第12–20章　イシスとオシリスの物語

λέγεται δʼ ὁ μῦθος οὗτος ἐν βραχυτάτοις ὡς ἔνεστι μάλιστα, τῶν ἀχρήστων σφόδρα καὶ περιττῶν ἀφαιρεθέντων. τῆς Ῥέας φασὶ κρύφα τῷ Κρόνῳ συγγενομένης, αἰσθόμενον ἐπαράσασθαι τὸν Ἥλιον αὐτῇ μήτε μηνὶ μήτʼ ἐνιαυτῷ τεκεῖν ἐρῶντα δὲ τὸν Ἑρμῆν τῆς θεοῦ συνελθεῖν, εἶτα παίξαντα πέττια πρὸς τὴν Σελήνην καὶ ἀφελόντα τῶν φώτων ἑκάστου τὸ ἑβδομηκοστόν, ἐκ πάντων ἡμέρας πέντε συνελεῖν καὶ ταῖς ἑξήκοντα καὶ τριακοσίαις ἐπαγαγεῖν, ἃς νῦν ἐπαγομένας Αἰγύπτιοι καλοῦσι καὶ τῶν θεῶν γενεθλίους ἄγουσι. τῇ μὲν πρώτῃ τὸν Ὄσιριν γενέσθαι, καὶ φωνὴν αὐτῷ τεχθέντι συνεκπεσεῖν, ὡς ὁ πάντων κύριος εἰς φῶς πρόεισιν. ἔνιοι δὲ Παμύλην τινὰ λέγουσιν ἐν Θήβαις ὑδρευόμενον ἐκ τοῦ ἱεροῦ τοῦ Διὸς φωνὴν ἀκοῦσαι διακελευομένην ἀνειπεῖν μετὰ βοῆς, ὅτι μέγας βασιλεὺς εὐεργέτης Ὄσιρις γέγονε· καὶ διὰ τοῦτο θρέψαι τὸν Ὄσιριν, ἐγχειρίσαντος αὐτῷ τοῦ Κρόνου, καὶ τὴν τῶν Παμυλίων ἑορτὴν αὐτῷ τελεῖσθαι, Φαλληφορίοις ἐοικυῖαν. τῇ δὲ δευτέρᾳ τὸν Ἀρούηριν, ὃν Ἀπόλλωνα, ὃν καὶ πρεσβύτερον Ὧρον ἔνιοι καλοῦσι· τῇ τρίτῃ δὲ Τυφῶνα μὴ καιρῷ μηδὲ κατὰ χώραν, ἀλλʼ ἀναρρήξαντα πληγῇ διὰ τῆς πλευρᾶς ἐξαλέσθαι· τετάρτῃ δὲ τὴν Ἶσιν ἐν πανύγροις γενέσθαι· τῇ δὲ πέμπτῃ Νέφθυν, ἣν καὶ Τελευτὴν καὶ Ἀφροδίτην, ἔνιοι δὲ καὶ Νίκην ὀνομάζουσιν. εἶναι δὲ τὸν μὲν Ὄσιριν ἐξ Ἡλίου καὶ τὸν Ἀρούηριν, ἐκ δὲ Ἑρμοῦ τὴν Ἶσιν, ἐκ δὲ τοῦ Κρόνου τὸν Τυφῶνα καὶ τὴν Νέφθυν, διὸ καὶ τὴν τρίτην τῶν ἐπαγομένων ἀποφράδα νομίζοντες οἱ βασιλεῖς οὐκ ἐχρημάτιζον οὐδʼ ἐθεράπευον αὑτοὺς μέχρι νυκτός. γήμασθαι δὲ τῷ Τυφῶνι τὴν Νέφθυν. Ἶσιν δὲ καὶ Ὄσιριν ἐρῶντας ἀλλήλων καὶ πρὶν ἢ γενέσθαι κατὰ γαστρὸς ὑπὸ σκότῳ συνεῖναι. ἔνιοι δέ φασι καὶ τὸν Ἀούηριν οὕτω γεγονέναι καὶ καλεῖσθαι πρεσβύτερον Ὧρον ὑπʼ Αἰγυπτίων, Ἀπόλλωνα δʼ ὑφʼ Ἑλλήνων.

この神話は、まったく無用で余計なものを取り除いて、できるかぎり最も短く語られると、次のようである。レアがひそかにクロノスと交わったとき、ヘリオス（太陽）はそれに気づいて、彼女がどの月にもどの年にも子を産まないようにと呪いをかけた、と人々は言う。しかしこの女神に恋していたヘルメスは彼女と交わり、それから月（セレネ）と盤上遊戯をして、その光のそれぞれから七十分の一を勝ち取り、そのすべてから五日を集めて、三百六十日に付け加えた。それをエジプト人はいま「付加日（エパゴメナイ）」と呼び、神々の誕生日として祝っている。第一の日にオシリスが生まれ、彼が生まれるとき、万物の主が光へと進み出る、という声が同時に発せられた。しかしある人々は、テーバイでパミュレスという者がゼウスの神殿から水を汲んでいたとき、大いなる善行の王オシリスが生まれた、と叫んで告げ知らせるよう命じる声を聞いた、と言う。そしてそのために、クロノスが彼にオシリスを託し、彼がオシリスを養育した。そしてパミュリアの祭りが彼のために執り行われるが、それはファロス運びの祭りに似ている、と。第二の日にはアルエリスが〔生まれた〕。ある人々は彼をアポロンと呼び、また年長のホロスとも呼ぶ。第三の日にはテュポンが、時期にもよらず正しい場所にもよらず、打撃によって〔母の〕脇腹を突き破って跳び出した。第四の日にはイシスが、まったく湿った所で生まれた。第五の日にはネフテュスが〔生まれた〕。ある人々は彼女をテレウテー（終わり）ともアフロディテとも呼び、またある人々はニケー（勝利）とも名づける。そしてオシリスとアルエリスはヘリオスから、イシスはヘルメスから、テュポンとネフテュスはクロノスから生まれた。それゆえ王たちは、付加日の第三の日を不吉な日とみなして、夜まで政務を執らず、身の手入れもしなかった。ネフテュスはテュポンに嫁いだ。イシスとオシリスは互いに恋し合い、生まれる前から、胎内の闇の中で交わっていた。ある人々は、アルエリスもこのようにして生まれたのであり、エジプト人によっては年長のホロス、ギリシア人によってはアポロンと呼ばれている、と言う。

