PLATO · PROTAGORAS · 316a–328d

第2部　徳は教えられるか――プロタゴラスの大演説

Part II — Can Virtue Be Taught? The Great Speech of Protagoras

Stephanus 316a–328d全 8 区分日希逐語訳

プロタゴラスは、昔のソフィストたちは詩や秘儀や体育を隠れみのにしたが、自分はソフィストであることを公言すると語り、弟子は日ごとによりすぐれた者になると約束する。それは人々を善い市民にする政治の技術かと問うソクラテスは、アテナイ人が政治のことでは誰の助言でも聞くことや、ペリクレスが息子たちに徳を伝えられなかったことを挙げて、徳は教えられないのではないかと疑う。これに答えてプロタゴラスは、エピメテウスが力を配り忘れ、プロメテウスが火と技術を盗み、ゼウスがすべての人に慎みと正義を分け与えたという物語を語り、さらに懲らしめの意味や、子どもの時から一生続く教育を挙げて、徳は教えられるものだと論じる。

ひと目でわかる超要約プロタゴラス（第2部）の要点

解説・位置づけこの箇所の背景と読みどころ

「政治的徳は教えられる」と宣言するプロタゴラスに対し、ソクラテスがアテナイ民会の慣行と指導者の息子の例から疑義を呈する。プロタゴラスは「プロメテウスの神話」と教育・刑罰の教育的意味を語る見事な大演説で応じる。（『プロタゴラス』全体の位置づけ：大ソフィストのプロタゴラスらが集う富豪カリアスの邸宅を舞台に、「徳は教えられるか」「知恵・節制・勇気・正義・敬虔という徳は別々の部分か、すべて知識という一つのものか」をめぐり、ソクラテスとプロタゴラスが白熱の議論を繰り広げる華やかな対話篇。）

重要語句・哲学概念の読み方

プロメテウスの神話（技術知と政治的徳）: プロtagorasが語った人類起源神話。プロメテウスが盗んだ「火と職人の技術知」だけでは人間は猛獣や互いの不正で滅びかけたため、ゼウスがヘルメスを遣わし、専門技術とは異なり「慎みと正義（政治的徳）」を全人類に等しく配分した。
徳の単一性（金の断片か、顔の部分か）: 正義・節制・敬虔・知恵・勇気という五つの徳は、目・鼻・口のように機能も性質も異なる「顔の部分」なのか、それとも大きさだけが異なる「金の断片」のように本質的に一つの「知恵（知識）」なのかという根本問題。
快楽に負けること（アクラシア）の否定と測定術: 「善いと知りながら快楽に負けて悪を行う」という世間の常識を退け、近くの快楽が大きく遠くの苦痛が小さく見える錯覚を正す「測定の技術と知識」さえあれば、知が情念に引きずり回されることはないとするソクラテスの主知主義。

表示：

ソフィストの技術は古い――隠れみのを使わないプロタゴラス316a–317e

316a

ἡμεῖς οὖν ὡς εἰσήλθομεν, ἔτι σμίκρʼ ἄττα διατρίψαντες καὶ ταῦτα διαθεασάμενοι προσῇμεν πρὸς τὸν Πρωταγόραν, καὶ ἐγὼ εἶπον· ὦ Πρωταγόρα, πρὸς σέ τοι ἤλθομεν ἐγώ τε καὶ Ἱπποκράτης οὗτος. πότερον, ἔφη, μόνῳ βουλόμενοι διαλεχθῆναι ἢ καὶ μετὰ τῶν ἄλλων; ἡμῖν μέν, ἦν δʼ ἐγώ, οὐδὲν διαφέρει· ἀκούσας δὲ οὗ ἕνεκα ἤλθομεν, αὐτὸς σκέψαι. τί οὖν δή ἐστιν, ἔφη, οὗ ἕνεκα ἥκετε; Ἱπποκράτης ὅδε ἐστὶν μὲν τῶν ἐπιχωρίων, Ἀπολλοδώρου ὑός, οἰκίας μεγάλης τε καὶ εὐδαίμονος, αὐτὸς δὲ τὴν φύσιν δοκεῖ ἐνάμιλλος εἶναι τοῖς ἡλικιώταις. ἐπιθυμεῖν δέ μοι δοκεῖ ἐλλόγιμος γενέσθαι ἐν τῇ πόλει, τοῦτο δὲ οἴεταί οἱ μάλιστʼ ἂν γενέσθαι, εἰ σοὶ συγγένοιτο· ταῦτʼ οὖν ἤδη σὺ σκόπει, πότερον περὶ αὐτῶν μόνος οἴει δεῖν διαλέγεσθαι πρὸς μόνους, ἢ μετʼ ἄλλων. ὀρθῶς, ἔφη, προμηθῇ, ὦ Σώκρατες, ὑπὲρ ἐμοῦ. ξένον γὰρ ἄνδρα καὶ ἰόντα εἰς πόλεις μεγάλας, καὶ ἐν ταύταις πείθοντα τῶν νέων τοὺς βελτίστους ἀπολείποντας τὰς τῶν ἄλλων συνουσίας, καὶ οἰκείων καὶ ὀθνείων, καὶ πρεσβυτέρων καὶ νεωτέρων, ἑαυτῷ συνεῖναι ὡς βελτίους ἐσομένους διὰ τὴν ἑαυτοῦ συνουσίαν, χρὴ εὐλαβεῖσθαι τὸν ταῦτα πράττοντα· οὐ γὰρ σμικροὶ περὶ αὐτὰ φθόνοι τε γίγνονται καὶ ἄλλαι δυσμένειαί τε καὶ ἐπιβουλαί. ἐγὼ δὲ τὴν σοφιστικὴν τέχνην φημὶ μὲν εἶναι παλαιάν, τοὺς δὲ μεταχειριζομένους αὐτὴν τῶν παλαιῶν ἀνδρῶν, φοβουμένους τὸ ἐπαχθὲς αὐτῆς, πρόσχημα ποιεῖσθαι καὶ προκαλύπτεσθαι, τοὺς μὲν ποίησιν, οἷον Ὅμηρόν τε καὶ Ἡσίοδον καὶ Σιμωνίδην, τοὺς δὲ αὖ τελετάς τε καὶ χρησμῳδίας, τοὺς ἀμφί τε Ὀρφέα καὶ Μουσαῖον· ἐνίους δέ τινας ᾔσθημαι καὶ γυμναστικήν, οἷον Ἴκκος τε ὁ Ταραντῖνος καὶ ὁ νῦν ἔτι ὢν οὐδενὸς ἥττων σοφιστὴς Ἡρόδικος ὁ Σηλυμβριανός, τὸ δὲ ἀρχαῖον Μεγαρεύς· μουσικὴν δὲ Ἀγαθοκλῆς τε ὁ ὑμέτερος πρόσχημα ἐποιήσατο, μέγας ὢν σοφιστής, καὶ Πυθοκλείδης ὁ Κεῖος καὶ ἄλλοι πολλοί. οὗτοι πάντες, ὥσπερ λέγω, φοβηθέντες τὸν φθόνον ταῖς τέχναις ταύταις παραπετάσμασιν ἐχρήσαντο. ἐγὼ δὲ τούτοις ἅπασιν κατὰ τοῦτο εἶναι οὐ συμφέρομαι· ἡγοῦμαι γὰρ αὐτοὺς οὔ τι διαπράξασθαι ὃ ἐβουλήθησαν—οὐ γὰρ λαθεῖν τῶν ἀνθρώπων τοὺς δυναμένους ἐν ταῖς πόλεσι πράττειν, ὧνπερ ἕνεκα ταῦτʼ ἐστὶν τὰ προσχήματα· ἐπεὶ οἵ γε πολλοὶ ὡς ἔπος εἰπεῖν οὐδὲν αἰσθάνονται, ἀλλʼ ἅττʼ ἂν οὗτοι διαγγέλλωσι, ταῦτα ὑμνοῦσιν—τὸ οὖν ἀποδιδράσκοντα μὴ δύνασθαι ἀποδρᾶναι, ἀλλὰ καταφανῆ εἶναι, πολλὴ μωρία καὶ τοῦ ἐπιχειρήματος, καὶ πολὺ δυσμενεστέρους παρέχεσθαι ἀνάγκη τοὺς ἀνθρώπους· ἡγοῦνται γὰρ τὸν τοιοῦτον πρὸς τοῖς ἄλλοις καὶ πανοῦργον εἶναι. ἐγὼ οὖν τούτων τὴν ἐναντίαν ἅπασαν ὁδὸν ἐλήλυθα, καὶ ὁμολογῶ τε σοφιστὴς εἶναι καὶ παιδεύειν ἀνθρώπους, καὶ εὐλάβειαν ταύτην οἶμαι βελτίω ἐκείνης εἶναι, τὸ ὁμολογεῖν μᾶλλον ἢ ἔξαρνον εἶναι· καὶ ἄλλας πρὸς ταύτῃ ἔσκεμμαι, ὥστε, σὺν θεῷ εἰπεῖν, μηδὲν δεινὸν πάσχειν διὰ τὸ ὁμολογεῖν σοφιστὴς εἶναι. καίτοι πολλά γε ἔτη ἤδη εἰμὶ ἐν τῇ τέχνῃ· καὶ γὰρ καὶ τὰ σύμπαντα πολλά μοί ἐστιν— οὐδενὸς ὅτου οὐ πάντων ἂν ὑμῶν καθʼ ἡλικίαν πατὴρ εἴην —ὥστε πολύ μοι ἥδιστόν ἐστιν, εἴ τι βούλεσθε, περὶ τούτων ἁπάντων ἐναντίον τῶν ἔνδον ὄντων τὸν λόγον ποιεῖσθαι. καὶ ἐγώ—ὑπώπτευσα γὰρ βούλεσθαι αὐτὸν τῷ τε Προδίκῳ καὶ τῷ Ἱππίᾳ ἐνδείξασθαι καὶ καλλωπίσασθαι ὅτι ἐρασταὶ αὐτοῦ ἀφιγμένοι εἶμεν— τί οὖν, ἔφην ἐγώ, οὐ καὶ Πρόδικον καὶ Ἱππίαν ἐκαλέσαμεν καὶ τοὺς μετʼ αὐτῶν, ἵνα ἐπακούσωσιν ἡμῶν; πάνυ μὲν οὖν, ἔφη ὁ Πρωταγόρας. βούλεσθε οὖν, ὁ Καλλίας ἔφη, συνέδριον κατασκευάσωμεν, ἵνα καθεζόμενοι διαλέγησθε; ἐδόκει χρῆναι· ἅσμενοι δὲ πάντες ἡμεῖς, ὡς ἀκουσόμενοι ἀνδρῶν σοφῶν, καὶ αὐτοί τε ἀντιλαβόμενοι τῶν βάθρων καὶ τῶν κλινῶν κατεσκευάζομεν παρὰ τῷ Ἱππίᾳ—ἐκεῖ γὰρ προϋπῆρχε τὰ βάθρα—ἐν δὲ τούτῳ Καλλίας τε καὶ Ἀλκιβιάδης ἡκέτην ἄγοντε τὸν Πρόδικον, ἀναστήσαντες ἐκ τῆς κλίνης, καὶ τοὺς μετὰ τοῦ Προδίκου.

