第2部　エリュクシマコスとアリストパネスの演説

Παυσανίου δὲ παυσαμένου—διδάσκουσι γάρ με ἴσα λέγειν οὑτωσὶ οἱ σοφοί—ἔφη ὁ Ἀριστόδημος δεῖν μὲν Ἀριστοφάνη λέγειν, τυχεῖν δὲ αὐτῷ τινα ἢ ὑπὸ πλησμονῆς ἢ ὑπό τινος ἄλλου λύγγα ἐπιπεπτωκυῖαν καὶ οὐχ οἷόν τε εἶναι λέγειν, ἀλλʼ εἰπεῖν αὐτόν—ἐν τῇ κάτω γὰρ αὐτοῦ τὸν ἰατρὸν Ἐρυξίμαχον κατακεῖσθαι— ὦ Ἐρυξίμαχε, δίκαιος εἶ ἢ παῦσαί με τῆς λυγγὸς ἢ λέγειν ὑπὲρ ἐμοῦ, ἕως ἂν ἐγὼ παύσωμαι. καὶ τὸν Ἐρυξίμαχον εἰπεῖν ἀλλὰ ποιήσω ἀμφότερα ταῦτα· ἐγὼ μὲν γὰρ ἐρῶ ἐν τῷ σῷ μέρει, σὺ δʼ ἐπειδὰν παύσῃ, ἐν τῷ ἐμῷ. ἐν ᾧ δʼ ἂν ἐγὼ λέγω, ἐὰν μέν σοι ἐθέλῃ ἀπνευστὶ ἔχοντι πολὺν χρόνον παύεσθαι ἡ λύγξ· εἰ δὲ μή, ὕδατι ἀνακογχυλίασον. εἰ δʼ ἄρα πάνυ ἰσχυρά ἐστιν, ἀναλαβών τι τοιοῦτον οἵῳ κινήσαις ἂν τὴν ῥῖνα, πτάρε· καὶ ἐὰν τοῦτο ποιήσῃς ἅπαξ ἢ δίς, καὶ εἰ πάνυ ἰσχυρά ἐστι, παύσεται. οὐκ ἂν φθάνοις λέγων, φάναι τὸν Ἀριστοφάνη· ἐγὼ δὲ ταῦτα ποιήσω.

パウサニアスが言い終える（パウサニウ・パウサメヌ）と――知者たちが、このように同じ音を並べて語ることを私に教えるのでね――、アリストデモスが言うには、次はアリストパネスが語るべきところだったが、満腹のせいか、何かほかのせいか、たまたましゃっくりに襲われていて、語ることができなかった。そこで彼は――彼のすぐ下手の席には医者のエリュクシマコスが横になっていたので――こう言ったという。「エリュクシマコス、君がしゃっくりを止めてくれるか、私が止まるまで私の代わりに話してくれるのが筋というものだ」。するとエリュクシマコスは言ったという。「では、その両方をしよう。私は君の番に話し、君は止まったら私の番に話せばよい。私が話しているあいだに、長いあいだ息を止めていれば、しゃっくりが止まってくれるだろう。止まらなければ、水でうがいをしたまえ。もしよほどしつこいなら、何か鼻をくすぐるようなものを取って、くしゃみをするとよい。これを一度か二度すれば、たとえよほどしつこくても止まるだろう」。「では、さっそく話してくれ」とアリストパネスは言ったという。「私はそのとおりにしよう」。

εἰπεῖν δὴ τὸν Ἐρυξίμαχον, δοκεῖ τοίνυν μοι ἀναγκαῖον εἶναι, ἐπειδὴ Παυσανίας ὁρμήσας ἐπὶ τὸν λόγον καλῶς οὐχ ἱκανῶς ἀπετέλεσε, δεῖν ἐμὲ πειρᾶσθαι τέλος ἐπιθεῖναι τῷ λόγῳ. τὸ μὲν γὰρ διπλοῦν εἶναι τὸν ἔρωτα δοκεῖ μοι καλῶς διελέσθαι· ὅτι δὲ οὐ μόνον ἐστὶν ἐπὶ ταῖς ψυχαῖς τῶν ἀνθρώπων πρὸς τοὺς καλοὺς ἀλλὰ καὶ πρὸς ἄλλα πολλὰ καὶ ἐν τοῖς ἄλλοις, τοῖς τε σώμασι τῶν πάντων ζῴων καὶ τοῖς ἐν τῇ γῇ φυομένοις καὶ ὡς ἔπος εἰπεῖν ἐν πᾶσι τοῖς οὖσι, καθεωρακέναι μοι δοκῶ ἐκ τῆς ἰατρικῆς, τῆς ἡμετέρας τέχνης, ὡς μέγας καὶ θαυμαστὸς καὶ ἐπὶ πᾶν ὁ θεὸς τείνει καὶ κατʼ ἀνθρώπινα καὶ κατὰ θεῖα πράγματα. ἄρξομαι δὲ ἀπὸ τῆς ἰατρικῆς λέγων, ἵνα καὶ πρεσβεύωμεν τὴν τέχνην. ἡ γὰρ φύσις τῶν σωμάτων τὸν διπλοῦν ἔρωτα τοῦτον ἔχει· τὸ γὰρ ὑγιὲς τοῦ σώματος καὶ τὸ νοσοῦν ὁμολογουμένως ἕτερόν τε καὶ ἀνόμοιόν ἐστι, τὸ δὲ ἀνόμοιον ἀνομοίων ἐπιθυμεῖ καὶ ἐρᾷ. ἄλλος μὲν οὖν ὁ ἐπὶ τῷ ὑγιεινῷ ἔρως, ἄλλος δὲ ὁ ἐπὶ τῷ νοσώδει. ἔστιν δή, ὥσπερ ἄρτι Παυσανίας ἔλεγεν τοῖς μὲν ἀγαθοῖς καλὸν χαρίζεσθαι τῶν ἀνθρώπων, τοῖς δʼ ἀκολάστοις αἰσχρόν, οὕτω καὶ ἐν αὐτοῖς τοῖς σώμασιν τοῖς μὲν ἀγαθοῖς ἑκάστου τοῦ σώματος καὶ ὑγιεινοῖς καλὸν χαρίζεσθαι καὶ δεῖ, καὶ τοῦτό ἐστιν ᾧ ὄνομα τὸ ἰατρικόν, τοῖς δὲ κακοῖς καὶ νοσώδεσιν αἰσχρόν τε καὶ δεῖ ἀχαριστεῖν, εἰ μέλλει τις τεχνικὸς εἶναι. ἔστι γὰρ ἰατρική, ὡς ἐν κεφαλαίῳ εἰπεῖν, ἐπιστήμη τῶν τοῦ σώματος ἐρωτικῶν πρὸς πλησμονὴν καὶ κένωσιν, καὶ ὁ διαγιγνώσκων ἐν τούτοις τὸν καλόν τε καὶ αἰσχρὸν ἔρωτα, οὗτός ἐστιν ὁ ἰατρικώτατος, καὶ ὁ μεταβάλλειν ποιῶν, ὥστε ἀντὶ τοῦ ἑτέρου ἔρωτος τὸν ἕτερον κτᾶσθαι, καὶ οἷς μὴ ἔνεστιν ἔρως, δεῖ δʼ ἐγγενέσθαι, ἐπιστάμενος ἐμποιῆσαι καὶ ἐνόντα ἐξελεῖν, ἀγαθὸς ἂν εἴη δημιουργός. δεῖ γὰρ δὴ τὰ ἔχθιστα ὄντα ἐν τῷ σώματι φίλα οἷόν τʼ εἶναι ποιεῖν καὶ ἐρᾶν ἀλλήλων. ἔστι δὲ ἔχθιστα τὰ ἐναντιώτατα, ψυχρὸν θερμῷ, πικρὸν γλυκεῖ, ξηρὸν ὑγρῷ, πάντα τὰ τοιαῦτα· τούτοις ἐπιστηθεὶς ἔρωτα ἐμποιῆσαι καὶ ὁμόνοιαν ὁ ἡμέτερος πρόγονος Ἀσκληπιός, ὥς φασιν οἵδε οἱ ποιηταὶ καὶ ἐγὼ πείθομαι, συνέστησεν τὴν ἡμετέραν τέχνην.