βασιλεύοντα δʼ Ὄσιριν Αἰγυπτίους μὲν εὐθὺς ἀπόρου βίου καὶ θηριώδους ἀπαλλάξαι, καρπούς τε δείξαντα καὶ νόμους θέμενον αὐτοῖς καὶ θεοὺς διδάξαντα τιμᾶν· ὕστερον δὲ γῆν πᾶσαν ἡμερούμενον ἐπελθεῖν, ἐλάχιστα μὲν ὅπλων δεηθέντα, πειθοῖ δὲ τοὺς πλείστους καὶ λόγῳ μετʼ ᾠδῆς καὶ πάσης μουσικῆς θελγομένους προσαγόμενον· ὅθεν Ἕλλησι δόξαι Διονύσῳ τὸν αὐτὸν εἶναι. Τυφῶνα δʼ ἀπόντος μὲν οὐδὲν νεωτερίζειν, διὰ τὸ τὴν Ἶσιν εὖ μάλα φυλάττεσθαι καὶ προσέχειν ἐγκρατῶς ἔχουσαν, ἐπανελθόντι δὲ δόλον μηχανᾶσθαι, συνωμότας ἄνδρας ἑβδομήκοντα καὶ δύο πεποιημένον καὶ συνεργὸν ἔχοντα βασίλισσαν ἐξ Αἰθιοπίας παροῦσαν, ἣν ὀνομάζουσιν Ἀσώ· τοῦ δʼ Ὀσίριδος ἐκμετρησάμενον λάθρα τὸ σῶμα καὶ κατασκευάσαντα πρὸς τὸ μέγεθος λάρνακα καλὴν καὶ κεκοσμημένην περιττῶς εἰσενεγκεῖν εἰς τὸ συμπόσιον. ἡσθέντων δὲ τῇ ὄψει καὶ θαυμασάντων, ὑποσχέσθαι τὸν Τυφῶνα μετὰ παιδιᾶς, ὃς ἂν ἐγκατακλιθεὶς ἐξισωθῇ, διδόναι δῶρον αὐτῷ τὴν λάρνακα. πειρωμένων δὲ πάντων καθʼ ἕκαστον, ὡς οὐδεὶς ἐνήρμοττεν, ἐμβάντα τὸν Ὄσιριν κατακλιθῆναι. τοὺς δὲ συνόντας ἐπιδραμόντας ἐπιρράξαι τὸ πῶμα καί, τῶν μὲν γόμφοις καταλαβόντων ἔξωθεν, τῶν δὲ θερμοῦ μολίβδου καταχεαμένων, ἐπὶ τὸν ποταμὸν ἐξενεγκεῖν καὶ μεθεῖναι διὰ τοῦ Τανιτικοῦ στόματος εἰς τὴν θάλασσαν, ὃ διὰ τοῦτο μισητὸν ἔτι νῦν καὶ κατάπτυστον ὀνομάζειν Αἰγυπτίους. ταῦτα δὲ πραχθῆναι λέγουσιν ἑβδόμῃ ἐπὶ δέκα μηνὸς Ἀθύρ, ἐν ᾧ τὸν σκορπίον ὁ ἥλιος διέξεισιν, ὄγδοον ἔτος καὶ εἰκοστὸν ἐκεῖνο βασιλεύοντος Ὀσίριδος. ἔνιοι δὲ βεβιωκέναι φασὶν αὐτόν, οὐ βεβασιλευκέναι χρόνον τοσοῦτον.