ソクラテス

さて私たちは、入ってから、なおしばらく時を過ごし、これらのことを見てまわったうえで、プロタゴラスのところへ進み寄った。そして私は言った。「プロタゴラス、あなたのところへ、私とこのヒッポクラテスとはやって来たのだ」。「それは」と彼は言った、「私とだけ問答したいと思ってのことかね、それともほかの人たちとも一緒にかね」。「私たちにとっては」と私は言った、「何の違いもない。だが、私たちが何のために来たのかを聞いたうえで、あなた自身が考えてくれたまえ」。「では、いったい何のために来たのかね」と彼は言った。「ここにいるヒッポクラテスは、この土地の者で、アポロドロスの息子であり、大きく富裕な家の出だ。そして彼自身は、生まれつきの資質の点で、同じ年ごろの者たちと張り合えると思われている。そして彼は、国において名の知られた者になることを望んでいるように私には思われる。そして、もしあなたと交わるなら、それが何よりも自分に実現するだろうと考えているのだ。そこで今度はあなたが、これらのことについて、ひとりで私たちだけと問答しなければならないと思うか、それともほかの人たちと一緒にかを考えてくれたまえ」。「ソクラテス」と彼は言った、「私のために、正しく先を見て配慮してくれている。というのも、外国人でありながら大きな国々へ行き、そこで若者たちのうちの最もすぐれた者たちに、ほかの人たちとの交わり――身内の者であれよその者であれ、年長の者であれ年少の者であれ――を捨てて、自分との交わりによってよりすぐれた者になれるとして自分と交わるよう説得する、そのようなことをする者は用心しなければならないのだから。というのも、それについては、小さくない妬みや、ほかの敵意やたくらみが生じるのだからね。さて私は、ソフィストの技術は古いものだと言うのだ。ただ、昔の人たちのうちでそれを扱っていた者たちは、その厄介さを恐れて、隠れみのを作り、それで覆い隠していたのだ。ある者たちは詩作を、たとえばホメロスやヘシオドスやシモニデスのようにね。またある者たちは秘儀や神託の歌を、オルペウスやムサイオスのまわりの人たちのようにね。またある者たちは、私の気づいたところでは、体育をも隠れみのにしていた。たとえばタラスのイッコスや、今もなお生きていて誰にも劣らぬソフィストである、セリュンブリアの、もとはメガラのヘロディコスのようにね。音楽を隠れみのにしたのは、君たちのところのアガトクレスで、彼は偉大なソフィストだった。またケオスのピュトクレイデスや、ほかの多くの人たちもそうだ。これらの人たちは皆、私の言うように、妬みを恐れて、これらの技術を幕として用いたのだ。けれども私は、この点で、これらの人たち全員と同意見ではない。というのも、彼らは自分たちが望んだことを少しも成し遂げなかったと私は考えるのだ。――というのも、彼らは、国々で事を行なう力のある人たちには気づかれずにはいなかったのだから。まさにその人たちのために、これらの隠れみのはあるのだが。というのも、多くの人たちは、いわば何も気づかず、この人たちが言いふらすことを、そのまま褒めそやすのだから――。そこで、逃げようとしながら逃げおおせることができず、見えてしまうというのは、その企ての大きな愚かさであり、人々をはるかに敵意あるものにすることが必然なのだ。というのも、人々は、そのような者は、ほかのことに加えて、悪党でもあると考えるのだから。そこで私は、これらの人たちとはまったく反対の道を歩んできたのだ。そして、自分がソフィストであり、人々を教育していることを認めている。そして、この用心のほうが、あの用心よりもすぐれていると思っている。否定するよりも認めるほうがね。そして、これに加えて、ほかの用心も考えてきた。その結果、神のおかげで言えば、ソフィストであると認めているために何も恐ろしい目にはあっていないのだ。しかも、私はもう多くの年月をこの技術のうちで過ごしてきた。じっさい、私の年齢はすべてを合わせれば多いのだから――君たちのうちの誰に対しても、年齢からすれば父親であってもおかしくないほどにね――。だから、もし君たちが何か望むなら、これらすべてのことについて、中にいる人たちの前で話をするのが、私にとってははるかに最も快いのだ」。そこで私は――というのも、彼がプロディコスとヒッピアスに見せつけ、自分を恋する者たちとして私たちがやって来たことを誇りたいのだろうと疑ったので――言った。「では、プロディコスとヒッピアスと、その仲間の人たちも呼んで、私たちの話を聞いてもらってはどうだろう」。「ぜひそうしよう」とプロタゴラスは言った。「それでは」とカリアスが言った、「座って問答できるように、座席を用意しようか」。そうすべきだと思われた。そして私たちは皆、知恵ある人たちの話を聞けるというので喜んで、自分たちでも腰掛けや寝椅子をつかんで、ヒッピアスのそばにしつらえた――そこには先に腰掛けがあったので――。そうしているうちに、カリアスとアルキビアデスとが、プロディコスを寝椅子から起こして、プロディコスの仲間たちと一緒に連れて来た。

日ごとによりすぐれた者に――政治の技術という看板317e–319a

317e

ἐπεὶ δὲ πάντες συνεκαθεζόμεθα, ὁ Πρωταγόρας, νῦν δὴ ἄν, ἔφη, λέγοις, ὦ Σώκρατες, ἐπειδὴ καὶ οἵδε πάρεισιν, περὶ ὧν ὀλίγον πρότερον μνείαν ἐποιοῦ πρὸς ἐμὲ ὑπὲρ τοῦ νεανίσκου. καὶ ἐγὼ εἶπον ὅτι ἡ αὐτή μοι ἀρχή ἐστιν, ὦ Πρωταγόρα, ἥπερ ἄρτι, περὶ ὧν ἀφικόμην. Ἱπποκράτης γὰρ ὅδε τυγχάνει ἐν ἐπιθυμίᾳ ὢν τῆς σῆς συνουσίας· ὅτι οὖν αὐτῷ ἀποβήσεται, ἐάν σοι συνῇ, ἡδέως ἄν φησι πυθέσθαι. τοσοῦτος ὅ γε ἡμέτερος λόγος. ὑπολαβὼν οὖν ὁ Πρωταγόρας εἶπεν· ὦ νεανίσκε, ἔσται τοίνυν σοι, ἐὰν ἐμοὶ συνῇς, ᾗ ἂν ἡμέρᾳ ἐμοὶ συγγένῃ, ἀπιέναι οἴκαδε βελτίονι γεγονότι, καὶ ἐν τῇ ὑστεραίᾳ ταὐτὰ ταῦτα· καὶ ἑκάστης ἡμέρας ἀεὶ ἐπὶ τὸ βέλτιον ἐπιδιδόναι. καὶ ἐγὼ ἀκούσας εἶπον· ὦ Πρωταγόρα, τοῦτο μὲν οὐδὲν θαυμαστὸν λέγεις, ἀλλὰ εἰκός, ἐπεὶ κἂν σύ, καίπερ τηλικοῦτος ὢν καὶ οὕτως σοφός, εἴ τίς σε διδάξειεν ὃ μὴ τυγχάνοις ἐπιστάμενος, βελτίων ἂν γένοιο. ἀλλὰ μὴ οὕτως, ἀλλʼ ὥσπερ ἂν εἰ αὐτίκα μάλα μεταβαλὼν τὴν ἐπιθυμίαν Ἱπποκράτης ὅδε ἐπιθυμήσειεν τῆς συνουσίας τούτου τοῦ νεανίσκου τοῦ νῦν νεωστὶ ἐπιδημοῦντος, Ζευξίππου τοῦ Ἡρακλεώτου, καὶ ἀφικόμενος παρʼ αὐτόν, ὥσπερ παρὰ σὲ νῦν, ἀκούσειεν αὐτοῦ ταὐτὰ ταῦτα ἅπερ σοῦ, ὅτι ἑκάστης ἡμέρας συνὼν αὐτῷ βελτίων ἔσται καὶ ἐπιδώσει, εἰ αὐτὸν ἐπανέροιτο· τί δὴ φῂς βελτίω ἔσεσθαι καὶ εἰς τί ἐπιδώσειν; εἴποι ἂν αὐτῷ ὁ Ζεύξιππος ὅτι πρὸς γραφικήν· κἂν εἰ Ὀρθαγόρᾳ τῷ Θηβαίῳ συγγενόμενος, ἀκούσας ἐκείνου ταὐτὰ ταῦτα ἅπερ σοῦ, ἐπανέροιτο αὐτὸν εἰς ὅτι βελτίων καθʼ ἡμέραν ἔσται συγγιγνόμενος ἐκείνῳ, εἴποι ἂν ὅτι εἰς αὔλησιν· οὕτω δὴ καὶ σὺ εἰπὲ τῷ νεανίσκῳ καὶ ἐμοὶ ὑπὲρ τούτου ἐρωτῶντι, Ἱπποκράτης ὅδε Πρωταγόρᾳ συγγενόμενος, ᾗ ἂν αὐτῷ ἡμέρᾳ συγγένηται, βελτίων ἄπεισι γενόμενος καὶ τῶν ἄλλων ἡμερῶν ἑκάστης οὕτως ἐπιδώσει εἰς τί, ὦ Πρωταγόρα, καὶ περὶ τοῦ; καὶ ὁ Πρωταγόρας ἐμοῦ ταῦτα ἀκούσας, σύ τε καλῶς ἐρωτᾷς, ἔφη, ὦ Σώκρατες, καὶ ἐγὼ τοῖς καλῶς ἐρωτῶσι χαίρω ἀποκρινόμενος. Ἱπποκράτης γὰρ παρʼ ἐμὲ ἀφικόμενος οὐ πείσεται ἅπερ ἂν ἔπαθεν ἄλλῳ τῳ συγγενόμενος τῶν σοφιστῶν. οἱ μὲν γὰρ ἄλλοι λωβῶνται τοὺς νέους· τὰς γὰρ τέχνας αὐτοὺς πεφευγότας ἄκοντας πάλιν αὖ ἄγοντες ἐμβάλλουσιν εἰς τέχνας, λογισμούς τε καὶ ἀστρονομίαν καὶ γεωμετρίαν καὶ μουσικὴν διδάσκοντες —καὶ ἅμα εἰς τὸν Ἱππίαν ἀπέβλεψεν— παρὰ δʼ ἐμὲ ἀφικόμενος μαθήσεται οὐ περὶ ἄλλου του ἢ περὶ οὗ ἥκει. τὸ δὲ μάθημά ἐστιν εὐβουλία περὶ τῶν οἰκείων, ὅπως ἂν ἄριστα τὴν αὑτοῦ οἰκίαν διοικοῖ, καὶ περὶ τῶν τῆς πόλεως, ὅπως τὰ τῆς πόλεως δυνατώτατος ἂν εἴη καὶ πράττειν καὶ λέγειν. ἆρα, ἔφην ἐγώ, ἕπομαί σου τῷ λόγῳ; δοκεῖς γάρ μοι λέγειν τὴν πολιτικὴν τέχνην καὶ ὑπισχνεῖσθαι ποιεῖν ἄνδρας ἀγαθοὺς πολίτας. αὐτὸ μὲν οὖν τοῦτό ἐστιν, ἔφη, ὦ Σώκρατες, τὸ ἐπάγγελμα ὃ ἐπαγγέλλομαι.

