὲ οἳ ἂν συννεύωμεν ἐκεῖ.

さて、正しいものや美しいものについて推論する魂があり、推論が、これは正しいか、これは美しいかと探求するのであるから、何か正しいものが静止してもいなければならない。それから推論も魂のまわりに生じるのである。さもなければ、どうして推論できようか。そして、魂はこれらについて、あるときは推論し、あるときは推論しないとしても、推論するのではなく、つねに正しいものをもっている知性が、私たちのうちになければならない。また、知性の始原であり原因である神もなければならない――それは分割されるのではなく、とどまっており、場所においてとどまるのでもないが――、それを受け取ることのできる多くのものの各々のうちに、いわば別のそれとして、ふたたび観照されるのである。ちょうど中心がそれ自身においてありながら、円の中にあるものの各々も自らのうちにその点をもち、線がそれぞれの固有のものをそれへともたらすように。というのも、私たちのうちにあるこのようなものによって、私たちもまた〔かのものに〕触れ、ともにあり、結びつけられているからである。そして私たちは、かしこへと一緒に傾くかぎり、そこに据えられているのである。

Πῶς οὖν ἔχοντες τὰ τηλικαῦτα οὐκ ἀντιλαμβανόμεθα, ἀλλ᾽ ἀργοῦμεν ταῖς τοιαύταις ἐνεργείαις τὰ πολλά, οἱ δὲ οὐδ᾽ ὅλως ἐνεργοῦσιν; Ἐκεῖνα μέν ἐστιν ἐν ταῖς αὐτῶν ἐνεργείαις ἀεί, νοῦς καὶ τὸ πρὸ νοῦ ἀεὶ ἐν ἑαυτῶι, καὶ ψυχὴ δέ – τὸ ἀεικίνητον – οὕτως. Οὐ γὰρ πᾶν, ὃ ἐν ψυχῆι, ἤδη αἰσθητόν, ἀλλὰ ἔρχεται εἰς ἡμᾶς, ὅταν εἰς αἴσθησιν ἴηι· ὅταν δὲ ἐνεργοῦν ἕκαστον μὴ μεταδιδῶι τῶι αἰσθανομένωι, οὔπω δι᾽ ὅλης ψυχῆς ἐλήλυθεν. Οὔπω οὖν γιγνώσκομεν ἅτε μετὰ τοῦ αἰσθητικοῦ ὄντες καὶ οὐ μόριον ψυχῆς ἀλλ᾽ ἡ ἅπασα ψυχὴ ὄντες. Καὶ ἔτι ἕκαστον τῶν ψυχικῶν ζῶν ἀεὶ ἐνεργεῖ ἀεὶ καθ᾽ αὑτὸ τὸ αὑτοῦ· τὸ δὲ γνωρίζειν, ὅταν μετάδοσις γένηται καὶ ἀντίληψις. Δεῖ τοίνυν, εἰ τῶν οὕτω παρόντων ἀντίληψις ἔσται, καὶ τὸ ἀντιλαμβανόμενον εἰς τὸ εἴσω ἐπιστρέφειν, κἀκεῖ ποιεῖν τὴν προσοχὴν ἔχειν. Ὥσπερ εἴ τις ἀκοῦσαι ἀναμένων ἣν ἐθέλει φωνήν, τῶν ἄλλων φωνῶν ἀποστὰς τὸ οὖς ἐγείροι πρὸς τὸ ἄμεινον τῶν ἀκουστῶν, ὁπότε ἐκεῖνο προσέλθοι, οὕτω τοι καὶ ἐνταῦθα δεῖ τὰς μὲν αἰσθητὰς ἀκούσεις ἀφέντα, εἰ μὴ καθόσον ἀνάγκη, τὴν τῆς ψυχῆς εἰς τὸ ἀντιλαμβάνεσθαι δύναμιν φυλάττειν καθαρὰν καὶ ἕτοιμον ἀκούειν φθόγγων τῶν ἄνω.

では、なぜ、これほどのものをもっていながら、私たちはそれを把握せず、たいていはこのような活動を怠っており、ある人々はまったく活動していないのか。かのものたちは、つねに自らの活動のうちにある。知性も、知性の前のものも、つねに自らのうちにある。そして魂もまた――つねに動いているもの――そのようにある。というのも、魂のうちにあるものすべてがすでに感覚されるわけではなく、感覚へと至るときに私たちに届くのである。そして、各々が活動しながら、感覚するものにそれを分け与えないときには、それはまだ魂全体を通って来てはいないのである。こうして私たちはまだ知らない――感覚的な部分とともにあり、魂の一部分ではなく、魂の全体であるがゆえに。そしてさらに、魂的なものの各々は、つねに生きて、つねにそれ自体において自らの〔働き〕を活動している。しかし知ることは、分与と把握が生じるときに〔生じる〕のである。 したがって、もしこのように臨在しているものの把握があるべきであるならば、把握するものもまた内へと立ち返り、そこに注意を向けさせねばならない。ちょうど、聞きたい声を聞こうと待ち受けている人が、他の声から離れて、聞こえるもののうちでより善いものへと耳をそばだて、それが近づいてくるときを〔待つ〕ように、まさにそのように、ここでもまた、必要なかぎりを除いて感覚的な聞くことを捨て去り、魂の把握する力を、上方からの響きを聞くために、純粋に、また準備の整ったものとして保たなければならない。