オシリスは王となると、ただちにエジプト人を、窮乏した獣のような生活から解放した。彼らに作物を示し、法を定め、神々を敬うことを教えたのである。その後、彼は全地を教化しながら巡り歩いた。武器をほとんど必要とせず、たいていの人々を説得によって、また歌とあらゆる音楽を伴う言葉によって魅了して引き寄せたのである。それゆえギリシア人には、彼はディオニュソスと同じ者だと思われた。テュポンは、オシリスが不在のあいだは何の反乱も企てなかった。イシスが非常によく警戒し、しっかりと掌握して注意を払っていたからである。しかしオシリスが帰ってくると、テュポンは策略を企てた。彼は七十二人の男を共謀者とし、エチオピアから来ていた、アソーと呼ばれる女王を協力者としていた。彼はひそかにオシリスの体の寸法を測り、その大きさに合わせて、美しく、並外れて飾られた櫃を作らせ、それを宴会の席に運び込んだ。人々がその眺めを喜び驚嘆すると、テュポンは戯れに、その中に横たわってぴったり合う者があれば、その者に櫃を贈り物として与えよう、と約束した。皆が一人ずつ試してみたが、誰も合わなかったので、オシリスが中に入って横たわった。すると一緒にいた者たちが駆け寄って蓋をかぶせ、ある者たちは外から釘で留め、ある者たちは熱い鉛を注いで、それを川へ運び出し、タニスの河口から海へと流した。それゆえエジプト人は今でもこの河口を、憎むべき、唾棄すべきものと名づけている。これらのことが行われたのは、太陽が蠍座を通過するアテュルの月の十七日であり、それはオシリスが王となって二十八年目のことであった、と彼らは言う。しかしある人々は、彼がそれだけの年月を王として治めたのではなく、生きたのだ、と言う。

πρώτων δὲ τῶν τὸν περὶ Χέμμιν οἰκούντων τόπον Πανῶν καὶ Σατύρων τὸ πάθος αἰσθομένων καὶ λόγον ἐμβαλόντων περὶ τοῦ γεγονότος, τὰς μὲν αἰφνιδίους τῶν ὄχλων ταραχὰς καὶ πτοήσεις ἔτι νῦν διὰ τοῦτο πανικὰς προσαγορεύεσθαι· τὴν δʼ Ἶσιν αἰσθομένην κείρασθαι μὲν ἐνταῦθα τῶν πλοκάμων ἕνα καὶ πένθιμον στολὴν ἀναλαβεῖν, ὅπου τῇ πόλει μέχρι νῦν ὄνομα Κοπτώ. ἕτεροι δὲ τοὔνομα σημαίνειν οἴονται στέρησιν· τὸ γὰρ ἀποστερεῖν κόπτειν λέγουσι. πλανωμένην δὲ πάντῃ καὶ ἀποροῦσαν οὐδένα προσελθεῖν ἀπροσαύδητον, ἀλλὰ καὶ παιδαρίοις συντυχοῦσαν ἐρωτᾶν περὶ τῆς λάρνακος· τὰ δὲ τυχεῖν ἑωρακότα καὶ φράσαι τὸ στόμα, διʼ οὗ τὸ ἀγγεῖον οἱ φίλοι τοῦ Τυφῶνος εἰς τὴν θάλασσαν ἔωσαν. ἐκ τούτου τὰ παιδάρια μαντικὴν δύναμιν ἔχειν οἴεσθαι τοὺς Αἰγυπτίους, καὶ μάλιστα ταῖς τούτων ὀττεύεσθαι κληδόσι παιζόντων ἐν ἱεροῖς καὶ φθεγγομένων ὅ τι ἂν τύχωσι. αἰσθομένην δὲ τῇ ἀδελφῇ ἐρῶντα συγγεγονέναι διʼ ἄγνοιαν ὡς ἑαυτῇ τὸν Ὄσιριν, καὶ τεκμήριον ἰδοῦσαν τὸν μελιλώτινον στέφανον, ὃν ἐκεῖνος παρὰ τῇ Νέφθυι κατέλιπε, τὸ παιδίον ζητεῖν (ἐκθεῖναι γὰρ εὐθὺς τεκοῦσαν διὰ φόβον τοῦ Τυφῶνος)· εὑρεθὲν δὲ χαλεπῶς καὶ μόγις, κυνῶν ἐπαγόντων τὴν Ἶσιν, ἐκτραφῆναι καὶ γενέσθαι φύλακα καὶ ὀπαδὸν αὐτῆς, Ἄνουβιν προσαγορευθέντα, καὶ λεγόμενον τοὺς θεοὺς φρουρεῖν, ὥσπερ οἱ κύνες τοὺς ἀνθρώπους.

最初にこの出来事に気づき、起こったことについての噂を広めたのは、ケンミスのあたりの土地に住んでいたパーンたちやサテュロスたちであった。それゆえ、群衆の突然の騒ぎや恐慌は、今でも「パーン的な（パニック）」と呼ばれている。イシスはそれに気づくと、その場で髪の房の一つを切り、喪服をまとった。その場所の町は今でもコプトーという名である。しかし他の人々は、この名は「奪われること」を意味すると考える。というのも、「奪う」ことを「コプテイン」と言うからである。イシスはあらゆる所をさまよい、途方に暮れて、出会う者に誰一人として声をかけずに通り過ぎることはなく、子どもたちに出会っても櫃のことを尋ねた。子どもたちはたまたまそれを見ていて、テュポンの仲間たちが容器を海へと押し流した河口を告げた。このことから、エジプト人は子どもたちが予言の力をもつと考え、とりわけ神殿で遊び、何であれ口にする子どもたちの言葉から占いをするのである。イシスは、オシリスが自分の姉妹〔ネフテュス〕に恋し、知らずに自分と思って交わったことに気づき、その証拠として、彼がネフテュスのもとに置き残したメリロートの冠を見て、その子を探した（ネフテュスはテュポンを恐れて、産むとすぐに子を捨てたのである）。子はやっとのことで、苦労して見つけられた。犬たちがイシスを導いたのである。そしてその子は養い育てられ、彼女の番人かつ従者となり、アヌビスと呼ばれた。そして、犬が人間を守るように、神々を守ると言われている。