ソクラテス

そして皆で一緒に腰をおろすと、プロタゴラスが言った。「さて今こそ、ソクラテス、この人たちも居合わせているのだから、少し前に君がこの若者のために私に向かって触れていたことについて、話してくれたまえ」。そこで私は言った。「プロタゴラス、私にとっての出発点は、さっきと同じだ。私がやって来た用件についてのね。ここにいるヒッポクラテスは、たまたまあなたとの交わりを望んでいるのだ。そこで、もしあなたと交わるなら、彼にどんなことが起こるのかを、喜んで聞きたいと言っている。私たちの話は、これだけだ」。そこでプロタゴラスが引きとって言った。「若者よ、それでは、もし私と交わるなら、君は、私と一緒に過ごしたその日には、よりすぐれた者となって家に帰ることになるだろう。そして次の日にも同じことになる。そして日ごとに、いつもよりよい方へと進歩していくだろう」。そこで私は、これを聞いて言った。「プロタゴラス、それはあなたが何も驚くべきことを言っているのではなく、もっともなことだ。というのも、あなたでさえ、これほどの年齢で、これほど知恵ある人であっても、もし誰かがあなたのたまたま知らないことを教えたなら、よりすぐれた者となるだろうから。そうではなく、こういうふうに言ってほしいのだ。たとえば、もしここにいるヒッポクラテスが、すぐにも望みを変えて、このあいだこの町にやって来たばかりのこの若者、ヘラクレイアのゼウクシッポスとの交わりを望んで、彼のところへ行き、ちょうど今あなたのところへ来たように、あなたから聞いたのと同じこと、すなわち、彼と交われば日ごとによりすぐれた者となり、進歩するだろうということを彼から聞いたとして、もし彼に尋ね返したとしよう。『いったい何においてよりすぐれた者になり、何に向かって進歩すると言うのですか』と。ゼウクシッポスは彼に、絵画に向かってだ、と言うだろう。また、もしテバイのオルタゴラスと交わって、あの人から、あなたから聞いたのと同じことを聞き、あの人と交わると日ごとに何においてよりすぐれた者となるのかと尋ね返したとしたら、笛の演奏においてだ、と言うだろう。そのようにあなたも、この若者と、この若者のために尋ねている私とに言ってくれたまえ。ここにいるヒッポクラテスは、プロタゴラスと交わると、交わったその日には、よりすぐれた者となって帰り、ほかの日々のそれぞれにも、そのように進歩するだろう。プロタゴラス、何に向かって、また何について進歩するのかね」。するとプロタゴラスは、私がこう言うのを聞いて言った。「ソクラテス、君は立派に尋ねている。そして私は、立派に尋ねる人に答えるのが喜ばしいのだ。というのも、ヒッポクラテスは、私のところへ来れば、ほかのソフィストたちの誰かと交わったなら受けたであろう目にはあわないだろうから。というのも、ほかの者たちは若者たちを損なうのだ。若者たちが技術から逃れてきたのに、また意に反して彼らを連れ戻して技術の中へ投げこむのだから。計算や天文学や幾何学や音楽を教えてね」――そして同時に、彼はヒッピアスのほうを見やった――。「だが、私のところへ来れば、彼はやって来た目的のこと以外の何についても学ばないだろう。その学科とは、身内のことについての思慮深い判断、すなわち、どうすれば自分の家を最もよく治めることができるか、そして国のことについての思慮深い判断、すなわち、どうすれば国のことを行なうにも言うにも最も有能な者となることができるか、ということだ」。「私は」と私は言った、「あなたの言うことについていけているだろうか。というのも、あなたは政治の技術のことを言っていて、人々を善い市民にすることを約束しているように私には思われるのだが」。「まさにそれこそが、ソクラテス」と彼は言った、「私が公言している看板なのだ」。

徳は教えられないのではないか――ソクラテスの疑い319a–320c

319a

ἦ καλόν, ἦν δʼ ἐγώ, τέχνημα ἄρα κέκτησαι, εἴπερ κέκτησαι· οὐ γάρ τι ἄλλο πρός γε σὲ εἰρήσεται ἢ ἅπερ νοῶ. ἐγὼ γὰρ τοῦτο, ὦ Πρωταγόρα, οὐκ ᾤμην διδακτὸν εἶναι, σοὶ δὲ λέγοντι οὐκ ἔχω ὅπως ἂν ἀπιστῶ. ὅθεν δὲ αὐτὸ ἡγοῦμαι οὐ διδακτὸν εἶναι μηδʼ ὑπʼ ἀνθρώπων παρασκευαστὸν ἀνθρώποις, δίκαιός εἰμι εἰπεῖν. ἐγὼ γὰρ Ἀθηναίους, ὥσπερ καὶ οἱ ἄλλοι Ἕλληνες, φημὶ σοφοὺς εἶναι. ὁρῶ οὖν, ὅταν συλλεγῶμεν εἰς τὴν ἐκκλησίαν, ἐπειδὰν μὲν περὶ οἰκοδομίας τι δέῃ πρᾶξαι τὴν πόλιν, τοὺς οἰκοδόμους μεταπεμπομένους συμβούλους περὶ τῶν οἰκοδομημάτων, ὅταν δὲ περὶ ναυπηγίας, τοὺς ναυπηγούς, καὶ τἆλλα πάντα οὕτως, ὅσα ἡγοῦνται μαθητά τε καὶ διδακτὰ εἶναι· ἐὰν δέ τις ἄλλος ἐπιχειρῇ αὐτοῖς συμβουλεύειν ὃν ἐκεῖνοι μὴ οἴονται δημιουργὸν εἶναι, κἂν πάνυ καλὸς ᾖ καὶ πλούσιος καὶ τῶν γενναίων, οὐδέν τι μᾶλλον ἀποδέχονται, ἀλλὰ καταγελῶσι καὶ θορυβοῦσιν, ἕως ἂν ἢ αὐτὸς ἀποστῇ ὁ ἐπιχειρῶν λέγειν καταθορυβηθείς, ἢ οἱ τοξόται αὐτὸν ἀφελκύσωσιν ἢ ἐξάρωνται κελευόντων τῶν πρυτάνεων. περὶ μὲν οὖν ὧν οἴονται ἐν τέχνῃ εἶναι, οὕτω διαπράττονται· ἐπειδὰν δέ τι περὶ τῶν τῆς πόλεως διοικήσεως δέῃ βουλεύσασθαι, συμβουλεύει αὐτοῖς ἀνιστάμενος περὶ τούτων ὁμοίως μὲν τέκτων, ὁμοίως δὲ χαλκεὺς σκυτοτόμος, ἔμπορος ναύκληρος, πλούσιος πένης, γενναῖος ἀγεννής, καὶ τούτοις οὐδεὶς τοῦτο ἐπιπλήττει ὥσπερ τοῖς πρότερον, ὅτι οὐδαμόθεν μαθών, οὐδὲ ὄντος διδασκάλου οὐδενὸς αὐτῷ, ἔπειτα συμβουλεύειν ἐπιχειρεῖ· δῆλον γὰρ ὅτι οὐχ ἡγοῦνται διδακτὸν εἶναι. μὴ τοίνυν ὅτι τὸ κοινὸν τῆς πόλεως οὕτως ἔχει, ἀλλὰ ἰδίᾳ ἡμῖν οἱ σοφώτατοι καὶ ἄριστοι τῶν πολιτῶν ταύτην τὴν ἀρετὴν ἣν ἔχουσιν οὐχ οἷοί τε ἄλλοις παραδιδόναι· ἐπεὶ Περικλῆς, ὁ τουτωνὶ τῶν νεανίσκων πατήρ, τούτους ἃ μὲν διδασκάλων εἴχετο καλῶς καὶ εὖ ἐπαίδευσεν, ἃ δὲ αὐτὸς σοφός ἐστιν οὔτε αὐτὸς παιδεύει οὔτε τῳ ἄλλῳ παραδίδωσιν, ἀλλʼ αὐτοὶ περιιόντες νέμονται ὥσπερ ἄφετοι, ἐάν που αὐτόματοι περιτύχωσιν τῇ ἀρετῇ. εἰ δὲ βούλει, Κλεινίαν, τὸν Ἀλκιβιάδου τουτουῒ νεώτερον ἀδελφόν, ἐπιτροπεύων ὁ αὐτὸς οὗτος ἀνὴρ Περικλῆς, δεδιὼς περὶ αὐτοῦ μὴ διαφθαρῇ δὴ ὑπὸ Ἀλκιβιάδου, ἀποσπάσας ἀπὸ τούτου, καταθέμενος ἐν Ἀρίφρονος ἐπαίδευε· καὶ πρὶν ἓξ μῆνας γεγονέναι, ἀπέδωκε τούτῳ οὐκ ἔχων ὅτι χρήσαιτο αὐτῷ. καὶ ἄλλους σοι παμπόλλους ἔχω λέγειν, οἳ αὐτοὶ ἀγαθοὶ ὄντες οὐδένα πώποτε βελτίω ἐποίησαν οὔτε τῶν οἰκείων οὔτε τῶν ἀλλοτρίων. ἐγὼ οὖν, ὦ Πρωταγόρα, εἰς ταῦτα ἀποβλέπων οὐχ ἡγοῦμαι διδακτὸν εἶναι ἀρετήν· ἐπειδὴ δέ σου ἀκούω ταῦτα λέγοντος, κάμπτομαι καὶ οἶμαί τί σε λέγειν διὰ τὸ ἡγεῖσθαί σε πολλῶν μὲν ἔμπειρον γεγονέναι, πολλὰ δὲ μεμαθηκέναι, τὰ δὲ αὐτὸν ἐξηυρηκέναι. εἰ οὖν ἔχεις ἐναργέστερον ἡμῖν ἐπιδεῖξαι ὡς διδακτόν ἐστιν ἡ ἀρετή, μὴ φθονήσῃς ἀλλʼ ἐπίδειξον. ἀλλʼ, ὦ Σώκρατες, ἔφη, οὐ φθονήσω· ἀλλὰ πότερον ὑμῖν, ὡς πρεσβύτερος νεωτέροις, μῦθον λέγων ἐπιδείξω ἢ λόγῳ διεξελθών; πολλοὶ οὖν αὐτῷ ὑπέλαβον τῶν παρακαθημένων ὁποτέρως βούλοιτο οὕτως διεξιέναι. δοκεῖ τοίνυν μοι, ἔφη, χαριέστερον εἶναι μῦθον ὑμῖν λέγειν.

ソクラテス

「それでは」と私は言った、「あなたは立派な技を獲得しているわけだ。もし本当に獲得しているのならね。というのも、少なくともあなたに対しては、私が考えていること以外のことは何も言わないだろうから。というのも、プロタゴラス、私はこれが教えられうるものだとは思っていなかったのだ。だが、あなたがそう言うのだから、どうして信じないでいられるかわからない。だが、私がなぜそれを教えられうるものではなく、人間によって人間に用意されうるものでもないと考えるのか、それを言うのが正当だろう。というのも、私は、ほかのギリシア人たちも言っているように、アテナイ人は知恵があると言うのだ。そこで私は見るのだが、私たちが民会に集まるとき、国が建築について何かをしなければならない場合には、建築にかんする助言者として大工たちを呼び寄せ、造船についての場合には造船工たちを呼び寄せる。そして、学ぶことができ教えることができると彼らが考えるほかのすべてのことについても、そのようにする。ところが、もし誰か、彼らが職人だと思わないほかの者が彼らに助言しようとすれば、たとえその者がたいへん美しく、富裕で、家柄のよい者であっても、少しも受け入れず、あざ笑い、騒ぎたてる。助言しようとした者自身が騒ぎたてられて引き下がるか、あるいは議長たちの命令で弓兵たちがその者を引きずりおろすか持ち上げて運び出すまでね。さて、技術のうちにあると彼らが考えることについては、このように処理するのだ。ところが、国の統治にかかわることについて何か審議しなければならないときには、立ち上がって彼らに助言するのは、大工も同じように、鍛冶屋も靴作りも同じように、商人も船主も、富裕な者も貧しい者も、家柄のよい者もそうでない者も同じようにであって、これらの者に向かっては、前の者たちに対するように、どこからも学んだことがなく、教師もいなかったのに、それでいて助言しようとしている、と非難する者は誰もいない。というのも、明らかに、彼らはそれが教えられうるものだとは考えていないのだから。さらに、国の公共のことがそのようになっているというだけでなく、私人としても、市民のうちで最も知恵があり最もすぐれた人たちが、自分たちのもっているこの徳を、ほかの人たちに伝えることができないのだ。というのも、ここにいるこの若者たちの父であるペリクレスは、教師にかかわるかぎりのことについては、この者たちを立派によく教育したが、彼自身が知恵ある者であることについては、自分で教育することも、ほかの誰かに引き渡すこともしていない。そうではなく、この者たち自身が、放し飼いの聖獣のように歩きまわって草を食んでいるのだ。どこかでひとりでに徳に出くわすことがあればと思ってね。またもしよければ、ここにいるこのアルキビアデスの弟のクレイニアスのことを考えてごらん。まさにこの同じペリクレスが後見人となっていたが、彼がアルキビアデスによって堕落させられるのではないかと恐れて、この者から引き離し、アリプロンの家に預けて教育させた。ところが、六か月もたたないうちに、どう扱ったらよいかわからずに、この者に返してしまったのだ。そして、ほかにもきわめて多くの人たちを、私はあなたに挙げることができる。その人たちは自分自身は善い人でありながら、身内の者であれよその者であれ、これまで誰一人として、よりすぐれた者にしたことがないのだ。そこで私は、プロタゴラス、これらのことに目を向けて、徳は教えられうるものではないと考えているのだ。だが、あなたがそう言うのを聞くと、私は心を曲げられて、あなたが何かもっともなことを言っていると思うのだ。あなたが多くのことに経験を積み、多くのことを学び、またあることは自分で発見したと考えるからね。そこで、もし徳が教えられうるものであることを、もっとはっきりと私たちに示すことができるのなら、物惜しみせずに示してくれたまえ」。「いや、ソクラテス」と彼は言った、「物惜しみはしないよ。だが、年長者が年少者に対するように、物語を語って示そうか、それとも言論によって詳しく述べようか」。そこで、そばに座っている人たちの多くが、彼の望むほうのやり方で詳しく述べてくれるよう応じた。「それでは」と彼は言った、「君たちに物語を語るほうが、より楽しいように私には思われる」。