そこでエリュクシマコスはこう言ったという。「では、パウサニアスは議論に見事に乗り出しながら、十分には仕上げなかったのだから、私がその議論に仕上げを加えるよう努めなければならないと思う。というのも、エロースが二重であるという区別は、見事になされたと私は思う。だが、エロースは人間の魂のうちにあって美しい者たちに向かうだけでなく、ほかの多くのものにも向かい、ほかのもののうちにも、つまりあらゆる動物の身体のうちにも、大地に生え出るもののうちにも、言ってみればあらゆる存在するもののうちにもあるのだということを、私は私たちの技術である医術から見て取ったように思う。この神がいかに偉大で驚くべきものであり、人間的な事柄にも神的な事柄にも、あらゆるものに及んでいるかを。私はまず医術から話を始めよう。私たちの技術を重んじるためにもね。というのも、身体の本性はこの二重のエロースをもっているのだ。身体の健康な部分と病んでいる部分とは、誰もが認めるように、異なっていて似ていない。そして似ていないものは、似ていないものを欲し、恋い求める。だから、健康なものに対するエロースと、病的なものに対するエロースとは別のものなのだ。そこで、ちょうど今しがたパウサニアスが、人間のうち善い者たちには身を任せるのが美しく、放埒な者たちにはそうするのが醜いと言っていたように、身体そのものにおいても、それぞれの身体の善い健康な部分には身を任せるのが美しく、またそうすべきであり、それが医術と呼ばれるものなのだ。他方、悪い病的な部分に身を任せるのは醜く、技術ある者であろうとするなら、拒まなければならない。というのも、医術とは、要するに、満たすことと空にすることに関する、身体の恋の営みについての知識なのだから。そしてこれらのうちに美しいエロースと醜いエロースを見分ける者こそ、最も医術に長けた者であり、また変化をもたらして、一方のエロースの代わりに他方のエロースを獲得させ、エロースが内になく、しかし生じるべきところにはそれを植えつけ、内にあるものは取り除くことを知っている者こそ、優れた職人であるだろう。というのも、身体のうちで最も敵対し合っているものどうしを、友とし、互いに恋い合うようにすることができなければならないのだから。最も敵対し合っているのは最も反対のものどうしで、冷と熱、苦と甘、乾と湿、そうしたすべてのものだ。私たちの祖先アスクレピオスは、ここにいる詩人たちの言うとおり、そして私もそう信じているのだが、これらのものにエロースと調和を植えつけることを知って、私たちの技術を打ち立てたのだ。

ἥ τε οὖν ἰατρική, ὥσπερ λέγω, πᾶσα διὰ τοῦ θεοῦ τούτου κυβερνᾶται, ὡσαύτως δὲ καὶ γυμναστικὴ καὶ γεωργία· μουσικὴ δὲ καὶ παντὶ κατάδηλος τῷ καὶ σμικρὸν προσέχοντι τὸν νοῦν ὅτι κατὰ ταὐτὰ ἔχει τούτοις, ὥσπερ ἴσως καὶ Ἡράκλειτος βούλεται λέγειν, ἐπεὶ τοῖς γε ῥήμασιν οὐ καλῶς λέγει. τὸ ἓν γάρ φησι διαφερόμενον αὐτὸ αὑτῷ συμφέρεσθαι, ὥσπερ ἁρμονίαν τόξου τε καὶ λύρας. ἔστι δὲ πολλὴ ἀλογία ἁρμονίαν φάναι διαφέρεσθαι ἢ ἐκ διαφερομένων ἔτι εἶναι. ἀλλὰ ἴσως τόδε ἐβούλετο λέγειν, ὅτι ἐκ διαφερομένων πρότερον τοῦ ὀξέος καὶ βαρέος, ἔπειτα ὕστερον ὁμολογησάντων γέγονεν ὑπὸ τῆς μουσικῆς τέχνης. οὐ γὰρ δήπου ἐκ διαφερομένων γε ἔτι τοῦ ὀξέος καὶ βαρέος ἁρμονία ἂν εἴη· ἡ γὰρ ἁρμονία συμφωνία ἐστίν, συμφωνία δὲ ὁμολογία τις—ὁμολογίαν δὲ ἐκ διαφερομένων, ἕως ἂν διαφέρωνται, ἀδύνατον εἶναι· διαφερόμενον δὲ αὖ καὶ μὴ ὁμολογοῦν ἀδύνατον ἁρμόσαι—ὥσπερ γε καὶ ὁ ῥυθμὸς ἐκ τοῦ ταχέος καὶ βραδέος, ἐκ διενηνεγμένων πρότερον, ὕστερον δὲ ὁμολογησάντων γέγονε. τὴν δὲ ὁμολογίαν πᾶσι τούτοις, ὥσπερ ἐκεῖ ἡ ἰατρική, ἐνταῦθα ἡ μουσικὴ ἐντίθησιν, ἔρωτα καὶ ὁμόνοιαν ἀλλήλων ἐμποιήσασα· καὶ ἔστιν αὖ μουσικὴ περὶ ἁρμονίαν καὶ ῥυθμὸν ἐρωτικῶν ἐπιστήμη. καὶ ἐν μέν γε αὐτῇ τῇ συστάσει ἁρμονίας τε καὶ ῥυθμοῦ οὐδὲν χαλεπὸν τὰ ἐρωτικὰ διαγιγνώσκειν, οὐδὲ ὁ διπλοῦς ἔρως ἐνταῦθά πω ἔστιν· ἀλλʼ ἐπειδὰν δέῃ πρὸς τοὺς ἀνθρώπους καταχρῆσθαι ῥυθμῷ τε καὶ ἁρμονίᾳ ἢ ποιοῦντα, ὃ δὴ μελοποιίαν καλοῦσιν, ἢ χρώμενον ὀρθῶς τοῖς πεποιημένοις μέλεσί τε καὶ μέτροις, ὃ δὴ παιδεία ἐκλήθη, ἐνταῦθα δὴ καὶ χαλεπὸν καὶ ἀγαθοῦ δημιουργοῦ δεῖ. πάλιν γὰρ ἥκει ὁ αὐτὸς λόγος, ὅτι τοῖς μὲν κοσμίοις τῶν ἀνθρώπων, καὶ ὡς ἂν κοσμιώτεροι γίγνοιντο οἱ μήπω ὄντες, δεῖ χαρίζεσθαι καὶ φυλάττειν τὸν τούτων ἔρωτα, καὶ οὗτός ἐστιν ὁ καλός, ὁ οὐράνιος, ὁ τῆς Οὐρανίας μούσης Ἔρως· ὁ δὲ Πολυμνίας ὁ πάνδημος, ὃν δεῖ εὐλαβούμενον προσφέρειν οἷς ἂν προσφέρῃ, ὅπως ἂν τὴν μὲν ἡδονὴν αὐτοῦ καρπώσηται, ἀκολασίαν δὲ μηδεμίαν ἐμποιήσῃ, ὥσπερ ἐν τῇ ἡμετέρᾳ τέχνῃ μέγα ἔργον ταῖς περὶ τὴν ὀψοποιικὴν τέχνην ἐπιθυμίαις καλῶς χρῆσθαι, ὥστʼ ἄνευ νόσου τὴν ἡδονὴν καρπώσασθαι.