ἐκ δὲ τούτου πυθέσθαι περὶ τῆς λάρνακος, ὡς πρὸς τὴν Βύβλου χώραν ὑπὸ τῆς θαλάσσης ἐκκυμανθεῖσαν αὐτὴν ἐρείκῃ τινὶ μαλθακῶς ὁ κλύδων προσέμιξεν· ἡ δʼ ἐρείκη κάλλιστον ἔρνος ὀλίγῳ χρόνῳ καὶ μέγιστον ἀναδραμοῦσα περιέπτυξε καὶ περιέφυ καὶ ἀπέκρυψεν ἐντὸς ἑαυτῆς· θαυμάσας δʼ ὁ βασιλεὺς τοῦ φυτοῦ τὸ μέγεθος καὶ περιτεμὼν τὸν περιέχοντα τὴν σορὸν οὐχ ὁρωμένην κορμὸν ἔρεισμα τῆς στέγῃ ὑπέστησε. ταῦτά τε πνεύματί φασι δαιμονίῳ φήμης πυθομένην τὴν Ἶσιν εἰς Βύβλον ἀφικέσθαι, καὶ καθίσασαν ἐπὶ κρήνης ταπεινὴν καὶ δεδακρυμένην ἄλλῳ μὲν μηδενὶ προσδιαλέγεσθαι, τῆς δὲ βασιλίδος τὰς θεραπαινίδας ἀσπάζεσθαι καὶ φιλοφρονεῖσθαι τήν τε κόμην παραπλέκουσαν αὐτῶν καὶ τῷ χρωτὶ θαυμαστὴν εὐωδίαν ἐπιπνέουσαν ἀφʼ ἑαυτῆς. ἰδούσης δὲ τῆς βασιλίδος τὰς θεραπαινίδας, ἵμερον ἐμπεσεῖν τῆς ξένης τῶν τε τριχῶν τοῦ τε χρωτὸς ἀμβροσίαν πνέοντος· οὕτω δὲ μεταπεμφθεῖσαν καὶ γενομένην συνήθη ποιήσασθαι τοῦ παιδίου τίτθην. ὄνομα δὲ τῷ μὲν βασιλεῖ Μάλκανδρον εἶναί φασιν· αὐτῇ δʼ οἱ μὲν Ἀστάρτην οἱ δὲ Σάωσιν οἱ δὲ Νεμανοῦν, ὅπερ ἂν Ἕλληνες Ἀθηναΐδα προσείποιεν.

その後、イシスは櫃について知らせを得た。櫃は海によってビュブロスの地へと打ち上げられ、波がそれをある一本のエリカの木にやさしく寄り添わせた。そのエリカは、わずかな時のうちに最も美しく最も大きな若木となって伸び上がり、櫃を包み込み、まわりに生い茂り、自らのうちに隠してしまった。王はその木の大きさに驚嘆し、見えなくなった棺を包んでいる幹を切り取って、屋根の支柱として立てた。これらのことを、イシスは神霊的な風の噂によって知って、ビュブロスに着いた、と人々は言う。そして泉のほとりに、みすぼらしく、涙にくれて座り、ほかの誰とも言葉を交わさなかったが、王妃の侍女たちには挨拶をして親しくし、彼女たちの髪を編んでやり、その肌に自分自身から驚くべき芳香を吹きかけた。王妃は侍女たちを見て、その異国の女への、そしてアンブロシアの香りを放つその髪と肌への憧れにとらえられた。こうしてイシスは呼び寄せられ、親しくなると、王妃の子の乳母とされた。王の名はマルカンドロスであったと人々は言う。王妃のほうは、ある人々はアスタルテ、ある人々はサオーシス、ある人々はネマヌースと呼び、それはギリシア人ならアテナイスと呼ぶであろう名である。

τρέφειν δὲ τὴν Ἶσιν ἀντὶ μαστοῦ τὸν δάκτυλον εἰς τὸ στόμα τοῦ παιδίου διδοῦσαν, νύκτωρ δὲ περικάειν τὰ θνητὰ τοῦ σώματος· αὐτὴν δὲ γενομένην χελιδόνα τῇ κίονι περιπέτεσθαι καὶ θρηνεῖν, ἄχρι οὗ τὴν βασίλισσαν παραφυλάξασαν καὶ ἐκκραγοῦσαν, ὡς εἶδε περικαόμενον τὸ βρέφος, ἀφελέσθαι τὴν ἀθανασίαν αὐτοῦ. τὴν δὲ θεὰν φανερὰν γενομένην αἰτήσασθαι τὴν κίονα τῆς στέγης· ὑφελοῦσαν δὲ ῥᾷστα περικόψαι τὴν ἐρείκην, εἶτα ταύτην μὲν ὀθόνῃ περικαλύψασαν καὶ μύρον καταχεαμένην ἐγχειρίσαι τοῖς βασιλεῦσι, καὶ νῦν ἔτι σέβεσθαι Βυβλίους τὸ ξύλον ἐν ἱερῷ κείμενον Ἴσιδος. τῇ δὲ σορῷ περιπεσεῖν καὶ κωκῦσαι τηλικοῦτον, ὥστε τῶν παίδων τοῦ βασιλέως τὸν νεώτερον ἐκθανεῖν, τὸν δὲ πρεσβύτερον μεθʼ ἑαυτῆς ἔχουσαν καὶ τὴν σορὸν εἰς πλοῖον ἐνθεμένην ἀναχθῆναι. τοῦ δὲ Φαίδρου ποταμοῦ πνεῦμα τραχύτερον ἐκθρέψαντος ὑπὸ τὴν ἕω, θυμωθεῖσαν ἀναξηρᾶναι τὸ ῥεῖθρον.