プロメテウスとエピメテウスの物語320c–321c

320c

ἦν γάρ ποτε χρόνος ὅτε θεοὶ μὲν ἦσαν, θνητὰ δὲ γένη οὐκ ἦν. ἐπειδὴ δὲ καὶ τούτοις χρόνος ἦλθεν εἱμαρμένος γενέσεως, τυποῦσιν αὐτὰ θεοὶ γῆς ἔνδον ἐκ γῆς καὶ πυρὸς μείξαντες καὶ τῶν ὅσα πυρὶ καὶ γῇ κεράννυται. ἐπειδὴ δʼ ἄγειν αὐτὰ πρὸς φῶς ἔμελλον, προσέταξαν Προμηθεῖ καὶ Ἐπιμηθεῖ κοσμῆσαί τε καὶ νεῖμαι δυνάμεις ἑκάστοις ὡς πρέπει. Προμηθέα δὲ παραιτεῖται Ἐπιμηθεὺς αὐτὸς νεῖμαι, νείμαντος δέ μου, ἔφη, ἐπίσκεψαι· καὶ οὕτω πείσας νέμει. νέμων δὲ τοῖς μὲν ἰσχὺν ἄνευ τάχους προσῆπτεν, τοὺς δʼ ἀσθενεστέρους τάχει ἐκόσμει· τοὺς δὲ ὥπλιζε, τοῖς δʼ ἄοπλον διδοὺς φύσιν ἄλλην τινʼ αὐτοῖς ἐμηχανᾶτο δύναμιν εἰς σωτηρίαν. ἃ μὲν γὰρ αὐτῶν σμικρότητι ἤμπισχεν, πτηνὸν φυγὴν ἢ κατάγειον οἴκησιν ἔνεμεν· ἃ δὲ ηὖξε μεγέθει, τῷδε αὐτῷ αὐτὰ ἔσῳζεν· καὶ τἆλλα οὕτως ἐπανισῶν ἔνεμεν. ταῦτα δὲ ἐμηχανᾶτο εὐλάβειαν ἔχων μή τι γένος ἀϊστωθείη· ἐπειδὴ δὲ αὐτοῖς ἀλληλοφθοριῶν διαφυγὰς ἐπήρκεσε, πρὸς τὰς ἐκ Διὸς ὥρας εὐμάρειαν ἐμηχανᾶτο ἀμφιεννὺς αὐτὰ πυκναῖς τε θριξὶν καὶ στερεοῖς δέρμασιν, ἱκανοῖς μὲν ἀμῦναι χειμῶνα, δυνατοῖς δὲ καὶ καύματα, καὶ εἰς εὐνὰς ἰοῦσιν ὅπως ὑπάρχοι τὰ αὐτὰ ταῦτα στρωμνὴ οἰκεία τε καὶ αὐτοφυὴς ἑκάστῳ· καὶ ὑποδῶν τὰ μὲν ὁπλαῖς, τὰ δὲ θριξὶν καὶ δέρμασιν στερεοῖς καὶ ἀναίμοις. τοὐντεῦθεν τροφὰς ἄλλοις ἄλλας ἐξεπόριζεν, τοῖς μὲν ἐκ γῆς βοτάνην, ἄλλοις δὲ δένδρων καρπούς, τοῖς δὲ ῥίζας· ἔστι δʼ οἷς ἔδωκεν εἶναι τροφὴν ζῴων ἄλλων βοράν· καὶ τοῖς μὲν ὀλιγογονίαν προσῆψε, τοῖς δʼ ἀναλισκομένοις ὑπὸ τούτων πολυγονίαν, σωτηρίαν τῷ γένει πορίζων. ἅτε δὴ οὖν οὐ πάνυ τι σοφὸς ὢν ὁ Ἐπιμηθεὺς ἔλαθεν αὑτὸν καταναλώσας τὰς δυνάμεις εἰς τὰ ἄλογα· λοιπὸν δὴ ἀκόσμητον ἔτι αὐτῷ ἦν τὸ ἀνθρώπων γένος, καὶ ἠπόρει ὅτι χρήσαιτο.

ソクラテス

「かつて、神々はいたが、死すべき種族はいなかった時があった。ところが、これらにも、定められた生成の時が来たとき、神々は、それらを大地の内部で、土と火と、また火と土に混ぜ合わされるかぎりのものとを混ぜ合わせて形づくった。そして、それらを光のもとへ導き出そうとしたとき、プロメテウスとエピメテウスに、それぞれにふさわしいように、それらを整え、それぞれに力を分配するよう命じた。ところがエピメテウスは、自分で分配させてくれるようプロメテウスに頼み、『私が分配したら、あなたが調べてください』と言った。そして、こうして説得して分配した。分配するにあたって、あるものには速さのない力を付け、より弱いものは速さで飾った。またあるものには武器を与え、あるものには武器のない本性を与えて、それらのために、救いに役立つ別の何らかの力を工夫した。すなわち、それらのうち小ささで包んだものには、翼のある逃走か地下の住まいを分け与え、大きさで増したものは、まさにそのことによって救ったのだ。そして、ほかのものも、このように釣り合いをとりながら分配した。そして、どの種族も滅ぼされることがないよう用心して、これらのことを工夫したのだ。そして、互いの殺し合いから逃れる手だてを十分に与えると、ゼウスから来る季節に対する楽な暮らしを工夫した。それらに、冬の寒さを防ぐのにも、暑さを防ぐのにも十分な、密な毛と硬い皮とをまとわせ、また寝床に入るときには、まさにこれら同じものが、それぞれにとって身内の、自然に生えた敷物となるようにしたのだ。また、あるものには蹄を、あるものには毛と、硬くて血の通わない皮とを履かせた。それから、それぞれに別々の食べ物を用意した。あるものには大地からの草を、あるものには木の実を、あるものには根を。そして、ほかの動物を餌として食べることを与えたものもあった。そして、それらには少産を付け、それらに食べられるものには多産を付けて、種族に救いを用意したのだ。ところで、エピメテウスはあまり知恵のある者ではなかったので、うっかりして、力を理をもたないものたちに使い果たしてしまった。そこで、人間の種族がまだ整えられないまま彼に残され、彼はどう扱ったらよいか困ってしまった」。

火と技術の盗み、ゼウスが送った慎みと正義321c–323a

321c

ἀποροῦντι δὲ αὐτῷ ἔρχεται Προμηθεὺς ἐπισκεψόμενος τὴν νομήν, καὶ ὁρᾷ τὰ μὲν ἄλλα ζῷα ἐμμελῶς πάντων ἔχοντα, τὸν δὲ ἄνθρωπον γυμνόν τε καὶ ἀνυπόδητον καὶ ἄστρωτον καὶ ἄοπλον· ἤδη δὲ καὶ ἡ εἱμαρμένη ἡμέρα παρῆν, ἐν ᾗ ἔδει καὶ ἄνθρωπον ἐξιέναι ἐκ γῆς εἰς φῶς. ἀπορίᾳ οὖν σχόμενος ὁ Προμηθεὺς ἥντινα σωτηρίαν τῷ ἀνθρώπῳ εὕροι, κλέπτει Ἡφαίστου καὶ Ἀθηνᾶς τὴν ἔντεχνον σοφίαν σὺν πυρί—ἀμήχανον γὰρ ἦν ἄνευ πυρὸς αὐτὴν κτητήν τῳ ἢ χρησίμην γενέσθαι—καὶ οὕτω δὴ δωρεῖται ἀνθρώπῳ. τὴν μὲν οὖν περὶ τὸν βίον σοφίαν ἄνθρωπος ταύτῃ ἔσχεν, τὴν δὲ πολιτικὴν οὐκ εἶχεν· ἦν γὰρ παρὰ τῷ Διί. τῷ δὲ Προμηθεῖ εἰς μὲν τὴν ἀκρόπολιν τὴν τοῦ Διὸς οἴκησιν οὐκέτι ἐνεχώρει εἰσελθεῖν—πρὸς δὲ καὶ αἱ Διὸς φυλακαὶ φοβεραὶ ἦσαν—εἰς δὲ τὸ τῆς Ἀθηνᾶς καὶ Ἡφαίστου οἴκημα τὸ κοινόν, ἐν ᾧ ἐφιλοτεχνείτην, λαθὼν εἰσέρχεται, καὶ κλέψας τήν τε ἔμπυρον τέχνην τὴν τοῦ Ἡφαίστου καὶ τὴν ἄλλην τὴν τῆς Ἀθηνᾶς δίδωσιν ἀνθρώπῳ, καὶ ἐκ τούτου εὐπορία μὲν ἀνθρώπῳ τοῦ βίου γίγνεται, Προμηθέα δὲ διʼ Ἐπιμηθέα ὕστερον, ᾗπερ λέγεται, κλοπῆς δίκη μετῆλθεν. ἐπειδὴ δὲ ὁ ἄνθρωπος θείας μετέσχε μοίρας, πρῶτον μὲν διὰ τὴν τοῦ θεοῦ συγγένειαν ζῴων μόνον θεοὺς ἐνόμισεν, καὶ ἐπεχείρει βωμούς τε ἱδρύεσθαι καὶ ἀγάλματα θεῶν· ἔπειτα φωνὴν καὶ ὀνόματα ταχὺ διηρθρώσατο τῇ τέχνῃ, καὶ οἰκήσεις καὶ ἐσθῆτας καὶ ὑποδέσεις καὶ στρωμνὰς καὶ τὰς ἐκ γῆς τροφὰς ηὕρετο. οὕτω δὴ παρεσκευασμένοι κατʼ ἀρχὰς ἄνθρωποι ᾤκουν σποράδην, πόλεις δὲ οὐκ ἦσαν· ἀπώλλυντο οὖν ὑπὸ τῶν θηρίων διὰ τὸ πανταχῇ αὐτῶν ἀσθενέστεροι εἶναι, καὶ ἡ δημιουργικὴ τέχνη αὐτοῖς πρὸς μὲν τροφὴν ἱκανὴ βοηθὸς ἦν, πρὸς δὲ τὸν τῶν θηρίων πόλεμον ἐνδεής —πολιτικὴν γὰρ τέχνην οὔπω εἶχον, ἧς μέρος πολεμική— ἐζήτουν δὴ ἁθροίζεσθαι καὶ σῴζεσθαι κτίζοντες πόλεις· ὅτʼ οὖν ἁθροισθεῖεν, ἠδίκουν ἀλλήλους ἅτε οὐκ ἔχοντες τὴν πολιτικὴν τέχνην, ὥστε πάλιν σκεδαννύμενοι διεφθείροντο. Ζεὺς οὖν δείσας περὶ τῷ γένει ἡμῶν μὴ ἀπόλοιτο πᾶν, Ἑρμῆν πέμπει ἄγοντα εἰς ἀνθρώπους αἰδῶ τε καὶ δίκην, ἵνʼ εἶεν πόλεων κόσμοι τε καὶ δεσμοὶ φιλίας συναγωγοί. ἐρωτᾷ οὖν Ἑρμῆς Δία τίνα οὖν τρόπον δοίη δίκην καὶ αἰδῶ ἀνθρώποις· πότερον ὡς αἱ τέχναι νενέμηνται, οὕτω καὶ ταύτας νείμω; νενέμηνται δὲ ὧδε· εἷς ἔχων ἰατρικὴν πολλοῖς ἱκανὸς ἰδιώταις, καὶ οἱ ἄλλοι δημιουργοί· καὶ δίκην δὴ καὶ αἰδῶ οὕτω θῶ ἐν τοῖς ἀνθρώποις, ἢ ἐπὶ πάντας νείμω; ἐπὶ πάντας, ἔφη ὁ Ζεύς, καὶ πάντες μετεχόντων· οὐ γὰρ ἂν γένοιντο πόλεις, εἰ ὀλίγοι αὐτῶν μετέχοιεν ὥσπερ ἄλλων τεχνῶν· καὶ νόμον γε θὲς παρʼ ἐμοῦ τὸν μὴ δυνάμενον αἰδοῦς καὶ δίκης μετέχειν κτείνειν ὡς νόσον πόλεως. οὕτω δή, ὦ Σώκρατες, καὶ διὰ ταῦτα οἵ τε ἄλλοι καὶ Ἀθηναῖοι, ὅταν μὲν περὶ ἀρετῆς τεκτονικῆς ᾖ λόγος ἢ ἄλλης τινὸς δημιουργικῆς, ὀλίγοις οἴονται μετεῖναι συμβουλῆς, καὶ ἐάν τις ἐκτὸς ὢν τῶν ὀλίγων συμβουλεύῃ, οὐκ ἀνέχονται, ὡς σὺ φῄς—εἰκότως, ὡς ἐγώ φημι— ὅταν δὲ εἰς συμβουλὴν πολιτικῆς ἀρετῆς ἴωσιν, ἣν δεῖ διὰ δικαιοσύνης πᾶσαν ἰέναι καὶ σωφροσύνης, εἰκότως ἅπαντος ἀνδρὸς ἀνέχονται, ὡς παντὶ προσῆκον ταύτης γε μετέχειν τῆς ἀρετῆς ἢ μὴ εἶναι πόλεις. αὕτη, ὦ Σώκρατες, τούτου αἰτία.