こうして医術は、私の言うように、すべてこの神によって舵取りされているのであり、体育術や農業術も同様だ。そして音楽もまた、ほんの少しでも注意を向ける人には誰にでも、これらと同じ事情にあることは明らかだ。おそらくヘラクレイトスも、そう言おうとしているのだろう。その言葉づかいは見事ではないが。というのも、彼は、一なるものは自分自身と相違しながら自分自身と一致する、弓と竪琴の調和（ハルモニア）のように、と言っているのだ。だが、調和が相違するとか、なお相違しているものから成り立つとか言うのは、大いに不合理だ。しかし、おそらく彼は次のことを言おうとしたのだろう。調和は、はじめは相違していた高音と低音とから、のちに両者が一致したときに、音楽の技術によって生じたのだ、と。というのも、高音と低音がなお相違しているのに、それらから調和が生じるということは、もちろんないだろうから。調和とは協和であり、協和とは一種の一致であって――相違しているものどうしからは、相違しているあいだは一致は生じえず、また相違していて一致しないものを調和させることはできない――、ちょうどリズムもまた、はじめは相違していた速いものと遅いものとから、のちに両者が一致したときに生じるのと同じだ。そしてこれらすべてに一致を植えつけるのは、あちらで医術がそうしたように、こちらでは音楽であり、互いのエロースと調和を植えつけるのだ。そしてまた音楽とは、調和とリズムに関する恋の営みについての知識なのだ。調和とリズムの成り立ちそのものにおいては、恋の営みを見分けるのは少しも難しくなく、そこにはまだ二重のエロースはない。だが、人々に向けてリズムと調和を用いなければならないとき――作ること、つまり作曲と呼ばれるものにおいてであれ、すでに作られた歌や韻律を正しく用いること、つまり教育と呼ばれてきたものにおいてであれ――、そこではまさに難しく、優れた職人が必要となる。というのも、同じ議論がまた戻ってくるのだ。人々のうち節度ある者たちには、またまだそうでない者たちがより節度ある者となるように、身を任せ、その人々のエロースを守らなければならない。そしてこれこそが美しいエロース、天上の、ウラニアのムーサのエロースなのだ。他方、ポリュムニアのエロースは大衆的なエロースであって、それをもたらす相手には用心してもたらし、その快楽を享受しつつも、放埒を少しも植えつけないようにしなければならない。ちょうど私たちの技術において、料理術にかかわる欲望を見事に用いて、病気にならずに快楽を享受するようにするのが大仕事であるように。

καὶ ἐν μουσικῇ δὴ καὶ ἐν ἰατρικῇ καὶ ἐν τοῖς ἄλλοις πᾶσι καὶ τοῖς ἀνθρωπείοις καὶ τοῖς θείοις, καθʼ ὅσον παρείκει, φυλακτέον ἑκάτερον τὸν ἔρωτα· ἔνεστον γάρ. ἐπεὶ καὶ ἡ τῶν ὡρῶν τοῦ ἐνιαυτοῦ σύστασις μεστή ἐστιν ἀμφοτέρων τούτων, καὶ ἐπειδὰν μὲν πρὸς ἄλληλα τοῦ κοσμίου τύχῃ ἔρωτος ἃ νυνδὴ ἐγὼ ἔλεγον, τά τε θερμὰ καὶ τὰ ψυχρὰ καὶ ξηρὰ καὶ ὑγρά, καὶ ἁρμονίαν καὶ κρᾶσιν λάβῃ σώφρονα, ἥκει φέροντα εὐετηρίαν τε καὶ ὑγίειαν ἀνθρώποις καὶ τοῖς ἄλλοις ζῴοις τε καὶ φυτοῖς, καὶ οὐδὲν ἠδίκησεν· ὅταν δὲ ὁ μετὰ τῆς ὕβρεως Ἔρως ἐγκρατέστερος περὶ τὰς τοῦ ἐνιαυτοῦ ὥρας γένηται, διέφθειρέν τε πολλὰ καὶ ἠδίκησεν. οἵ τε γὰρ λοιμοὶ φιλοῦσι γίγνεσθαι ἐκ τῶν τοιούτων καὶ ἄλλα ἀνόμοια πολλὰ νοσήματα καὶ τοῖς θηρίοις καὶ τοῖς φυτοῖς· καὶ γὰρ πάχναι καὶ χάλαζαι καὶ ἐρυσῖβαι ἐκ πλεονεξίας καὶ ἀκοσμίας περὶ ἄλληλα τῶν τοιούτων γίγνεται ἐρωτικῶν, ὧν ἐπιστήμη περὶ ἄστρων τε φορὰς καὶ ἐνιαυτῶν ὥρας ἀστρονομία καλεῖται. ἔτι τοίνυν καὶ αἱ θυσίαι πᾶσαι καὶ οἷς μαντικὴ ἐπιστατεῖ—ταῦτα δʼ ἐστὶν ἡ περὶ θεούς τε καὶ ἀνθρώπους πρὸς ἀλλήλους κοινωνία—οὐ περὶ ἄλλο τί ἐστιν ἢ περὶ Ἔρωτος φυλακήν τε καὶ ἴασιν. πᾶσα γὰρ ἀσέβεια φιλεῖ γίγνεσθαι ἐὰν μή τις τῷ κοσμίῳ Ἔρωτι χαρίζηται μηδὲ τιμᾷ τε αὐτὸν καὶ πρεσβεύῃ ἐν παντὶ ἔργῳ, ἀλλὰ τὸν ἕτερον, καὶ περὶ γονέας καὶ ζῶντας καὶ τετελευτηκότας καὶ περὶ θεούς· ἃ δὴ προστέτακται τῇ μαντικῇ ἐπισκοπεῖν τοὺς ἐρῶντας καὶ ἰατρεύειν, καὶ ἔστιν αὖ ἡ μαντικὴ φιλίας θεῶν καὶ ἀνθρώπων δημιουργὸς τῷ ἐπίστασθαι τὰ κατὰ ἀνθρώπους ἐρωτικά, ὅσα τείνει πρὸς θέμιν καὶ εὐσέβειαν. οὕτω πολλὴν καὶ μεγάλην, μᾶλλον δὲ πᾶσαν δύναμιν ἔχει συλλήβδην μὲν ὁ πᾶς Ἔρως, ὁ δὲ περὶ τἀγαθὰ μετὰ σωφροσύνης καὶ δικαιοσύνης ἀποτελούμενος καὶ παρʼ ἡμῖν καὶ παρὰ θεοῖς, οὗτος τὴν μεγίστην δύναμιν ἔχει καὶ πᾶσαν ἡμῖν εὐδαιμονίαν παρασκευάζει καὶ ἀλλήλοις δυναμένους ὁμιλεῖν καὶ φίλους εἶναι καὶ τοῖς κρείττοσιν ἡμῶν θεοῖς. ἴσως μὲν οὖν καὶ ἐγὼ τὸν ἔρωτα ἐπαινῶν πολλὰ παραλείπω, οὐ μέντοι ἑκών γε. ἀλλʼ εἴ τι ἐξέλιπον, σὸν ἔργον, ὦ Ἀριστόφανες, ἀναπληρῶσαι· ἢ εἴ πως ἄλλως ἐν νῷ ἔχεις ἐγκωμιάζειν τὸν θεόν, ἐγκωμίαζε, ἐπειδὴ καὶ τῆς λυγγὸς πέπαυσαι.