イシスは、乳房の代わりに指を子の口に入れて養い、夜には子の体の死すべき部分を焼き尽くしていた。そして彼女自身は燕となって柱のまわりを飛び回り、嘆いた。ついに王妃が見張っていて、赤子が火に包まれているのを見て叫び声を上げ、その不死性を奪ってしまった。女神は姿を現して、屋根の柱を求めた。そしてそれをごくたやすく引き抜いて、エリカの木を切り払い、それを亜麻布で包み、香油を注いで、王と王妃に手渡した。そして今でもビュブロスの人々は、イシスの神殿に置かれたその木を崇めている。イシスは棺に身を投げかけ、あまりに大きな声で泣き叫んだので、王の子らのうち年下の子が死んでしまった。そして年上の子を連れ、棺を船に載せて船出した。パイドロス川が夜明け近くに荒い風を起こしたので、彼女は怒ってその流れを干上がらせた。

ὅπου δὲ πρῶτον ἐρημίας ἔτυχεν, αὐτὴν καθʼ ἑαυτὴν γενομένην ἀνοῖξαι τὴν λάρνακα, καὶ τῷ προσώπῳ τὸ πρόσωπον ἐπιθεῖσαν ἀσπάσασθαι καὶ δακρύειν· τοῦ δὲ παιδίου σιωπῇ προσελθόντος ἐκ τῶν ὄπισθεν καὶ καταμανθάνοντος, αἰσθομένην μεταστραφῆναι καὶ δεινὸν ὑπʼ ὀργῆς ἐμβλέψαι. τὸ δὲ παιδίον οὐκ ἀνασχέσθαι τὸ τάρβος, ἀλλʼ ἀποθανεῖν. οἱ δέ φασιν οὐχ οὕτως, ἀλλʼ ὡς εἴρηται πρότερον ἐκπεσεῖν εἰς τὴν θάλασσαν. ἔχει δὲ τιμὰς διὰ τὴν θεόν· ὃν γὰρ ᾄδουσιν Αἰγύπτιοι παρὰ τὰ συμπόσια Μανέρωτα, τοῦτον εἶναι. τινὲς δὲ τὸν μὲν παῖδα καλεῖσθαι Παλαιστινὸν ἢ Πηλούσιον, καὶ τὴν πόλιν ἐπώνυμον ἀπʼ αὐτοῦ γενέσθαι κτισθεῖσαν ὑπὸ τῆς θεοῦ· τὸν δʼ ᾀδόμενον Μανέρωτα πρῶτον εὑρεῖν μουσικὴν ἱστοροῦσιν. ἔνιοι δέ φασιν ὄνομα μὲν οὐδενὸς εἶναι, διάλεκτον δὲ πίνουσιν ἀνθρώποις καὶ θαλειάζουσι πρέπουσαν αἴσιμα τὰ τοιαῦτα παρείη· τοῦτο γὰρ τῷ Μανέρωτι φραζόμενον ἀναφωνεῖν ἑκάστοτε τοὺς Αἰγυπτίους· ὥσπερ ἀμέλει καὶ τὸ δεικνύμενον αὐτοῖς εἴδωλον ἀνθρώπου τεθνηκότος ἐν κιβωτίῳ περιφερόμενον οὐκ ἔστιν ὑπόμνημα τοῦ περὶ Ὀσίριδος πάθους, ᾗ τινες ὑπολαμβάνουσιν, ἀλλʼ οἰνωμένους παρακαλεῖν αὑτοὺς χρῆσθαι τοῖς παροῦσι καὶ ἀπολαύειν, ὡς πάντας αὐτίκα μάλα τοιούτους ἐσομένους, ἄχαριν ἐπίκωμον ἐπεισάγουσι.

そして初めて人けのない所に着くと、ひとりきりになって櫃を開き、自分の顔をその顔に押し当てて口づけし、泣いた。子が黙って後ろから近づいて見ていると、彼女はそれに気づいて振り向き、怒りのあまり恐ろしい目でにらみつけた。子はその恐怖に耐えられず、死んでしまった。しかしある人々は、そうではなく、先に述べたように〔船から〕海へと落ちたのだ、と言う。そして彼は女神のゆえに栄誉を受けている。というのも、エジプト人が宴会の席で歌うマネロースとは、この子のことだからである。しかしある人々は、その子はパライスティノスあるいはペールーシオスと呼ばれ、その町は女神によって建てられて、彼にちなんで名づけられた、と言う。そして歌われるマネロースは音楽を最初に発見した者だ、と伝える。しかしある人々は、それは誰の名でもなく、酒を飲み祝宴を楽しむ人々にふさわしい言い回しで、「このようなことがめでたくありますように」という意味だと言う。というのも、エジプト人はそのたびごとに、この〔祈り〕を「マネロース」という語で言い表して叫ぶからである。ちょうど、彼らに示される、小箱に入れられて持ち回られる死人の像が、ある人々が考えるようにオシリスの受難の記念ではないように。そうではなく、酔った者たちに、目の前のものを用い楽しむよう自らに勧めさせるためのものなのである――すぐにでも皆そのようになるのだから、と。そのために彼らはそれを、優雅ならざる酒宴の客として持ち込むのである。