ソクラテス

「彼が困っていると、プロメテウスが分配を調べにやって来て、ほかの動物たちはすべてのものを調子よくもっているが、人間は裸で、はだしで、敷物もなく、武器もないのを見る。そして、もう、人間も大地から光のもとへ出て行かなければならない定めの日が来ていた。そこでプロメテウスは、人間のためにどんな救いを見いだしたらよいか困り果てて、ヘパイストスとアテナの技術にかかわる知恵を、火と一緒に盗み出す――というのも、火なしには、それが誰かに獲得されたり役に立ったりすることは不可能だったのだから――。そして、こうして人間に贈る。こうして人間は、生活にかかわる知恵はもったが、政治の知恵はもっていなかった。それはゼウスのもとにあったのだから。ところで、プロメテウスには、ゼウスの住まいであるアクロポリスに入ることは、もはや許されていなかった――それに加えて、ゼウスの番人たちも恐ろしかった――。そこで、アテナとヘパイストスが技術に励んでいた共同の部屋に、気づかれずに入りこみ、ヘパイストスの火を用いる技術とアテナのほかの技術とを盗んで、人間に与える。そしてそこから、人間には生活のゆとりが生じたが、プロメテウスには、言われているように、後になって、エピメテウスのせいで、盗みの罰がやって来たのだ。さて、人間は神的な分け前にあずかったので、まず、神との血縁のために、動物のうちでただひとり神々を信じ、祭壇や神々の像を建てようとした。次に、技術によって、声と名前とをすみやかに分節し、住まいや衣服や履物や敷物や、大地からの食べ物を発見した。こうして備えをして、はじめのうち人間たちは散らばって住んでいて、国々はなかった。そこで、あらゆる点で獣より弱かったので、獣によって滅ぼされていた。そして、職人の技術は、食べ物のためには十分な助けとなったが、獣との戦いのためには不十分だった――というのも、彼らはまだ政治の技術をもっていなかったのだから。戦争の技術はその一部なのだが――。そこで、彼らは国を建てて集まり、身を守ろうとした。ところが、集まると、政治の技術をもっていなかったので、互いに不正をはたらき、そのためにまた散り散りになって滅びていった。そこでゼウスは、私たちの種族がすっかり滅んでしまうのではないかと恐れて、ヘルメスを遣わして、人間たちのもとに慎みと正義とを運ばせる。それらが国々の秩序となり、友愛を結び合わせる絆となるようにね。そこでヘルメスはゼウスに、どのような仕方で人間たちに正義と慎みとを与えるべきかを尋ねる。『技術が分配されているように、そのようにこれらも分配しましょうか。技術はこのように分配されています。医術をもつ一人が、多くの素人に対して十分であり、ほかの職人たちもそうです。正義と慎みも、そのように人間たちのうちに置きましょうか、それともすべての者に分配しましょうか』。『すべての者に』とゼウスは言った、『そしてすべての者があずかるようにせよ。というのも、もしほかの技術のように少数の者だけがそれにあずかるなら、国々は生じないだろうから。そして、慎みと正義とにあずかることのできない者は、国の病として殺すという法を、私の名において定めよ』。こういうわけで、ソクラテス、またこうした理由で、ほかの人たちもアテナイ人も、大工の徳やほかの何らかの職人の徳について話があるときには、少数の者にだけ助言にあずかる資格があると考え、もし少数の者の外にいる誰かが助言すれば、君の言うように、我慢しないのだ――私の言うように、もっともなことだがね――。ところが、政治の徳についての助言に進むときには、それはすべて正義と節制とを通じて進まなければならないのだから、もっともなことに、どんな人の助言にも我慢するのだ。すべての人がこの徳にあずかるのがふさわしく、さもなければ国々は存在しないのだから。ソクラテス、これがそのことの原因なのだ」。

徳は配慮によって備わる――懲らしめの意味323a–324d

323a

ἵνα δὲ μὴ οἴῃ ἀπατᾶσθαι ὡς τῷ ὄντι ἡγοῦνται πάντες ἄνθρωποι πάντα ἄνδρα μετέχειν δικαιοσύνης τε καὶ τῆς ἄλλης πολιτικῆς ἀρετῆς, τόδε αὖ λαβὲ τεκμήριον. ἐν γὰρ ταῖς ἄλλαις ἀρεταῖς, ὥσπερ σὺ λέγεις, ἐάν τις φῇ ἀγαθὸς αὐλητὴς εἶναι, ἢ ἄλλην ἡντινοῦν τέχνην ἣν μή ἐστιν, ἢ καταγελῶσιν ἢ χαλεπαίνουσιν, καὶ οἱ οἰκεῖοι προσιόντες νουθετοῦσιν ὡς μαινόμενον· ἐν δὲ δικαιοσύνῃ καὶ ἐν τῇ ἄλλῃ πολιτικῇ ἀρετῇ, ἐάν τινα καὶ εἰδῶσιν ὅτι ἄδικός ἐστιν, ἐὰν οὗτος αὐτὸς καθʼ αὑτοῦ τἀληθῆ λέγῃ ἐναντίον πολλῶν, ὃ ἐκεῖ σωφροσύνην ἡγοῦντο εἶναι, τἀληθῆ λέγειν, ἐνταῦθα μανίαν, καί φασιν πάντας δεῖν φάναι εἶναι δικαίους, ἐάντε ὦσιν ἐάντε μή, ἢ μαίνεσθαι τὸν μὴ προσποιούμενον δικαιοσύνην· ὡς ἀναγκαῖον οὐδένα ὅντινʼ οὐχὶ ἁμῶς γέ πως μετέχειν αὐτῆς, ἢ μὴ εἶναι ἐν ἀνθρώποις. ὅτι μὲν οὖν πάντʼ ἄνδρα εἰκότως ἀποδέχονται περὶ ταύτης τῆς ἀρετῆς σύμβουλον διὰ τὸ ἡγεῖσθαι παντὶ μετεῖναι αὐτῆς, ταῦτα λέγω· ὅτι δὲ αὐτὴν οὐ φύσει ἡγοῦνται εἶναι οὐδʼ ἀπὸ τοῦ αὐτομάτου, ἀλλὰ διδακτόν τε καὶ ἐξ ἐπιμελείας παραγίγνεσθαι ᾧ ἂν παραγίγνηται, τοῦτό σοι μετὰ τοῦτο πειράσομαι ἀποδεῖξαι. ὅσα γὰρ ἡγοῦνται ἀλλήλους κακὰ ἔχειν ἄνθρωποι φύσει ἢ τύχῃ, οὐδεὶς θυμοῦται οὐδὲ νουθετεῖ οὐδὲ διδάσκει οὐδὲ κολάζει τοὺς ταῦτα ἔχοντας, ἵνα μὴ τοιοῦτοι ὦσιν, ἀλλʼ ἐλεοῦσιν· οἷον τοὺς αἰσχροὺς ἢ σμικροὺς ἢ ἀσθενεῖς τίς οὕτως ἀνόητος ὥστε τι τούτων ἐπιχειρεῖν ποιεῖν; ταῦτα μὲν γὰρ οἶμαι ἴσασιν ὅτι φύσει τε καὶ τύχῃ τοῖς ἀνθρώποις γίγνεται, τὰ καλὰ καὶ τἀναντία τούτοις· ὅσα δὲ ἐξ ἐπιμελείας καὶ ἀσκήσεως καὶ διδαχῆς οἴονται γίγνεσθαι ἀγαθὰ ἀνθρώποις, ἐάν τις ταῦτα μὴ ἔχῃ, ἀλλὰ τἀναντία τούτων κακά, ἐπὶ τούτοις που οἵ τε θυμοὶ γίγνονται καὶ αἱ κολάσεις καὶ αἱ νουθετήσεις. ὧν ἐστιν ἓν καὶ ἡ ἀδικία καὶ ἡ ἀσέβεια καὶ συλλήβδην πᾶν τὸ ἐναντίον τῆς πολιτικῆς ἀρετῆς· ἔνθα δὴ πᾶς παντὶ θυμοῦται καὶ νουθετεῖ, δῆλον ὅτι ὡς ἐξ ἐπιμελείας καὶ μαθήσεως κτητῆς οὔσης. εἰ γὰρ ἐθέλεις ἐννοῆσαι τὸ κολάζειν, ὦ Σώκρατες, τοὺς ἀδικοῦντας τί ποτε δύναται, αὐτό σε διδάξει ὅτι οἵ γε ἄνθρωποι ἡγοῦνται παρασκευαστὸν εἶναι ἀρετήν. οὐδεὶς γὰρ κολάζει τοὺς ἀδικοῦντας πρὸς τούτῳ τὸν νοῦν ἔχων καὶ τούτου ἕνεκα, ὅτι ἠδίκησεν, ὅστις μὴ ὥσπερ θηρίον ἀλογίστως τιμωρεῖται· ὁ δὲ μετὰ λόγου ἐπιχειρῶν κολάζειν οὐ τοῦ παρεληλυθότος ἕνεκα ἀδικήματος τιμωρεῖται—οὐ γὰρ ἂν τό γε πραχθὲν ἀγένητον θείη—ἀλλὰ τοῦ μέλλοντος χάριν, ἵνα μὴ αὖθις ἀδικήσῃ μήτε αὐτὸς οὗτος μήτε ἄλλος ὁ τοῦτον ἰδὼν κολασθέντα. καὶ τοιαύτην διάνοιαν ἔχων διανοεῖται παιδευτὴν εἶναι ἀρετήν· ἀποτροπῆς γοῦν ἕνεκα κολάζει. ταύτην οὖν τὴν δόξαν πάντες ἔχουσιν ὅσοιπερ τιμωροῦνται καὶ ἰδίᾳ καὶ δημοσίᾳ. τιμωροῦνται δὲ καὶ κολάζονται οἵ τε ἄλλοι ἄνθρωποι οὓς ἂν οἴωνται ἀδικεῖν, καὶ οὐχ ἥκιστα Ἀθηναῖοι οἱ σοὶ πολῖται· ὥστε κατὰ τοῦτον τὸν λόγον καὶ Ἀθηναῖοί εἰσι τῶν ἡγουμένων παρασκευαστὸν εἶναι καὶ διδακτὸν ἀρετήν. ὡς μὲν οὖν εἰκότως ἀποδέχονται οἱ σοὶ πολῖται καὶ χαλκέως καὶ σκυτοτόμου συμβουλεύοντος τὰ πολιτικά, καὶ ὅτι διδακτὸν καὶ παρασκευαστὸν ἡγοῦνται ἀρετήν, ἀποδέδεικταί σοι, ὦ Σώκρατες, ἱκανῶς, ὥς γέ μοι φαίνεται.