だから、音楽においても医術においても、そのほかすべてのことにおいても、人間的なことにおいても神的なことにおいても、許されるかぎり、どちらのエロースも見張っていなければならない。両方が内にあるのだから。というのも、一年の季節の成り立ちもまた、これら両方に満ちているのだ。今しがた私が言っていたもの、熱いものと冷たいもの、乾いたものと湿ったものが、互いに節度あるエロースにあずかり、節度ある調和と混合を得るときには、それらは人間にもほかの動物や植物にも豊作と健康をもたらしてやって来て、何の害も加えない。だが、傲慢（ヒュブリス）を伴うエロースが一年の季節に関してより優勢になると、多くのものを損ない、害を加える。というのも、疫病もそうしたことから生じるのが常であり、獣や植物にも、ほかの多くのさまざまな病気が生じる。霜や雹や黒穂病も、そうした恋の営みが互いに貪欲で無秩序であることから生じるのであり、星々の運行や一年の季節に関するそれらについての知識は、天文学と呼ばれている。さらにまた、あらゆる犠牲の儀式や、予言術がつかさどるすべてのこと――それはすなわち、神々と人間との互いの交わりなのだが――は、エロースの見張りと治療以外の何ものにも関わっていない。というのも、あらゆる不敬虔は、人が節度あるエロースに身を任せず、またそれをあらゆる行いにおいて尊び重んじるのではなく、もう一方のエロースに従うときに、両親に関しても――生きている両親であれ死んだ両親であれ――神々に関しても生じるのが常だからだ。まさにこうした恋する者たちを監視し治療することが、予言術に課された務めなのであり、また予言術は、人間にかかわる恋の営みのうち、掟と敬虔に向かうものを知ることによって、神々と人間との友愛を作り出す職人なのだ。このように、エロースの全体は、まとめて言えば、多くの大きな力、いやむしろあらゆる力をもっているが、善きものに関して、節制と正義をもって、私たちのもとでも神々のもとでも成就されるエロース、これこそが最大の力をもち、私たちにあらゆる幸福を用意し、私たちが互いに、また私たちより強い神々とも交わり、友であることができるようにするのだ。おそらく私も、エロースを讃えながら多くのことを言い落としているだろうが、わざとではない。だが、もし何か言い残したなら、アリストパネス、それを補うのは君の仕事だ。あるいは、もし何かほかの仕方でこの神を讃えるつもりなら、讃えたまえ。しゃっくりも止まったのだから」。

ἐκδεξάμενον οὖν ἔφη εἰπεῖν τὸν Ἀριστοφάνη ὅτι καὶ μάλʼ ἐπαύσατο, οὐ μέντοι πρίν γε τὸν πταρμὸν προσενεχθῆναι αὐτῇ, ὥστε με θαυμάζειν εἰ τὸ κόσμιον τοῦ σώματος ἐπιθυμεῖ τοιούτων ψόφων καὶ γαργαλισμῶν, οἷον καὶ ὁ πταρμός ἐστιν· πάνυ γὰρ εὐθὺς ἐπαύσατο, ἐπειδὴ αὐτῷ τὸν πταρμὸν προσήνεγκα. καὶ τὸν Ἐρυξίμαχον, ὠγαθέ, φάναι, Ἀριστόφανες, ὅρα τί ποιεῖς. γελωτοποιεῖς μέλλων λέγειν, καὶ φύλακά με τοῦ λόγου ἀναγκάζεις γίγνεσθαι τοῦ σεαυτοῦ, ἐάν τι γελοῖον εἴπῃς, ἐξόν σοι ἐν εἰρήνῃ λέγειν. καὶ τὸν Ἀριστοφάνη γελάσαντα εἰπεῖν εὖ λέγεις, ὦ Ἐρυξίμαχε, καί μοι ἔστω ἄρρητα τὰ εἰρημένα. ἀλλὰ μή με φύλαττε, ὡς ἐγὼ φοβοῦμαι περὶ τῶν μελλόντων ῥηθήσεσθαι, οὔ τι μὴ γελοῖα εἴπω — τοῦτο μὲν γὰρ ἂν κέρδος εἴη καὶ τῆς ἡμετέρας μούσης ἐπιχώριον — ἀλλὰ μὴ καταγέλαστα. βαλών γε, φάναι, ὦ Ἀριστόφανες, οἴει ἐκφεύξεσθαι· ἀλλὰ πρόσεχε τὸν νοῦν καὶ οὕτως λέγε ὡς δώσων λόγον. ἴσως μέντοι, ἂν δόξῃ μοι, ἀφήσω σε. καὶ μήν, ὦ Ἐρυξίμαχε, εἰπεῖν τὸν Ἀριστοφάνη, ἄλλῃ γέ πῃ ἐν νῷ ἔχω λέγειν ἢ ᾗ σύ τε καὶ Παυσανίας εἰπέτην. ἐμοὶ γὰρ δοκοῦσιν ἅνθρωποι παντάπασι τὴν τοῦ ἔρωτος δύναμιν οὐκ ᾐσθῆσθαι, ἐπεὶ αἰσθανόμενοί γε μέγιστʼ ἂν αὐτοῦ ἱερὰ κατασκευάσαι καὶ βωμούς, καὶ θυσίας ἂν ποιεῖν μεγίστας, οὐχ ὥσπερ νῦν τούτων οὐδὲν γίγνεται περὶ αὐτόν, δέον πάντων μάλιστα γίγνεσθαι. ἔστι γὰρ θεῶν φιλανθρωπότατος, ἐπίκουρός τε ὢν τῶν ἀνθρώπων καὶ ἰατρὸς τούτων ὧν ἰαθέντων μεγίστη εὐδαιμονία ἂν τῷ ἀνθρωπείῳ γένει εἴη. ἐγὼ οὖν πειράσομαι ὑμῖν εἰσηγήσασθαι τὴν δύναμιν αὐτοῦ, ὑμεῖς δὲ τῶν ἄλλων διδάσκαλοι ἔσεσθε. δεῖ δὲ πρῶτον ὑμᾶς μαθεῖν τὴν ἀνθρωπίνην φύσιν καὶ τὰ παθήματα αὐτῆς. ἡ γὰρ πάλαι ἡμῶν φύσις οὐχ αὑτὴ ἦν ἥπερ νῦν, ἀλλʼ ἀλλοία. πρῶτον μὲν γὰρ τρία ἦν τὰ γένη τὰ τῶν ἀνθρώπων, οὐχ ὥσπερ νῦν δύο, ἄρρεν καὶ θῆλυ, ἀλλὰ καὶ τρίτον προσῆν κοινὸν ὂν ἀμφοτέρων τούτων, οὗ νῦν ὄνομα λοιπόν, αὐτὸ δὲ ἠφάνισται· ἀνδρόγυνον γὰρ ἓν τότε μὲν ἦν καὶ εἶδος καὶ ὄνομα ἐξ ἀμφοτέρων κοινὸν τοῦ τε ἄρρενος καὶ θήλεος, νῦν δὲ οὐκ ἔστιν ἀλλʼ ἢ ἐν ὀνείδει ὄνομα κείμενον.

そこでアリストデモスが言うには、アリストパネスが話を引き継いで言ったという。「たしかに止まったよ。だが、くしゃみをあてがうまでは止まらなかった。だから私は、身体の節度ある部分が、くしゃみのような、こういう音やくすぐりを欲しがるのかと驚いているのだ。くしゃみをあてがったら、たちまち止まったのだからね」。するとエリュクシマコスは言ったという。「おい、アリストパネス、自分が何をしているか考えたまえ。話し始めようというときに笑いを取っている。そして、君が何かおかしなことを言わないかと、私を君自身の話の見張り番にならせようとしているのだ。平穏に話すこともできるのに」。するとアリストパネスは笑って言ったという。「もっともだ、エリュクシマコス。今言ったことはなかったことにしてくれ。だが、私を見張らないでくれ。私が恐れているのは、これから言おうとすることについて、おかしなことを言いはしないかということではない――それなら得になるし、私たちのムーサの持ち前なのだから――。そうではなく、物笑いの種になることを言いはしないかということなのだ」。「投げつけておいて」と彼は言ったという、「逃げおおせると思っているのかね、アリストパネス。まあ、注意を向けて、説明を求められるつもりで話したまえ。だが、もしその気になれば、見逃してあげるかもしれない」。「いや、エリュクシマコス」とアリストパネスは言ったという、「私は、君やパウサニアスが語ったのとは何か別の仕方で語るつもりだ。というのも、人間たちはエロースの力にまったく気づいていないように私には思われるのだ。もし気づいていたなら、彼のために最大の神殿や祭壇を建て、最大の犠牲を捧げていたことだろう。今はそのどれ一つとして彼のためになされていないが、何よりもなされるべきなのに。というのも、彼は神々のうちで最も人間を愛する者であり、人間の助け手であり、その病が癒されれば人類にとって最大の幸福が生じるであろう、そういう病の医者なのだから。そこで私は、君たちに彼の力を説き明かしてみよう。君たちはほかの人々の教師となるだろう。だが、まず君たちは、人間の本性とその受けた変化とを学ばなければならない。というのも、昔の私たちの本性は、今のそれと同じではなく、別のものだったのだ。まず第一に、人間の種族は三つあって、今のように男と女の二つではなく、この両方をあわせもつ第三の種族もあった。その名は今も残っているが、それ自体は消え失せてしまった。というのも、そのときには男女（アンドロギュノス）というものが、姿においても名においても、男と女の両方をあわせもつ一つのものとしてあったのだが、今では、罵りの言葉として名が残っているだけなのだから。