τῆς δʼ Ἴσιδος πρὸς τὸν υἱὸν Ὧρον ἐν Βούτῳ τρεφόμενον πορευθείσης, τὸ δʼ ἀγγεῖον ἐκποδὼν ἀποθεμένης Τυφῶνα κυνηγετοῦντα νύκτωρ πρὸς τὴν σελήνην ἐντυχεῖν αὐτῷ, καὶ τὸ σῶμα γνωρίσαντα διελεῖν εἰς τεσσαρεσκαίδεκα μέρη καὶ διαρρῖψαι· τὴν δʼ Ἶσιν πυθομένην ἀναζητεῖν ἐν βάριδι παπυρίνῃ τὰ ἕλη διεκπλέουσαν· ὅθεν οὐκ ἀδικεῖσθαι τοὺς ἐν παπυρίνοις σκάφεσι πλέοντας ὑπὸ τῶν κροκοδείλων, ἢ φοβουμένων ἢ σεβομένων νὴ διὰ τὴν θεόν. ἐκ τούτου δὲ καὶ πολλοὺς τάφους Ὀσίριδος ἐν Αἰγύπτῳ λέγεσθαι διὰ τὸ προστυγχάνουσαν ἑκάστῳ μέρει ταφὰς ποιεῖν. οἱ δʼ οὔ φασιν, ἀλλʼ εἴδωλα ποιουμένην διδόναι καθʼ ἑκάστην πόλιν ὡς τὸ σῶμα διδοῦσαν ὅπως παρὰ πλείοσιν ἔχῃ τιμάς, κἂν ὁ Τυφὼν ἐπικρατήσῃ τοῦ Ὥρου, τὸν ἀληθινὸν τάφον ζητῶν, πολλῶν λεγομένων καὶ δεικνυμένων ἀπαγορεύσῃ. μόνον δὲ τῶν μερῶν τοῦ Ὀσίριδος τὴν Ἶσιν οὐχ εὑρεῖν τὸ αἰδοῖον· εὐθὺς γὰρ εἰς τὸν ποταμὸν ῥιφῆναι καὶ γεύσασθαι τόν τε λεπιδωτὸν αὐτοῦ καὶ τὸν φάγρον καὶ τὸν ὀξύρυγχον, οὓς μάλιστα τῶν ἰχθύων ἀφοσιοῦσθαι· τὴν δʼ Ἶσιν ἀντʼ ἐκείνου μίμημα ποιησαμένην καθιερῶσαι τὸν φαλλόν, ᾧ καὶ νῦν ἑορτάζειν τοὺς Αἰγυπτίους.

イシスが、ブートーで養われていた息子ホロスのもとへ行き、容器を人目につかぬところに置いておいたとき、テュポンが夜、月明かりのもとで狩りをしていてそれに行き当たり、体に気づいて十四の部分に切り分け、まき散らした。イシスはそれを知って、パピルスの小舟で沼地を漕ぎめぐって探した。それゆえ、パピルスの舟で航行する人々はワニに害されない。ワニは女神のゆえに、恐れるか、あるいは誓って崇めるかしているのである。このことから、エジプトにはオシリスの墓が多くあると言われている。イシスがそれぞれの部分に行き当たるたびに、そこに墓を造ったからである。しかしある人々はそうではないと言い、イシスは像を造って、それぞれの町に、体を与えるかのように与えたのだ、と言う。それは、オシリスがより多くの人々のもとで栄誉を受けるためであり、また、もしテュポンがホロスに打ち勝ったとしても、本当の墓を探しながら、多くの墓が言われ示されるので、あきらめるようにするためであった。オシリスの部分のうち、イシスが見つけられなかったのは陰部だけであった。それはすぐに川に投げ込まれ、レピドトスとパグロスとオクシュリュンコスがそれを食べたのである。これらの魚をエジプト人はとりわけ忌み避けている。イシスはその代わりに模造品を作り、ファロスを聖別した。それを今でもエジプト人は祭りで祝っている。