ソクラテス

「そして、すべての人間が、本当に、すべての人が正義とほかの政治の徳とにあずかっていると考えている、ということについて、君が欺かれていると思わないように、今度は次のことを証拠として受けとってくれたまえ。というのも、ほかの徳においては、君の言うように、もし誰かが、自分はすぐれた笛吹きであるとか、ほかの何であれ、自分のもっていない技術をもっていると言うなら、人々はあざ笑うか腹を立てるかし、身内の者たちは近寄って、気が狂っている者に対するようにたしなめる。ところが、正義やほかの政治の徳においては、たとえ誰かが不正な者だと知っていても、もしその者が大勢の前で自分自身について本当のことを言うなら、あちらでは節制だと考えていたこと、すなわち本当のことを言うことを、こちらでは狂気だと考え、すべての人は、実際にそうであろうとなかろうと、自分は正しいと言わなければならず、正義を装わない者は狂っているのだ、と言うのだ。どんな人であれ、何らかの仕方でそれにあずかっていないことはありえず、さもなければ人間たちのうちにいられない、というのが必然だとしてね。さて、すべての人がこの徳にあずかっていると考えているので、この徳についてはすべての人を助言者として受け入れるのがもっともだ、ということについては、これだけ言っておこう。だが、人々がそれを、生まれつきによるものでも、ひとりでに生じるものでもなく、教えられうるものであり、それが備わる人には配慮から備わるのだと考えている、ということを、この後で君に示すよう試みよう。というのも、人々が互いに、生まれつきや偶然によってもっていると考える悪いものについては、誰も、そうしたものをもつ者たちに、そうならないように腹を立てることも、たしなめることも、教えることも、懲らしめることもせず、哀れむのだ。たとえば、醜い者や小さい者や弱い者に対して、誰がこうしたことの何かをしようとするほど愚かだろうか。というのも、思うに、これらのこと、すなわち美しいこととその反対のこととは、生まれつきと偶然によって人間に生じるのだと、彼らは知っているのだ。ところが、配慮と修練と教えによって人間に生じると彼らが考える善いものについては、もし誰かがそれらをもたず、その反対の悪いものをもっているなら、そうしたものに対してこそ、怒りも懲らしめもたしなめも生じるのだ。その一つが不正であり、不敬虔であり、要するに政治の徳の反対のものすべてなのだ。そこでは、すべての人がすべての人に対して腹を立て、たしなめる。明らかに、それが配慮と学びによって獲得されうるものだとしてね。というのも、ソクラテス、もし君が、不正をはたらく者たちを懲らしめることがいったい何を意味するのかを考えてみようとするなら、そのこと自体が、少なくとも人間たちは徳を用意されうるものと考えている、ということを君に教えるだろう。というのも、誰も、不正をはたらいた者たちを、そのことに心を向けて、すなわち不正をはたらいたという理由で懲らしめることはしないのだ。獣のように理もなく仕返しをする者でないかぎりはね。理をもって懲らしめようとする者は、過ぎ去った不正のために仕返しをするのではない――なされたことを、なされなかったことにすることはできないだろうから――。そうではなく、これから先のために、その者自身も、その者が懲らしめられるのを見たほかの者も、ふたたび不正をはたらかないように懲らしめるのだ。そして、このような考えをもっている者は、徳が教育されうるものだと考えているのだ。少なくとも、抑止のために懲らしめるのだからね。さて、私人としても公にも仕返しをするかぎりの人たちは皆、この思わくをもっている。そして、ほかの人間たちも、とりわけ君の同市民であるアテナイ人も、不正をはたらいていると思う者たちに仕返しをし、懲らしめる。したがって、この言論にしたがえば、アテナイ人もまた、徳が用意されうるものであり教えられうるものであると考える人たちのうちに入るのだ。さて、君の同市民が、鍛冶屋や靴作りが政治のことについて助言するのを受け入れるのがもっともであること、そして彼らが徳を教えられうるもの、用意されうるものと考えていることは、ソクラテス、君にじゅうぶんに示されたと、少なくとも私には思われる」。

子どもの時から一生続く徳の教育324d–326e

324d

ἔτι δὴ λοιπὴ ἀπορία ἐστίν, ἣν ἀπορεῖς περὶ τῶν ἀνδρῶν τῶν ἀγαθῶν, τί δήποτε οἱ ἄνδρες οἱ ἀγαθοὶ τὰ μὲν ἄλλα τοὺς αὑτῶν ὑεῖς διδάσκουσιν ἃ διδασκάλων ἔχεται καὶ σοφοὺς ποιοῦσιν, ἣν δὲ αὐτοὶ ἀρετὴν ἀγαθοὶ οὐδενὸς βελτίους ποιοῦσιν. τούτου δὴ πέρι, ὦ Σώκρατες, οὐκέτι μῦθόν σοι ἐρῶ ἀλλὰ λόγον. ὧδε γὰρ ἐννόησον· πότερον ἔστιν τι ἓν ἢ οὐκ ἔστιν οὗ ἀναγκαῖον πάντας τοὺς πολίτας μετέχειν, εἴπερ μέλλει πόλις εἶναι; ἐν τούτῳ γὰρ αὕτη λύεται ἡ ἀπορία ἣν σὺ ἀπορεῖς ἢ ἄλλοθι οὐδαμοῦ. εἰ μὲν γὰρ ἔστιν, καὶ τοῦτό ἐστιν τὸ ἓν οὐ τεκτονικὴ οὐδὲ χαλκεία οὐδὲ κεραμεία ἀλλὰ δικαιοσύνη καὶ σωφροσύνη καὶ τὸ ὅσιον εἶναι, καὶ συλλήβδην ἓν αὐτὸ προσαγορεύω εἶναι ἀνδρὸς ἀρετήν—εἰ τοῦτʼ ἐστὶν οὗ δεῖ πάντας μετέχειν καὶ μετὰ τούτου πάντʼ ἄνδρα, ἐάν τι καὶ ἄλλο βούληται μανθάνειν ἢ πράττειν, οὕτω πράττειν, ἄνευ δὲ τούτου μή, ἢ τὸν μὴ μετέχοντα καὶ διδάσκειν καὶ κολάζειν καὶ παῖδα καὶ ἄνδρα καὶ γυναῖκα, ἕωσπερ ἂν κολαζόμενος βελτίων γένηται, ὃς δʼ ἂν μὴ ὑπακούῃ κολαζόμενος καὶ διδασκόμενος, ὡς ἀνίατον ὄντα τοῦτον ἐκβάλλειν ἐκ τῶν πόλεων ἢ ἀποκτείνειν—εἰ οὕτω μὲν ἔχει, οὕτω δʼ αὐτοῦ πεφυκότος οἱ ἀγαθοὶ ἄνδρες εἰ τὰ μὲν ἄλλα διδάσκονται τοὺς ὑεῖς, τοῦτο δὲ μή, σκέψαι ὡς θαυμασίως γίγνονται οἱ ἀγαθοί. ὅτι μὲν γὰρ διδακτὸν αὐτὸ ἡγοῦνται καὶ ἰδίᾳ καὶ δημοσίᾳ, ἀπεδείξαμεν· διδακτοῦ δὲ ὄντος καὶ θεραπευτοῦ τὰ μὲν ἄλλα ἄρα τοὺς ὑεῖς διδάσκονται, ἐφʼ οἷς οὐκ ἔστι θάνατος ἡ ζημία ἐὰν μὴ ἐπίστωνται, ἐφʼ ᾧ δὲ ἥ τε ζημία θάνατος αὐτῶν τοῖς παισὶ καὶ φυγαὶ μὴ μαθοῦσι μηδὲ θεραπευθεῖσιν εἰς ἀρετήν, καὶ πρὸς τῷ θανάτῳ χρημάτων τε δημεύσεις καὶ ὡς ἔπος εἰπεῖν συλλήβδην τῶν οἴκων ἀνατροπαί, ταῦτα δʼ ἄρα οὐ διδάσκονται οὐδʼ ἐπιμελοῦνται πᾶσαν ἐπιμέλειαν; οἴεσθαί γε χρή, ὦ Σώκρατες. ἐκ παίδων σμικρῶν ἀρξάμενοι, μέχρι οὗπερ ἂν ζῶσι, καὶ διδάσκουσι καὶ νουθετοῦσιν. ἐπειδὰν θᾶττον συνιῇ τις τὰ λεγόμενα, καὶ τροφὸς καὶ μήτηρ καὶ παιδαγωγὸς καὶ αὐτὸς ὁ πατὴρ περὶ τούτου διαμάχονται, ὅπως ὡς βέλτιστος ἔσται ὁ παῖς, παρʼ ἕκαστον καὶ ἔργον καὶ λόγον διδάσκοντες καὶ ἐνδεικνύμενοι ὅτι τὸ μὲν δίκαιον, τὸ δὲ ἄδικον, καὶ τόδε μὲν καλόν, τόδε δὲ αἰσχρόν, καὶ τόδε μὲν ὅσιον, τόδε δὲ ἀνόσιον, καὶ τὰ μὲν ποίει, τὰ δὲ μὴ ποίει. καὶ ἐὰν μὲν ἑκὼν πείθηται· εἰ δὲ μή, ὥσπερ ξύλον διαστρεφόμενον καὶ καμπτόμενον εὐθύνουσιν ἀπειλαῖς καὶ πληγαῖς. μετὰ δὲ ταῦτα εἰς διδασκάλων πέμποντες πολὺ μᾶλλον ἐντέλλονται ἐπιμελεῖσθαι εὐκοσμίας τῶν παίδων ἢ γραμμάτων τε καὶ κιθαρίσεως· οἱ δὲ διδάσκαλοι τούτων τε ἐπιμελοῦνται, καὶ ἐπειδὰν αὖ γράμματα μάθωσιν καὶ μέλλωσιν συνήσειν τὰ γεγραμμένα ὥσπερ τότε τὴν φωνήν, παρατιθέασιν αὐτοῖς ἐπὶ τῶν βάθρων ἀναγιγνώσκειν ποιητῶν ἀγαθῶν ποιήματα καὶ ἐκμανθάνειν ἀναγκάζουσιν, ἐν οἷς πολλαὶ μὲν νουθετήσεις ἔνεισιν πολλαὶ δὲ διέξοδοι καὶ ἔπαινοι καὶ ἐγκώμια παλαιῶν ἀνδρῶν ἀγαθῶν, ἵνα ὁ παῖς ζηλῶν μιμῆται καὶ ὀρέγηται τοιοῦτος γενέσθαι. οἵ τʼ αὖ κιθαρισταί, ἕτερα τοιαῦτα, σωφροσύνης τε ἐπιμελοῦνται καὶ ὅπως ἂν οἱ νέοι μηδὲν κακουργῶσιν· πρὸς δὲ τούτοις, ἐπειδὰν κιθαρίζειν μάθωσιν, ἄλλων αὖ ποιητῶν ἀγαθῶν ποιήματα διδάσκουσι μελοποιῶν, εἰς τὰ κιθαρίσματα ἐντείνοντες, καὶ τοὺς ῥυθμούς τε καὶ τὰς ἁρμονίας ἀναγκάζουσιν οἰκειοῦσθαι ταῖς ψυχαῖς τῶν παίδων, ἵνα ἡμερώτεροί τε ὦσιν, καὶ εὐρυθμότεροι καὶ εὐαρμοστότεροι γιγνόμενοι χρήσιμοι ὦσιν εἰς τὸ λέγειν τε καὶ πράττειν· πᾶς γὰρ ὁ βίος τοῦ ἀνθρώπου εὐρυθμίας τε καὶ εὐαρμοστίας δεῖται. ἔτι τοίνυν πρὸς τούτοις εἰς παιδοτρίβου πέμπουσιν, ἵνα τὰ σώματα βελτίω ἔχοντες ὑπηρετῶσι τῇ διανοίᾳ χρηστῇ οὔσῃ, καὶ μὴ ἀναγκάζωνται ἀποδειλιᾶν διὰ τὴν πονηρίαν τῶν σωμάτων καὶ ἐν τοῖς πολέμοις καὶ ἐν ταῖς ἄλλαις πράξεσιν. καὶ ταῦτα ποιοῦσιν οἱ μάλιστα δυνάμενοι μάλιστα —μάλιστα δὲ δύνανται οἱ πλουσιώτατοι—καὶ οἱ τούτων ὑεῖς, πρῳαίτατα εἰς διδασκάλων τῆς ἡλικίας ἀρξάμενοι φοιτᾶν, ὀψιαίτατα ἀπαλλάττονται. ἐπειδὰν δὲ ἐκ διδασκάλων ἀπαλλαγῶσιν, ἡ πόλις αὖ τούς τε νόμους ἀναγκάζει μανθάνειν καὶ κατὰ τούτους ζῆν κατὰ παράδειγμα, ἵνα μὴ αὐτοὶ ἐφʼ αὑτῶν εἰκῇ πράττωσιν, ἀλλʼ ἀτεχνῶς ὥσπερ οἱ γραμματισταὶ τοῖς μήπω δεινοῖς γράφειν τῶν παίδων ὑπογράψαντες γραμμὰς τῇ γραφίδι οὕτω τὸ γραμματεῖον διδόασιν καὶ ἀναγκάζουσι γράφειν κατὰ τὴν ὑφήγησιν τῶν γραμμῶν, ὣς δὲ καὶ ἡ πόλις νόμους ὑπογράψασα, ἀγαθῶν καὶ παλαιῶν νομοθετῶν εὑρήματα, κατὰ τούτους ἀναγκάζει καὶ ἄρχειν καὶ ἄρχεσθαι, ὃς δʼ ἂν ἐκτὸς βαίνῃ τούτων, κολάζει· καὶ ὄνομα τῇ κολάσει ταύτῃ καὶ παρʼ ὑμῖν καὶ ἄλλοθι πολλαχοῦ, ὡς εὐθυνούσης τῆς δίκης, εὐθῦναι.