ἔπειτα ὅλον ἦν ἑκάστου τοῦ ἀνθρώπου τὸ εἶδος στρογγύλον, νῶτον καὶ πλευρὰς κύκλῳ ἔχον, χεῖρας δὲ τέτταρας εἶχε, καὶ σκέλη τὰ ἴσα ταῖς χερσίν, καὶ πρόσωπα δύʼ ἐπʼ αὐχένι κυκλοτερεῖ, ὅμοια πάντῃ· κεφαλὴν δʼ ἐπʼ ἀμφοτέροις τοῖς προσώποις ἐναντίοις κειμένοις μίαν, καὶ ὦτα τέτταρα, καὶ αἰδοῖα δύο, καὶ τἆλλα πάντα ὡς ἀπὸ τούτων ἄν τις εἰκάσειεν. ἐπορεύετο δὲ καὶ ὀρθὸν ὥσπερ νῦν, ὁποτέρωσε βουληθείη· καὶ ὁπότε ταχὺ ὁρμήσειεν θεῖν, ὥσπερ οἱ κυβιστῶντες καὶ εἰς ὀρθὸν τὰ σκέλη περιφερόμενοι κυβιστῶσι κύκλῳ, ὀκτὼ τότε οὖσι τοῖς μέλεσιν ἀπερειδόμενοι ταχὺ ἐφέροντο κύκλῳ. ἦν δὲ διὰ ταῦτα τρία τὰ γένη καὶ τοιαῦτα, ὅτι τὸ μὲν ἄρρεν ἦν τοῦ ἡλίου τὴν ἀρχὴν ἔκγονον, τὸ δὲ θῆλυ τῆς γῆς, τὸ δὲ ἀμφοτέρων μετέχον τῆς σελήνης, ὅτι καὶ ἡ σελήνη ἀμφοτέρων μετέχει· περιφερῆ δὲ δὴ ἦν καὶ αὐτὰ καὶ ἡ πορεία αὐτῶν διὰ τὸ τοῖς γονεῦσιν ὅμοια εἶναι. ἦν οὖν τὴν ἰσχὺν δεινὰ καὶ τὴν ῥώμην, καὶ τὰ φρονήματα μεγάλα εἶχον, ἐπεχείρησαν δὲ τοῖς θεοῖς, καὶ ὃ λέγει Ὅμηρος περὶ Ἐφιάλτου τε καὶ Ὤτου, περὶ ἐκείνων λέγεται, τὸ εἰς τὸν οὐρανὸν ἀνάβασιν ἐπιχειρεῖν ποιεῖν, ὡς ἐπιθησομένων τοῖς θεοῖς. ὁ οὖν Ζεὺς καὶ οἱ ἄλλοι θεοὶ ἐβουλεύοντο ὅτι χρὴ αὐτοὺς ποιῆσαι, καὶ ἠπόρουν· οὔτε γὰρ ὅπως ἀποκτείναιεν εἶχον καὶ ὥσπερ τοὺς γίγαντας κεραυνώσαντες τὸ γένος ἀφανίσαιεν—αἱ τιμαὶ γὰρ αὐτοῖς καὶ ἱερὰ τὰ παρὰ τῶν ἀνθρώπων ἠφανίζετο— οὔτε ὅπως ἐῷεν ἀσελγαίνειν. μόγις δὴ ὁ Ζεὺς ἐννοήσας λέγει ὅτι δοκῶ μοι, ἔφη, ἔχειν μηχανήν, ὡς ἂν εἶέν τε ἅνθρωποι καὶ παύσαιντο τῆς ἀκολασίας ἀσθενέστεροι γενόμενοι. νῦν μὲν γὰρ αὐτούς, ἔφη, διατεμῶ δίχα ἕκαστον, καὶ ἅμα μὲν ἀσθενέστεροι ἔσονται, ἅμα δὲ χρησιμώτεροι ἡμῖν διὰ τὸ πλείους τὸν ἀριθμὸν γεγονέναι· καὶ βαδιοῦνται ὀρθοὶ ἐπὶ δυοῖν σκελοῖν. ἐὰν δʼ ἔτι δοκῶσιν ἀσελγαίνειν καὶ μὴ ʼθέλωσιν ἡσυχίαν ἄγειν, πάλιν αὖ, ἔφη, τεμῶ δίχα, ὥστʼ ἐφʼ ἑνὸς πορεύσονται σκέλους ἀσκωλιάζοντες. ταῦτα εἰπὼν ἔτεμνε τοὺς ἀνθρώπους δίχα, ὥσπερ οἱ τὰ ὄα τέμνοντες καὶ μέλλοντες ταριχεύειν, ἢ ὥσπερ οἱ τὰ ᾠὰ ταῖς θριξίν· ὅντινα δὲ τέμοι, τὸν Ἀπόλλω ἐκέλευεν τό τε πρόσωπον μεταστρέφειν καὶ τὸ τοῦ αὐχένος ἥμισυ πρὸς τὴν τομήν, ἵνα θεώμενος τὴν αὑτοῦ τμῆσιν κοσμιώτερος εἴη ὁ ἄνθρωπος, καὶ τἆλλα ἰᾶσθαι ἐκέλευεν. ὁ δὲ τό τε πρόσωπον μετέστρεφε, καὶ συνέλκων πανταχόθεν τὸ δέρμα ἐπὶ τὴν γαστέρα νῦν καλουμένην, ὥσπερ τὰ σύσπαστα βαλλάντια, ἓν στόμα ποιῶν ἀπέδει κατὰ μέσην τὴν γαστέρα, ὃ δὴ τὸν ὀμφαλὸν καλοῦσι.

次に、それぞれの人間の姿は全体が丸く、背と脇腹がぐるりと輪になっていて、手は四本、脚も手と同じ数だけあり、丸い首の上に、あらゆる点でそっくりな顔が二つあった。そして、反対向きについているその二つの顔の上に頭は一つ、耳は四つ、恥部は二つあり、ほかのすべても、ここから推し量れるとおりだった。歩くときも、今のようにまっすぐ立って、どちらでも望む方向へ歩いた。そして速く走ろうとするときには、ちょうど軽業師たちが脚をまっすぐ上に回転させてぐるぐる宙返りするように、そのときは八本あった手足で地面を突いて、ぐるぐると速く転がっていったのだ。そして種族が三つで、しかもこのようなものだったのは、男は元来太陽の子孫であり、女は大地の子孫であり、両方をあわせもつものは月の子孫だったからだ。月もまた両方をあわせもっているのだから。そして彼ら自身も、その歩みも丸かったのは、親に似ていたからだった。さて、彼らは力も腕力も恐ろしいほどで、大いなる驕りをもっていて、神々に挑みかかった。ホメロスがエピアルテスとオトスについて言っていること、つまり神々に襲いかかろうとして天に上ろうと企てたということは、彼らについて言われていることなのだ。そこでゼウスとほかの神々は、彼らをどうすべきか協議したが、困り果てた。巨人たちにしたように雷で撃って種族を滅ぼしてしまうわけにもいかなかったし――人間たちから受ける名誉や供物も消え失せてしまうのだから――、かといって、彼らが傍若無人にふるまうのを放っておくわけにもいかなかった。やっとのことでゼウスは思いついて言った。『私にはよい手立てがあるように思う。人間たちが存在し続け、しかもより弱くなって放埒をやめるような手立てだ。今、彼らを一人ずつ二つに切り分けてやろう』と彼は言った。『そうすれば、彼らはより弱くなると同時に、数が増えるので私たちにとってより役に立つだろう。そして二本の脚でまっすぐ歩くだろう。もしまだ傍若無人にふるまい、おとなしくしようとしないなら、また二つに切ってやろう』と彼は言った。『そうすれば一本脚で、けんけん跳びをしながら進むだろう』。こう言うと、ゼウスは人間たちを二つに切った。ちょうど、干物にしようとナナカマドの実を切る人々のように、あるいは卵を髪の毛で切る人々のように。そして、切った者のそれぞれについて、アポロンに命じて、顔と首の半分を切り口のほうへ向け直させた。人間が自分の切断されたところを眺めて、より節度ある者になるようにだ。そしてほかのところも治すよう命じた。 アポロンは顔を向け直し、皮膚をあらゆる方向から、今腹と呼ばれているところへ引き寄せて、巾着袋の口を絞るように、腹の真ん中に一つの口を作って結んだ。それを人々はへそと呼んでいる。