ἔπειτα τῷ Ὥρῳ τὸν Ὄσιριν ἐξ ᾍδου παραγενόμενον διαπονεῖν ἐπὶ τὴν μάχην καὶ ἀσκεῖν, εἶτα διερωτῆσαι τί κάλλιστον ἡγεῖται· τοῦ δὲ φήσαντος τῷ πατρὶ καὶ μητρὶ τιμωρεῖν κακῶς παθοῦσιν δεύτερον ἐρέσθαι τί χρησιμώτατον οἴεται ζῷον εἰς μάχην ἐξιοῦσι· τοῦ δʼ Ὥρου ἵππον εἰπόντος, ἐπιθαυμάσαι καὶ διαπορῆσαι, πῶς οὐ λέοντα μᾶλλον ἀλλʼ ἵππον εἶπεν. εἰπεῖν οὖν τὸν Ὧρον ὡς λέων μὲν ὠφέλιμον ἐπιδεομένῳ βοηθείας, ἵππος δὲ φεύγοντα διασπάσαι καὶ καταναλῶσαι τὸν πολέμιον. ἀκούσαντʼ οὖν ἡσθῆναι τὸν Ὄσιριν, ὡς ἱκανῶς παρασκευασαμένου τοῦ Ὥρου. λέγεται δʼ ὅτι, πολλῶν μετατιθεμένων ἀεὶ πρὸς τὸν Ὧρον, καὶ ἡ παλλακὴ τοῦ Τυφῶνος ἀφίκετο Θούηρις. ὄφις δέ τις ἐπιδιώκων αὐτὴν ὑπὸ τῶν περὶ τὸν Ὧρον κατεκόπη, καὶ νῦν διὰ τοῦτο σχοινίον τι προβάλλοντες εἰς μέσον κατακόπτουσι. τὴν μὲν οὖν μάχην ἐπὶ πολλὰς ἡμέρας γενέσθαι καὶ κρατῆσαι τὸν Ὧρον· τὸν Τυφῶνα δὲ τὴν Ἶσιν δεδεμένον παραλαβοῦσαν οὐκ ἀνελεῖν, ἀλλὰ καὶ λῦσαι καὶ μεθεῖναι· τὸν δʼ Ὧρον οὐ μετρίως ἐνεγκεῖν, ἀλλʼ ἐπιβαλόντα τῇ μητρὶ τὰς χεῖρας ἀποσπάσαι τῆς κεφαλῆς τὸ βασίλειον· Ἑρμῆν δὲ περιθεῖναι βούκρανον αὐτῇ κράνος. τοῦ δὲ Τυφῶνος δίκην τῷ Ὥρῳ νοθείας λαχόντος, βοηθήσαντος δὲ τοῦ Ἑρμοῦ, καὶ τὸν Ὧρον ὑπὸ τῶν θεῶν γνήσιον κριθῆναι, τὸν δὲ Τυφῶνα δυσὶν ἄλλαις μάχαις καταπολεμηθῆναι. τὴν δʼ Ἶσιν ἐξ Ὀσίριδος μετὰ τὴν τελευτὴν συγγενομένου τεκεῖν ἠλιτόμηνον καὶ ἀσθενῆ τοῖς κάτωθεν γυίοις τὸν Ἁρποκράτην.

その後、オシリスが冥府からホロスのもとにやって来て、戦いに向けて彼を鍛え、訓練し、それから、何が最も美しいと考えるかと問うた。ホロスが、ひどい目に遭った父と母のために報復することだと答えると、オシリスは次に、戦いに出る者にとってどの動物が最も役に立つと思うかと尋ねた。ホロスが馬と言うと、オシリスは驚いて、なぜ獅子でなく馬と言ったのかと怪しんだ。そこでホロスは、獅子は助けを必要とする者に役立つが、馬は逃げる敵を追い散らし、滅ぼし尽くすのだ、と言った。これを聞いてオシリスは、ホロスが十分に準備ができたとして喜んだ。また、多くの者がつねにホロスの側に寝返ってくる中で、テュポンの妾トゥエーリスもやって来た、と言われている。そして彼女を追ってきた一匹の蛇が、ホロスの側の者たちによって切り刻まれた。それゆえ今でも彼らは一本の縄を真ん中に投げ出して切り刻むのである。さて、戦いは多くの日にわたって続き、ホロスが勝った。しかしイシスは、縛られたテュポンを引き渡されると、殺さず、それどころか縛めを解いて放してしまった。ホロスはこれを穏やかには受け止めず、母に手をかけて、その頭から王冠を引きはがした。そこでヘルメスが、彼女に牛の頭の兜をかぶせた。テュポンがホロスを庶子であるとして訴えたが、ヘルメスが助けたので、ホロスは神々によって嫡出と判定された。そしてテュポンは、ほかの二つの戦いで打ち負かされた。イシスは、死後に自分と交わったオシリスによって、ハルポクラテスを産んだ。彼は月足らずで生まれ、下肢が弱かった。