ソクラテス

「さて、まだ残っている難問がある。君が善い人たちについて抱いている難問、すなわち、いったいなぜ善い人たちは、教師にかかわるほかのことは自分の息子たちに教えて知恵ある者にするのに、自分たちがそれによって善い者である徳においては、誰よりもすぐれた者にしないのか、ということだ。このことについては、ソクラテス、もう物語ではなく言論で君に話そう。というのも、こう考えてくれたまえ。国が存在しようとするならば、すべての市民があずからなければならない何か一つのものがあるのか、ないのか。というのも、君が困っているこの難問は、ここで解かれるか、ほかのどこでも解かれないかなのだから。というのも、もしそれがあり、しかもその一つのものが、大工の技術でも鍛冶の技術でも陶工の技術でもなく、正義と節制と敬虔であること、そして要するに、私がそれを一つのものとして人間の徳と呼ぶものであるとすれば――もしこれこそ、すべての人があずからなければならないものであり、すべての人は、ほかに何を学ぼうと行なおうと、それとともに行ない、それなしには行なわないものであり、あずからない者は、子どもであれ男であれ女であれ、懲らしめられてよりすぐれた者になるまで教え、懲らしめなければならず、懲らしめられ教えられても従わない者は、治しようのない者として国々から追放するか殺さなければならないのだとすれば――、もしそうであり、それがそのような本性のものであるのに、善い人たちが、ほかのことは息子たちに教えながら、これは教えないのだとすれば、善い人たちがどれほど驚くべき者たちになるかを考えてみたまえ。というのも、彼らがそれを私人としても公にも教えられうるものと考えていることは、私たちが示したのだから。それが教えられうるものであり、養い育てられうるものであるのに、知らなくても死が罰とならないほかのことは息子たちに教えながら、子どもたちが徳に向けて学ばず養い育てられなかったなら、死や追放が罰となり、死に加えて財産の没収や、いわば一言で言えば家の転覆が罰となるもの、それを教えもせず、あらゆる配慮をもって配慮もしない、などということがあるだろうか。いや、そうだと思わなければならないのだ、ソクラテス。小さな子どものころから始めて、生きているかぎり、教えもし、たしなめもするのだ。子どもが言われることを理解するようになるとすぐに、乳母も母も養育係も父自身も、そのことについて、子どもができるかぎりすぐれた者になるよう奮闘する。それぞれの行ないと言葉に即して、これは正しい、これは不正だ、これは美しい、これは醜い、これは敬虔だ、これは不敬虔だ、これはしなさい、これはしてはいけない、と教え、示しながらね。そして、すすんで従えばよいが、そうでなければ、ねじれて曲がった木のように、脅しと打つことによってまっすぐにするのだ。その後、教師のところへ送るときには、文字や竪琴の演奏よりも、子どもたちの行儀に配慮するよう、はるかに強く言いつける。そして教師たちはそれに配慮し、そして子どもたちが文字を学んで、書かれたことを、あのとき声を理解したように理解するようになると、彼らの前の腰掛けの上に、すぐれた詩人たちの詩を置いて読ませ、暗記するよう強いるのだ。その中には、多くのたしなめが含まれ、また昔の善い人たちについての多くの詳しい物語や賞賛や讃辞が含まれている。子どもが羨んでまね、そのような者になろうと求めるようにね。また竪琴の教師たちも、同じようなことをして、節制に配慮し、若者たちが何も悪いことをしないよう配慮する。それに加えて、子どもたちが竪琴を弾くことを学ぶと、今度はほかのすぐれた詩人たち、すなわち抒情詩人たちの詩を、竪琴の曲にのせて教え、リズムとハーモニーとを子どもたちの魂に親しませるよう強いるのだ。より穏やかになり、より良いリズムをもち、より良い調和をもつようになって、言うことにも行なうことにも役立つ者となるようにね。というのも、人間の生涯全体は、良いリズムと良い調和とを必要としているのだから。さらにまた、これらに加えて、体育教師のところへ送る。身体をよりよい状態にして、有用な思考に仕えるようにし、身体の劣悪さのために、戦争においてもほかの行ないにおいても、臆病になることを強いられないようにね。そして、これらのことを、最も力のある者たちが最も多く行なうのだ――最も力があるのは最も富裕な者たちだ――。そして、彼らの息子たちは、年齢の最も早いうちから教師のところへ通い始め、最も遅く離れるのだ。そして、教師のところから離れると、今度は国が、法を学び、それにしたがって、手本にしたがって生きるよう強いる。自分勝手にでたらめに行なうことのないようにね。ちょうど、読み書きの教師たちが、まだ書くことの巧みでない子どもたちのために、尖筆で線を下書きしてから書き板を渡し、その線の導きにしたがって書くよう強いるように、そのように国もまた、善い昔の立法者たちの発見である法を下書きして、それにしたがって支配することも支配されることも強いるのであり、それを越えて踏み出す者があれば懲らしめるのだ。そして、この懲らしめの名前は、君たちのところでもほかの多くの場所でも、裁きがまっすぐにするのだとして、『まっすぐにすること（エウテュナイ）』と呼ばれているのだ」。