καὶ τὰς μὲν ἄλλας ῥυτίδας τὰς πολλὰς ἐξελέαινε καὶ τὰ στήθη διήρθρου, ἔχων τι τοιοῦτον ὄργανον οἷον οἱ σκυτοτόμοι περὶ τὸν καλάποδα λεαίνοντες τὰς τῶν σκυτῶν ῥυτίδας· ὀλίγας δὲ κατέλιπε, τὰς περὶ αὐτὴν τὴν γαστέρα καὶ τὸν ὀμφαλόν, μνημεῖον εἶναι τοῦ παλαιοῦ πάθους. ἐπειδὴ οὖν ἡ φύσις δίχα ἐτμήθη, ποθοῦν ἕκαστον τὸ ἥμισυ τὸ αὑτοῦ συνῄει, καὶ περιβάλλοντες τὰς χεῖρας καὶ συμπλεκόμενοι ἀλλήλοις, ἐπιθυμοῦντες συμφῦναι, ἀπέθνῃσκον ὑπὸ λιμοῦ καὶ τῆς ἄλλης ἀργίας διὰ τὸ μηδὲν ἐθέλειν χωρὶς ἀλλήλων ποιεῖν. καὶ ὁπότε τι ἀποθάνοι τῶν ἡμίσεων, τὸ δὲ λειφθείη, τὸ λειφθὲν ἄλλο ἐζήτει καὶ συνεπλέκετο, εἴτε γυναικὸς τῆς ὅλης ἐντύχοι ἡμίσει—ὃ δὴ νῦν γυναῖκα καλοῦμεν—εἴτε ἀνδρός· καὶ οὕτως ἀπώλλυντο. ἐλεήσας δὲ ὁ Ζεὺς ἄλλην μηχανὴν πορίζεται, καὶ μετατίθησιν αὐτῶν τὰ αἰδοῖα εἰς τὸ πρόσθεν—τέως γὰρ καὶ ταῦτα ἐκτὸς εἶχον, καὶ ἐγέννων καὶ ἔτικτον οὐκ εἰς ἀλλήλους ἀλλʼ εἰς γῆν, ὥσπερ οἱ τέττιγες—μετέθηκέ τε οὖν οὕτω αὐτῶν εἰς τὸ πρόσθεν καὶ διὰ τούτων τὴν γένεσιν ἐν ἀλλήλοις ἐποίησεν, διὰ τοῦ ἄρρενος ἐν τῷ θήλει, τῶνδε ἕνεκα, ἵνα ἐν τῇ συμπλοκῇ ἅμα μὲν εἰ ἀνὴρ γυναικὶ ἐντύχοι, γεννῷεν καὶ γίγνοιτο τὸ γένος, ἅμα δʼ εἰ καὶ ἄρρην ἄρρενι, πλησμονὴ γοῦν γίγνοιτο τῆς συνουσίας καὶ διαπαύοιντο καὶ ἐπὶ τὰ ἔργα τρέποιντο καὶ τοῦ ἄλλου βίου ἐπιμελοῖντο. ἔστι δὴ οὖν ἐκ τόσου ὁ ἔρως ἔμφυτος ἀλλήλων τοῖς ἀνθρώποις καὶ τῆς ἀρχαίας φύσεως συναγωγεὺς καὶ ἐπιχειρῶν ποιῆσαι ἓν ἐκ δυοῖν καὶ ἰάσασθαι τὴν φύσιν τὴν ἀνθρωπίνην. ἕκαστος οὖν ἡμῶν ἐστιν ἀνθρώπου σύμβολον, ἅτε τετμημένος ὥσπερ αἱ ψῆτται, ἐξ ἑνὸς δύο· ζητεῖ δὴ ἀεὶ τὸ αὑτοῦ ἕκαστος σύμβολον. ὅσοι μὲν οὖν τῶν ἀνδρῶν τοῦ κοινοῦ τμῆμά εἰσιν, ὃ δὴ τότε ἀνδρόγυνον ἐκαλεῖτο, φιλογύναικές τέ εἰσι καὶ οἱ πολλοὶ τῶν μοιχῶν ἐκ τούτου τοῦ γένους γεγόνασιν, καὶ ὅσαι αὖ γυναῖκες φίλανδροί τε καὶ μοιχεύτριαι ἐκ τούτου τοῦ γένους γίγνονται. ὅσαι δὲ τῶν γυναικῶν γυναικὸς τμῆμά εἰσιν, οὐ πάνυ αὗται τοῖς ἀνδράσι τὸν νοῦν προσέχουσιν, ἀλλὰ μᾶλλον πρὸς τὰς γυναῖκας τετραμμέναι εἰσί, καὶ αἱ ἑταιρίστριαι ἐκ τούτου τοῦ γένους γίγνονται.

そして、ほかの多くのしわは滑らかにし、胸の形を整えた。ちょうど靴作りが靴型の上で革のしわを伸ばすときに使うような道具を用いてだ。だが、腹そのものとへそのまわりにある少しのしわは残しておいた。昔の受難の記念となるように。さて、本性が二つに切られたので、それぞれが自分の半身を恋い求めて一緒になり、腕を回して互いに抱き合い、一つに生え合わさろうと欲して、飢えやそのほかの無為のために死んでいった。互いに離れては何一つしようとしなかったからだ。そして半身の一方が死んで他方が残されると、残されたほうは別の半身を探して抱き合った。全体の女の半分――それを今私たちは女と呼んでいるのだが――に出会おうと、男の半分に出会おうと。こうして彼らは滅びていった。ゼウスは憐れんで、別の手立てを講じ、彼らの恥部を前へと移した――それまでは、それも外側についていて、互いのうちにではなく、蝉のように大地のうちに子を生み、産んでいたのだ――。こうしてゼウスは、それを彼らの前へと移し、それによって互いのうちでの生殖、つまり男を通じて女のうちでの生殖を作り出した。それは次のためだった。抱き合うなかで、男が女に出会えば、子を生み、種族が生じるように。また男が男に出会っても、少なくとも交わりに満ち足りて休み、仕事に向かい、生活のほかのことに心を配るように。まさにこれほど昔から、互いへのエロースは人間たちに生まれつき備わっていて、昔の本性を寄せ集め、二つのものから一つのものを作り、人間の本性を癒そうと試みているのだ。だから私たちのそれぞれは、ヒラメのように、一つから二つに切られたものとして、人間の割符（シュンボロン）なのだ。そして、それぞれがいつも自分の割符を探し求めている。そこで男たちのうち、共通のもの――そのとき男女と呼ばれていたもの――の切片である者たちは、女好きであり、姦通者の多くもこの種族から生まれている。また女たちのうち、男好きで姦通する女たちも、この種族から生まれる。他方、女たちのうち女の切片である者たちは、男たちにはあまり心を向けず、むしろ女たちのほうに向いていて、女を愛する女たち（ヘタイリストリアイ）もこの種族から生まれる。