ταῦτα σχεδόν ἐστι τοῦ μύθου τὰ κεφάλαια τῶν δυσφημοτάτων ἐξαιρεθέντων, οἷόν ἐστι τὸ περὶ τὸν Ὥρου διαμελισμὸν καὶ τὸν Ἴσιδος ἀποκεφαλισμόν. ὅτι μὲν οὖν, εἰ ταῦτα περὶ τῆς μακαρίας καὶ ἀφθάρτου φύσεως, καθʼ ἣν μάλιστα νοεῖται τὸ θεῖον, ὡς ἀληθῶς πραχθέντα καὶ συμπεσόντα δοξάζουσι καὶ λέγουσιν, ἀποπτύσαι δεῖ καὶ καθήρασθαι στόμα κατʼ Αἰσχύλον, οὐδὲν δεῖ λέγειν πρὸς σέ. καὶ γὰρ αὐτὴ δυσκολαίνεις τοῖς οὕτω παρανόμους καὶ βαρβάρους δόξας περὶ θεῶν ἔχουσιν. ὅτι δʼ οὐκ ἔοικε ταῦτα κομιδῇ μυθεύμασιν ἀραιοῖς καὶ διακένοις πλάσμασιν, οἷα ποιηταὶ καὶ λογογράφοι καθάπερ οἱ ἀράχναι γεννῶντες ἀφʼ ἑαυτῶν ἀπʼ ἀρχῆς ἀνυποθέτου ὑφαίνουσι καὶ ἀποτείνουσιν, ἀλλʼ ἔχει τινὰς ἱστορίας καὶ παθῶν διηγήσεις, οἶσθʼ αὐτή, καὶ καθάπερ οἱ μαθηματικοὶ τὴν ἶριν ἔμφασιν εἶναι τοῦ ἡλίου λέγουσι ποικιλλομένην τῇ πρὸς τὸ νέφος ἀναχωρήσει τῆς ὄψεως, οὕτως μῦθος ἐνταῦθα λόγου τινὸς ἔμφασίς ἐστιν ἀνακλῶντος ἐπʼ ἄλλα τὴν διάνοιαν, ὡς ὑποδηλοῦσιν αἵ τε θυσίαι τὸ πένθιμον ἔχουσαι καὶ σκυθρωπὸν ἐμφαινόμενον, αἵ τε τῶν ναῶν διαθέσεις πῆ μὲν ἀνειμένων εἰς πτερὰ καὶ δρόμους ὑπαιθρίους καὶ καθαρούς, πῆ δὲ κρυπτὰ καὶ σκότια κατὰ γῆς ἐχόντων στολιστήρια Θηβαίοις ἐοικότα καὶ σηκοῖς· οὐχ ἥκιστα δʼ ἡ τῶν Ὀσιρείων δόξα, πολλαχοῦ κεῖσθαι λεγομένου τοῦ σώματος· τὴν τε γὰρ Διοχίτην ὀνομάζεσθαι πολίχνην λέγουσιν, ὡς μόνην τὸν ἀληθινὸν ἔχουσαν, ἔν τʼ Ἀβύδῳ τοὺς εὐδαίμονας τῶν Αἰγυπτίων καὶ δυνατοὺς μάλιστα θάπτεσθαι, φιλοτιμουμένους ὁμοτάφους εἶναι τοῦ σώματος Ὀσίριδος, ἐν δὲ Μέμφει τρέφεσθαι τὸν Ἆπιν, εἴδωλον ὄντα τῆς ἐκείνου ψυχῆς, ὅπου καὶ τὸ σῶμα κεῖσθαι· καὶ τὴν μὲν πόλιν οἱ μὲν ὅρμον ἀγαθῶν ἑρμηνεύουσιν, οἱ δʼ ἰδίως τάφον Ὀσίριδος. τὴν δὲ πρὸς Φίλαις †νιστιτάνην ἄλλως μὲν ἄβατον ἅπασι καὶ ἀπροσπέλαστον εἶναι καὶ μηδʼ ὄρνιθας ἐπʼ αὐτὴν καταίρειν μηδʼ ἰχθῦς προσπελάζειν, ἑνὶ δὲ καιρῷ τοὺς ἱερεῖς διαβαίνοντας ἐναγίζειν καὶ καταστέφειν τὸ σῆμα μηθίδης φυτῷ περισκιαζόμενον, ὑπεραίροντι πάσης ἐλαίας μέγεθος.

これがだいたい神話の主要な点であり、最も口にするのをはばかられること、たとえばホロスの四肢切断やイシスの首切りのようなことは除いてある。さて、もし人々が、神的なものがとりわけそれによって考えられる至福で不滅の本性について、これらのことが本当に行われ起こったと思いなし、語るならば、アイスキュロスに倣って「唾を吐き、口を清めねばならない」ということは、あなたに何も言う必要はない。というのも、あなた自身、神々についてこのように無法で野蛮な考えをもつ人々を嫌っているからである。しかし、これらのことが、詩人や物語作家たちが、ちょうど蜘蛛のように、根拠のない始まりから自分自身のうちから生み出して織り、紡ぎ出すような、まったくの薄っぺらな作り話や空虚なこしらえごとに似ているのではなく、ある種の出来事や受難の物語を含んでいることは、あなた自身が知っている。そして、ちょうど数学者たちが、虹は、視線が雲へと反射されることによって色とりどりにされた太陽の映像であると言うように、この神話もここでは、思考を他のものへと反射させるある種のロゴス（理）の映像なのである。そのことを示唆しているのは、喪の性格をもち陰鬱さを表す犠牲であり、また神殿の配置である。それらはある所では翼廊や、屋根のない清らかな通路へと開かれており、ある所では地下に、テーバイの人々のもとのものに似た、隠された暗い衣装部屋や聖室をもっている。とりわけそれを示しているのは、オシリスの墓についての信仰である。その体が多くの場所に横たわっていると言われているのである。というのも、人々は、ディオキテスという小さな町が、ただ一つ本物を所有しているのでそう呼ばれていると言い、またアビュドスには、エジプト人のうちの裕福で最も有力な者たちが、オシリスの体と同じ墓に葬られることを名誉として求めて葬られると言い、またメンフィスでは、オシリスの魂の像であるアピスが養われており、そこにその体も横たわっていると言うからである。そしてその町の名を、ある者は「善きものの港」と解釈し、ある者は特に「オシリスの墓」と解釈する。またフィライのそばの†ニスティタネー〔島〕は、ほかの時にはすべての者にとって足を踏み入れることのできない近寄りがたい所であり、鳥もそこに降りず、魚も近づかないが、ある一つの時期に祭司たちが渡って行って供物を捧げ、メーティデーの木――それはどんなオリーブの木よりも大きく伸びている――の陰に覆われた墓に花輪を掛けるのだ、と言う。