なぜ善い父の息子がつまらない者になるのか326e–328d

326e

τοσαύτης οὖν τῆς ἐπιμελείας οὔσης περὶ ἀρετῆς ἰδίᾳ καὶ δημοσίᾳ, θαυμάζεις, ὦ Σώκρατες, καὶ ἀπορεῖς εἰ διδακτόν ἐστιν ἀρετή; ἀλλʼ οὐ χρὴ θαυμάζειν, ἀλλὰ πολὺ μᾶλλον εἰ μὴ διδακτόν. διὰ τί οὖν τῶν ἀγαθῶν πατέρων πολλοὶ ὑεῖς φαῦλοι γίγνονται; τοῦτο αὖ μάθε· οὐδὲν γὰρ θαυμαστόν, εἴπερ ἀληθῆ ἐγὼ ἐν τοῖς ἔμπροσθεν ἔλεγον, ὅτι τούτου τοῦ πράγματος, τῆς ἀρετῆς, εἰ μέλλει πόλις εἶναι, οὐδένα δεῖ ἰδιωτεύειν. εἰ γὰρ δὴ ὃ λέγω οὕτως ἔχει—ἔχει δὲ μάλιστα πάντων οὕτως—ἐνθυμήθητι ἄλλο τῶν ἐπιτηδευμάτων ὁτιοῦν καὶ μαθημάτων προελόμενος. εἰ μὴ οἷόν τʼ ἦν πόλιν εἶναι εἰ μὴ πάντες αὐληταὶ ἦμεν ὁποῖός τις ἐδύνατο ἕκαστος, καὶ τοῦτο καὶ ἰδίᾳ καὶ δημοσίᾳ πᾶς πάντα καὶ ἐδίδασκε καὶ ἐπέπληττε τὸν μὴ καλῶς αὐλοῦντα, καὶ μὴ ἐφθόνει τούτου, ὥσπερ νῦν τῶν δικαίων καὶ τῶν νομίμων οὐδεὶς φθονεῖ οὐδʼ ἀποκρύπτεται ὥσπερ τῶν ἄλλων τεχνημάτων—λυσιτελεῖ γὰρ οἶμαι ἡμῖν ἡ ἀλλήλων δικαιοσύνη καὶ ἀρετή· διὰ ταῦτα πᾶς παντὶ προθύμως λέγει καὶ διδάσκει καὶ τὰ δίκαια καὶ τὰ νόμιμα—εἰ οὖν οὕτω καὶ ἐν αὐλήσει πᾶσαν προθυμίαν καὶ ἀφθονίαν εἴχομεν ἀλλήλους διδάσκειν, οἴει ἄν τι, ἔφη, μᾶλλον, ὦ Σώκρατες, τῶν ἀγαθῶν αὐλητῶν ἀγαθοὺς αὐλητὰς τοὺς ὑεῖς γίγνεσθαι ἢ τῶν φαύλων; οἶμαι μὲν οὔ, ἀλλὰ ὅτου ἔτυχεν ὁ ὑὸς εὐφυέστατος γενόμενος εἰς αὔλησιν, οὗτος ἂν ἐλλόγιμος ηὐξήθη, ὅτου δὲ ἀφυής, ἀκλεής· καὶ πολλάκις μὲν ἀγαθοῦ αὐλητοῦ φαῦλος ἂν ἀπέβη, πολλάκις δʼ ἂν φαύλου ἀγαθός· ἀλλʼ οὖν αὐληταί γʼ ἂν πάντες ἦσαν ἱκανοὶ ὡς πρὸς τοὺς ἰδιώτας καὶ μηδὲν αὐλήσεως ἐπαΐοντας. οὕτως οἴου καὶ νῦν, ὅστις σοι ἀδικώτατος φαίνεται ἄνθρωπος τῶν ἐν νόμοις καὶ ἀνθρώποις τεθραμμένων, δίκαιον αὐτὸν εἶναι καὶ δημιουργὸν τούτου τοῦ πράγματος, εἰ δέοι αὐτὸν κρίνεσθαι πρὸς ἀνθρώπους οἷς μήτε παιδεία ἐστὶν μήτε δικαστήρια μήτε νόμοι μηδὲ ἀνάγκη μηδεμία διὰ παντὸς ἀναγκάζουσα ἀρετῆς ἐπιμελεῖσθαι, ἀλλʼ εἶεν ἄγριοί τινες οἷοίπερ οὓς πέρυσιν Φερεκράτης ὁ ποιητὴς ἐδίδαξεν ἐπὶ Ληναίῳ. ἦ σφόδρα ἐν τοῖς τοιούτοις ἀνθρώποις γενόμενος, ὥσπερ οἱ ἐν ἐκείνῳ τῷ χορῷ μισάνθρωποι, ἀγαπήσαις ἂν εἰ ἐντύχοις Εὐρυβάτῳ καὶ Φρυνώνδᾳ, καὶ ἀνολοφύραιʼ ἂν ποθῶν τὴν τῶν ἐνθάδε ἀνθρώπων πονηρίαν. νῦν δὲ τρυφᾷς, ὦ Σώκρατες, διότι πάντες διδάσκαλοί εἰσιν ἀρετῆς καθʼ ὅσον δύνανται ἕκαστος, καὶ οὐδείς σοι φαίνεται· εἶθʼ, ὥσπερ ἂν εἰ ζητοῖς τίς διδάσκαλος τοῦ ἑλληνίζειν, οὐδʼ ἂν εἷς φανείη, οὐδέ γʼ ἂν οἶμαι εἰ ζητοῖς τίς ἂν ἡμῖν διδάξειεν τοὺς τῶν χειροτεχνῶν ὑεῖς αὐτὴν ταύτην τὴν τέχνην ἣν δὴ παρὰ τοῦ πατρὸς μεμαθήκασιν, καθʼ ὅσον οἷός τʼ ἦν ὁ πατὴρ καὶ οἱ τοῦ πατρὸς φίλοι ὄντες ὁμότεχνοι, τούτους ἔτι τίς ἂν διδάξειεν, οὐ ῥᾴδιον οἶμαι εἶναι, ὦ Σώκρατες, τούτων διδάσκαλον φανῆναι, τῶν δὲ ἀπείρων παντάπασι ῥᾴδιον, οὕτω δὲ ἀρετῆς καὶ τῶν ἄλλων πάντων· ἀλλὰ κἂν εἰ ὀλίγον ἔστιν τις ὅστις διαφέρει ἡμῶν προβιβάσαι εἰς ἀρετήν, ἀγαπητόν. ὧν δὴ ἐγὼ οἶμαι εἷς εἶναι, καὶ διαφερόντως ἂν τῶν ἄλλων ἀνθρώπων ὀνῆσαί τινα πρὸς τὸ καλὸν καὶ ἀγαθὸν γενέσθαι, καὶ ἀξίως τοῦ μισθοῦ ὃν πράττομαι καὶ ἔτι πλείονος, ὥστε καὶ αὐτῷ δοκεῖν τῷ μαθόντι. διὰ ταῦτα καὶ τὸν τρόπον τῆς πράξεως τοῦ μισθοῦ τοιοῦτον πεποίημαι· ἐπειδὰν γάρ τις παρʼ ἐμοῦ μάθῃ, ἐὰν μὲν βούληται, ἀποδέδωκεν ὃ ἐγὼ πράττομαι ἀργύριον· ἐὰν δὲ μή, ἐλθὼν εἰς ἱερόν, ὀμόσας ὅσου ἂν φῇ ἄξια εἶναι τὰ μαθήματα, τοσοῦτον κατέθηκε. τοιοῦτόν σοι, ἔφη, ὦ Σώκρατες, ἐγὼ καὶ μῦθον καὶ λόγον εἴρηκα, ὡς διδακτὸν ἀρετὴ καὶ Ἀθηναῖοι οὕτως ἡγοῦνται, καὶ ὅτι οὐδὲν θαυμαστὸν τῶν ἀγαθῶν πατέρων φαύλους ὑεῖς γίγνεσθαι καὶ τῶν φαύλων ἀγαθούς, ἐπεὶ καὶ οἱ Πολυκλείτου ὑεῖς, Παράλου καὶ Ξανθίππου τοῦδε ἡλικιῶται, οὐδὲν πρὸς τὸν πατέρα εἰσίν, καὶ ἄλλοι ἄλλων δημιουργῶν. τῶνδε δὲ οὔπω ἄξιον τοῦτο κατηγορεῖν· ἔτι γὰρ ἐν αὐτοῖς εἰσιν ἐλπίδες· νέοι γάρ.

ソクラテス

「さて、私人としても公にも、徳についてこれほどの配慮がなされているのに、ソクラテス、君は徳が教えられうるものかどうかを不思議に思い、困っているのかね。いや、不思議に思うべきではない。むしろ、もし教えられうるものでなかったとしたら、はるかにそのほうが不思議なのだ。では、なぜ善い父親たちの多くの息子たちがつまらない者になるのか。今度はこのことを学んでくれたまえ。というのも、もし私が前に言っていたこと、すなわち国が存在しようとするならば、この事柄、すなわち徳については、誰も素人であってはならないということが本当なら、少しも不思議なことではないのだ。というのも、もし私の言うことがそのとおりなら――それはあらゆることのうちで何よりもそのとおりなのだが――、ほかのどんな営みでも学科でもいいから選び出して考えてみたまえ。もし私たち皆が、それぞれできるかぎりの笛吹きでなければ国が存在することができず、これについて、私人としても公にも、すべての人がすべての人に教え、うまく吹かない者をしかり、それを物惜しみしなかったとしたら――ちょうど今、正しいことや法にかなったことについては、ほかの技術のように誰も物惜しみしたり隠したりしないようにね。というのも、思うに、互いの正義と徳とは私たちの利益になるのだから。そのために、すべての人がすべての人に、正しいことも法にかなったことも、熱心に語り、教えるのだ――、そこで、もし私たちが笛の演奏においても、そのように互いに教え合うことにあらゆる熱意をもち、物惜しみしなかったとしたら、ソクラテス」と彼は言った、「すぐれた笛吹きたちの息子たちのほうが、つまらない笛吹きたちの息子たちよりも、すぐれた笛吹きになると君は思うかね。私は思わない。そうではなく、誰の息子であれ、笛の演奏に向けて最も生まれつきのよい者が、名の知られた者に育ち、生まれつきのよくない者は名の知られない者になっただろう。そして、すぐれた笛吹きの息子がつまらない者になることもしばしばあっただろうし、つまらない笛吹きの息子がすぐれた者になることもしばしばあっただろう。だが、少なくとも全員が、素人や笛の演奏について何も心得ていない者たちに比べれば、十分な笛吹きであっただろう。そのように、今も、法と人間たちのうちで育てられた者たちのうちで、君に最も不正だと見える人間でも、もしその者が、教育も法廷も法も、徳に配慮するようあらゆる点で強いる必然も何もない人間たち、すなわち、去年詩人のペレクラテスがレナイア祭で上演したような、何か野蛮な者たちと比べて判定されなければならないとしたら、正しい者であり、この事柄の職人であると考えてくれたまえ。まったく、もし君がそのような人間たちのあいだに入ったなら、あの合唱隊の人間嫌いたちのように、エウリュバトスやプリュノンダスに出会えば喜ぶことだろうし、ここの人間たちの劣悪さを恋しがって嘆くことだろう。ところが今、ソクラテス、君はぜいたくを言っているのだ。というのも、皆がそれぞれできるかぎり徳の教師であるのに、誰も君には見えないのだから。ちょうど、もし君がギリシア語を話すことの教師は誰かと探しても、一人も現われないだろうように、また、思うに、職人たちの息子たちに、まさに彼らが父親から学んだその技術を――父親や、同じ技術をもつ父親の友人たちができたかぎりにおいて――さらに誰が教えるだろうかと探しても、ソクラテス、その者たちの教師が現われるのはたやすくないと思うが、まったく経験のない者たちの教師ならたやすく現われるだろう。そのように、徳やほかのすべてのことについてもそうなのだ。それでも、もし誰か、私たちよりも少しでも徳へと前進させることにすぐれた者がいるなら、それで満足すべきなのだ。そのうちの一人が、私の思うに、私なのだ。そして、ほかの人間たちよりも特に、誰かが立派ですぐれた者になるのを助けることができ、私が取り立てる報酬に、いやそれ以上のものに値するほどにね。学んだ者自身にもそう思われるほどに。そのために、私は報酬の取り立て方も、次のようにしてきたのだ。誰かが私から学んだとき、もしその者が望むなら、私が取り立てる銀を支払う。だが、もし望まないなら、神殿に行って、学んだことにどれだけの値打ちがあると思うかを誓ったうえで、それだけを納めるのだ。ソクラテス」と彼は言った、「私は君に、物語としても言論としても、このようなことを語った。徳は教えられうるものであり、アテナイ人もそう考えていること、そして、善い父親たちからつまらない息子たちが生まれ、つまらない父親たちから善い息子たちが生まれても、少しも不思議ではないことをね。というのも、ポリュクレイトスの息子たち、ここにいるパラロスとクサンティッポスと同じ年ごろの者たちも、父親と比べれば何ものでもないし、ほかの職人たちのほかの息子たちもそうなのだ。だが、ここにいるこの者たちについては、まだそのように非難するのはふさわしくない。まだ彼らのうちには望みがあるのだから。若いのだからね」。

訳注

Burnet校訂の古代ギリシア語本文を底本とし、語義、反復、問答の論理関係を可能な限り残した逐語寄りの独自訳です。『プロタゴラス』は、ソクラテスが友人に前日の出来事を語って聞かせる形式で書かれています。この部分はすべてソクラテスの語りなので、語りの中の会話は、かぎかっことダッシュ（――）で示し、プロタゴラスの物語の中の神々の言葉は二重かぎかっこで示しています。節の区切りがプロタゴラスの長い演説の途中にあたるところでは、かぎかっこをいったん閉じています。328d の「プロタゴラスは、これほどのことを披露して話をやめた」からは第3部です。Perseus の電子テキストで小文字になっていた「プロディコス」（3か所）と、補いの文字が分かれていた語（ἂν）を直しています。

320d 以下の物語で、「プロメテウス」は「先に考える者」、「エピメテウス」は「後で考える者」を意味する名です。327d の「去年詩人のペレクラテスがレナイア祭で上演した」劇は、野蛮な人々を合唱隊とする喜劇『野蛮人たち』を指すと解されています。326e の「まっすぐにすること（エウテュナイ）」は、役人の任期終了時の執務審査を指すアテナイの用語です。

原文：Perseus Digital Library所収 Burnet校訂ギリシア語本文 ↗