ὅσοι δὲ ἄρρενος τμῆμά εἰσι, τὰ ἄρρενα διώκουσι, καὶ τέως μὲν ἂν παῖδες ὦσιν, ἅτε τεμάχια ὄντα τοῦ ἄρρενος, φιλοῦσι τοὺς ἄνδρας καὶ χαίρουσι συγκατακείμενοι καὶ συμπεπλεγμένοι τοῖς ἀνδράσι, καί εἰσιν οὗτοι βέλτιστοι τῶν παίδων καὶ μειρακίων, ἅτε ἀνδρειότατοι ὄντες φύσει. φασὶ δὲ δή τινες αὐτοὺς ἀναισχύντους εἶναι, ψευδόμενοι· οὐ γὰρ ὑπʼ ἀναισχυντίας τοῦτο δρῶσιν ἀλλʼ ὑπὸ θάρρους καὶ ἀνδρείας καὶ ἀρρενωπίας, τὸ ὅμοιον αὐτοῖς ἀσπαζόμενοι. μέγα δὲ τεκμήριον· καὶ γὰρ τελεωθέντες μόνοι ἀποβαίνουσιν εἰς τὰ πολιτικὰ ἄνδρες οἱ τοιοῦτοι. ἐπειδὰν δὲ ἀνδρωθῶσι, παιδεραστοῦσι καὶ πρὸς γάμους καὶ παιδοποιίας οὐ προσέχουσι τὸν νοῦν φύσει, ἀλλʼ ὑπὸ τοῦ νόμου ἀναγκάζονται· ἀλλʼ ἐξαρκεῖ αὐτοῖς μετʼ ἀλλήλων καταζῆν ἀγάμοις. πάντως μὲν οὖν ὁ τοιοῦτος παιδεραστής τε καὶ φιλεραστὴς γίγνεται, ἀεὶ τὸ συγγενὲς ἀσπαζόμενος. ὅταν μὲν οὖν καὶ αὐτῷ ἐκείνῳ ἐντύχῃ τῷ αὑτοῦ ἡμίσει καὶ ὁ παιδεραστὴς καὶ ἄλλος πᾶς, τότε καὶ θαυμαστὰ ἐκπλήττονται φιλίᾳ τε καὶ οἰκειότητι καὶ ἔρωτι, οὐκ ἐθέλοντες ὡς ἔπος εἰπεῖν χωρίζεσθαι ἀλλήλων οὐδὲ σμικρὸν χρόνον. καὶ οἱ διατελοῦντες μετʼ ἀλλήλων διὰ βίου οὗτοί εἰσιν, οἳ οὐδʼ ἂν ἔχοιεν εἰπεῖν ὅτι βούλονται σφίσι παρʼ ἀλλήλων γίγνεσθαι. οὐδενὶ γὰρ ἂν δόξειεν τοῦτʼ εἶναι ἡ τῶν ἀφροδισίων συνουσία, ὡς ἄρα τούτου ἕνεκα ἕτερος ἑτέρῳ χαίρει συνὼν οὕτως ἐπὶ μεγάλης σπουδῆς· ἀλλʼ ἄλλο τι βουλομένη ἑκατέρου ἡ ψυχὴ δήλη ἐστίν, ὃ οὐ δύναται εἰπεῖν, ἀλλὰ μαντεύεται ὃ βούλεται, καὶ αἰνίττεται. καὶ εἰ αὐτοῖς ἐν τῷ αὐτῷ κατακειμένοις ἐπιστὰς ὁ Ἥφαιστος, ἔχων τὰ ὄργανα, ἔροιτο· τί ἔσθʼ ὃ βούλεσθε, ὦ ἄνθρωποι, ὑμῖν παρʼ ἀλλήλων γενέσθαι; καὶ εἰ ἀποροῦντας αὐτοὺς πάλιν ἔροιτο· ἆρά γε τοῦδε ἐπιθυμεῖτε, ἐν τῷ αὐτῷ γενέσθαι ὅτι μάλιστα ἀλλήλοις, ὥστε καὶ νύκτα καὶ ἡμέραν μὴ ἀπολείπεσθαι ἀλλήλων; εἰ γὰρ τούτου ἐπιθυμεῖτε, θέλω ὑμᾶς συντῆξαι καὶ συμφυσῆσαι εἰς τὸ αὐτό, ὥστε δύʼ ὄντας ἕνα γεγονέναι καὶ ἕως τʼ ἂν ζῆτε, ὡς ἕνα ὄντα, κοινῇ ἀμφοτέρους ζῆν, καὶ ἐπειδὰν ἀποθάνητε, ἐκεῖ αὖ ἐν Ἅιδου ἀντὶ δυοῖν ἕνα εἶναι κοινῇ τεθνεῶτε· ἀλλʼ ὁρᾶτε εἰ τούτου ἐρᾶτε καὶ ἐξαρκεῖ ὑμῖν ἂν τούτου τύχητε· ταῦτʼ ἀκούσας ἴσμεν ὅτι οὐδʼ ἂν εἷς ἐξαρνηθείη οὐδʼ ἄλλο τι ἂν φανείη βουλόμενος, ἀλλʼ ἀτεχνῶς οἴοιτʼ ἂν ἀκηκοέναι τοῦτο ὃ πάλαι ἄρα ἐπεθύμει, συνελθὼν καὶ συντακεὶς τῷ ἐρωμένῳ ἐκ δυοῖν εἷς γενέσθαι.

男の切片である者たちは、男たちを追い求める。そして少年であるあいだは、男の切れ端なので、男たちを愛し、男たちと一緒に横になり抱き合うことを喜ぶ。そしてこういう者たちこそ、少年や若者のうちで最も優れた者たちなのだ。本性上最も男らしいのだから。ある人々は彼らを恥知らずだと言うが、それは嘘だ。というのも、彼らがこうするのは恥知らずさからではなく、大胆さと勇気と男らしさから、自分と似たものを歓迎するのだから。その大きな証拠がある。というのも、成人したとき、国事へと進み出て男となるのは、こういう者たちだけなのだ。そして大人の男になると、少年を愛し、結婚や子作りには本性上心を向けず、法によって強いられるのだ。むしろ彼らには、結婚せずに互いと一緒に生きていけば十分なのだ。いずれにせよ、このような者は、つねに同族のものを歓迎して、少年を愛する者（パイデラステース）となり、また愛する者を愛する者となる。さて、少年を愛する者であれ、ほかの誰であれ、まさに自分自身の半身に出会うと、そのときには、友愛と親しみとエロースに驚くほど打たれて、言ってみれば、ほんの少しのあいだも互いから離れたくないと思う。そして生涯を通じて互いと共に過ごし続けるのは、こういう人々なのだ。彼らは、互いから自分たちに何が生じることを望んでいるのか、言うことさえできないだろう。というのも、それが性愛の交わりであって、そのためにこそ、一方が他方と一緒にいることをこれほど熱心に喜んでいるのだとは、誰にも思われないだろうから。そうではなく、それぞれの魂は何か別のものを望んでいることが明らかだが、それを言うことができず、望むものを予言するように感じ取って、謎めかして語るのだ。そしてもし、彼らが同じところに横になっているときに、ヘパイストスが道具を持ってそばに立って、こう尋ねたとしたら――『人間たちよ、君たちは互いから自分たちに何が生じることを望んでいるのか』――、そして彼らが困っていると、さらにこう尋ねたとしたら――『君たちが欲しているのは、できるかぎり互いに同じところにいて、夜も昼も互いから離れないでいることではないか。もしそれを欲しているのなら、私は君たちを一つに溶かし合わせ、同じものへと生え合わせてやろう。二人であった君たちが一人となり、生きているあいだは、一人の者として、二人が共に生き、死んだときには、あちらのハデスの国でも、二人ではなく一人として、共に死んでいるように。さあ、君たちがそれを恋い求めているのか、それが得られれば満足なのか、考えてみたまえ』――、これを聞いて、ただ一人として拒む者はなく、何かほかのことを望んでいるようにも見えないだろうと、私たちは知っている。むしろ、まさにずっと前から欲していたこと、つまり愛する相手と一緒になり、溶け合って、二人から一人になることを聞いたのだと、まったく思うだろう。

τοῦτο γάρ ἐστι τὸ αἴτιον, ὅτι ἡ ἀρχαία φύσις ἡμῶν ἦν αὕτη καὶ ἦμεν ὅλοι· τοῦ ὅλου οὖν τῇ ἐπιθυμίᾳ καὶ διώξει ἔρως ὄνομα. καὶ πρὸ τοῦ, ὥσπερ λέγω, ἓν ἦμεν, νυνὶ δὲ διὰ τὴν ἀδικίαν διῳκίσθημεν ὑπὸ τοῦ θεοῦ, καθάπερ Ἀρκάδες ὑπὸ Λακεδαιμονίων· φόβος οὖν ἔστιν, ἐὰν μὴ κόσμιοι ὦμεν πρὸς τοὺς θεούς, ὅπως μὴ καὶ αὖθις διασχισθησόμεθα, καὶ περίιμεν ἔχοντες ὥσπερ οἱ ἐν ταῖς στήλαις καταγραφὴν ἐκτετυπωμένοι, διαπεπρισμένοι κατὰ τὰς ῥῖνας, γεγονότες ὥσπερ λίσπαι. ἀλλὰ τούτων ἕνεκα πάντʼ ἄνδρα χρὴ ἅπαντα παρακελεύεσθαι εὐσεβεῖν περὶ θεούς, ἵνα τὰ μὲν ἐκφύγωμεν, τῶν δὲ τύχωμεν, ὡς ὁ Ἔρως ἡμῖν ἡγεμὼν καὶ στρατηγός. ᾧ μηδεὶς ἐναντία πραττέτω— πράττει δʼ ἐναντία ὅστις θεοῖς ἀπεχθάνεται—φίλοι γὰρ γενόμενοι καὶ διαλλαγέντες τῷ θεῷ ἐξευρήσομέν τε καὶ ἐντευξόμεθα τοῖς παιδικοῖς τοῖς ἡμετέροις αὐτῶν, ὃ τῶν νῦν ὀλίγοι ποιοῦσι. καὶ μή μοι ὑπολάβῃ Ἐρυξίμαχος, κωμῳδῶν τὸν λόγον, ὡς Παυσανίαν καὶ Ἀγάθωνα λέγω—ἴσως μὲν γὰρ καὶ οὗτοι τούτων τυγχάνουσιν ὄντες καί εἰσιν ἀμφότεροι τὴν φύσιν ἄρρενες—λέγω δὲ οὖν ἔγωγε καθʼ ἁπάντων καὶ ἀνδρῶν καὶ γυναικῶν, ὅτι οὕτως ἂν ἡμῶν τὸ γένος εὔδαιμον γένοιτο, εἰ ἐκτελέσαιμεν τὸν ἔρωτα καὶ τῶν παιδικῶν τῶν αὑτοῦ ἕκαστος τύχοι εἰς τὴν ἀρχαίαν ἀπελθὼν φύσιν. εἰ δὲ τοῦτο ἄριστον, ἀναγκαῖον καὶ τῶν νῦν παρόντων τὸ τούτου ἐγγυτάτω ἄριστον εἶναι· τοῦτο δʼ ἐστὶ παιδικῶν τυχεῖν κατὰ νοῦν αὐτῷ πεφυκότων· οὗ δὴ τὸν αἴτιον θεὸν ὑμνοῦντες δικαίως ἂν ὑμνοῖμεν ἔρωτα, ὃς ἔν τε τῷ παρόντι ἡμᾶς πλεῖστα ὀνίνησιν εἰς τὸ οἰκεῖον ἄγων, καὶ εἰς τὸ ἔπειτα ἐλπίδας μεγίστας παρέχεται, ἡμῶν παρεχομένων πρὸς θεοὺς εὐσέβειαν, καταστήσας ἡμᾶς εἰς τὴν ἀρχαίαν φύσιν καὶ ἰασάμενος μακαρίους καὶ εὐδαίμονας ποιῆσαι. οὗτος, ἔφη, ὦ Ἐρυξίμαχε, ὁ ἐμὸς λόγος ἐστὶ περὶ Ἔρωτος, ἀλλοῖος ἢ ὁ σός. ὥσπερ οὖν ἐδεήθην σου, μὴ κωμῳδήσῃς αὐτόν, ἵνα καὶ τῶν λοιπῶν ἀκούσωμεν τί ἕκαστος ἐρεῖ, μᾶλλον δὲ τί ἑκάτερος· Ἀγάθων γὰρ καὶ Σωκράτης λοιποί. ἀλλὰ πείσομαί σοι, ἔφη φάναι τὸν Ἐρυξίμαχον· καὶ γάρ μοι ὁ λόγος ἡδέως ἐρρήθη. καὶ εἰ μὴ συνῄδη Σωκράτει τε καὶ Ἀγάθωνι δεινοῖς οὖσι περὶ τὰ ἐρωτικά, πάνυ ἂν ἐφοβούμην μὴ ἀπορήσωσι λόγων διὰ τὸ πολλὰ καὶ παντοδαπὰ εἰρῆσθαι· νῦν δὲ ὅμως θαρρῶ.

というのも、その原因はこうなのだ。私たちの昔の本性はこのようなものであり、私たちは全体だったのだ。だから、全体への欲求と追求に、エロースという名があるのだ。そして以前には、私の言うように、私たちは一つだったが、今は不正のために、神によって分けて住まわされた。ちょうどアルカディア人がラケダイモン人によってそうされたように。だから、もし私たちが神々に対して節度を保たないなら、また裂かれてしまいはしないか、そして墓碑に浮き彫りで刻まれた人々のように、鼻のところで縦に切られて、割られたさいころの片割れのようになって歩き回ることになりはしないかという恐れがある。だからこそ、すべての人が、あらゆる人に、神々に対して敬虔であるよう勧めなければならない。私たちが一方の運命を逃れ、他方の運命を得るように――エロースが私たちの導き手であり将軍であるように。誰も彼に逆らって行動してはならない――神々に憎まれる者は誰でも彼に逆らって行動しているのだ――。というのも、この神と友になり和解すれば、私たちは自分自身の愛する相手を見つけ出し、出会うことができるだろうから。今の人々のうちでそうする者はわずかだが。そして、エリュクシマコスが私の話を茶化して、私がパウサニアスとアガトンのことを言っているのだと受け取らないでほしい――おそらく彼らもまさにそういう者たちであって、二人とも本性上男なのだろうが――。とにかく私は、男であれ女であれ、すべての人について言っているのだ。もし私たちがエロースを成就させ、それぞれが自分の愛する相手を得て、昔の本性へと戻るなら、そのようにして私たちの種族は幸福になるだろう、と。そして、もしそれが最善なら、今ある事情のなかでは、それに最も近いものが最善であるのが必然だ。それはすなわち、自分の心にかなった本性の愛する相手を得ることだ。そのことの原因である神を讃えるなら、私たちはエロースを讃えるのが正当だろう。彼は、今この時には、私たちを自分に属するものへと導いて最大の益を与え、将来については、私たちが神々に対して敬虔を示すなら、私たちを昔の本性へと戻し、癒して、幸いで幸福な者にしてくれるという、最大の希望を与えてくれるのだから。これが」と彼は言った、「エリュクシマコス、エロースについての私の話だ。君のとは違う話だ。だから、私が君に頼んだように、茶化さないでくれたまえ。残りの人たちがそれぞれ何を言うかも聞けるように。いや、むしろ二人のそれぞれが、だね。アガトンとソクラテスが残っているのだから」。「では、君に従おう」とエリュクシマコスは言ったと、彼は言った。「実際、君の話は私にも快く語られたしね。そして、もしソクラテスとアガトンが恋の事柄に長けていることを私がよく知っていなかったなら、多くのさまざまなことがすでに語られてしまったので、彼らが言葉に窮しはしないかと、大いに恐れたことだろう。だが実際は、それでも安心しているのだ」。